ఇలా వచ్చారు.. అలా వెళ్లారు

● ఆదిలాబాద్‌లో సీఎం పర్యటన ● పెన్‌గంగ నీటిని మెయిన్‌ కెనాల్‌లోకి విడుదల ● రూ.1,891 కోట్ల అంచనా వ్యయంతో కొరాట–చనాక బ్యారేజ్‌ నిర్మాణం కోసం పరిపాలన అనుమతులు మంజూరు చేయడం జరి గిందన్నారు. 5.12 టీఎంసీల నీటిని వినియోగించుకునే విధంగా ప్రాజెక్టు రూపకల్పన చేయబడినట్లు చెప్పారు. దీని ద్వారా ఆదిలా బాద్‌ రూరల్‌, భీంపూర్‌, జైనథ్‌, బేల మండలాల్లోని 89 గ్రామాల్లో 51వేల ఎకరాలకు సాగునీరు, ఈ ప్రాంతాల ప్రజలకు తాగునీరు అందించే విధంగా ప్రణాళిక రూపొందించినట్లు తెలిపారు. ● ఆయకట్టుకు నీటిని అందించేందుకు డీ–14 నుంచి డీ–19 వరకు ఉప కాలువల నిర్మాణ పనులు చేపడతామని, ప్రాజెక్టులో భాగంగా నీటిని నిల్వ చేసేందుకు పిప్పల్‌కోటి బ్యాలెన్సింగ్‌ జలాశయం నిర్మాణం చేపట్టడం జరుగుతుందని వివరించారు. కొరాట–చనాక బ్యారేజ్‌కు అనుబంధంగా ప్రధాన కాలువ, మోటార్లతో పంప్‌హౌస్‌ పనులు కొనసాగుతున్నాయని పేర్కొన్నారు. తాంసి, భీంపూర్‌ మండలాల్లోని 15 గ్రామాల్లో 13,500 ఎకరాల నూతన ఆయకట్టును వృద్ధిలోకి తీసుకువచ్చేందుకు రూ.368 కోట్లతో పరిపాలన అనుమతులు మంజూరు చేసినట్లు సీఎం వివరించారు. ● అభివృద్ధి పనుల కోసం 3,313 ఎకరాల భూసేకరణ అవసరం ఉండగా, ఇప్పటివరకు 1,545 ఎకరాల భూమి సేకరించినట్లు తెలి పారు. రూ.117 కోట్లు వెచ్చించినట్లు పేర్కొన్నారు. ప్రధాన కాలువ నిర్మాణంలో భాగంగా 138 కట్టడాలు చేపట్టినట్లు, సాత్నాల వద్ద నదిపై 1.675 కిలో మీటర్ల మేర నిర్మించిన ప్రీకాస్ట్‌ పోస్టుటెన్షన్డ్‌ వయాడక్ట్‌ కోసం రూ.259.81 కోట్లు మంజూరు చేసినట్లు తెలిపారు. ఉప కాలువల నిర్మాణం చేపట్టి ఆయకట్టు విస్తీర్ణం పెంపొందించడంతో రైతులకు మేలు జరుగుతుందని వివరించారు.