బాలికపై అత్యాచారం చేసిన నిందితుడి అరెస్టు

బాలికపై అత్యాచారం చేసిన నిందితుడి అరెస్టు

ఐ.పోలవరం: బాలికకు చాక్లెట్‌ ఇచ్చి అత్యాచారానికి పాల్పడిన బాణాపురానికి చెందిన రాయపరెడ్డి సత్య వెంకట కృష్ణ (బాబీ)ని శనివారం పోలీసులు అరెస్టు చేశారు. ఈ మేరకు అమలాపురం డీఎస్పీ టీఎస్‌ఆర్‌కే ప్రసాద్‌ పాత ఇంజరం పోలీస్‌ స్టేషన్‌లో విలేకరులతో మాట్లాడారు. తినుబండారాలు ఇచ్చి బాలికను అత్యాచారం చేసినట్లు నిందితుడు ప్రాథమిక విచారణలో అంగీకరించాడన్నారు. బాలిక ఇంటికి అక్టోబర్‌ 25న వెళ్లి చాక్లెట్లు ఇవ్వటం ఇస్తుండగా తల్లి గమనించిందని, దీనిపై బాలికను నిలదీయగా నిందితుడి ఘాతుకాన్ని బాలిక తన తల్లికి చెప్పిందన్నారు. దీనిపై ఆమె తన కుటుంబ సభ్యులతో చర్చించి జిల్లా ఎస్పీకి ఫిర్యాదు చేసిందని, ఆ మేరకు ఐ.పోలవరం పోలీసులు కేసు నమోదు చేసినట్టు డీఎస్పీ తెలిపారు.

గతంలోనూ పలు కేసులు

రాయపురెడ్డి బాబీపై గతంలో పలు కేసులు ఉన్నాయని డీఎస్పీ అన్నారు. 2001, 2002 సంవత్సరాలలో ఐ.పోలవరం పోలీస్‌ స్టేషన్‌లో రెండు మోటారు సైకిల్‌ దొంగతనం కేసులు, రాజానగరం పోలీస్‌ స్టేషన్‌లో 2005లో ఒక దొంగనోట్ల మార్పిడి కేసు ఉన్నాయని తెలిపారు.