TV
టైమ్‌ ఎంతయ్యిందో తెలియడానికి చేతికి గడియారం ధరిస్తాం. బెల్ట్, బ్రేస్‌లెట్, బ్యాంగిల్‌ రకరకాల రూపాల్లో గడియారాలు ఎంపిక చేసుకుని మురిసిపోతాం. కానీ, టైమ్‌తో నిమిత్తం లేకుండా టైమ్‌ సింబల్‌ ఉన్న ఆభరణాన్ని మెడలోనూ ధరిస్తే స్టయిలిష్‌ లుక్‌తో ఆకట్టుకోవడం ఖాయం అంటోంది ఈ ఫ్యాషన్‌ జ్యువెలరీ.
పెయింటింగ్‌ జ్యువెలరీ చూశాం. ఫ్యాబ్రిక్‌ జ్యువెలరీ కనుక్కున్నాం. టెర్రకోట జ్యువెలరీ కొనుక్కున్నాం. థ్రెడ్‌ జ్యువెలరీ రంగులను హత్తుకున్నాం. న్యూ ఇయర్‌లోకి అడుగుపెడుతున్న శుభవేళ యాంటిక్‌ లుక్‌తో ఆకట్టుకునే టైమ్‌ జ్యువెలరీ అతివల అలంకరణలో బ్రైట్‌గా వెలగడానికి సిద్ధమయ్యింది. ఈ ఫ్యాషన్‌ జ్యువెలరీలో డిజైనర్ల సృజన చూస్తుంటే ఇక ‘టైమ్‌కి టైమొచ్చింది’ అని అనకుండా ఉండలేరు. (డ్రెస్‌ ఏదైనా వాటి మీదకు లాంగ్‌ ష్రగ్‌ ఒకటి ధరిస్తే చాలు!)
