బట్టలను తిరగేసి ఇస్త్రీ చేస్తే ఏమవుతుంది?

ఇస్త్రీ పని కష్టంగా అనిపిస్తోందా? కొన్ని సులభమైన చిట్కాలు పాటిస్తే తక్కువ సమయంలోనే బట్టలను చక్కగా మడతలు లేకుండా చేసేయొచ్చు.

• బట్టలను తిరగేసి లోపలి భాగం వైపు ఇస్త్రీ చేయడం వల్ల సులభంగా పనిపూర్తవుతుంది.

• అంతేకాకుండా రంగులు వెలిసిపోకుండా ఉంటాయి. నల్లటి బట్టలపై పడే ఐరన్‌ మెరుపు ముద్రలను కూడా నివారించవచ్చు.

• బట్టల మీద చాలామంది డైరెక్టుగా నీటిని చల్లుతుంటారు. అలాకాకుండా, ఒక పలుచని తడి క్లాత్‌ని బట్టలపై పరిచి ఐరన్‌ చేస్తే బట్టలు సాగకుండా ఉంటాయి.

• షర్టులను ఇస్త్రీ చేసేపుడు బటన్లన్నీ పెట్టేయకుండా కేవలం పై బటన్‌ మాత్రమే పెట్టి, కాలర్‌ నుంచి కిందికి ఐరన్‌ చేయడం వల్ల కాలర్‌లు పాడవకుండా ఉంటాయి, టైమ్‌ సేవింగ్‌ కూడా.

• సిల్క్‌ లేదా కాటన్‌ బట్టలపై కాస్త నీటిని స్ప్రే చేసి, ΄్లాస్టిక్‌ కవర్‌లో పెట్టి రాత్రంతా ఫ్రీజర్‌లో ఉంచాలి. ఉదయాన్నే బయటకు తీసి 20 నిమిషాల తర్వాత ఐరన్‌ చేస్తే ముడతలు పోతాయి.

• ఇస్త్రీ చేయడానికి వాడే నీటిలో లేదా వెట్‌ క్లాత్‌ నానబెట్టిన నీటిలో కొన్ని చుక్కల పర్ఫ్యూమ్‌ ఆయిల్‌ కలిపితే, ఇస్త్రీ చేసిన బట్టల నుంచి రోజంతా మంచి సువాసన వస్తుంది.

ఇవి కూడా చదవండి: థ్రిల్‌ కన్నా ప్రాణాలే ముఖ్యం.. టూరిస్టులకు కీలక సూచనలు!