టీవీ రిపోర్టర్‌నంటూ మహిళపై లైంగికదాడి.. ఆ దృశ్యాలను రికార్డింగ్‌ చేసి..

పెందుర్తి(విశాఖపట్నం): తనపై లైంగిక దాడికి పాల్పడడంతోపాటు బీరువాలో ఉన్న నగదు, నగలు పట్టుకుని ఓ వ్యక్తి పరారైనట్లు ఓ మహిళ పెందుర్తి పోలీస్‌ స్టేషన్‌లో ఫిర్యాదు చేసింది. బాధితురాలి ఫిర్యాదు మేరకు వివరాలివి.. భాస్కర్ల లక్ష్మి సుజాతనగర్‌ సీ- 2 జోన్‌లో నివసిస్తోంది. బుధవారం రాత్రి 7 గంటల సమయంలో ఓ టీవీ చానల్‌ రిపోర్టర్‌ కుమార్‌ని అని చెప్పుకుంటూ ఓ వ్యక్తి ఆమె ఇంటికి వచ్చాడు.
చదవండి: ప్రియురాలి పెళ్లి చెడగొట్టాలని..

లక్ష్మి గతంలో చేసిన వ్యభిచార వృత్తి, ఇతరత్రా వ్యవహారాలపై బ్లాక్‌మెయిల్‌ చేశాడు. డబ్బులు డిమాండ్‌ చేశాడు. అనంతరం లైంగిక దాడికి పాల్పడ్డాడు. ఆ దృశ్యాలను రికార్డింగ్‌ చేసి టీవీ చానళ్లకు ఇస్తానని బెదిరించాడు. అంతేకాకుండా డబ్బులు ఇవ్వకపోతే చంపేస్తానని బెదిరించాడు. అనంతరం ఆమెపై దాడికి పాల్పడి బీరువా అల్మరాలో ఉన్న రెండు బంగారు ఉంగరాలు, రూ.5 వేల నగదు అపహరించుకుపోయాడని బాధితురాలు ఫిర్యాదులో పేర్కొంది.