కనకమహాలక్ష్మికి అష్టదళ పద్మారాధన

డాబాగార్డెన్స్‌ (విశాఖ): బురుజుపేటలో కొలువైన కనకమహాలక్ష్మి దేవస్థానంలో మంగళవారం 108 స్వర్ణ పుష్పాలతో అష్టదళ పద్మారాధన నిర్వహించారు. ఉదయం 8 నుంచి 9 గంటల వరకు నిర్వహించిన ఈ పూజలో పలువురు ఉభయదాతలు పాల్గొని తరించారు. ఈ కార్యక్రమంలో ఆలయ ఈవో కె.శోభారాణి, వేద పండితులు, ఆలయ సిబ్బంది పాల్గొన్నారు.

ప్లాస్టిక్‌ నిషేధం

పర్యావరణ పరిరక్షణ, విశ్వశాంతిని కాంక్షిస్తూ కనకమహాలక్ష్మి అమ్మవారి ఆలయంలో ప్లాస్టిక్‌ వినియోగాన్ని పూర్తిగా నిషేధించినట్టు ఆలయ ఈవో ఓ ప్రకటనలో పేర్కొన్నారు. అమ్మవారి అభిషేకానికి తీసుకొచ్చే పాలు, పూజా సామగ్రి విషయంలో ప్లాస్టిక్‌ కవర్లకు బదులుగా గుడ్డ సంచులు, స్టీల్‌ పాత్రలు, గ్లాస్‌ బాటిల్స్‌, మేదరి బుట్టలు వంటి ప్రత్యామ్నాయాలను వినియోగించి దేవస్థానానికి సహకరించాలని ఆమె భక్తులను కోరారు.