వొడాఫోన్ ఇండియా తన కస్టమర్లకు మరో బంపర్ ఆఫర్ ప్రకటించింది. 4జీలోకి అప్గ్రేడ్ అయితే 4జీబీ డేటాను ఉచితంగా అందించనున్నట్టు పేర్కొంది. ముంబాయిలోని కస్టమర్లందరికీ 4జీ హ్యాండ్ సెట్లపై 4జీబీ 4జీ ఉచిత డేటా అందుబాటులో ఉంచుతున్నట్టు తెలిపింది. ముంబాయి వ్యాప్తంగా అప్ గ్రేడ్ అయ్యే వొడాఫోన్ కస్టమర్లందరికీ ఈ వన్-టైమ్ ఆఫర్ ను అందిస్తామని చెప్పింది. రిలయన్స్ జియో ప్లాన్స్ కు కౌంటర్ గా, కస్టమర్లను కాపాడుకోవడానికి వొడాఫోన్ ఈ ఆఫర్ ను తీసుకొచ్చినట్టు తెలిసింది. 
  
 కొత్త 4జీ సిమ్ కార్డులను కూడా వొడాఫోన్ స్టోర్లు, మినీ స్టోర్లు  అంతేకాక మల్టి బ్రాండు అవులెట్లను కూడా కంపెనీ అందుబాటులో ఉంచింది. 4జీ హ్యాండ్ సెట్లు ఉన్న వారు మాత్రమే ఈ డేటాను వాడుకోవచ్చు. ఇప్పటికే ఉన్న వొడాఫోన్ కస్టమర్లు తమ సిమ్ లను 4జీ నెట్ వర్క్ లోకి అప్ గ్రేడ్ చేసుకోవాల్సి ఉంటుంది. ఈ వన్-టైమ్ ఆఫర్ ప్రీపెయిడ్ కస్టమర్లకు 10 రోజుల వరకు అందుబాటులో ఉంటుంది. అదే పోస్టు పెయిడ్ కస్టమర్లకైతే, అదే 4జీబీ డేటా వచ్చే బిల్లింగ్ డేట్ వరకు వర్తించనుంది. అయితే 4జీలోకి అప్ గ్రేడ్ అవడం కోసం తొలుత వినియోగదారులు వొడాఫోన్ స్టోర్ల ద్వారా 4జీ సిమ్ కార్డును కొనుక్కోవాల్సి ఉంటుంది.
  


 వొడాఫోన్ 4జీ నూతన ఆఫర్
 న్యూఢిల్లీ: రిలయన్స్ జియో ఉచిత ఆఫర్లకు పోటీగా వొడాఫోన్ ఇండియా సైతం ఓ నూతన ఆఫర్‌ను ప్రకటించింది. 1జీబీ డేటాకే 10 జీబీ డేటా పొందవచ్చు. నూతన స్మార్ట్‌ఫోన్‌ను కలిగి ఉన్న వొడాఫోన్ కస్టమర్లు 4జీ డేటాను 1జీబీ రీచార్జ్ చేసుకుంటే అదనంగా 9జీబీ లభిస్తుందని వొడాఫోన్ ఇండియా తెలిపింది. అలాగే, వొడాఫోన్ ప్లేలో టీవీ, మూవీస్, మ్యూజిక్ ఉచిత సబ్‌స్క్రిప్షన్ కూడా లభిస్తుందని పేర్కొంది. ఈ ఏడాది డిసెంబర్ 31 వరకు ఈ ఆఫర్ అమల్లో ఉంటుంది. అయితే, ఈ ఆఫర్ అందుకోవాలంటే... ఓ చిన్న షరతు కూడా ఉంది. నూతన 4జీ స్మార్ట్‌ఫోన్ కలిగి ఉండాలి.
 పైగా గత ఆరు నెలల్లో దానిని వొడాఫోన్ నెట్‌వర్క్ కింద వాడి ఉండరాదు. 4జీ హ్యాండ్‌సెట్ యూజర్లు వొడాఫోన్ సూపర్ నెట్ అనుభవాన్ని చవి చూసేందుకు ఈ ఆఫర్ ప్రోత్సాహకరంగా ఉం టుందని వొడాఫోన్ ఇండియా డెరైక్టర్ సందీప్ కటారియా ఓ ప్రకటనలో పేర్కొన్నారు. వొడాఫోన్ తాను సొంతంగా 3జీ/4జీ సేవలు అందిస్తున్న సర్కిళ్లలో ఈ ఆఫర్ అందుబాటులో ఉండనుంది. ఈ ఏడాది డిసెంబర్ 31 వరకు మూడు నెలల పాటు 4జీ డేటా, కాల్స్‌ను అపరిమితంగా వాడుకునేందుకు రిలయన్స్ జియో అవకాశం కల్పిస్తున్న విషయం తెలిసిందే.