ఆవుకు కంచర గాడిదలా చారలు వేసి ‘దీనివల్ల ఉపయోగం ఏమిటో తెలుసా’ అని చెప్పిన వారికి, పాదరక్షలు దుర్వాసన వేయకుండా ‘యూవీ–షూ ర్యాక్స్‌’ డిజైన్‌ చేసిన వారికి, పిజ్జాలను ఇష్టంగా తినే బల్లుల గురించి చెప్పిన పరిశోధకులకు నోబెల్‌ బహుమతులు వరించాయి. అయితే ఇవి ఉత్తుత్తి నోబెల్‌ బహుమతులు. చమత్కార, విచిత్ర ఆవిష్కరణలకు ఇచ్చే ఐజీ నోబెల్‌ బహుమతులు.దుర్వాసన వల్ల ఇబ్బంది ఏమిటో అందరికీ తెలుసు. ఆ దుర్వాసనే ఇద్దరు భారతీయులకు ఐజీ నోబెల్‌ బహుమతి తీసుకువచ్చింది. కాలేజీ క్యాంపస్‌లో క్లాసురూమ్‌ బయట షూస్‌ కుప్పలు తెప్పలుగా పడి ఉండేవి. వాటి నుంచి దుర్వాసన వచ్చేది. దీనికి పరిష్కార మార్గం కనిపెట్టాలని అనుకున్నాడు సర్తక్‌ మిట్టల్‌. తన ్ర పొఫెసర్‌ వికాస్‌ కుమార్‌ (శివ్‌ నాడర్‌ యూనివర్శిటీ)తో కలిసి పరిశోధనలు మొదలు పెట్టాడు. ఎట్టకేలకు తమకు ఉన్న మైక్రోబయోలజీ, ఇంజనీరింగ్‌ జ్ఞానాన్ని ఉపయోగించి యూవీ ల్యాంప్స్‌తో ఫుట్‌వేర్‌ను శానిటైజ్‌ చేసే ర్యాక్‌ను తయారు చేశారు. వారి కృషికి గుర్తింపుగా వినూత్నమైన శాస్త్రీయ ఆవిష్కరణలకు ఇచ్చే ఐజీ నోబెల్‌ ప్రైజ్‌ వచ్చింది.‘పులి చారలు వేసుకున్నంత మాత్రాన నక్క పులి కాదు’ లాంటిదే ‘నల్లటి చారలు వేసుకున్నంత మాత్రాన ఆవు జడలబర్రె కాదు’ అనేది సామెత. అయితే మాత్రం ఏమిటి? ఆ తెలుపు, నలుపు చారలే జ పాన్‌ పరిశోధ«క బృందానికి ఐజీ నోబెల్‌ బహుమతిని తీసుకువచ్చాయి. బహుమతి సరే, ఇంతకీ ఆ చారల వల్ల ఉపయోగం ఏమిటి? అనే విషయానికి వస్తే...సదరు నలుపు, తెలుపు చారల వల్ల ఆవులకు దోమలు కుట్టవని పరిశోధనాత్మకంగా కనిపెట్టారు ఆవిష్కర్తలు. ఈ చారలు దోమలమందుకు ప్రత్యామ్నాయంగా చెప్పుకోవచ్చు. ‘ఆవులకు రంగు వేయడం వల్ల దోమలు, పురుగు మందుల వాడకాన్ని తగ్గించవచ్చు’ అంటున్నారు పరిశోధకులలో ఒకరైన టోమోకి కోజిమా.ఆఫ్రికాలోని టోగో దేశంలో రెయిన్‌బో లిజార్డ్స్‌ పన్నీర్‌ పిజ్జాలను తినడానికి ఇష్టపడుతున్నాయని కనిపెట్టిన రోగెర్‌ మీక్‌కు, మద్య పానం చేయడం ఒక వ్యక్తి విదేశీ భాష మాట్లాడడాన్ని మెరుగుపరుస్తుందని తెలియజేసిన మ్యాట్‌ ఫీల్డ్‌ బృందానికి, తన వేలి గోరు పెరుగుదలను 35 సంవత్సరాల పాటు రికార్డ్‌ చేసి, విశ్లేషించిన విలియం బీన్‌కు.తాత్కాలిక నార్సిజానికి (తనను తాను గొప్పగా, ప్రత్యేకంగా భావించుకునే), హై ఐక్యూకు స్కోర్‌కు సంబంధం ఉంటుందని చెబుతున్న మార్కిన్, జిల్స్‌ గిగ్నాక్‌కు, తల్లి వెల్లుల్లి తింటే ఆ తల్లి పాలు తాగే శిశువు పొందే అనుభూతి గురించి పరిశోధించిన జూలీ మెనాల్లా, గ్యారీ బియోచాంప్‌లకు, టెఫ్లాన్‌ అనే ప్లాస్టిక్‌ను తినడంపై చేసిన విశ్లేషణకు రోటెమ్, డేనియల్‌లకు ఐజీ నోబెల్‌ బహుమతులు ఇచ్చారు.అలా మొదలైంది...ఐజీ నోబెల్‌ ప్రైజ్‌ను మొదట్లో తేలిగ్గా తీసుకునేవారు. నవ్వుకునేవారు. ఆ తరువాత మాత్రం ఐజీ నోబెల్‌కు ప్రాధాన్యత పెరిగింది. సైన్స్‌ హ్యూమర్‌ పత్రిక ‘అనల్స్‌ ఆఫ్‌ ఇం్ర పొబబుల్‌’ 1991లో తొలిసారిగా ఐజీ నోబెల్‌ బహుమతులు ఇచ్చే సంప్రదాయాన్ని ప్రారంభించింది. జీవశాస్త్రం, రసాయనశాస్త్రం, ఇంజనీరింగ్‌ డిజైన్, భౌతికశాస్త్రం... మొదలైన విభాగాలలో ఈ బహుమతులు ఇస్తారు. బోస్టన్‌(యూఎస్‌)లో విజేతలకు బహుమతులు ఇస్తారు. నిజమైన నోబెల్‌ గ్రహీతలు విజేతలకు బహుమతులు ఇస్తారు. ఈ సంవత్సరం ఐజీ నోబెల్‌ థీమ్‌: జీర్ణక్రియ. గెస్ట్‌ స్పీకర్‌లలో ఒకరైన త్రిషా ప్రస్రిచా టాయిలెట్‌లలో స్మార్ట్‌ఫోన్‌లను ఉపయోగించడం వల్ల కలిగే నష్టాల గురించి పరిశోధించారు. ఐజీ నోబెల్‌ అవార్డ్‌లలో మన దేశానికి స్ట్రాంగ్‌ రికార్డ్‌ ఉంది.


 పెద్ద నోట్ల రద్దు ఎఫెక్ట్ ఎంతలా ఉందంటే... దొంగలు కూడా ఆ నోట్ల దొంగతనానికి వెనక్కి తగ్గుతున్నారు.  గ్రేటర్ నోయిడాలో ఓ ఆశ్చర్యకరమైన సంఘటన చోటుచేసుకుంది. దొంగతనం చేసిన దొంగలు అసలు పట్టుబడకుండా తప్పించుకుని పారిపోతారు. కానీ గ్రేటర్ నోయిడాలో దొంగలు మాత్రం, కొట్టేసిన పర్సును వెనక్కి తీసుకొచ్చి ఇచ్చేశారు. దీనికి ప్రధాన కారణమేమిటో తెలుసా? ఆ పర్సులో అన్నీ ఐదు వందల రూపాయల నోట్లు ఉండటమే. వికాస్ కుమార్...గ్రేటర్ నోయిడా కన్స్ట్రక్షన్ సైట్లో కూలీగా పనిచేస్తున్నాడు. పని అయిపోయిన తర్వాత రాత్రి 11 గంటల సమయంలో ఇంటికి నడుచుకుంటూ వెళ్తున్నాడు. కరెక్ట్గా బస్ స్టాండు సమీపంలోకి రాగానే, ఓ ఇద్దరు దొంగలు అతని పర్సును కొట్టేసి, పరిగెత్తుకుని పారిపోయారు.
  
 అయితే అతని పర్సులో ఉన్న మూడు నోట్లు ఐదువందల రూపాయలవే ఉన్నాయి. పర్సును అపహరించుకుపోయిన దొంగలను పట్టుకోవడానికి ఎవరైనా సహాయం చేస్తారేమోనని వికాస్ వెతుకుతుండగానే.. ఆశ్చర్యంగా ఆ దొంగలే అతని ముందు ప్రత్యక్షమయ్యారు. వారిని చూసి వికాస్ ఒక్కసారిగా షాకయ్యాడు. పర్సులో అన్నీ ఐదువందల నోట్లే ఉన్నాయి... రూ.100 నోట్లు ఎందుకు పెట్టుకోలేదంటూ ఆ దొంగలు వికాస్పై దాడికి పాల్పడి పర్సును వెనక్కి ఇచ్చేశారు. అయితే ఈ సంఘటనపై ఇప్పటి వరకు తమవద్ద ఎలాంటి ఫిర్యాదు నమోదుకాలేదని, ఒకవేళ బాధితుడు తమల్ని ఆశ్రయిస్తే, దీనిపై విచారణ చేపడతామని కస్నా పోలీసు స్టేషన్ ఎస్హెచ్ఓ సుధీర్ కుమార్ త్యాగి తెలిపారు. కాగ, బ్లాక్మనీపై ఉక్కుపాదంగా, నకిలీ కరెన్సీని నిర్మూలించడానికి ప్రధానమంత్రి నరేంద్రమోదీ 500, 1000 రూపాయల నోట్లను రద్దు చేస్తున్నట్టు ప్రకటించారు. పటిష్టమైన భద్రతా ఫీచర్లతో 500, 2000 కొత్త నోట్లను నేటి నుంచి జారీచేయడం ప్రారంభించారు. 


 ఆగ్రా: ఓ విద్యార్థి బుద్ధిగా చదువుకోకుండా వక్రమార్గం పట్టాడు. ఏకంగా 160 నకిలీ పాస్పోర్టులతో పోలీసులకు దొరికిపోయాడు. వివరాలిలా ఉన్నాయి.
 
 బిహార్ గోపాల్గంజ్కు చెందిన వికాస్ కుమార్ అనే కుర్రాడు ఆగ్రాలోని ఓ ప్రైవేట్ కాలేజీలో బీబీఏ ప్రథమ సంవత్సరంలో చేరాడు. మొదట అతనికి కాలేజీ హాస్టల్లో ఓ గది కేటాయించారు. అయితే వికాస్ ప్రవర్తన అనుమానాస్పదంగా ఉండటంతో కాలేజీ హాస్టల్ నుంచి అతణ్ని బయటకు పంపించారు. వికాస్ బయట ఓ అద్దె గది తీసుకున్నాడు. అక్కడా వికాస్ అదేతీరుగా వ్యవహరించడం, ఎవరితోనూ మాట్లాడకుండా ఒంటిరిగా గదిలో ఉండటం, రోజు మార్చి రోజు గదికి తాళం వేసి వెళ్లిపోవడం వంటి చర్యలను ఆ ఇంటి యజమానులు గమనించి పోలీసులకు ఫిర్యాదు చేశారు. పోలీసులు ఆ గదిలో సోదాలు జరపగా భారత్,  అరబ్ దేశాలకు చెందిన 160కిపైగా నకిలీ పాస్ పోర్టులు లభ్యమయ్యాయి. వీటితో పాటు ఉద్యోగ పత్రాలు, వీసా అప్లికేషన్లు, ఓ ల్యాప్టాప్, మొబైల్ ఫోన్లు, సిమ్ కార్డులను పోలీసులు స్వాధీనం చేసుకున్నారు. వికాస్ నకిలీ జాబ్ రాకెట్ను నడుపుతున్నట్టుగా భావిస్తున్నట్టు పోలీసులు చెప్పారు.
 
 'వికాస్ గతంలో ఢిల్లీలోని ట్రావెల్ ఏజెన్సీలో పనిచేశాడు. అతను నకిలీ జాబ్ రాకెట్ నడుపుతున్నాడని భావిస్తున్నాం. అరబ్ దేశాల్లో ఉద్యోగాలు ఇప్పిస్తానని, కొందమందికి నకిలీ పాస్ట్పోర్టులు, వీసాలు, ఇతర పత్రాలు సమకూర్చి వారి నుంచి, కంపెనీల నుంచి డబ్బులు వసూలు చేస్తున్నాడు' అని మధుర సీనియర్ ఎస్పీ రాకేష్ సింగ్ చెప్పారు. పోలీసులు వికాస్ను అరెస్ట్ చేసి, ఈ కేసును విచారిస్తున్నారు.