భారత క్రికెట్‌లో విస్మయకర ఘటన చోటు చేసుకుంది. తాము జట్టుకు ఎంపిక కాకుండా అడ్డుకున్నాడనే అనుమానంతో యువ క్రికెటర్లు దారుణానికి ఒడిగట్టినట్లు తెలుస్తోంది. కోచ్‌ను చితకబాది.. అతడిని తీవ్రంగా గాయపరిచినట్లు వార్తలు వస్తున్నాయి.ఎన్‌డీటీవీ కథనం ప్రకారం.. పుదుచ్చేరి అండర్‌-19 క్రికెట్‌ కోచ్‌ వెంకటరామన్‌ (Venkataraman)కు తీవ్ర గాయాలయ్యాయి. పుదుచ్చేరి క్రికెట్‌ అసోసియేషన్‌ (CAP) పరిసరాల్లోనే ముగ్గురు స్థానిక క్రికెటర్లు అతడిపై దాడికి పాల్పడ్డారు. దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ (SMAT 2025)కి తమను ఎంపిక చేయకుండా.. సెలక్టర్లను ప్రభావితం చేశాడనే అనుమానంతో ఈ దారుణానికి పాల్పడ్డారు.హత్యాయత్నం కింద నిందితులపై కేసుఈ ఘటనపై ఫిర్యాదు అందుకున్న పోలీసులు.. హత్యాయత్నం కింద నిందితులపై కేసు నమోదు చేసి.. విచారణ చేపట్టారు. పోలీసులు అందించిన వివరాల ప్రకారం.. సోమవారం మధ్యాహ్నం ప్రాక్టీస్‌ సెషన్‌లో భాగంగా నెట్స్‌లో ఆటగాళ్లకు సూచనలు ఇస్తున్న వేళ.. అకస్మాత్తుగా ముగ్గురు వ్యక్తులు అతడిపై దాడికి దిగారు.విరిగిన భుజం, ఇరవై కుట్లుక్రికెట్‌ బ్యాట్‌తో కొట్టి వెంకటరామన్‌ను గాయపరిచారు. ఈ ఘటనలో అతడి భుజానికి (విరిగినట్లు అనుమానం), పక్కటెముకలకు తీవ్రంగా గాయాలయ్యాయి. తలపై బలంగా కూడా కొట్టడంతో నుదుటిపై దాదాపు 20 కుట్లు పడ్డాయి. ఈ ఘటన గురించి పోలీస్‌ అధికారి ఒకరు మాట్లాడుతూ.. నిందితులను కార్తికేయన్‌, అర్వింద్‌రాజ్‌, సంతోష్‌ కుమారన్‌గా గుర్తించినట్లు తెలిపారు.అత్యంత హింసాత్మకంగాప్రస్తుతం అసోసియేషన్‌లోని సీసీటీవీ కెమెరాలు పనిచేయడం లేదని.. అయినప్పటికీ అక్కడ ఉన్నవారి సాయంతో నిందితులను గుర్తించామని తెలిపారు. ఈ ఘటనలో వెంకటరామన్‌ తీవ్రంగా గాయపడ్డారని.. అత్యంత హింసాత్మకంగా అతడిపై దాడి చేశారని వెల్లడించారు. ప్రస్తుతం ఆయన ఆస్పత్రిలో చికిత్స తీసుకుంటున్నారని సదరు అధికారి పేర్కొన్నారు. నిందితులు పరారీలో ఉన్నారని.. త్వరలోనే వారిని పట్టుకుంటామని తెలిపారు.కాగా ఈ ఘటనపై క్రికెట్‌ వర్గాల్లో ఆందోళన రేకెత్తింది. క్రమశిక్షణారాహిత్యానికి పాల్పడటమే కాకుండా.. కోచ్‌పై దాడి చేయడాన్ని పుదుచ్చేరి అసోసియేషన్‌ అధికారులు ఖండించారు. విచారణలో పోలీసులకు పూర్తిగా సహకరిస్తామని తెలిపారు. ఏదేమైనా ఈ అనూహ్య పరిణామంతో సెలక్షన్‌ కమిటీలో కీలకంగా వ్యవహరించే ‘పెద్దలు’ ఒక్కసారిగా ఉలిక్కిపడ్డారు. రాష్ట్రస్థాయి కోచ్‌లకు కూడా సరైన భద్రతా ఏర్పాట్లు చేయాల్సిన అవసరం ఉందని అభిప్రాయపడ్డారు.స్కామ్‌ చేశారా?అయితే, సెలక్షన్‌ విషయంలో పుదుచ్చేరి క్రికెట్‌ అసోసియేషన్‌ అవకతవలకు పాల్పడిందనే ఆరోపణలూ ఉన్నాయి. స్థానిక క్రికెటర్లను కాదని.. బయటి నుంచి వచ్చిన వారికి నకిలీ విద్యా సర్టిఫికెట్లు, ఆధార్‌ కార్డులు జారీ చేయించేసి.. వాటి ద్వారా లోకల్‌ కోటాలో ఇతరులను ఎంపిక చేసినట్లు ఇండియన్‌ ఎక్స్‌ప్రెస్‌ కథనం పేర్కొంది. ఈ కారణంగా రంజీ ట్రోఫీ 2021 సీజన్‌ నుంచి ఐదుగురు అర్హులైన క్రికెటర్లకు అన్యాయం జరిగిందని తన నివేదికలో వెల్లడించింది.చదవండి: Suryakumar Yadav: అతడొక అద్భుతం.. ఆ ముగ్గురూ సూపర్‌.. నమ్మశక్యంగా లేదు

భారత క్రికెట్‌ నియంత్రణ మండలి (బీసీసీఐ) ఆధ్వర్యంలో జరిగే అండర్‌–19 మహిళల ముక్కోణపు టీ20 సిరీస్‌లో పాల్గొనే భారత ‘ఎ’... ‘బి’ జట్లను ప్రకటించారు. హైదరాబాద్‌కు చెందిన గొంగడి త్రిష భారత ‘ఎ’ జట్టుకు వైస్‌ కెప్టెన్‌గా ఎంపికైంది.అదే విధంగా... హైదరాబాద్‌కే చెందిన గుగులోత్‌ కావ్యశ్రీకి భారత ‘ఎ’ జట్టులో... కేసరి ధృతికి భారత ‘బి’ జట్టులో చోటు లభించింది. ఆంధ్ర బౌలర్‌ షబ్నమ్‌ భారత ‘ఎ’ జట్టులో ఎంపికైంది. పుణె వేదికగాదక్షిణాఫ్రికాతోపాటు భారత ‘ఎ’, ‘బి’ జట్లు ఈ టోర్నీలో పాల్గొంటున్నాయి. పుణేలోని మహారాష్ట్ర క్రికెట్‌ అసోసియేషన్‌ స్టేడియంలోమ్యాచ్‌లు జరుగనున్నాయి.ఇక ఈ టోర్నీ డిసెంబర్‌ 3 నుంచి 12వ తేదీ వరకు జరుగుతుంది. కాగా 18 ఏళ్ల త్రిష గత ఏడాది జరిగిన అండర్‌–19 ప్రపంచ టీ20 టోర్నీలో విజేతగా నిలిచిన భారత జట్టులో సభ్యురాలిగా ఉంది. భారత ‘ఎ’ జట్టు: సనిక చాల్కె (కెప్టెన్‌), గొంగడి త్రిష (వైస్‌ కెప్టెన్‌), గుగులోత్‌ కావ్యశ్రీ, భవిక అహిరె, జోషిత, హర్లీ గాలా, సస్తీ మండల్, సిద్ధి శర్మ, సోనమ్‌ యాదవ్, గాయత్రి సుర్వసె, చాందిని శర్మ, హ్యాపీ కుమారి, షబ్నమ్, బిదిషా డే, ప్రాప్తి రావల్‌. భారత ‘బి’ జట్టు: నికీ ప్రసాద్‌ (కెప్టెన్‌), కమలిని (వైస్‌ కెప్టెన్‌), మహంతి శ్రీ, ఇషావరి అవసారె, మిథిలా వినోద్, ఆయుశి శుక్లా, కేసరి ధృతి, పరుణిక సిసోడియా, వైష్ణవి శర్మ, పార్శవి చోప్రా, నందన, అనాది తాగ్డె, అనందిత, సుప్రియా అరెల, భారతి ఉపాధ్యాయ్‌. లీగ్‌ దశలోనే తెలంగాణ అవుట్‌ సాక్షి, హైదరాబాద్‌: సొంతగడ్డపై జరుగుతున్న జాతీయ సబ్‌ జూనియర్‌ మహిళల హాకీ చాంపియన్‌షిప్‌లో ఆతిథ్య తెలంగాణ జట్టు కథ లీగ్‌ దశలోనే ముగిసింది. సికింద్రాబాద్‌లోని దక్షిణ మధ్య రైల్వే స్పోర్ట్స్‌ కాంప్లెక్స్‌లో బుధవారం జరిగిన గ్రూప్‌ ‘బి’ రెండో లీగ్‌ మ్యాచ్‌లో తెలంగాణ జట్టు 0–7 గోల్స్‌ తేడాతో ఛత్తీస్‌గఢ్‌ జట్టు చేతిలో ఓడిపోయింది. మూడు జట్లున్న గ్రూప్‌ ‘బి’లో తెలంగాణ ఆడిన రెండు మ్యాచ్‌ల్లోనూ ఓటమి పాలై టోర్నీ నుంచి నిష్క్రమించింది.మంగళవారం జరిగిన తొలి మ్యాచ్‌లో తెలంగాణ జట్టు 0–11 గోల్స్‌ తేడాతో జార్ఖండ్‌ జట్టు చేతిలో పరాజయం పాలైంది. తెలంగాణతో జరిగిన మ్యాచ్‌లో ఛత్తీస్‌గఢ్‌ తరఫున దామిని ఖుస్రో, మధు సిదార్, శ్యామ్‌లీ రే 2 గోల్స్‌ చొప్పున చేయగా... అంజలి ఎక్కా 1 గోల్‌ సాధించారు. ఇతర మ్యాచ్‌ల్లో మధ్యప్రదేశ్‌ 15–0తో బెంగాల్‌ జట్టుపై, ఉత్తర ప్రదేశ్‌ 5–0తో ఉత్తరాఖండ్‌పై, గుజరాత్‌ 1–0తో అస్సాంపై గెలుపొందాయి.

టీమిండియా మాజీ కెప్టెన్‌ రాహుల్‌ ద్రవిడ్‌ కుమారుడు సమిత్‌ ద్రవిడ్‌ అంతర్జాతీయ క్రికెట్‌వైపు తొలి అడుగువేశాడు. ఆస్ట్రేలియాతో సిరీస్‌ ఆడనున్న అండర్‌-19 భారత జట్టుకు ఎంపికయ్యాడు. కంగారూ జట్టుతో స్వదేశంలో జరుగనున్న వన్డే, ఫోర్‌-డే సిరీస్‌కు సమిత్‌ను ఎంపిక చేశారు సెలక్టర్లు.కాగా మూడు మ్యాచ్‌ల వన్డే సిరీస్‌, రెండు మ్యాచ్‌ల రెడ్‌బాల్‌ సిరీస్‌ల కోసం ఆస్ట్రేలియా అండర్‌-19 జట్టు భారత్‌కు రానుంది. పుదుచ్చేరి వేదికగా సెప్టెంబరు 21, 23, 26 తేదీల్లో వన్డేలు.. సెప్టెంబరు 30- అక్టోబరు 7 వరకు చెన్నై వేదికగా ఫోర్‌-డే మ్యాచ్‌లు జరుగనున్నాయి. ఈ సిరీస్‌లలో భారత అండర్‌ 19 వన్డే జట్టుకు మహ్మద్‌ అమాన్‌, ఫోర్‌-డే జట్టుకు సోహం పట్వర్ధన్‌ కెప్టెన్లుగా వ్యవహరించనున్నారు.పేస్‌ బౌలింగ్‌ ఆల్‌రౌండర్‌కర్ణాటకకు చెందిన సమిత్‌ ద్రవిడ్‌ పేస్‌ బౌలింగ్‌ ఆల్‌రౌండర్‌. ప్రస్తుతం అతడు కేఎస్‌సీఏ మహరాజా టీ20 ట్రోఫీ టోర్నీలో మైసూర్‌ వారియర్స్‌కు ప్రాతినిథ్యం వహిస్తున్నాడు. అయితే, ఈ టోర్నమెంట్లో సమిత్‌ ఇప్పటి వరకు తన మార్కు చూపించలేకపోయాడు. ఏడు ఇన్నింగ్స్‌లో కలిపి కేవలం 82 పరుగులే చేయడంతో పాటు.. ఇంతవరకు ఒక్కసారి కూడా బౌలింగ్‌ చేసే అవకాశం దక్కించుకోలేకపోయాడు.ఆ టోర్నీలో అదరగొట్టిన సమిత్‌ అయితే, అంతకుముందు కూచ్‌ బెహర్‌ ట్రోఫీలో మాత్రం కర్ణాటక టైటిల్‌ గెలవడంలో సమిత్‌ ద్రవిడ్‌ కీలక పాత్ర పోషించాడు. ఈ రెడ్‌బాల్‌ టోర్నీలో ఎనిమిది మ్యాచ్‌లు ఆడిన 18 ఏళ్ల సమిత్‌.. 362 పరుగులు సాధించాడు. జమ్మూ కశ్మీర్‌పై చేసిన 98 పరుగులు అతడి అత్యధిక స్కోరు. ఇక ఈ టోర్నీలో సమిత్‌ 16 వికెట్లు కూడా పడగొట్టడం విశేషం. ఆద్యంతం అద్భుత ప్రదర్శనతో పాటు.. ముంబైతో జరిగిన ఫైనల్లో రెండు కీలక వికెట్లు తన ఖాతాలో వేసుకుని సెలక్టర్ల దృష్టిని ఆకర్షించాడు సమిత్‌ ద్రవిడ్‌. కాగా అండర్‌-19 స్థాయిలో సత్తా చాటితే టీమిండియాలో ఎంట్రీకి మార్గం సుగమమవుతుందన్న విషయం తెలిసిందే. ఆస్ట్రేలియాతో అండర్‌ 19 జట్టుతో వన్డే సిరీస్‌కు భారత అండర్-19 జట్టు:రుద్ర పటేల్ (వైస్‌ కెప్టెన్‌- గుజరాత్‌), సాహిల్ పరాఖ్ (మహారాష్ట్ర), కార్తికేయ కేపీ (కర్ణాటక), మహ్మద్ అమాన్ (కెప్టెన్‌) (ఉత్తరప్రదేశ్‌), కిరణ్ చోర్మాలే (మహారాష్ట్ర), అభిజ్ఞాన్ కుందు (ముంబై), హర్వంశ్ సింగ్ పంగలియా (వికెట్‌ కీపర్‌, సౌరాష్ట్ర), సమిత్ ద్రవిడ్ ( కర్ణాటక), యుధాజిత్ గుహ (బెంగాల్‌ ), సమర్థ్ ఎన్ (కర్ణాటక), నిఖిల్ కుమార్ (చండీగఢ్‌), చేతన్ శర్మ (రాజస్తాన్‌), హార్దిక్ రాజ్ (కర్ణాటక), రోహిత్‌ రజావత్‌(మధ్యప్రదేశ్‌), మహ్మద్‌ ఖాన్‌(కేరళ).ఆస్ట్రేలియాతో అండర్‌ 19 జట్టుతో వన్డే సిరీస్‌కు భారత అండర్-19 జట్టు:వైభవ్ సూర్యవంశీ (బీహార్), నిత్యా పాండ్యా (బీహార్‌), విహాన్ మల్హోత్రా (వైస్‌ కెప్టెన్‌- సంజాబ్‌), సోహమ్ పట్వర్ధన్ (కెప్టెన్‌) (మధ్యప్రదేశ్‌), కార్తికేయ కేపీ (కర్ణాటక), సమిత్ ద్రవిడ్ (కర్ణాటక), అభిజ్ఞాన్ కుందు (వికెట్ కీపర్- ముంబై), హర్వంశ్ సింగ్ పంగలియా (వికెట్ కీపర్- సౌరాష్ట్ర), చేతన్‌ శర్మ(రాజస్తాన్‌), సమర్థ్‌ ఎన్‌(కర్ణాటక), ఆదిత్య రావత్‌(ఉత్తరాఖండ్‌), అన్మోల్జీత్‌ సింగ్‌(పంజాబ్‌), ఆదిత్య సింగ్‌(ఉత్తరప్రదేశ్‌), మహ్మద్‌ ఎనాన్‌(కేరళ).చదవండి: సూర్యకుమార్‌ ఆశలపై నీళ్లు.. ఊహించని షాక్‌!

ముంబై : క్రికెట్‌లో రారాజుగా వెలిగిపోయిన మాస్టర్‌ బ్లాస్టర్‌ సచిన్‌ టెండూల్కర్‌ ఇప్పుడు పుత్రోత్సాహంతో పొంగిపోతున్నాడు. తనయుడు అర్జున్‌ టెండూల్కర్‌ భారత అండర్‌-19 జట్టుకు ఎంపికైన విషయం తెలిసిందే. కుమారుడి ఎంపిక పట్ల సచిన్‌ ఆనందం వ్యక్తం చేశాడు. మీడియాతో మాట్లాడుతూ.. ‘అర్జున్‌ అండర్‌-19 జట్టుకు ఎంపికవ్వడం మాకు సంతోషాన్నిచ్చింది. అతని క్రికెట్‌ జీవితంలో ఇదొక గొప్ప మైలురాయి. నేను, అంజలి ఎప్పుడు అర్జున్‌ను ప్రోత్సహిస్తాం. అతను బాగా రాణించాలని కోరుకుంటాం’ అని సచిన్‌ సంతోషం వ్యక్తం చేశాడు. ఐపీఎల్‌ చైర్మన్‌ రాజీవ్‌ శుక్లా సైతం అర్జున్‌ ఎంపిక పట్ల సంతోషం వ్యక్తం చేస్తూ అతన్ని అభినందించారు. టోర్నీల్లో అద్భుతంగా రాణించాలని ఆకాక్షించారు. ఇక అర్జున్‌ కూడా సచిన్‌ పేరు నిలబెడుతాడని అభిమానులు సోషల్‌ మీడియా వేదికగా అభిప్రాయపడుతున్నారు. Feeling happy for the selection of Arjun Tendulkar in India U-19 squad. My Best Wishes are with him @BCCI @sachin_rt — Rajeev Shukla (@ShuklaRajiv) June 7, 2018 వివిధ వయోవిభాగాల్లో నిలకడగా రాణించిన అర్జున్‌ తొలిసారి టీమిండియా ‘బ్లూ’ జెర్సీలో సత్తా చాటేందుకు సిద్ధమయ్యాడు. శ్రీలంకలో పర్యటించే భారత అండర్‌–19 జట్టులోకి అతను ఎంపికయ్యాడు. వచ్చే నెల 11 నుంచి ఆగస్టు 11 వరకు ఈ జూనియర్‌ జట్టు లంకలో 2 నాలుగు రోజుల మ్యాచ్‌ల్ని, ఐదు వన్డే మ్యాచ్‌ల్ని ఆడనుంది. అయితే నాలుగు రోజుల టోర్నీకే ఎంపికైన అర్జున్‌కు వన్డే జట్టులో చోటు దక్కలేదు. ఈ లిటిల్‌ టెండూల్కర్‌ లెఫ్టార్మ్‌ పేస్‌ బౌలర్‌ జాతీయ అండర్‌–19 టోర్నీ కూచ్‌బెహర్‌ ట్రోఫీలో  ముంబై తరఫున 18 వికెట్లతో రాణించిన అతని ప్రదర్శన భారత జట్టులోకి ఎంపికయ్యేలా చేసింది.  

ముంబై: సరిగ్గా 29 ఏళ్ల క్రితం... 16 ఏళ్ల ముంబై కుర్రాడు పాకిస్తాన్‌లో జేగంట మోగించాడు. పిన్న వయస్సులో అరంగేట్రం చేసిన ఈ ఆటగాడు తర్వాత భారత క్రికెట్‌ చరిత్రనే మార్చేశాడు. అతనెవరో ఈపాటికే అర్థమైవుంటుంది... సచిన్‌ టెండూల్కర్‌ అని! 24 ఏళ్లపాటు భారత క్రికెట్‌ను నడిపించి, ఒక తరాన్ని అతను ఊపేశాడు. మళ్లీ ఇప్పుడు అతని గారాల తనయుడు అర్జున్‌ టెండూల్కర్‌ వంతు వచ్చినట్లుంది. వివిధ వయోవిభాగాల్లో నిలకడగా రాణిస్తూ వచ్చిన అర్జున్‌ తొలిసారి టీమిండియా ‘బ్లూ’ జెర్సీలో సత్తా చాటేందుకు సిద్ధమయ్యాడు. శ్రీలంకలో పర్యటించే భారత అండర్‌–19 జట్టులోకి అతను ఎంపికయ్యాడు. వచ్చే నెల 11 నుంచి ఆగస్టు 11 వరకు ఈ జూనియర్‌ జట్టు లంకలో 2 నాలుగు రోజుల మ్యాచ్‌ల్ని, ఐదు వన్డే మ్యాచ్‌ల్ని ఆడనుంది. అయితే నాలుగు రోజుల టోర్నీకే ఎంపికైన అర్జున్‌కు వన్డే జట్టులో చోటు దక్కలేదు. ఈ లిటిల్‌ టెండూల్కర్‌ లెఫ్టార్మ్‌ పేస్‌ బౌలర్‌.  జాతీయ అండర్‌–19 టోర్నీ కూచ్‌బెహర్‌ ట్రోఫీలో  ముంబై తరఫున 18 వికెట్లతో రాణించిన అతని ప్రదర్శన భారత జట్టులోకి ఎంపికయ్యేలా చేసింది.   ఇందులో అతను ఐదేసి వికెట్లను ఒకసారి, నాలుగేసి వికెట్లను రెండుసార్లు పడగొట్టాడు. 2017–18 సీజన్‌లో అర్జున్‌కంటే ఎక్కువ వికెట్లు తీసిన బౌలర్లు చాలా మంది ఉన్నా... వారంతా స్పిన్నర్లే కావడం, అర్జున్‌ అసలైన పేస్‌ బౌలర్‌ కావడమే అతనికి ఎంపికకు కారణమని జూనియర్‌ సెలక్షన్‌ కమిటీ సభ్యుడొకరు వెల్లడించారు. తండ్రి మార్గనిర్దేశనంలో అర్జున్‌ గత కొంత కాలంగా ఎంతో మెరుగయ్యాడు. లార్డ్స్‌ మైదానంలో అతను తరచుగా ప్రాక్టీస్‌ చేస్తుంటాడు. గత ఏడాది ఇంగ్లండ్, దక్షిణాఫ్రికా సిరీస్‌కు ముందు అతని బౌలింగ్‌ వేగానికి ప్రాక్టీస్‌ సెషన్‌లో బెయిర్‌స్టో గాయపడ్డాడు. అంతకు ముందు చాంపియన్స్‌ ట్రోఫీ నెట్స్‌కు హాజరైన అర్జున్‌... ఇటీవలే సిడ్నీలోని బ్రాడ్‌మన్‌ మైదానంలో టి20 లీగ్స్‌లో పాల్గొని బ్యాటింగ్‌లోనూ చెలరేగాడు. భారత్‌–న్యూజిలాండ్‌ సిరీస్‌ సమయంలోనూ భారత జట్టు సెషన్స్‌లో పాల్గొన్నాడు. ఏదేమైనా ఎన్నో అంచనాల మధ్య, సచిన్‌ అభిమానుల ఆశీస్సులతో అర్జున్‌ బంతితో రె‘ఢీ’ అంటున్నాడు. 


 రాహుల్ ద్రవిడ్ నేతృత్వంలో రాటు దేలుతున్న అండర్‌-19 ఆటగాళ్లు ఆకలితో అలమటించాల్సిన పరిస్ధితి ఏర్పడింది. క్రికెటర్లకు చెల్లించాల్సిన డైలీ అలవెన్సు అందకపోవడంతో వారందరూ హోటల్‌ బయటకు వెళ్లి నాణ్యత లేని ఆహారం తీసుకున్నారు. బీసీసీఐ నుంచి సెక్రటరీ అజయ్ షిర్కే, అధ్యక్షుడు అనురాగ్ ఠాకూర్ లు తప్పుకున్న తర్వాత క్రికెటర్లకు అందిచాల్సిన నిధుల పేపర్లపై సంతకాలు చేసేవారు కరువయ్యారు.
  
 సుప్రీంకోర్టు నియమించిన నలుగురు సభ్యుల ప్యానెల్ కు దగ్గరివాడైన ఓ వ్యక్తి చెప్పిన వివరాల ప్రకారం.. విత్ డ్రా లిమిట్ అమలులో ఉండటం కూడా క్రికెటర్లకు నిధులు విడుదల చేయకపోవడానికి ఒక కారణమని చెప్పారు. అండర్-19 టీంలో ఎక్కువ మంది క్రికెటర్లు 18సంవత్సరాల కంటే తక్కువ వయసు కలిగివుండటంతో క్రెడిట్/డెబిట్ కార్డులను బీసీసీఐ ఇవ్వలేకపోయిందని తెలిపారు.