trap shooter

ఏషియన్‌ గేమ్స్‌ 2026లో భారత్‌ మరో స్వర్ణ పతకాన్ని ఖాతాలో వేసుకుంది. మహిళల వ్యక్తిగత ట్రాప్‌ షూటింగ్‌లో నీరూ ధండా స్వర్ణ పతకం సాధించింది. దీంతో భారత్‌ స్వర్ణ పతకాల సంఖ్య ఐదుకు చేరింది.మహిళల టీమ్‌ ట్రాప్‌ విభాగంలో రజతం సాధించిన కొద్దిసేపటికే నీరూ వ్యక్తిగత విభాగంలో అద్భుత ప్రదర్శన చేసింది. వర్షం కురుస్తున్న ప్రతికూల పరిస్థితుల్లోనూ ఆమె ఏమాత్రం తడబడకుండా లక్ష్యాలను ఛేదించింది.వ్యక్తిగత షూటింగ్‌లో భారత్‌కు తొలి స్వర్ణంఈ ఆసియా గేమ్స్‌లో వ్యక్తిగత షూటింగ్‌ ఈవెంట్‌లో భారత్‌కు లభించిన తొలి స్వర్ణ పతకం ఇదే. నీరూ తొలుత టీమ్‌ ఈవెంట్‌లో రజతం సాధించి, ఆ తర్వాత వ్యక్తిగత విభాగంలో స్వర్ణం సాధించడం విశేషం.మరిన్ని పతకాలపై ఆశలుఇవాళ (10వ రోజు) షూటింగ్‌తో పాటు ఆర్చరీ, స్క్వాష్‌, టెన్నిస్‌, కానోయ్‌ స్లాలోమ్‌ తదితర విభాగాల్లో భారత క్రీడాకారులు పోటీపడుతున్నారు.బాక్సింగ్‌లో పర్వీన్‌, అంకుష్‌ పాంగల్‌, నరేందర్‌ సెమీఫైనల్స్‌లో బరిలోకి దిగనున్నారు. అథ్లెటిక్స్‌లోనూ గుల్వీర్‌ సింగ్‌, అవినాశ్‌ సేబుల్‌, గురిందర్‌వీర్‌ సింగ్‌, అనిమేశ్‌ కుజూర్‌ తదితరులపై భారత్‌ ఆశలు పెట్టుకుంది.ఇదీ చదవండి: Asian Games 2026: షూటింగ్‌లో మరో రజతం.. 50 పతకాల దిశగా భారత్‌

న్యూఢిల్లీ: ట్రాప్‌ షూటర్‌గా అంతర్జాతీయ పతకాలు సాధించిన క్రీడాకారిణి, ఆర్మీ హవాల్దార్‌ ప్రీతీ రజక్‌ చరిత్ర సృష్టించారు. ఆర్మీలో సుబేదార్‌గా పదోన్నతి సాధించి, ఆ ఘనత సాధించిన తొలి మహిళగా నిలిచారు. 19వ ఆసియా గేమ్స్‌లో టీమ్‌ ఈవెంట్‌లో వెండి పతకం సాధించి ఛాంపియన్‌ ట్రాప్‌ షూటర్‌గా పేరొందిన ప్రీతీ 2022లో సైన్యంలో చేరారు. కార్ప్స్‌ ఆఫ్‌ మిలిటరీ పోలీస్‌లో హవాల్దార్‌గా విధుల్లో చేరారు. ఇలా చేరిన తొలి క్రీడాకారిణి కూడా ఆమే! ట్రాప్‌ విమెన్‌ ఈవెంట్‌ విభాగంలో ప్రీతి దేశంలో ఆరో ర్యాంకర్‌. పారిస్‌లో జరగబోయే ఒలింపిక్స్‌ కోసం ఆర్మీ మార్క్‌మ్యాన్‌షిప్‌ యూనిట్‌లో శిక్షణ పొందుతున్నారు.


 గ్రనాడా (స్పెయిన్): ప్రపంచ షూటింగ్ చాంపియన్‌షిప్‌లో పతకం నెగ్గుతాడని ఆశించిన భారత అగ్రశ్రేణి ట్రాప్ షూటర్ మానవ్‌జిత్ సింగ్ సంధూ కీలకదశలో తడబడ్డాడు. క్వాలిఫయింగ్ తొలి నాలుగు రౌండ్లలో 25కు 25 పాయింట్లు స్కోరు చేసి 100 పాయింట్లతో ఉమ్మడిగా అగ్రస్థానంలో నిలిచిన ఈ ప్రపంచ మాజీ చాంపియన్ చివరిదైన ఐదో రౌండ్‌లో రెండుసార్లు గురితప్పాడు. 25 పాయింట్లకు 23 సాధించాడు. ఓవరాల్‌గా 123 పాయింట్లతో మరో ఆరుగురితో కలిసి ఉమ్మడిగా రెండో స్థానంలో నిలిచాడు. మరో నలుగురు 124 పాయింట్లతో సంయుక్తంగా అగ్రస్థానంలో నిలిచి ఫైనల్‌కు చేరారు. దాంతో ఫైనల్లో మిగిలిన రెండు స్థానాల కోసం ఆరుగురి మధ్య ‘షూట్ ఆఫ్’ను నిర్వహించారు. ‘షూట్ ఆఫ్’లో మానవ్‌జిత్ విఫలమయ్యాడు. తుదకు పదో స్థానంలో నిలిచాడు. టాప్-6లో ఉన్నవారు ఫైనల్‌కు అర్హత సాధిస్తారు. మహిళల 25 మీటర్ల పిస్టల్ ఈవెంట్‌లో భారత షూటర్లు అనీసా సయ్యద్ 14వ, రాహీ సర్నోబాత్ 21వ, పుష్పాంజలి రాణా 53వ స్థానాల్లో నిలిచారు.