బ్రహ్మస్త్ర సక్సెస్ తర్వాత రణ్‌బీర్‌ కపూర్, ఆలియా భట్ మరోసారి తెరను పంచుకోనున్నారా? ఇద్దరు కలిసి మరో రొమాంటిక్ కామెడీ చిత్రంలో నటించనున్నారా? అన్న అభిమానుల సందేహాలకు తెరదించింది ఈ బాలీవుడ్ జంట. తామిద్దరం ప్రస్తుతానికి మరే చిత్రంలో నటించడం తాజాగా ఓ మీడియాకు ఇచ్చిన ఇంటర్వ్యూలో వెల్లడించారు. ఈ ప్రకటనతో సోషల్ మీడియాలో వస్తున్న రూమర్లకు తెరదించారు.   (చదవండి: ఎయిర్‌పోర్ట్‌లో బ్రహ్మస్త్ర జంట సర్‌ప్రైజ్.. ఫ్యాన్స్ ఇంట్రెస్టింగ్ కామెంట్స్) రూమర్లపై రణ్‌బీర్‌ కపూర్ స్పందిస్తూ 'మా ఇద్దరి నిజ జీవితంలో సరదాగా ఉన్నాం. ప్రస్తుతానికి మేమిద్దరం మరే చిత్రంలోనూ నటించడం లేదని' అన్నారు. అయితే ఆలియాభట్ మాట్లాడుతూ నేను రూమర్ల గురించి విన్నాను. కానీ మా తరువాత చిత్రం బ్రహ్మస్త్ర పార్ట్‌ -2 మాత్రమేనని తేల్చేసింది. బ్రహ్మస్త్ర కాకుండా అయాన్ ముఖర్జీ ఇతర సినిమాల్లో నటించడానికి అనుమతి ఇస్తారో లేదో తెలియదని (నవ్వుతూ) చెప్పింది.  పెళ్లయ్యాక రణ్‌బీర్ కపూర్, అలియా భట్ మొదటిసారిగా ఇటీవల విడుదలైన బ్రహ్మాస్త్రలో నటించారు. అయాన్ ముఖర్జీ దర్శకత్వం వహించిన ఈ సినిమా ప్రపంచవ్యాప్తంగా అత్యధిక వసూళ్లను రాబట్టింది. ఈ చిత్రం సక్సెస్‌తో మరోసారి ఈ  రొమాంటిక్ బాలీవుడ్ జంట  స్క్రీన్‌ను పంచుకోనున్నట్లు సోషల్ మీడియాలో టాక్ నడుస్తోంది.

ఆలియా భట్, రణ్‌బీర్‌ కపూర్‌ ఇద్దరూ ప్రేమలో ఉన్నారని ముంబైలో అందరికీ తెలుసు. ‘ఇది అర్థం అవ్వడానికి గొప్ప తెలివితేటలేం అక్కర్లేదు’ అంటారు ఆలియా తండ్రి మహేశ్‌ భట్‌. కానీ ప్రేమ సంగతి మాత్రం ఆలియా, రణ్‌బీర్‌ అఫీషియల్‌గా ఒప్పుకోరు. రీసెంట్‌గా ఆలియా ట్వీటర్‌లో తన అభిమానులతో చాట్‌ చేశారు. ఆలియా, రణ్‌బీర్‌ ప్రేమ విషయాన్ని స్వయంగా ఆలియా భట్‌ ద్వారానే చెప్పించాలనుకున్నాడు ఓ తుంటరి ఫ్యాన్‌. ‘‘మిమ్మల్ని ఆలియా కపూర్‌ అని పిలవొచ్చా?’ అని సూటిగా ప్రశ్నను సంధించాడు. అంత సులువుగా ఒప్పుకోవాలనుకోలేదు ఆలియా. అలాగని ఆ ప్రశ్ననుంచి తప్పించుకోవాలనీ అనుకోలేదు. వెంటనే ఆ ప్రశ్న అడిగిన హిమాన్షూ కకానీకి ‘మిమ్మలి హిమాన్షూ భట్‌ అని పిలవొచ్చా?’ అని తిరిగి ప్రశ్నించారామె. ప్రశ్నకు ప్రశ్న సమాధానం కాదు కదా. మరి సమాధానం దొరికేదెప్పుడబ్బా అంటే... కాలమే చెబుతుంది అనుకోవాలి.

ప్రముఖ డిజైనర్‌.. రణ్‌బీర్‌ కపూర్‌ సోదరి రిద్ధిమా కపూర్ సాహ్ని, ‘కోకిచి మికిమోటో’ అనే ఆభరణాల సంస్థకు క్షమపణలు తెలిపారు. విషయం ఏంటంటే.. కొన్నాళ్ల క్రితం రిద్ధిమా కపూర్‌ ‘ఆర్‌ జ్యూవెలరి’ పేరుతో సొంత బ్రాండ్‌ను ప్రారంభించి.. ప్రత్యేకంగా ఆభరణాలు తయారు చేయించి అమ్ముతున్నారు. ఈ క్రమంలో పండుగల సీజన్‌ సందర్భంగా రిద్ధిమా ఒక చెవి దుద్దుల డిజైన్‌ను విడుదల చేశారు. అయితే ఈ చెవి దుద్దుల డిజైన్‌, ప్రముఖ ముత్యాల నగల తయారీదారులు ‘కోకిచి మికిమోటో’ కంపెనీ తయారు చేసిన చెవి దుద్దుల డిజైన్‌ రెండు ఒకే మాదిరిగా ఉన్నాయి. దాంతో రిద్ధిమా, కోకిచి వారి డిజైన్‌ను కాపీ కొట్టిందనే ఆరోపణలు వెల్లువెత్తాయి. View this post on Instagram The legendary Kokichi Mikimoto is known in the pearl world as the ‘King of Pearls’. His ‘cultured pearls’ —patented in 1916 — is a benchmark for the industry at large. So, naturally ‘Jewellery designer of the year’, @riddhimakapoorsahniofficial couldn’t help herself from selling the iconic Mikimoto pearl and diamond earrings under her namesake label. If this is not #gutsontoast, we don’t know what is! 🤯 . . #gandi #dietsabya #copy #🤢 #riddhimakapoorsahni #mikimoto #mikimotopearls A post shared by Diet Sabya (@dietsabya) on Nov 25, 2018 at 1:57am PST తొలుత ఈ విషయం గురించి ఒక అపరిచిత వ్యక్తి తన సోషల్‌ మీడియాలో పోస్ట్‌ చేశాడు. దాంతో ఈ విషయం కాస్తా వైరల్‌ కావడంతో రిద్ధిమా క్షమాపణలు చెప్పారు. ‘ఒరిజినల్‌ డిజైన్‌ని ట్యాగ్‌ చేయకపోవడం మా తప్పే. డిజైనర్‌ల సృజనాత్మకతను మేము గౌరవిస్తాము. మేము ఎవరిని కాపీ చేయము.. ఒకవేళ అలాంటి పనులు చేస్తే మాకు స్ఫూర్తినిచ్చిన వారిని మేము ఎప్పటికి గౌరవిస్తాము’ అంటూ రిద్ధిమా తన ఇన్‌స్టాగ్రామ్‌లో పోస్ట్‌ చేశారు. View this post on Instagram A post shared by Riddhima Kapoor Sahni (@riddhimakapoorsahniofficial) on Nov 25, 2018 at 8:41am PST

ఏ రంగంలో అయినా సక్సెస్‌లు, ఫెయిల్యూర్‌లు కామన్‌. కానీ వాటిని మనం ఎలా తీసుకుంటున్నాం అన్నదే ఇంపార్టెంట్‌ అంటున్నారు బాలీవుడ్‌ నటుడు రణ్‌బీర్‌ కపూర్‌.  సంజయ్‌ దత్‌ జీవితం ఆధారంగా రూపొందిన ‘సంజు’ చిత్రంలో టైటిల్‌ రోల్‌ పోషిస్తున్నారు రణ్‌బీర్‌. ఫాదర్స్‌ డే సందర్భంగా ట్వీటర్‌లో అభిమానులతో చాట్‌ చేశారీ హీరో. ఈ సందర్భంగా ఓ అభిమాని సక్సెస్, ఫెయిల్యూర్‌ని ఎలా హ్యాండిల్‌ చేయాలి? అని అడిగితే,  ‘‘సక్సెస్, ఫెయిల్యూర్‌ మనం చేసిన పనికి రిజల్ట్‌ మాత్రమే. రిజల్ట్‌ కంటే ఆ జర్నీని ఎంజాయ్‌ చేయడం నేర్చుకోవాలి. అలాగే సక్సెస్‌ నుంచి నేర్చుకోవడానికి ఏమీ ఉండదు. ఫెయిల్యూర్‌ నుంచి మనం చాలా నేర్చుకోవచ్చు. అందులోని పాఠాలే సక్సెస్‌కి ఫార్ములాలు అవుతాయి’’ అని సమాధానమిచ్చారు.

సంజయ్‌ దత్‌ జీవితం ఆధారంగా, రాజ్‌కుమార్‌ హిరానీ దర్శకత్వంలో వస్తున్న ‘సంజు’​ సినిమా ప్రకటించిన దగ్గరనుంచే ప్రతి నిత్యం ఏదో ఒక విశేషంతో పత్రికల్లో హల్‌చల్‌ చేస్తుంది. తాజాగా ఈ చిత్రానికి సంబంధించిన వార్త ఒకటి బీ టౌన్‌లో చక్కర్లు కొడుతోంది. సంజయ్‌ దత్‌ గా బాలీవుడ్‌ రొమాంటిక్‌ హీరో రణ్‌బీర్‌ కపూర్‌ నటిస్తుండగా, సంజయ్‌ దత్‌ తండ్రి, ప్రముఖ హీరో సునిల్‌ దత్‌ పాత్ర కోసం బాలీవుడ్‌ ‘మిస్టర్‌ పర్ఫెక‌్షనిస్ట్‌’  ఆమిర్‌ ఖాన్‌కు తీసుకోవాలని భావించారట చిత్ర దర్శకుడు రాజ్‌ కుమార్‌ హిరానీ. ఈ విషయం గురించి ఆయనే ఒక ఇంటర్వ్యూలో స్వయంగా వెల్లడించారు. ‘నేను ఏ కథను సిద్ధం చేసుకున్న ముందుగా ఆమిర్‌ ఖాన్‌కే చెపుతాను. అలానే ఈ స్క్రిప్ట్‌ను ఆమిర్‌కు చెప్పినప్పుడు చాలా బాగా ఉందని ఆయన మెచ్చుకున్నారు. అంతేకాక సునిల్‌ దత్‌ పాత్రను చేయడానికి కూడా ఒప్పుకున్నారు. కానీ అదే సమయంలో తాను ‘దంగల్‌’ చిత్రం కోసం నడి వయసు వ్యక్తిగా కనిపించాల్సిన అవసరం ఉండటంతో, మరోసారీ అదే తరహా పాత్రలో నటించడం ఇష్టం లేక ఈ చిత్రం నుంచి తప్పుకున్నాడు’ అని తెలిపాడు. ‘సంజు’ చిత్రంలో ఈ ‘ఖల్‌నాయక్‌’ పాత్రకు రణ్‌బీర్‌ కపూర్‌ అచ్చుగుద్దినట్టుగా సరిపోయాడు. ఈ మధ్యే ఈ సినిమాకు సంబంధించిన ఫస్ట్‌ లుక్‌ను విడుదల చేసిన సంగతి తెలిసిందే. ఈ సినిమా కోసం సంజయ్‌దత్‌లా కనిపించడం కోసం రణ్‌బీర్‌ కపూర్‌ చాలా కష్టపడుతున్నాడు. సంజయ్‌ దత్‌ జీవితంలోని మూడు దశలకు సంబంధించిన వివరాలతో రూపొందుతున్న ఈ చిత్రం 2018, జూన్‌ 29న విడుదల కానుంది


 ‘‘పెళ్లికి ముందే కుర్రాణ్ణి ఇంటి నుంచి లాక్కొచ్చేస్తోంది... ఇక పెళ్లి తర్వాత ఏమేం చేస్తుందో’’ అని కత్రినా కైఫ్ గురించి బాలీవుడ్‌లో రకరకాలుగా చెప్పుకుంటున్నారు. దానికి కారణం లేకపోలేదు. గత కొంత కాలంగా రణ్‌బీర్ కపూర్‌తో కత్రినా ప్రేమాయణం సాగిస్తున్నారనే వార్త ప్రచారంలో ఉన్న విషయం తెలిసిందే. వచ్చే ఏడాది ఫిబ్రవరిలో ఈ ఇద్దరూ పెళ్లి చేసుకోవాలనుకుంటున్నారట. ఈలోపు తాము ఉండబోతున్న స్వీట్ హోమ్ ఏర్పాట్లలో ఈ ప్రేమజంట ఉన్నారని సమాచారం. ప్రస్తుతం రణ్‌బీర్ తన తల్లితండ్రులతో కలిసి ఉంటున్నారు.
 
 ఆ ఇంటి పేరు కృష్ణరాజ్. పెళ్లయిన తర్వాత కృష్ణరాజ్‌లో ఉండటానికి కత్రినా పెద్దగా ఇష్టపడటంలేదట. ఇలా పెళ్లి చేసుకుని అలా వేరు కాపురం పెట్టేయాలనుకుంటున్నారని భోగట్టా. ఈ నేపథ్యంలో ముంబయ్‌లోని ఓ ప్రముఖ ఏరియాలో ఖరీదు గల ఫ్లాట్‌ని రణ్‌బీర్, కత్రినా అద్దెకి తీసుకున్నారట. ఈ ఫ్లాట్ నెల అద్దె అక్షరాలా 15 లక్షల రూపాయలని సమాచారం. తమకు నచ్చిన ఏరియాలో సొంత ఇల్లు కొనుక్కోవాలని ఈ జంట అనుకున్నారట. అయితే, ఇప్పటివరకు చూసిన ఇళ్లు అంత సంతృప్తినివ్వకపోవడంతో, ముందు అద్దె ఇంట్లోకి అడుగుపెట్టి, ఆ తర్వాత సొంతింట్లో కుడి కాలు పెట్టాలనుకుంటున్నారట.


 రణబీర్ కపూర్.. కత్రినా కైఫ్ వీళ్లిద్దరూ ప్రేమపక్షుల్లా ఎక్కడెక్కడికో ఎగిరిపోతున్నారని చాలా కాలంగా బాలీవుడ్ కోడై కూస్తున్న సంగతి తెలిసిందే. ఇప్పుడు ఈ పక్షులు రెండూ కలిసి ఓ గూడు కూడా చూసుకున్నాయట. ముంబై శివార్లలో తమ ప్రేమను పండించుకోడానికి ఓ మంచి అపార్టుమెంట్ వెతుక్కున్నారట. బాలీవుడ్ స్టార్లలో ఎవరెక్కడ ఉంటున్నారో గమనిస్తూ ఉండే ఔత్సాహికులు ఈ విషయాన్ని కనుగొని బయటకు తెచ్చారు. ఈ గూడుకు వాళ్లు నెలకు అక్షారలా 15 లక్షల రూపాయల అద్దె చెల్లించేందుకు అంగీకరించారట.
 
 కావాలనుకుంటే అటు రణబీర్ కపూర్ గానీ, ఇటు కత్రినా కైఫ్ గానీ సొంతంగా ఫ్లాట్ కొనాలనుకుంటే అది పెద్ద విషయం కాదు. ఓ 15 కోట్లు పడేస్తే ఫ్లాట్ వచ్చేస్తుంది. కానీ.. అలా చేస్తే అందరికీ మరీ ఎక్కువ ప్రచారం అయిపోతుందనే వాళ్లు అద్దెకు తీసుకున్నారని చెప్పారు. కొన్ని వారాల నుంచే వీళ్లు ఫ్లాట్ అద్దెకు తీసుకున్న విషయం బయట వార్తల్లో నానుతూ వస్తోంది. అప్పుడప్పుడు సెలవులు గడిపేందుకు ఈ జంట థాయ్లాండ్ కూడా వెళ్లొస్తూ ఉంటుంది. బహుశా ఫిబ్రవరిలో వీళ్లిద్దరు పెళ్లి చేసుకోవచ్చని కూడా అంటున్నారు.