London Stock Exchange

న్యూఢిల్లీ: ఆఫ్రికాలోని డిజిటల్‌ ఫైనాన్షియల్‌ సర్వీసుల ప్లాట్‌ఫామ్‌ ఎయిర్‌టెల్‌ మనీ తాజాగా లండన్‌ స్టాక్‌ ఎక్సే్ఛంజీ (ఎల్‌ఎస్‌ఈ)లో లిస్టయ్యింది. తద్వారా యూకే మార్కెట్లో దీర్ఘకాలంగా భారతీ ఎంటర్‌ప్రైజెస్‌కు గల పెట్టుబడుల ఆసక్తికి ప్రోత్సా హాన్నిచ్చినట్లు ఎయిర్‌టెల్, భారతీ ఎంటర్‌ప్రైజెస్‌ వ్యవస్థాపకుడు, చైర్మన్‌ సునీల్‌ మిట్టల్‌ వ్యాఖ్యానించారు. ఎల్‌ఎస్‌ఈలో ఎయిర్‌టెల్‌ మనీ విజయవంత లిస్టింగ్‌ పట్ల హర్షం వ్యక్తం చేశారు. ప్రపంచంలోనే పెట్టుబడులకు యూకే ఆకర్షణీయ మార్కెట్‌కాగా.. తాజా లిస్టింగ్‌ తమ విశ్వాసానికి మరింత బలాన్నిచ్చినట్లు పేర్కొన్నారు. అనుబంధ సంస్థ ద్వారా 2024లో బీటీ గ్రూప్‌లో 24.5% వాటా కొనుగోలు చేయడం, 2020లో యుటెల్‌శాట్‌ (గతంలో వన్‌వెబ్‌)లో యూకే ప్రభుత్వంతోపాటు వాటాను పొందడం, ఆతిథ్య రంగ కంపెనీ స్కాటిష్‌ రిసార్ట్‌ గ్లెనీజెల్స్‌లో పెట్టుబడులు తదితరాలను ఈ సందర్భంగా ప్రస్తావించారు. యూకే ఇన్వెస్టర్ల ఆధారంగా 2019లో ఎయిర్‌టెల్‌ ఆఫ్రికాను ఎల్‌ఎస్‌ఈలో లిస్ట్‌ చేసినట్లు చెప్పారు. ఎల్‌ఎస్‌ఈలో ఎయిర్‌టెల్‌ మనీ కండిషనల్‌ ట్రేడింగ్‌ ద్వారా లిస్టయ్యింది. ఆఫర్‌ ధర షేరుకి 1.96 పౌండ్లుకాగా.. తొలి దశ ట్రేడింగ్‌లో గరిష్టంగా 2 పౌండ్లు, కనిష్టంగా 1.94 పౌండ్లను తాకింది. మార్కెట్‌ విలువ 5.3 బిలియన్‌ పౌండ్ల (7 బి. డాలర్లు)కు చేరింది. ఈ నెల 14 నుంచి అన్‌కండిషనల్‌ విధానంలో ట్రేడవుతుంది. ఎయిర్‌టెల్‌ ఆఫ్రికాలో భారతీ ఎయిర్‌టెల్‌ వాటా 79.2% కాగా.. ఎయిర్‌టెల్‌ ఆఫ్రికాకు ఎయిర్‌టెల్‌ మనీలో 77.85% వాటా ఉంది. వెరసి ఎయిర్‌టెల్‌ మనీలో ఎయిర్‌టెల్‌కు పరోక్షంగా 61.6% వాటా లభించింది.

న్యూఢిల్లీ: భారతీ ఎయిర్‌టెల్‌ ఫిన్‌టెక్‌ విభాగం ‘ఎయిర్‌టెల్‌ మనీ’ అంతర్జాతీయ క్యాపిటల్‌ మార్కెట్లోకి అడుగు పెట్టేందుకు సిద్ధమైంది. లండన్‌ స్టాక్‌ ఎక్స్ఛేంజ్‌ (ఎల్‌ఎస్‌ఈ)లో లిస్ట్‌ అయ్యేందుకు సన్నాహాలు చేస్తున్నట్లు కంపెనీ ప్రకటించింది. ఈ పబ్లిక్‌ ఆఫర్‌కు సంబంధించిన షేర్ల ధర శ్రేణి, ఇష్యూ పరిమాణంతో పాటు ఇతర పూర్తి వివరాలను అక్టోబర్‌లో సమర్పించే ముసాయిదా పత్రాల్లో వెల్లడిస్తామని ‘ఎల్‌ఎస్‌ఈ’ ఫైలింగ్‌లో తెలిపింది. అక్టోబర్‌ మూడో వారంలో ఐపీఓ తుది ధరను ఖరారు చేయనున్నారు. ఈ ఐపీఓ ద్వారా ప్రస్తుత షేర్‌ హోల్డర్లు తమ వద్ద ఉన్న షేర్లను విక్రయించనున్నారు ఐఎఫ్‌సీతో ప్రమోటర్‌ ఒప్పందం ఐపీఓ ప్రక్రియలో భాగంగా ఇంటర్నేషనల్‌ ఫైనాన్స్‌ కార్పొరేషన్‌ (ఐఎఫ్‌సీ) సంస్థ ఎయిర్‌టెల్‌ మనీతో ‘ముందస్తు పెట్టుబడి ఒప్పందం’ కుదుర్చుకుంది. ఐపీఓలో ఖరారయ్యే ముగింపు ధర వద్ద.. ప్రస్తుత షేర్‌ హోల్డర్ల నుంచి దాదాపు 90 మిలియన్‌ డాలర్ల (సుమారు రూ.750 కోట్లు) విలువైన షేర్లను కొనుగోలు చేసేందుకు ఐఎఫ్‌సీ అంగీకరించింది.ఆఫ్రికాలో ఎయిర్‌టెల్‌ మనీ హవా ఆఫ్రికా ఖండంలోనే అతిపెద్ద ఫిన్‌టెక్‌ ప్లాట్‌ఫామ్‌గా ‘ఎయిర్‌టెల్‌ మనీ’ నిలిచిందని కంపెనీ సీఈవో ఇయాన్‌ ఫెర్రావో తెలిపారు. ‘‘ప్రస్తుతం నెలకు 5.3 కోట్ల మంది డిజిటల్‌ లావాదేవీలు నిర్వహిస్తున్నారు. ఇది కంపెనీ ఆదాయాన్ని భారీగా పెంచింది. 2031 నాటికి డిజిటల్‌ లావాదేవీల పరిమాణం అయిదు రెట్లు పెరుగుతుంది. ఎయిర్‌టెల్‌ ఆఫ్రికా సబ్‌స్రైబర్లను తమ డిజిటల్‌ యాప్‌ వైపు మళ్లించడం ద్వారా ఈ అవకాశాన్ని అందిపుచ్చుకుంటాము’’ అని ఫెర్రావో స్పష్టం చేశారు.ప్రస్తుతం ఎయిర్‌టెల్‌ ఆఫ్రికా సంస్థకు ఎయిర్‌టెల్‌ మనీలో 77.85 శాతం వాటా ఉంది. 2021లో టీపీజీ, మాస్టర్‌కార్డ్, ఖతార్‌ ఇన్వెస్ట్‌మెంట్‌ అథారిటీ సంస్థలు ఇందులో 550 మిలియన్‌ డాలర్ల మైనారిటీ వాటాలను దక్కించుకున్నాయి. లిస్టింగ్‌ తర్వాత కూడా ఎయిర్‌టెల్‌ ఆఫ్రికానే ప్రధాన వ్యూహాత్మక వాటాదారుగా కొనసాగనుంది.

ప్రతి విజయవంతమైన వ్యక్తి జీవితంలో.. కొన్ని సంఘటనలు ఎప్పటికీ గుర్తుండిపోతాయి. అలాంటి ఒక మధుర జ్ఞాపకాన్ని వేదాంత సంస్థ ఛైర్మన్ అనిల్ అగర్వాల్ ఇటీవల తన ఎక్స్ ఖాతాలో షేర్ చేశారు. తన వ్యాపార జీవితంలో అత్యంత కీలకమైన విజయానికి మాజీ ప్రధానమంత్రి అటల్ బిహారీ వాజ్‌పేయి చేసిన సహాయం కారణమని ఆయన తెలిపారు.భారతీయ కంపెనీలకు దేశీయ స్టాక్ మార్కెట్‌లో తగిన గుర్తింపు, విలువ లభించడం లేదని అనిల్ అగర్వాల్ భావించారు. దీంతో.. వేదాంతను లండన్ స్టాక్ ఎక్స్చేంజ్‌లో లిస్ట్ చేయాలని నిర్ణయించుకున్నారు. కానీ ఇది అంత సులభమైన విషయం కాదు. ఎందుకంటే.. విదేశీ స్టాక్ మార్కెట్‌లో భారతదేశ కంపెనీని లిస్ట్ చేయాలంటే ప్రభుత్వం నుంచి నో అబ్జెక్షన్ సర్టిఫికేట్ (NOC) తీసుకోవడం తప్పనిసరి. ఆ అనుమతి పొందడం చాలా కష్టమైన పని.10 December 2003!मुझे आज भी London की वो सुबह याद है, जब Vedanta के साथ-साथ, हिंदुस्तान भी इतिहास रचने के लिए तैयार था।उस समय मुझे अक्सर लगता था कि भारतीय businesses को सही value और growth नहीं मिल रही।मैंने तय कर लिया कि Vedanta को London Stock Exchange पर list करेंगे।पर… pic.twitter.com/DyX1GE6eCb— Anil Agarwal (@AnilAgarwal_Ved) August 5, 2026ఈ సమస్యను పరిష్కరించుకోవడానికి అనిల్ అగర్వాల్ ఢిల్లీకి వెళ్లి పలువురు అధికారులను కలిశారు. చివరకు అప్పటి ప్రధానమంత్రి అటల్ బిహారీ వాజ్‌పేయిని కలిసి తన ఆలోచనను వివరించే అవకాశం దక్కింది. ఆయన చెప్పిన విషయాన్ని వాజ్‌పేయి ఎంతో శ్రద్ధగా విన్నారు. తర్వాత.. అప్పటి ఆర్థిక మంత్రి జస్వంత్ సింగ్‌ను చూసి,''ఈ అబ్బాయి మంచివాడిలా కనిపిస్తున్నాడు. ఇతనికి సహాయం చేద్దాం. దీని వల్ల విదేశీ మారకద్రవ్యం దేశానికి వస్తుంది'' అని చెప్పారు.ప్రధానమంత్రి మద్దతుతో ప్రభుత్వం వెంటనే అవసరమైన ఎన్ఓసీను జారీ చేసింది. ఆ అనుమతి పత్రంతో.. అనిల్ అగర్వాల్ తిరిగి లండన్ వెళ్లి తన కలను నిజం చేసుకున్నారు. వేదాంత సంస్థ లండన్ స్టాక్ ఎక్స్చేంజ్‌లో లిస్టింగ్ పొందిన తొలి భారతీయ కంపెనీగా చరిత్ర సృష్టించింది. ఆ తర్వాత ఎఫ్‌టీఎస్‌ఈ 100 ఇండెక్స్‌లో కూడా స్థానం సంపాదించింది. ఈ విజయాన్ని అనిల్ అగర్వాల్ తన జీవితంలో ఎప్పటికీ మరచిపోలేని అనుభవంగా పేర్కొన్నారు.ఇదీ చదవండి: 100మంది రిజెక్ట్ చేసినా.. రూ.38 వేల కోట్ల కంపెనీ నిర్మించాడు!

న్యూఢిల్లీ: రుణ సెక్యూరిటీలు, షేర్లను ఐఎఫ్‌ఎస్‌సీ–గిఫ్ట్‌ సిటీతోపాటు.. లండన్‌ స్టాక్‌ ఎక్సే్ఛంజీ(ఎల్‌ఎస్‌ఈ)లలో లిస్ట్‌ చేసే యోచనలో ఉన్నట్లు ఆర్థిక మంత్రి నిర్మలా సీతారామన్‌ పేర్కొన్నారు. ఇందుకు యూకేతో కలసి అవకాశాలను అన్వేషిస్తున్నట్లు తెలియజేశారు. గిఫ్ట్‌ సిటీలో కార్యకలాపాల విస్తరణకు యూకే సిద్ధంగా ఉన్నట్లు వెల్లడించారు. వేగవంత, విస్తార ఫిన్‌టెక్‌ భాగస్వామ్యానికి ఆసక్తిగా ఉన్నట్లు తెలియజేశారు. ఇండియా– యూకే 12వ ఎకనమిక్, ఫైనాన్షియల్‌ సదస్సు ముగింపు సందర్భంగా సీతారామన్‌ పలు అంశాలను వెల్లడించారు. ఐఎఫ్‌ఎస్‌సీ లిస్టింగ్‌తో ప్రారంభించి తదుపరి లండన్‌ లిస్టింగ్‌వైపు దృష్టిపెట్టనున్నట్లు గతంలోనే పేర్కొన్న విషయాన్ని ప్రస్తావించారు. వెరసి తొలుత ఐఎఫ్‌ఎస్‌సీ లిస్టింగ్‌నకు ప్రాధాన్యత ఇవ్వనున్నట్లు తెలియజేశారు. ఈ ప్లాట్‌ఫామ్‌ల ద్వారా విదేశీ పెట్టుబడులను సమకూర్చుకునేందుకు మసాలా, గ్రీన్‌ బాండ్లను సైతం రుణ సెక్యూరిటీల లిస్టింగ్‌ జాబితాలో చేర్చనున్నట్లు పేర్కొన్నారు. ఇక ఎల్‌ఎస్‌ఈలో భారత కంపెనీల ప్రత్యక్ష లిస్టింగ్‌ ప్రణాళికలను యూకే ఆర్థిక మంత్రి జెరెమీ హంట్‌ ఈ సందర్భంగా ప్రశంసించారు.

లండన్‌: లండన్‌లోని ‘లండన్‌ బ్రిడ్జి’పై శుక్రవారం కత్తితో పొడిచి ఇద్దరిని హతమార్చిన ఉగ్రవాది ఉస్మాన్‌ఖాన్‌(28) గతంలో ఉగ్రవాద నేరాలపై ఏడేళ్ల క్రితం శిక్ష అనుభవించిన విషయాన్ని స్కాట్లాండ్‌ యార్డ్‌ పోలీసులు వెల్లడించారు. లండన్‌ స్టాక్‌ ఎక్సే్ఛంజిపై బాంబు దాడికి యత్నించినందుకు, పాక్‌ ఆక్రమిత కశ్మీర్‌లో ఉగ్రవాద శిక్షణ శిబిరాన్ని నడిపినందుకు ఉస్మాన్‌ఖాన్‌కు గతంలో జైలుశిక్ష పడింది.  జైలు శిక్ష అనుభవిస్తున్న ఉస్మాన్‌.. పెరోల్‌పై బయటికొచ్చి శుక్రవారం లండన్‌ బ్రిడ్జిపై పేట్రేగిపోయాడు. కత్తితో పొడిచి ఇద్దరిని హతమార్చిన ఉస్మాన్‌ మరో ముగ్గురిని గాయపరిచాడు. ఉస్మాన్‌కు ఉగ్రనేరాలపై 2012లో శిక్ష పడింది. 2018లో లైసెన్స్‌ (పెరోల్‌)పై జైలు నుంచి విడుదలయ్యాడు.


 లండన్:  లండన్ స్టాక్ ఎక్స్ఛేంజ్‌లో గ్రీన్ బాండ్ల జారీ ద్వారా ప్రైవేట్ రంగంలోని యాక్సిస్ బ్యాంక్ 50 కోట్ల డాలర్లు సమీకరించింది. అంతర్జాతీయంగా లిస్టైన తొలి భారత గ్రీన్ బాండ్ ఇది. యాక్సిస్ బ్యాంక్ గ్రీన్ బాండ్‌ను క్లైమెట్ బాండ్స్ స్టాండర్డ్స్ బోర్డ్ సర్టిఫై చేసింది. ఈ గ్రీన్ బాండ్ల ద్వారా సమీకరించిన నిధులను హరిత ఇంధనోత్పత్తి, రవాణా, మౌలిక ప్రాజెక్టుల్లో ఇన్వెస్ట్ చేస్తామని బ్యాంక్ తెలిపింది. 2022 కల్లా 1,75,000 మెగావాట్ల పునరుత్పాదక విద్యుదుత్పత్తి చేయాలన్న భారత ప్రభుత్వ లక్ష్యానికి తోడ్పాటునందిస్తామని  యాక్సిస్ బ్యాంక్ ఎండీ, సీఈఓ శిఖ శర్మ చెప్పారు. గ్రీన్ బాండ్ల లిస్టింగ్ విషయంలో లండన్ స్టాక్ ఎక్స్చేంజ్ అగ్రస్థానంలో ఉంది.  కాగా 500కోట్డ డాలర్ల మీడియమ్ టర్మ్ నోట్(ఎంటీఎఎన్) ప్రోగ్రామ్ కింద యాక్సిస్ బ్యాంక్ జారీ చేసిన తొలి గ్రీన్ బాండ్ ఇదని శిఖ శర్మ పేర్కొన్నారు.


 అలాంటి కేంద్రం ఏర్పాటుకు సీఎం పరిశీలన
  
  సాక్షి, హైదరాబాద్: లండన్‌లోని థేమ్స్ నది ఒడ్డున ఆకర్షణీయ పర్యాటక స్థలం ‘లండన్ ఐ’ తరహాలో అమరావతి నగరంలో పర్యాటక ఆకర్షక కేంద్రం ఏర్పాటుపై ముఖ్యమంత్రి చంద్రబాబు నాయుడు పరిశీలించారు. మూడు రోజుల పర్యటన నిమిత్తం చంద్రబాబు నేతృత్వంలోని బృందం శుక్రవారం తెల్లవారుజామున రెండు గంటలకు ఢిల్లీ నుంచి లండన్ బయలుదేరి వెళ్లింది. లండన్ పార్లమెంట్ స్క్వేర్‌లోని మహాత్మాగాంధీ విగ్రహానికి చంద్రబాబు నివాళులు అర్పించారు. తొలుత ఆయన థేమ్స్ నది ఒడ్డున ఉన్న లండన్ ఐని సందర్శించారు. అనంతరం వాణిజ్య, వ్యాపారవేత్తలతో తూర్పు లండన్‌లోని ద్వీప ప్రాంతమైన కేనరీ వార్ఫ్‌లో చంద్రబాబు భేటీ అయ్యారు. వారిని అమరావతి అభివృద్ధిలో భాగస్వాములు కావాల్సిందిగా కోరారు. కేనరీ వార్ఫ్‌ను ఆర్థిక జిల్లాగా ఒక ప్రైవేటు సంస్థ అభివృద్ధి చేసింది.
 
  20 కంపెనీల పవర్ పాయింట్ ప్రజంటేషన్
  చంద్రబాబుతో భేటీ అయితే లండన్ స్టాక్ ఎక్స్చేంజి  సీఈవో నిఖిల్ రాఠీ, ప్రతినిధులు తమ సంస్థపై పవర్ పాయింట్ ప్రజంటేషన్ ఇచ్చారు. ఆర్థిక జిల్లా ఏర్పాటు, అంతర్జాతీయ స్థాయిలో మౌలిక సదుపాయాల కల్పన, వాటికి ఆర్థిక వనరులు సమకూర్చటం, అమరావ తిలో భాగస్వామ్య అవకాశాలపై ఆ సంస్థ ప్రతినిధులతో  సీఎం చర్చించారు. అమరావతికి అవసరమైన నిధుల సమీకరణలో సాయం చేసేందుకు లండన్ స్టాక్ ఎక్స్చేంజి ముందుకు వచ్చింది.
 
 యూకేలో స్మార్ట్ సిటీ నైపుణ్యంపై చంద్రబాబు బృందానికి 20 కంపెనీల ప్రతినిధులు పవర్ పాయింట్ ప్రజంటేషన్ ఇచ్చారు. ఈ కార్యక్రమంలో గ్రేటర్ లండన్ అథారిటీ, ఆర్‌ఐసీఎస్, ఐకాం, బెనాయ్, అరూప్, మోట్ మ్యాక్ డొనాల్ట్, కెటపల్ట్, స్టాడ్‌వీఅరేనా, వొడాఫోన్, రోల్స్ రాయిస్, హెర్బట్ స్మిత్ ఫ్రీహిల్స్, జేసీబీ, యూకే ఎక్స్‌పోర్ట్ ఫైనాన్స్,  ఏఆర్‌ఎం, మేస్, గ్లీడ్స్ తదితర సంస్థలు పాల్గొన్నాయి. అమరావతి వచ్చి పెట్టుబడులు పెట్టాల్సిందిగా ఈ సందర్భంగా కంపెనీలకు చంద్రబాబు పిలుపునిచ్చారు. సానుకూలంగా స్పందించిన కంపెనీలు వెంటనే అమరావతికి తమ బృందాలను పంపిస్తామని సీఎంకు హమీనిచ్చాయి. ఈ పర్యటనలో సీఎం వెంట మంత్రులు యనమల రామకృష్ణుడు, పి నారాయణ, గంటా శ్రీనివాసరావు, సీఎం కార్యాలయ ప్రత్యేక ప్రధాన కార్యదర్శి సతీష్ చంద్ర, ఆర్థిక శాఖ ముఖ్య కార్యదర్శి పీవీ రమేశ్, మౌలిక సదుపాయాల కల్పన శాఖ ముఖ్య కార్యదర్శి అజయ్‌జైన్ పలువురు అధికారులు పాల్గొన్నారు. లండన్ పర్యటనలో భాగంగా చంద్రబాబు స్థానికంగా ఉన్న తెలుగు వారితో సమావేశం కానున్నారు.


 బాండ్ల విలువ రూ.5,000 కోట్లు
 న్యూఢిల్లీ: దేశీయ టెలికాం దిగ్గజం భారతీ ఎయిర్‌టెల్ రూ.5,000  కోట్ల(50 కోట్ల గ్రేట్ బ్రిటన్ పౌండ్) స్టెర్లింగ్ బాండ్‌లను జారీ చేయనున్నది. ఈ బాండ్లను లండన్ స్టాక్ ఎక్స్ఛేంజ్‌లో లిస్ట్ చేస్తామని ఎయిర్‌టెల్ గ్రూప్ కోశాధికారి హర్జిత్ కోహ్లి చెప్పారు. ఈ బాండ్ల జారీ ద్వారా సమీకరించిన మొత్తంతో ప్రస్తుతమున్న రుణాలను రీ ఫైనాన్స్ చేస్తామని చెప్పారు.
 
 అంతర్జాతీయంగా రుణ పరిస్థితులు, మార్కెట్ల స్థితిగతులు వంటి అంశాలతో పాటు వివిధ సంస్థల నుంచి అనుమతులు రావల్సి ఉందని పేర్కొన్నారు. ఈ విషయాలన్నింటిని పరిగణనలోకి తీసుకొని ఈ బాండ్లు ఎప్పుడు జారీ చేసేదీ వెల్లడిస్తామని  తెలిపారు. ఇప్పటికే డాలర్లు, యూరోలు, క్రోనార్ కరెన్సీల్లో బాండ్లను జారీ చేశామని, ఈ బాండ్‌లను సింగపూర్, ఫ్రాంక్‌ఫర్ట్, స్విట్జర్లాండ్ స్టాక్ ఎక్స్ఛేంజ్‌ల్లో లిస్ట్ చేశామని వివరించారు.