ఓరీ(Orry) అలియాస్ ఓర్హాన్‌ అవత్రమని.. ఈ పేరు బాలీవుడ్‌తో పాటు సోషల్‌ మీడియా ఫాలో అయ్యేవారికి బాగా తెలుసు. బాలీవుడ్‌ తారల పార్టీల్లో సెంటరాఫ్‌ అట్రాక్షన్‌ నిలిస్తూ బాగా ఫేమస్‌ అయ్యాడు. జాన్వీ కపూర్, అనన్య పాండే, సుహానా ఖాన్ వంటి బాలీవుడ్ స్టార్ కిడ్స్‌ పార్టీల్లో మనోడు కచ్చితంగా ఉండాల్సిందే. ఇలా స్టార్స్‌తో కలిసి తిరుగడంతో మనోడికి కూడా ‘స్టార్‌’ హోదా వచ్చేసింది. సోషల్‌ మీడియాలో విపరీతమైన ఫాలోయింగ్‌ వచ్చేంది. ఇన్‌స్టాలో ఏ పోస్ట్‌ పెట్టినా ఇట్టే వైరల్‌ అయిపోతుంది. తాజాగా ఈ సోషల్ మీడియా సంచలనం గురించి మరో ఆసక్తికర విషయం బయటకు వచ్చింది. ఇతని మేనేజర్‌గా ఒకప్పటి టాలీవుడ్‌ స్టార్‌ హీరోయిన్‌ పని చేస్తోంది. ఆమె ఎవరో కాదు ‘ఖడ్గం’ఫేం కిమ్‌ శర్మ(kim sharma).కిమ్ శర్మ తన కెరీర్‌ను మోడల్‌గా ప్రారంభించి, 2000లో 'మొహబ్బతేన్' చిత్రంతో బాలీవుడ్‌లో అడుగుపెట్టింది. తెలుగు సినిమా 'ఖడ్గం' (2002)లో నటించి మంచి పేరు సంపాదించింది. అయితే, ఆ తర్వాత కొన్ని సినిమాల్లో నటించినప్పటికీ ఆశించిన స్థాయిలో గుర్తింపు రాకపోవడంతో ఈ అందాల తార సినీ పరిశ్రమకు వీడ్కోలు పలికింది. ఆ తర్వాత ఆమె బిజినెస్ రంగంలోకి ప్రవేశించి, ప్రస్తుతం ధర్మ కార్నర్‌స్టోన్ ఏజెన్సీలో ఎగ్జిక్యూటివ్ వైస్ ప్రెసిడెంట్‌గా వ్యవహరిస్తోంది. ఈ సంస్థ సోషల్ మీడియా స్టార్ ఓరీకి సంబంధించినది. కిమ్ శర్మ తన చాకచక్యంతో ఓరీ నికర విలువను రూ. 10 కోట్లకు పెంచినట్లు తెలుస్తోంది. ఒకప్పటి హీరోయిన్ నుంచి మేనేజర్‌గా స్థానం మార్చుకున్న ఆమె జీవన ప్రస్థానం ఇప్పుడు అందరి దృష్టిని ఆకర్షిస్తోంది.

బాలీవుడ్ బ్యూటీ 'కిమ్ శర్మ' (Kim Sharma) పేరు తెలుగు వారికి పెద్దగా పరిచయం ఉండకపోవచ్చు, కానీ మగధీర సినిమాలో జోర్సే.. జోర్సే పాట గుర్తొస్తే తప్పకుండా ఈమే గుర్తొస్తుంది. ఇది మాత్రమే కాకుండా ఖడ్గం, ఆంజనేయులు సినిమాల్లో కూడా తనదైన రీతిలో టాలీవుడ్ ప్రేక్షకులను అలరించింది. అయితే ఈ ముద్దుగుమ్మ ఇటీవల ఓ ఖరీదైన జర్మన్ లగ్జరీ కారుని కొనుగోలు చేసింది. ఈ కారు గురించి మరిన్ని వివరాలు ఈ కథనంలో చూసేద్దాం.. కిమ్ శర్మ కొనుగోలు చేసిన కొత్త కారు బీఎండబ్ల్యూ కంపెనీకి చెందిన ఐ7 (BMW i7) ఎలక్ట్రిక్ సెడాన్. ఇటీవలే ఈ కారుతో ఓ రెస్టారెంట్ వెలుపల కనిపించింది. ఈ సెడాన్ ధర రూ. 1.95 కోట్లు (ఎక్స్-షోరూమ్). దీనికి సంబంధించిన ఒక వీడియోను కార్స్ ఫర్ యు అనే యూట్యూబ్ ఛానల్ అప్‌లోడ్‌ చేసింది.  ఈ వీడియోలో గమనించినట్లయితే, బీఎండబ్ల్యూ ఐ7 కారు దిగి రెస్టారెంట్ లోపలికి వెళ్లిపోవడం చూడవచ్చు. గతంలో ఈమె భారతదేశంలో అత్యంత సరసమైన కారు 'టాటా నానో' (Tata Nano) ఉపయోగించేది. అయితే దీని స్థానంలో ఖరీదైన బీఎండబ్ల్యూను చేర్చింది. బీఎండబ్ల్యూ ఐ7 ఎలక్ట్రిక్ దేశీయ మార్కెట్లో అత్యంత ప్రజాదరణపొందిన బీఎండబ్ల్యూ కార్లలో ఐ7 ఒకటి. ఇది అద్భుతమై డిజైన్, అధునాతన ఫీచర్స్ పొందుతుంది. ఇందులో బ్లూ యాక్సెంట్‌లు, కొత్త డైమండ్ అల్లాయ్ వీల్ వంటివి గమనించవచ్చు. ఇదీ చదవండి: ఎలాన్ మస్క్‌‌కు షాక్.. ఎక్స్(ట్విటర్)కు రూ.3.21 కోట్లు ఫైన్ - కారణం ఇదే! ఇంటీరియర్ విషయానికి వస్తే.. ఈ సెడాన్ 14.9 ఇంచెస్ డిజిటల్ ఇన్‌స్ట్రుమెంట్ క్లస్టర్ & 12.3 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్‌ పొందుతుంది. అంతే కాకుండా రెండవ వరుస ప్రయాణికుల కోసం ఇందులో 31.3 ఇంచెస్ 8కే సినిమా స్క్రీన్ ఉంటుంది. డోర్స్ వద్ద కూడా 5.5 ఇంచెస్ టచ్‌స్క్రీన్ ఉంటుంది.  బీఎండబ్ల్యూ ఐ7 రెండు ఎలక్ట్రిక్ మోటార్లను కలిగి 544 హార్స్ పవర్, 745 న్యూటన్ మీటర్ టార్క్ అందిస్తుంది. ఇందులోని 101.7 కిలోవాట్ లిథియం అయాన్ బ్యాటరీ ప్యాక్ ఒక సింగిల్ ఛార్జ్‌తో గరిష్టంగా 600 కంటే ఎక్కువ రేంజ్ అందిస్తుందని కంపెనీ ధ్రువీకరించింది. దీని టాప్ స్పీడ్ 239 కిమీ/గం.

ఖడ్గం బ్యూటీ కిమ్‌ శర్మ, టెన్నిస్‌ ఛాంపియన్‌ లియాండర్‌ పేస్‌ల బంధానికి బీటలు వారింది. వీరిద్దరూ విడిపోయారంటూ సోషల్‌ మీడియాలో కొంతకాలంగా పుకార్లు షికార్లు చేస్తున్న విషయం తెలిసిందే కదా! ఈ క్రమంలో కిమ్‌ తన ఇన్‌స్టాగ్రామ్‌లో లియాండర్‌ పేస్‌తో దిగిన ఫోటోలన్నింటినీ డిలీట్‌ చేయడంతో ఈ వార్తలకు మరింత బలం చేకూరినట్లైంది. రెండేళ్లుగా డేటింగ్‌ చేస్తున్న ఈ జంట త్వరలో పెళ్లిపీటలెక్కుతారనుకుంటే ఇలా సడన్‌గా బ్రేకప్‌ చెప్పుకున్నారేంటని ఆశ్చర్యపోతున్నారు అభిమానులు. కిమ్‌కు బ్రేకప్‌ కొత్త కాదు! ఖడ్గం సినిమాతో టాలీవుడ్‌లోకి ఎంట్రీ ఇచ్చిన ఈ బ్యూటీ మగధీరలో 'ఏం పిల్లడో ఎల్దం వస్తవా' స్పెషల్‌ పాటతో మరింత పాపులర్‌ అయింది. హిందీలోనూ పలు చిత్రాలు చేసిన ఆమె సినిమాల కంటే కూడా లవ్‌ ఎఫైర్స్‌తోనే ఎక్కువగా వార్తల్లో నిలిచింది. మాజీ క్రికెటర్‌ యువరాజ్‌ సింగ్‌తో ప్రేమాయణం నడిపిన ఆమె పలు కారణాలతో అతడికి బ్రేకప్‌ చెప్పింది. 2010లో కెన్యా వ్యాపారవేత్తను పెళ్లాడగా కొంతకాలానికే అతడికి విడాకులిచ్చేసింది. తర్వాత నటుడు హర్షవర్ధన్‌ రాణేతో ప్రేమాయణం సాగించినప్పటికీ అదీ ఎంతోకాలం నిలవలేదు. రెండేళ్లుగా టెన్నిస్‌ స్టార్‌ లియాండర్‌పేస్‌తో రిలేషన్‌లో ఉన్న ఆమె చివరకు అతడికి కూడా బ్రేకప్‌ చెప్పినట్లు తెలుస్తోంది. లియాండర్‌కు కూతురు కూడా ఉంది.. అటు లియాండర్‌ పేస్‌ కూడా ఎంతోమందితో ఎఫైర్స్‌ నడిపాడు. ప్రముఖ మోడల్‌ రియా పిళ్లైతో సహజీవనం చేయగా వీరికి ఓ కుమార్తె కూడా జన్మించింది. తర్వాత కిమ్‌తో లవ్‌లో పడ్డాడు. 2020 చివరిలో రిటైర్మెంట్‌ ప్రకటించిన ఈ టెన్నిస్‌ స్టార్‌.. 1992 నుంచి 2016 వరకూ మొత్తం 7 ఒలింపిక్స్‌లో భారత్‌కు ప్రాతినిథ్యం వహించాడు. అతని సుదీర్ఘ కెరీర్‌లో 1996లో జరిగిన అట్లాంటా ఒలింపిక్స్‌లో కాంస్య పతకం సాధించడమే కాకుండా 18 గ్రాండ్‌స్లామ్‌(డబుల్స్‌, మిక్స్‌డ్‌ డబుల్స్‌)ల్లో విజేతగా నిలిచాడు.

బాలీవుడ్‌ నటి, ఖడ్గం బ్యూటీ కిమ్‌ శర్మ టెన్నిస్‌ ఆటగాడు లియాండర్‌ పేస్‌తో గత కొంతకాలంగా ప్రేమలో మునిగి తేలుతున్న సంగతి తెలిసిందే. తాజాగా ఈ లవ్‌బర్డ్స్‌ తమ ప్రేమను నెక్ట్స్‌ లెవల్‌కి తీసుకెళ్లాలని భావిస్తున్నారట. త్వరలోనే ఈ ప్రేమజంట పెళ్లిపీటలు ఎక్కబోతున్నట్లు బీటౌన్‌లో గుసగుసలు వినిపిస్తున్నాయి. కిమ్‌ శర్మ, పేస్‌ల తల్లిదండ్రులు కూడా ఇటీవలె ముంబైకి చేరుకున్నారని, పెళ్లికి సంబంధించి ఇరు కుటుంసభ్యులు చర్చలు జరుతున్నట్లు తెలుస్తోంది. ఇప్పటికే వీరి పేరెంట్స్‌ కిమ్‌, పేస్‌ల పెళ్లికి గ్రీన్‌ సిగ్నల్‌ ఇచ్చారని, దీంతో అతి త్వరలోనే అతి త్వరలోనే వీరిద్దరూ కోర్టు మ్యారేజ్‌ చేసుకోనున్నట్లు సమాచారం. కిమ్‌-పేస్‌ల తల్లిదండ్రులు ఇలా కలుసుకోవడం ఇదేమీ మొదటిసారి కాదు. గతేడాది డిసెంబర్‌లో న్యూ ఇయర్‌ సెలబ్రేషన్స్‌ను వీరంతా కలిసి సెలబ్రేట్‌ చేసుకున్నారు. కాగా కిమ్‌ కిమ్‌.. ఖడ్గం,మగధీరలో 'ఏం పిల్లడో' పాటల ద్వారా టాలీవుడ్‌ ప్రేక్షకులకు దగ్గరైంది.అయితే ఆమె సినిమాల కంటే లవ్‌ ఎఫైర్స్‌తోనే బాగా పాపులర్‌ అయ్యింది. 2010లో కెన్యా వ్యాపారవేత్తను వివాహం చేసుకున్న కిమ్‌ కొన్నాళ్లకే విడాకులు తీసుకుంది. అనంతరం నటుడు హర్షవర్ధన్‌ రాణేతో ఎఫైర్‌ సాగించిన ఈ బ్యూటీ.. ప్రస్తుతం లియాండర్‌ పేస్‌తో రిలేషన్‌షిప్‌లో ఉంది. 

భారత టెన్నిస్‌ స్టార్‌ లియాండర్‌ పేస్‌ (48)..  కృష్ణవంశీ పాపులర్‌ సినిమా ఖడ్గం ఫేమ్‌ కిమ్‌ శర్మ (40).. వీరిద్దరి డేటింగ్‌ విషయం రహస్యమేమి కాదు. జూలైలోనే ఈ జంట దగ్గరగా కలిసి ఉన్న ఫోటోలను గోవాలోని ఓ రెస్టారెంట్‌, తన అకౌంట్‌లో షేర్‌ చేయగా వైరల్‌ అయిన విషయం విదితమే. ఆ తర్వాత సైతం చాలా సార్లు కెమెరా కంటికి జంటగా చిక్కారు. అయితే వారిద్దరూ ఆ విషయం గురించి పెద్దగా స్పందించలేదు. కాగా ఆదివారం (సెప్టెంబర్‌ 5న) పేస్‌తో క్లోజ్‌గా ఉన్న పిక్‌ని తన ఇన్‌స్టాగ్రామ్‌లో కిమ్‌ షేర్ చేసింది. దీంతో వారి రిలేషన్‌షిప్‌ని కన్‌ఫర్మ్‌ చేసినట్లు అయ్యింది.  బాలీవుడ్‌ బ్యూటీ కెమెరా వైపు చూస్తూ నవ్వుతూ ఉండగా,  టెన్నిస్‌ స్టార్‌ ఆ భామ వైపు ప్రేమగా చూస్తున్నాడు.  దీంతో ఈ ఫోటో వైరల్‌గా మారింది. కిమ్‌ తన సినిమాలతో కంటే టీమిండియా మాజీ క్రికెటర్‌, యువరాజ్‌సింగ్‌తో నడిపిన ప్రేమాయణంతోనే ఎక్కువ పాపులారిటీ సంపాదించింది. కానీ వివిధ కారణాలతో యువీతో విడిపోయిన ఆ భామ 2010లో కెన్యా వ్యాపారవేత్తను వివాహం చేసుకుంది. కానీ వారి బంధం ఎక్కువ కాలం కొనసాగలేదు. 2016లో అతనితో తెగదెంపులు చేసుకుంది. అనంతరం నటుడు హర్షవర్ధన్‌ రాణేతో ఎఫైర్‌ సాగించిన ఈ బ్యూటీ.. ప్రస్తుతం లియాండర్‌ పేస్‌తో రిలేషన్‌షిప్‌లో ఉంది. ప్రేమ వ్యవహారాల విషయంలో లియాండర్‌ పేస్‌ ఏం తక్కువ తినలేదు. ఎంతో మందితో ఎఫైర్స్‌ నడిపాడు. ఇంతకుముందు ప్రముఖ మోడల్‌ రియా పిళ్లైతో సహజీవనం చేయగా, ఓ కుమార్తె కూడా జన్మించింది. ప్రస్తుతానికి కిమ్‌తో ప్రేమలో మునిగి తేలుతున్నాడు.  2020 చివరిలో రిటైర్మెంట్‌ ప్రకటించిన ఈ టెన్నిస్‌ స్టార్‌.. 1992 నుంచి 2016 వరకూ మొత్తం 7 ఒలింపిక్స్‌లో భారత్‌కు ప్రాతినిథ్యం వహించాడు.  అతని సుదీర్ఘ కెరీర్‌లో 1996లో జరిగిన అట్లాంటా ఒలింపిక్స్‌లో కాంస్య పతకం సాధించడమే కాకుండా 18 గ్రాండ్‌స్లామ్‌(డబుల్స్‌, మిక్స్‌డ్‌ డబుల్స్‌)ల్లో విజేతగా నిలిచాడు. View this post on Instagram A post shared by Kimi Sharma (@kimsharmaofficial) చదవండి: Sidharth Shukla: 'అప్పటి నుంచి సిద్ధార్థ్ ఇంటికి రావడం మానేశాడు'

Kadgam Actress Kim Sharma Life Story: ‘ముసుగు వేయొద్దు మనస్సు మీద.. వలలు వేయొద్దు వయస్సు మీద’ అంటూ ‘ఖడ్గం’ సినిమాలో అలరించిన కిమ్‌ శర్మ గుర్తుంది కదా.. తన గ్లామర్ తో కుర్రాల మనసుల మీది ముసుగు లాగేసిందీ ఈ బోల్డ్‌ బ్యూటీ. తెలుగులో ‘ఖడ్గం’, ‘యాగం’మగధీర (స్పెషల్‌ సాంగ్‌) వంటి సినిమాల్లో నటించిన ఈ బాలీవుడ్‌ భామ.. ఎప్పుడూ తన ప్రేమ వ్యవహారాలతో వార్తల్లో నిలుస్తూనే ఉంటుంది. బాలీవుడ్‌ మూవీ డర్‌(1993)లో అతిథి పాత్రతో వెండితెరకు పరిచయం అయింది కిమ్‌ శర్మ. ఆ తర్వాత మొహబతీన్ సినిమాలో హీరోయిన్ గా అడుగు పెట్టి మంచి గుర్తింపు తెచ్చుకుంది. అలా పలు బాలీవుడ్‌ సినిమాలలో నటించిన ఈ బ్యూటీ .. 2002లో ఖడ్గం సినిమాతో టాలీవుడ్‌ ఎంట్రీ ఇచ్చింది. తొలి సినిమాతోనే మంచి గుర్తింపు తెచ్చుకుంది కిమ్‌ శర్మ. ఆ తర్వాత మగధీర సినిమాలో స్పెషల్‌ సాంగ్‌లో నటించి మెప్పించింది.  (చదవండి: హీరోయిన్‌ మీరా జాస్మిన్‌ ఇప్పుడెలా ఉంది, ఏం చేస్తుందో తెలుసా) యువరాజ్‌ ప్రేమాయణం.. బిజినెస్‌ మ్యాన్‌తో వివాహం ఇండియన్‌ మాజీ క్రికెటర్‌ యువరాజ్‌ సింగ్‌తో నాలుగేళ్ల పాటు ప్రేమాయణం సాగించింది ఈ భామ. పబ్లిక్‌గా చట్టాపట్టాలేసుకొని తిరిగారు. అప్పట్లో వీరిద్దరు కలిసి ఉన్న ఫోటోలు సోషల్‌ మీడియాలో తెగ వైరల్‌ అయ్యాయి. అయితే ఏమైందో ఏమో కానీ వీరిద్దరికీ 2007లో బ్రేకప్ అయిపోయింది. 2010లో బిజినెస్‌ టైకూన్‌ అలీ పంజనీని పెళ్లి చేసుకున్న కిమ్‌ శర్మ భర్తతోపాటు కెన్యాకు వెళ్లిపోయింది. అయితే ఈ వివాహ బంధం కూడా ఎక్కువ కాలం నిలవలేదు. 2017లో అతనితో విడాకులు తీసుకొని తిరిగి ముంబై వచ్చేసింది. విడాకులు తీసుకునే సమయంలో ఆమె మాజీ ప్రియుడు యువరాజ్‌ సింగ్‌ కిమ్‌ కెన్యాకు వెళ్లడం గమనార్హం. అలీతో విడాకులు తీసుకున్న తర్వాత కిమ్ శర్మ, హర్షవర్థన్ రాణేల డేటింగ్ నడిపిందని వార్తలు వచ్చాయి.  లియాండర్ పేస్‌తో డేటింగ్‌! ప్రస్తుతం ఈ  బ్యూటీ  టెన్నిస్ మాజీ ప్లేయర్ లియాండర్ పేస్‌తో డేటింగ్ లో ఉన్నారంటూ గత కొంతకాలంగా వార్తలు వినిపిస్తున్నాయి. ఇటీవల వీరిద్దరూ కలిసి గోవాలో చక్కర్లు కొట్టిన ఫోటోలు నెట్టింట వైరల్ గా మారాయి. అలాగే వీరిద్దరూ ఆస్పత్రికి వెళ్లిన ఫోటోలు కూడా మీడియాకు చిక్కాయి. అయితే వీరిద్దరు  కలిసి తిరుగుతున్నారు కానీ.. వారి డేటింగ్ విషయమై ఇంతవరకు నోరు విప్పలేదు. ఇదిలా ఉంటే.. గత కొంత కాలంగా సినిమాలకు దూరంగా ఉంటున్న కిమ్‌.. త్వరలోనే రీ ఎంట్రీ ఇవ్వనున్నట్టు వార్తలు వినిపిస్తున్నాయి. 

ముంబై: 1996 అట్లాంటా ఒలింపిక్స్‌ కాంస్య పతక విజేత, 18 గ్రాండ్‌స్లామ్‌ల విజేత(డబుల్స్‌, మిక్స్‌డ్‌ డబుల్స్‌), భారత టెన్నిస్‌ దిగ్గజం లియాండర్‌ పేస్‌(48).. ఖడ్గం సినిమా బ్యూటీ కిమ్‌ శర్మతో డేటింగ్‌లో ఉన్నాడని గత కొంతకాలంగా ప్రచారం నడుస్తోంది. ఈ నేపథ్యంలో ఆ వార్తలను నిజం చేస్తూ.. వీరి జోడీ గోవా బీచ్‌లో చెట్టాపట్టాలేసుకుని విహరిస్తూ ఫోటోలకు పోజులిచ్చింది. అయితే వీరిద్దరూ ఇలా కెమెరా కంటికి చిక్కడం ఇది తొలిసారేమీ కాదు. గతంలోనూ చాలా సందర్భాల్లో వీరు దగ్గరగా కలిసి దిగిన ఫోటోలు సోషల్‌ మీడియాలో వైరల్‌ అయ్యాయి. తాజా గోవా పర్యటనకు సంబంధించిన ఫోటోలను వారు బస చేసిన హోటల్‌ యాజమాన్యమే సోషల్‌ మీడియాలో పోస్ట్‌ చేయడం విశేషం.  View this post on Instagram A post shared by Pousada By The Beach (@pousadabythebeachgoa) కాగా, 2007లో కిమ్‌ శర్మ.. టీమిండియా మాజీ క్రికెటర్‌, సిక్సర్ల వీరుడు యువ్‌రాజ్‌సింగ్‌తో ప్రేమాయణం సాగించింది. అయితే, వీరిద్దరికి పొసగకపోవడంతో కొద్దికాలంలోనే విడిపోయారు. ఆతర్వాత యువీ.. హేజిల్‌ కీచ్‌ను పెళ్లి చేసుకోగా, కిమ్‌ 2010లో కెన్యాకు చెందిన వ్యాపారవేత్తను మనువాడింది. అయితే, 2016లో అతని నుంచి కూడా విడాకులు తీసుకున్న ఈ 40 ఏళ్ల ఢిల్లీ భామ.. ఆతర్వాత నటుడు హర్షవర్ధన్‌ రాణేతో ప్రేమాయణం సాగించింది. View this post on Instagram A post shared by Pousada By The Beach (@pousadabythebeachgoa) ఆతర్వాత ఏమైందో తెలీదు కానీ ప్రస్తుతం ఆమె పేస్‌తో డేటింగ్‌లో ఉన్నట్లు తెలుస్తోంది. మరోవైపు, పేస్‌ సైతం చాలా మందితో ఎఫైర్లు నడిపాడు. ఇటీవలి కాలంలో అతను ప్రముఖ మోడల్‌ రియా పిళ్ళైతో సహజీవనం చేస్తున్నట్లు వెల్లడించాడు. వీరికి ఓ కుమార్తె కూడా జన్మించింది. ప్రస్తుతానికైతే పేస్‌, కిమ్‌ జంట చెట్టాపట్టాలేసుకుని తిరుగుతుంది. కాగా, కిమ్‌.. కృష్ణవంశీ పాపులర్‌ సినిమా ఖడ్గంలో 'ముసుగు వేయొద్దు మనసు మీద'.. అలాగే మగధీరలో 'ఏం పిల్లడో' పాటల ద్వారా టాలీవుడ్‌ భారీ ప్రేక్షకాధరణ పొందింది. View this post on Instagram A post shared by The Project Café Ahmedabad (@theprojectcafeahd)

చేస్తున్న పని నచ్చకపోతే అదెంత పేరు తెచ్చేదైనా పక్కన పెట్టేస్తాం. నచ్చిన పని మన పాపులారిటీని పెంచకపోయినా పర్‌ష్యూ చేస్తాం. ఈ పుటలో ప్రస్తావించబోయే  వ్యక్తులూ అంతే. నటులుగా వాళ్లు పాపులర్‌. కాని ఇప్పుడు అడుగుపెట్టిన రంగానికి వాళ్లు కొత్తే. అందుకే ఇక్కడ ఆ పరిచయం.  కిమ్‌ శర్మ తెలుగువాళ్లకూ పరిచయమే. ముసుగు వెయ్యొద్దు మనసు మీద (ఖడ్గం) అంటూ యువత మనసుల మీది ముసుగు లాగేసిందీ బోల్డ్‌ యాక్ట్రెస్‌. పెళ్లయ్యాక సిల్వర్‌ స్క్రీన్‌కు గుడ్‌బై చెప్పి కెన్యా వెళ్లిపోయింది. అక్కడ ఖాళీగా కూర్చోలేదు. బ్రైడల్‌ గ్రూమింగ్‌ సర్వీస్‌ సెంటర్‌ను స్టార్ట్‌ చేసింది. బ్రహ్మాండంగా సాగుతోందట.  ట్వింకిల్‌ ఖన్నా పేరు వింటేనే మనిషి గుర్తొచ్చేంత ఫేమస్‌ ఈ నటి. తల్లిదండ్రులు డింపుల్‌ కపాడియా, రాజేశ్‌ ఖన్నా వారసురాలిగానే అడుగు పెట్టినా తనకంటూ ప్రత్యేకతను నిలుపుకుంది. నటనతో కాదు ఇంటీరియర్‌ డిజైనర్, రచయిత్రిగా. ఆమె భర్త అక్షయ్‌ కుమార్‌ టాప్‌ హీరో అన్న విషయమూ తెలిసిందే. భర్త పేరుతోనూ ఆమెను పోల్చుకోరు ప్రేక్షకులు. అదీ ట్వింకిల్‌ అస్తిత్వం. మల్టీటాలెంటెడ్‌ ఉమన్‌గా ఆమె సాధిస్తున్న విజయం.  డినో మోరియా ఆరడగులు కండలవీరుడిగా బాలీవుడ్‌లో డినో మోరియాకు విపరీతమైన క్రేజ్‌.. మోజు కూడా.  అయినా అతను నటించిన కొన్ని సినిమాలు వరుసగా ఫ్లాప్‌ అవడంతో ఇంకా అట్టే ప్రేక్షకుల సహనాన్ని పరీక్షించక నటనకు ప్యాకప్‌ చెప్పేసుకున్నాడు. ‘క్రీప్‌ స్టేషన్‌ కేఫ్‌’ అని రెస్టారెంట్‌ తెరిచాడు. అతని యాక్టింగ్‌ కెరీర్‌ కన్నా అద్భుతంగా రన్‌ అవుతోంది ఆ రెస్టారెంట్‌. అప్పుడప్పుడు ఓటీటీ సిరీస్‌లోనూ అప్పియర్‌ అవుతున్నాడు డినో.  దీపాన్నిత శర్మ టీవీ సీరియల్స్, సినిమా ప్రియులకు బాగా తెలిసిన నటి. నటించడం ఆపేసి జీవిత కలను నెరవేర్చుకొమ్మని మెదడు చేసిన సూచనను ఫాలో అయింది. ‘షాజ్మా’ అనే పడవను కొనుక్కొని ముంబై సముద్రంలో తిప్పుతూ అందులో లగ్జరీ పార్టీలను అరెంజ్‌ చేస్తోంది.  కుమార్‌ గౌరవ్‌ నాటి బాలీవుడ్‌ నటుడు రాజేంద్రకుమార్‌ వారసుడిగా (కొడుకు) బాలీవుడ్‌లో తన అదృష్టాన్ని పరీక్షించుకున్నాడు. నెగ్గాడు కూడా.  ప్రేక్షకుల్లో తనకు డిమాండ్‌ తగ్గిపోతుందని గ్రహించిన వెంటనే బిజినెస్‌ రంగంలోకి దిగాడు. మాల్దీవ్స్‌లో ట్రావెల్‌ బిజినెస్‌ ప్రారంభించాడు. అన్నేళ్ల నటనారంగంలోని సంపాదన కన్నా రెట్టింపు రాబడి, రెట్టింపు ఉత్సాహంతో వ్యాపారంలో రాణిస్తున్నాడు కుమార్‌ గౌరవ్‌.  మయూరీ కాంగో ‘ఘర్‌ సే నికల్తే హీ కుఛ్‌ దూర్‌ చల్తే హీ రస్తే మే హై ఉస్కా ఘర్‌ ’ 1990ల మధ్యకాలంలోని యువను ఉర్రూతలూగించిన పాట. 1996లో వచ్చిన  ‘పాపా కహెతే హై’ సినిమాలోనిది. ఆ పాటను కథానాయిక మయూరీ కాంగో, నాయకుడు జుగల్‌ హంస్‌రాజ్‌ మీద చిత్రీకరించారు. ఆ సినిమాతో మయూరీ కాంగో ఫేమస్‌ అయిపోయింది. తర్వాత కొన్ని చిత్రాల్లోనూ కనిపించింది. కానీ ఎందుకో ఉన్నట్టుండి ఆ పాపులారిటీ అంటే విరక్తి పుట్టింది.. నటన అంటే ఆసక్తి తగ్గింది ఆమెకు. అమెరికా వెళ్లిపోయింది. న్యూయార్క్‌ యూనివర్శిటీలో చేరి మార్కెటింగ్‌ అండ్‌ ఫైనాన్స్‌లో ఎంబీఏ చేసింది. ఢిల్లీ వచ్చేసి గుర్‌గావ్‌లోని ఒక మల్టీనేషనల్‌ కంపెనీలో మార్కెటింగ్‌ హెడ్‌గా పనిచేస్తోంది. 

ముంబై: ‘‘ఇందులో దాచడానికి ఏమీ లేదు. మేము కొన్నాళ్లపాటు కలిసే ఉన్నాం. కానీ ఇప్పుడు ఆ బంధం ముగిసిపోయింది’’అంటూ నటుడు హర్షవర్ధన్‌ రాణే తన బ్రేకప్‌ గురించి చెప్పుకొచ్చాడు. తన వ్యవహారశైలి, ఆలోచనా విధానమే కిమ్‌ శర్మ నుంచి తనను దూరం చేశాయన్నాడు. అయితే ఆమెతో గడిపిన సమయం జీవితంలోనే అత్యంత మధుర జ్ఞాపకాలను మిగిల్చిందని, ఈ భూమి మీద ఉన్న హాస్యచతురత గల మనుషుల్లో కిమ్‌ ముందు వరుసలో ఉంటుందన్నాడు. కాగా తకిట తకిట మూవీతో టాలీవుడ్‌కు పరిచయమైన హర్షవర్ధన్‌... రవిబాబు ‘అవును’, ‘అవును2’ చిత్రాల ద్వారా ఫేమస్‌ అయిన సంగతి తెలిసిందే. శేఖర్‌ కమ్ముల ‘ఫిదా’ సినిమాలో అతిథి పాత్రలో కన్పించాడు. (చదవండి: షారుఖ్‌ ‘మన్నత్’‌ను అమ్మేస్తున్నాడా?!) ఇక 2016లో సనమ్‌ తేరీ కసమ్‌ ద్వారా బాలీవుడ్‌లో ఎంట్రీ ఇచ్చిన హర్షవర్ధన్‌, ప్రస్తుతం తైష్‌ అనే సినిమాతో బిజీగా ఉన్నాడు. జీ5 ఓటీటీ ప్లాట్‌ఫాంలో విడుదలయ్యేందుకు ఈ మూవీ సిద్ధంగా ఉంది. ఈ నేపథ్యంలో ఓ వెబ్‌సైట్‌తో ముచ్చటించిన అతడు తన వృత్తిగత, వ్యక్తిగత జీవితం గురించి పలు విషయాలు వెల్లడించాడు. కిమ్‌ శర్మ, తాను ప్రేమలో ఉన్నట్లు హర్షవర్దన్‌ గతంలో వెల్లడించిన సంగతి తెలిసిందే. అయితే ఇటీవలే ఈ జంట గుడ్‌బై చెప్పుకొంది. ఈ క్రమంలో.. ‘‘నీతో గడిపిన సమయం అత్యద్భుతం. ఆ దేవుడు నిన్నూ, నన్నూ ఆశీర్వదించాలని కోరుకుంటున్నా. బై’’అంటూ సోషల్‌ మీడియాలో పోస్ట్‌ షేర్‌ చేశాడు. ఈ విషయం గురించి తాజాగా మాట్లాడుతూ.. ‘‘నా డీఎన్‌ఏలోనే ఏదో తప్పు జరిగింది. 12 ఏళ్లపాటు నేను ఒంటరిగానే ఉన్నాను. నిజానికి ఏ కారణం లేకుండా ఎవరూ విడిపోరు.  ఇప్పుడు నా వధువు స్వతంత్రురాలు. అలాగే సినిమానే ఇప్పుడు నా పెళ్లికూతురు’’ అంటూ రంగ్‌ దే బసంతి సినిమాలోని డైలాగ్‌ను ఉటంకిస్తూ, ఇకపై కెరీర్‌పైనే తాను దృష్టి సారించనున్నట్లు వెల్లడించాడు. ఇక ‘మొహబ్బతే’ సినిమాతో బాలీవుడ్‌ ఎంట్రీ ఇచ్చిన కిమ్‌ శర్మ.. ఫిదా, తుమ్‌సే అచ్చా కౌన్‌ హై, కహెతా హై దిల్‌ బార్‌ బార్‌ వంటి సినిమాల్లో నటించింది. తెలుగులో ఖడ్గం సినిమాలో మెరిసిన ఈ భామ.. ‘మగధీర’లో ప్రత్యేక గీతంలో నర్తించింది. 2010లో వ్యాపారవేత్త అలీ పుంజానీని పెళ్లాడిన కిమ్‌... విభేదాల కారణంగా ప్రస్తుతం భర్తకు దూరంగా ఉంటోంది.(యువీ హార్ట్‌ టచింగ్‌ పోస్ట్‌: కిమ్‌ రిప్లై)

ముంబై : టీమిండియా ప్రపంచకప్‌ల హీరో, సిక్సర్ల కింగ్‌ యువరాజ్‌ సింగ్‌ రిటైర్మెంట్‌ ప్రకటించి ఏడాది పూర్తయిన సందర్భంగా అభిమానులతో పాటు తాజా, మాజీ క్రికెటర్లు అతడిని స్మరించుకున్నారు. అంతేకాకుండా ‘మిస్‌ యూ యూవీ’ అంటూ సోషల్‌ మీడియాలో సందేశాలు పోస్ట్‌ చేశారు. దీంతో యువీకి సంబంధించిన ఫోటోలు, వీడియోలతో సోషల్‌ మీడియా దద్దరిల్లిపోయింది. ఈ సందర్భంగా తనను గుర్తుచేసుకున్న అభిమానులకు యువీ ప్రత్యేక కృతజ్ఞతలు తెలిపాడు. (నాపై నమ్మకం కల్గించావు: యువీ) ‘డియర్‌ ఫ్యాన్స్‌ మీ ప్రేమకు నేను పొంగిపోయాను. నా మనసు కృతజ్ఞతా భావంతో నిండిపోయింది. మీరంతా నాలో భాగమైనట్టే నా జీవితంలో క్రికెట్‌ ఎప్పటికీ ఉంటుంది. బాధ్యతాయుతమైన పౌరులుగా కరోనా వైరస్‌పై ప్రభుత్వం చెప్పే నియమాలు పాటించండి. అవసరంలో ఉన్న వారికి చేతనైనంత సాయం చేయండి’ అంటూ అభిమానులకు ధన్యవాదాలు తెలుపుతూ ఇన్‌స్టాలో ఓ పోస్ట్‌ చేశాడు. ఈ పోస్ట్‌ క్షణాల్లో వైరల్‌ అయింది. అయితే యువీ ఉద్వేగంగా చేసిన ఈ పోస్ట్‌పై అతడి మాజీ లవర్‌ కిమ్‌ శర్మ రియాక్ట్‌ అయ్యారు. ‘గేటెస్ట్‌ ఆఫ్‌ ఆల్‌ టైమ్‌’ అంటూ కామెంట్‌ చేశారు. కాగా, యువీ-కిమ్‌ల మధ్య నాలుగేళ్ల పాటు ప్రేమాయణం సాగిన విషయం తెలిసిందే. అయితే 2007లో వీరి లవ్‌స్టోరీకి ఫుల్‌స్టాప్‌ పడింది. (ట్రెండింగ్‌లో సిక్సర్ల ‘యువరాజు‌’) తన భర్త అలీ పుంజానీతో కిమ్ ‌శర్మ కిమ్‌తో పెళ్లికి యువీ తల్లి ఒప్పుకోలేదని, కిమ్‌ వ్యవహార శైలి నచ్చకపోవడంతో వీరిద్దరి మధ్య విభేదాలు రావడంతో విడిపోయారనే వార్తలు వచ్చాయి. 2010లో కెన్యా వ్యాపారవేత్త అలీ పుంజానీని కిమ్‌ పెళ్లి చేసుకున్నారు. అనంతరం ఓ ఇంటర్వ్యూలో ‘అవును, ఆమెను పెళ్లి చేసుకోవాలనుకున్నా. ఆమే నా ప్రేమ. అయితే, ఇప్పుడు ఆమెకు పెళ్లైంది. ఇప్పుడామె గురించి మాట్లాడటం సరికాదు’ అంటూ యువీ వ్యాఖ్యానించడం విశేషం. ఇక నాలుగేళ్ల కిందట హాలీవుడ్‌ నటి హజెల్‌ కీచ్‌ను యువీ ప్రేమించి పెళ్లి చేసుకున్నాడు. ఇక గతేడాది యువీ ఇచ్చిన రిటైర్మెంట్‌ పార్టీకి కిమ్‌ హాజరయ్యారు. అనంతరం యువీ, హజెల్‌ కీచ్‌ల జీవితాల్లో వెలుగులు నిండాలి అంటూ ట్వీట్‌ చేశారు. కిమ్‌ శర్మ తెలుగు అభిమానులకు సుపరిచితమే. కృష్ణవంశీ దర్శకత్వంలో వచ్చిన ‘ఖడ్గం’ చిత్రంలో హీరోయిన్‌గా నటించారు. View this post on Instagram ❤️ A post shared by Yuvraj Singh (@yuvisofficial) on Jun 10, 2020 at 3:19am PDT

ముంబై : పబ్లిసిటీ కోసం బాలీవుడ్‌ సెలెబ్రిటీలు ఏం చేయడానికైనా వెనుకాడరు. తాజాగా బాలీవుడ్‌ భామ కిమ్‌ శర్మ ముంబై నగరంలోని బాంద్రా వీధుల్లో అర్ధరాత్రి ఆటో రిక్షాలో చక్కర్లు కొట్టారు. రెడ్‌ గ్రే టీ షర్ట్‌, డెనిమ్‌ సమ్మర్‌ షార్ట్స్‌ ధరించి ఎంచక్కా ఆటోలో కూర్చుని కిమ్‌ శర్మ ఫోటో జర్నలిస్టులకు ఫోజులు ఇచ్చారు. కిమ్‌ తన ముఖం దాచుకునేందుకు ప్రయత్నించినా ఫోటోగ్రాఫర్లు మాత్రం ఆమెను తమ కెమెరాల్లో క్లిక్‌మనిపించారు. గతంలో బాలీవుడ్‌ స్టైలిష్‌ హీరో హర్షవర్ధన్‌ రాణేతో డేటింగ్‌ చేస్తూ వార్తల్లో నిలిచిన కిమ్‌ శర్మ ఆ తర్వాత అతడితో బ్రేకప్‌ చెప్పేశారు. యష్‌ రాజ్‌ ఫిల్మ్స్‌ మెహబ్బతీన్‌ మూవీలో తన అమాయక ముఖంతో ఆమె లక్షలాది ప్రేక్షకుల హృదయాలను కొల్లగొట్టిన కిమ్‌ శర్మ చాలాకాలంగా వెండితెరకు దూరంగా ఉన్నారు.

‍ముంబై : భారత వన్డే క్రికెట్‌ చరిత్రలో అత్యుత్తమ ఆటగాడిగా గుర్తింపు పొందిన యువరాజ్‌ సింగ్‌ సోమవారం ఆటకు వీడ్కోలు పలికిన విషయం తెలిసిందే. అతని రిటైర్మెంట్‌పై స్పందిస్తూ టీమిండియా ఆటగాళ్లు, మాజీ క్రికెటర్లు, అభిమానులు సోషల్‌ మీడియా వేదికగా ప్రశంసల జల్లు కురిపిస్తున్నారు. యువీతో గడిపిన సందర్భాలను నెమరువేసుకుంటూ.. అతని అద్భుత ఇన్నింగ్స్‌లను కొనియాడుతున్నారు. ఇదే క్రమంలో గతంలో యువీ ప్రియురాలంటూ ప్రచారం జరిగిన నటి కిమ్‌శర్మ అతని రిటైర్మెంట్‌పై స్పందించారు. భారత క్రికెట్‌కు యువీ చేసిన సేవలను కొనియాడుతూ ట్వీట్‌ చేశారు. ‘యువీ అద్భుతంగా ఆడావు. నీ ఆట, రికార్డులు మరవలేనివి. హేజల్‌ కీచ్‌తో నీ మిగతా జీవితం కూడా ఇలానే విజయవంతం కావాలని కోరుకుంటున్నా’ అని యువీని అభినందించారు. (చదవండి: యువరాజ్‌ గుడ్‌బై) Well played @YUVSTRONG12 A standing ovation for some unforgettable moments in sport . May your next phase be as smashing with @hazelkeech 💕 — Kim Sharma (@kimsharma3) June 10, 2019 ఇక కిమ్‌ శర్మతోనే కాకుండా ప్రీతీ జింగానియా, మినిషా లంబా, షమితా శెట్టి, రియాసేన్‌, దీపిక పదుకొనె, ప్రీతీ జింటాలతో సైతం యువీ ఎఫైర్‌ నడిపాడని అప్పట్లో బాలీవుడ్‌ కోడైకూసింది. అయితే ప్రీతీ జింటా మాత్రం ఈ వార్తలను ఖండించింది. ‘ఎన్నిసార్లు చెప్పాలి. యువీతో నాకు ఎలాంటి సంబంధం లేదు’ అని అప్పట్లో ప్రీతీ మీడియాపై మండిపడింది. ఇక కిమ్‌శర్మ తెలుగు హిట్‌ మూవీ ఖడ్గంతో పాటు, రామ్‌చరణ్‌ మగధీరలోని ఐటెం సాంగ్‌లో నటించారు. ( చదవండి: మైదానంలో ‘మహరాజు’) ఇక రిటైర్‌ అవడానికి ముందు సచిన్‌ సలహా తీసుకోవడంతో పాటు సహచరులు జహీర్, భజ్జీ, వీరూలకు చెప్పానని, చాలా కాలం తర్వాత తన తండ్రితో కూడా సుదీర్ఘంగా మాట్లాడానని యువీ తెలిపాడు. ఇకపై ఆటను ఆస్వాదించేందుకే బయటి లీగ్‌ల్లో పాల్గొనాలనుకుంటున్నాని స్పష్టం చేశాడు. ఇక యువీ సతీమణి, నటి హేజల్‌ కీచ్‌ సైతం ‘ ఒక శకం ముగిసింది. నీవు నా భర్త అయినందుకు గర్వపడుతున్నాను. ఇప్పుడు మిగతా జీవితాన్ని ఆస్వాదించూ.. లవ్‌ యూ యువీ’ అంటూ ఇన్‌స్టాగ్రామ్‌లో పోస్ట్‌ చేశారు. (యువీ హార్ట్‌ టచింగ్‌ వీడియో.. వైరల్‌)

బాలీవుడ్‌ నటి కిమ్‌ శర్మ, తాను రిలేషన్‌షిప్‌లో ఉన్నామని స్పష్టం చేశాడు ‘అవును’ సినిమా ఫేం హర్షవర్ధన్‌ రాణే. గత కొంత కాలంగా చెట్టాపట్టాలేసుకుని తిరుగుతున్న ఈ జంటపై బీ- టౌన్‌లో రూమర్లు ప్రచారమైన సంగతి తెలిసిందే. ఈ నేపథ్యంలో ఎప్పుడూ కూడా తమ మధ్య ఉన్న బంధం గురించి వీరు నోరు విప్పలేదు. ఈ క్రమంలో ఓ జాతీయ మీడియాతో మాట్లాడిన హర్షవర్ధన్‌... ‘నేను చాలా ఓపెన్‌గా ఉంటాను. ఇందులో దాయాల్సింది ఏమీలేదు. అవును ప్రస్తుతం తన(కిమ్‌)తో రిలేషన్‌షిప్‌లో ఉన్నా. తన గురించి నాకు శ్రద్ధ ఉంటుంది కదా. అందుకే వ్యక్తిగత విషయాల గురించి చర్చించదలచుకోలేదు. టీనేజ్‌లోనే ఇంటి నుంచి పారిపోయి బయటికి వచ్చాను. సైబర్‌ కేఫ్‌లో కొన్నాళ్లు, ఎస్టీడీ బూత్‌లో మరికొంత కాలం పనిచేశాను. ఇప్పుడు నటుడిగా స్థిరపడ్డాను. నా జీవితం తెరచిన పుస్తకమే’ అంటూ చెప్పుకొచ్చాడు. కాగా, షారుఖ్‌ఖాన్‌, అమితాబ్‌ బచ్చన్‌ నటించిన ‘మొహబ్బతే’ సినిమాతో బాలీవుడ్‌ ఎంట్రీ ఇచ్చిన కిమ్‌ శర్మ.. ఫిదా, తుమ్‌సే అచ్చా కౌన్‌ హై, కహెతా హై దిల్‌ బార్‌ బార్‌ వంటి సినిమాల్లో నటించారు. తెలుగులో ఖడ్గం సినిమాలో మెరిసిన ఈ భామ.. ‘మగధీర’లో ప్రత్యేక గీతంలో నర్తించింది. 2010లో వ్యాపారవేత్త అలీ పుంజానీని పెళ్లాడిన కిమ్‌... విభేదాల కారణంగా ప్రస్తుతం భర్తకు దూరంగా ఉంటోంది. ఇక తకిట తకిట సినిమాతో టాలీవుడ్‌కు పరిచయమైన హర్షవర్ధన్‌... రవిబాబు ‘అవును’, ‘అవును2’ చిత్రాల ద్వారా ఫేమస్‌ అయ్యాడు. తాజాగా ‘ఫిదా’ సినిమాలో అతిథి పాత్రలో కన్పించాడు. 2016లో సనమ్‌ తేరీ కసమ్‌ ద్వారా బాలీవుడ్‌లో ఎంట్రీ ఇచ్చి అదృష్టాన్ని పరీక్షించుకున్నాడు.

న్యూఢిల్లీ: తెలుగులో ‘ఖడ్గం’, ‘మగధీర’ వంటి సినిమాల్లో నటించిన బాలీవుడ్‌ నటి కిమ్‌ శర్మ చిక్కుల్లో పడింది. ఆమె తన రేంజ్‌రోవర్‌ లగ్జరీ కారును వాడుకుంటూ తిరిగి ఇవ్వడం లేదని రాజస్థాన్‌కు చెందన ఓ వ్యాపారవేత్త పోలీసులకు ఫిర్యాదు చేశాడు. 2017 సెప్టెంబర్‌లో వ్యాపారవేత్త దిలీప్‌కుమార్‌ ఈ విషయమై పోలీసులను ఆశ్రయించాడు. అయితే, పోలీసులు కిమ్‌ శర్మ పేరుకు బదులు విడిపోయిన ఆమె భర్త అలీ పుంజానీ పేరును పొరపాటును కేసులో నమోదుచేశారని తాజాగా ఆయన మీడియా ముందుకొచ్చారు. ముంబైలో తనకు నివాసం లేదని, తరచూ రాజస్థాన్‌, ముంబై మధ్య ప్రయాణం చేస్తుండటంతో తన లగ్జరీ కారును కిమ్‌, ఆమె భర్త ఉండే ఖర్‌ రెసిడెన్సీలో పార్క్‌ చేసేవాడినని తెలిపాడు. కిమ్‌ తన లగ్జరీ కారును వాడుతున్న విషయం గత ఏడాది తన దృష్టికి వచ్చిందని తెలిపారు. ‘కారు తిరిగి ఇవ్వాలని ఆమెను అడిగితే.. ఇది తన భర్త ఇచ్చాడని వాపస్‌  ఇవ్వడానికి నిరాకరించింది’ అని ఫిర్యాదులో పేర్కొన్నారు. కిమ్‌ ఇటీవల భర్త నుంచి విడిపోయి.. వేరుగా ఉంటున్న సంగతి తెలిసిందే. ఈ విషయమై గతంలో ఫిర్యాదు చేసినా పోలీసులు చర్య తీసుకోలేదని, అందుకే తాజాగా మరోసారి ఫిర్యాదు చేశానని ఆయన తెలిపారు. తనకు మరాఠీ రాకపోవడంతో పోలీసు రిపోర్ట్‌లోని పొరపాటును చదవలేకపోయానని, ఇప్పుడు దానిని సవరించి ఫిర్యాదు చేసినా పోలీసులు చర్య తీసుకోవడం లేదని ఆయన అన్నారు. షారుఖ్‌ఖాన్‌, అమితాబ్‌ బచ్చన్‌ నటించిన ‘మొహబతెం’ సినిమాతో బాలీవుడ్‌లోకి ఎంట్రీ ఇచ్చిన కిమ్‌ శర్మ ‘ఫిదా’, తుమ్‌సే అచ్చా కౌన్‌ హై, కహెతా హై దిల్‌ బార్‌ బార్‌ వంటి సినిమాల్లో నటించారు. తెలుగులో ‘మగధీర’ సినిమాలో ప్రత్యేక గీతంలో నర్తించింది. 2010లో వ్యాపారవేత్త అలీ పుంజానీని పెళ్లాడిన ఆమె.. ఇప్పుడు విభేదాల కారణంగా భర్తకు దూరంగా ఉంటోంది.


 ముంబై: ఖడ్గం సినిమా ఫేం.. నటి కిమ్‌ శర్మ తన భర్త అలీ పంజానీతో విడిపోయారని.. ఆర్ధికంగా ఇబ్బందులు పడుతున్నారని వస్తున్న వార్తలను మంగళవారం ఆమె ఖండించింది. అవన్నీ ఒట్టి పుకార్లేనని ట్విట్టర్‌ ద్వారా ఘాటుగా స్పందించింది. తన చుట్టూ ఉన్న అందరూ కొత్తగా ఏదో సంచలన విషయం తెలిసినట్లు వ్యవహరిస్తున్నారని తెలిపింది.
 
 ఇతరులపై అనవసర కామెంట్లు చేయడం తన డీఎన్‌ఏలో లేదని చెప్పింది. పుకార్ల కారణంగా తనకు మార్కెటింగ్‌, సెన్సేషన్‌లు వచ్చాయని వాటి ద్వారా మీరందరూ(మీడియాను ఉద్దేశించి) కొత్త సబ్‌స్క్రిప్షన్స్‌, వెబ్‌సైట్‌ క్లిక్‌లను తెచ్చుకోవచ్చని వ్యాఖ్యానించింది.
 
 వ్యక్తిగత అంశాలపై దాడి చేయడం సరికాదని చెబుతూ.. ఆ కామెంట్లు చేయడం వల్ల బాధపడేవారని చూసుకుని చేయాలంటూ విమర్శకుల నోళ్లు మూయించే ప్రయత్నం చేసింది కిమ్‌.
 
 I can't wrap my head around all these different angles and "groundbreaking" details everyone seems to know so much about. (1/2)
 — Kim Sharma (@kimsharma3) April 10, 2017
  
 
 Straight from the horse's mouth - There is much ado about nothing. Next. (2/2)
 — Kim Sharma (@kimsharma3) April 10, 2017
 
  
 
 Bullying is not in my #DNA. Never been one, will never stand for one. (1/3) pic.twitter.com/tmhmUSB3fE
 — Kim Sharma (@kimsharma3) April 11, 2017
  
 
 I get marketing, I get sensationalism, I get that you NEED to sell subscriptions & get website clicks, but personal attacks are petty. (2/3)
 — Kim Sharma (@kimsharma3) April 11, 2017
  
 
 Ain't nobody got time for that 🙅🏻 No damsel in distress vibes here, pick on someone your own size #SmallPeople #SmallMinds #ShameOnYou (3/3)
 — Kim Sharma (@kimsharma3) April 11, 2017


 ‘ముసుగు వేయొద్దు మనస్సు మీద.. వలలు వేయొద్దు వయస్సు మీద’ అంటూ ‘ఖడ్గం’ సినిమాలో అలరించిన కిమ్‌ శర్మ గుర్తుంది కదా.. ఇప్పుడు ఈ నటి కష్టాల్లో ఉందట. 2010లో బిజినెస్‌ టైకూన్‌ అలీ పంజనీని పెళ్లి చేసుకున్న కిమ్‌ శర్మ భర్తతోపాటు కెన్యాకు వెళ్లిపోయింది. ఇటీవలే ఆమె ఒంటరిగా ముంబైకి తిరిగి రావడం పలు ఊహాగానాలకు తావిచ్చింది. కిమ్‌ భర్త మరో మహిళను ఇష్టపడుతుండటంతో ఆమె పెళ్లి బంధం ముగిసిపోయిందని సన్నిహిత వర్గాలు మీడియాకు తెలిపాయి.
 
 ‘మరో మహిళకు ఆకర్షితుడైన అలీ కిమ్‌ను వదిలేశాడు. విడ్డూరమేమిటంటే కిమ్‌ను కలిసినప్పుడు అలీ పెద్దగా అట్రాక్టివ్‌గా ఉండేవాడు కాదు. కానీ ఆమె కోసం బరువు తగ్గి ఫిట్‌ తయారయ్యాడు. ఇప్పుడు మరో మహిళ మోజులో అతను కిమ్‌ను వదిలేశాడు. కనీసం డబ్బు ఇవ్వడం కానీ, ఆర్థిక భద్రత కల్పించడం కానీ చేయలేదు. దీంతో ముంబైలో సొంతంగా వ్యాపారం చేసుకుంటూ ఆర్థికంగా నిలదొక్కుకోవాలని ఆమె ప్రయత్నిస్తోంది. తన పేరును కిమి శర్మ (అసలు పేరు ఇదే)గా మార్చుకొని బ్రాండ్‌ స్ట్రాటజిస్టుగా కొనసాగాలనుకుంటోంది. కెన్యాలోని తమ ఇంటిని వీడిరావడమే కాకుండా పంజనీ హోటల్స్‌ సీఈవో పదవి నుంచి కూడా ఆమె తప్పుకుంది’ అని ఆమె సన్నిహిత వర్గాలు తెలిపాయి.
 
 అయితే, ఆమె ముంబైకి తిరిగి వచ్చినప్పటి నుంచి మెన్స్‌వేర్‌ డిజైనర్‌ అర్జున్‌ ఖన్నాతో సన్నిహితంగా మెలుగుతుండటం గమనార్హం. వీరిద్దరు కలిసి ఇటీవల పలుసార్లు ఫొటోలకు పోజు కూడా ఇచ్చారు. కిమ్‌ శర్మ రాకతో అర్జున్‌-షెఫీలా దంపతుల మధ్య విభేదాలు వచ్చాయట. తన భర్త కిమ్‌కు దగ్గరవ్వడంతో షెఫీలా భర్తకు దూరంగా వేరుగా ఉంటున్నదని తెలుస్తోంది.


 ముంబై: బాలీవుడ్‌ హీరోయిన్‌ కిమ్‌ శర్మ గతంలో టీమిండియా క్రికెటర్ యువరాజ్‌ సింగ్‌తో ప్రేమాయణం నడిపినట్టు పుకార్లు షికార్లు చేశాయి. ఆరేళ్ల క్రితం కెన్యా వ్యాపారవేత్తను పెళ్లి చేసుకున్న కిమ్‌ శర్మ.. ప్రస్తుతం ఫ్యాషన్‌ డిజైనర్‌ అర్జున్‌ ఖన్నాతో చెట్టాపట్టాలేసుకుని తిరుగుతున్నట్టు బాలీవుడ్‌ వర్గాల సమాచారం. అంతేగాక అర్జున్‌ ఖన్నా, ఆయన భార్య షెఫాలీ విడిపోవడగానికి కిమ్‌ శర్మే కారణమని విమర్శలు వస్తున్నాయి.
 
 అర్జున్‌ ఖన్నా, షెఫాలీ కొన్నిరోజులుగా కలిసి ఉండటం లేదు. తనపై అర్జున్ ఖన్నాకు ఆసక్తి తగ్గిపోయిందని భావించిన షెఫాలీ భర్తకు దూరంగా ఉంటున్నట్టు తెలుస్తోంది. ఇక కిమ్‌ విషయానికొస్తే భర్తతో తెగదెంపులు చేసుకుని భారత్‌కు తిరిగి వచ్చినట్టు బాలీవుడ్‌లో ప్రచారం జరుగుతుంది. ముంబైకి వచ్చాక అర్జున్‌ ఖన్నాతో సన్నిహితంగా ఉంటోందట. వీరిద్దరూ కలసి ఇటీవల పలుమార్లు బహిరంగంగా కనిపించారు. ఓ పార్టీలో ఇద్దరూ క‍్లోజ్గా ఉన్న ఫొటోలు బయటకు వచ్చాయి. ఈ నెల 21న కిమ్‌ బర్త్ డే పార్టీని గోవాలో గ్రాండ్‌గా చేసేందుకు అర్జున్‌ ఖన్నా ప్లాన్‌ చేశాడట.