breaking news
judicial appointments
-
చంద్రబాబుపై కేసులు.. రిటైర్డ్ జడ్జీలకు పదవుల గిఫ్టా?
న్యాయ వ్యవస్థ దేశంలో అత్యంత కీలకమైనది. దురదృష్టవశాత్తు ఆ వ్యవస్థ కూడా తరచూ విమర్శలకు గురి అవుతోంది. సుప్రింకోర్టు, హైకోర్టు జడ్జిలుగా పనిచేసినవారు ప్రభుత్వాలు నియమించే పదవులలో చేరవచ్చా? లేదా? అన్న చర్చ తరచుగా జరుగుతోంది. లా కమిషన్ సైతం జడ్జిలు పదవీకాలం పూర్తి అయ్యాక ప్రభుత్వ పదవులలోకి వెళ్లడాన్ని సమర్ధించలేదు. న్యాయమూర్తులు అంతా వివాదాస్పదంగా ఉంటారని చెప్పజాలం. కాని కొన్నిసార్లు రిటైర్డ్ జడ్జిలే బాధ్యత తీసుకోవల్సిన పదవులలో వారి నియామక ప్రాతిపదిక చర్చనీయాంశంగా మారుతోంది.ఆయా కేసులలో ఆ న్యాయమూర్తులు ఇచ్చిన తీర్పులు, వ్యవహార శైలి, కేసుల విచారణలో చేసిన వ్యాఖ్యలు వివాదాస్పదం అయినప్పుడు, వారు రిటైరైన తర్వాత పోస్టులు పొందడం కూడా ప్రజల దృష్టిని ఆకర్షిస్తోంది. టీడీపీ అధినేత, ముఖ్యమంత్రి చంద్రబాబు నాయుడు వంటి కొందరు తెలివిగా తమ రాజకీయ, వ్యక్తిగత ప్రయోజనాలకు ఈ వ్యవస్థలను వాడుకుంటున్నారన్న ప్రచారం ఎప్పటి నుంచో ఉన్నదే. ఈ క్రమంలో తాజాగా మానవహక్కుల కమిషన్ చైర్మన్గా రిటైర్డ్ జడ్జి ఎం.సత్యనారాయణమూర్తిని నియమించడంపై కూడా విమర్శలు వస్తున్నాయి.నిజానికి ఈ పదవిలో రిటైర్డ్ జడ్జిలను నియమించవచ్చు. కాని ఈయననే ఎందుకు ఎంపిక చేసుకున్నారన్న ప్రశ్నకు హేతుబద్దమైన జవాబు దొరికితే ఫర్వాలేదు. అలాకాకుండా కేవలం గతంలో తమ ప్రయోజనాలకు అనుగుణంగా కొన్నిసార్లు వ్యవహరించారన్న కారణంగా ఇలాంటి పదవులు ఇస్తే వ్యవస్థలు దెబ్బతింటాయన్నది న్యాయ నిపుణుల ఆవేదనగా ఉంది.కొద్ది నెలల క్రితం ఏపీ లోకాయుక్తగా రిటైర్డ్ జడ్జి జస్టిస్ మల్లిఖార్జునరావును చంద్రబాబు ప్రభుత్వం అప్పాయింట్ చేసింది. అప్పుడు కూడా తీవ్ర విమర్శలు చెలరేగాయి. స్కిల్ స్కామ్లో చంద్రబాబు అరెస్టు అయినప్పుడు మల్లిఖార్జునరావు న్యాయమూర్తి హోదాలో బెయిల్ మంజూరు చేశారు. మామూలుగా అయితే బెయిల్ ఇవ్వడాన్ని ఆక్షేపించజాలం. కాని ప్రభుత్వ ఆస్పత్రి వైద్యులతో పరీక్షలు చేయించకుండా, ఒక ప్రైవేటు ఆస్పత్రి ఇచ్చిన సర్టిఫికెట్ ఆధారంగా బెయిల్ ఇవ్వడంపై భిన్నాభిప్రాయాలు వచ్చాయి. పలు వ్యాధులు చంద్రబాబుకు ఉన్నాయని ఆరోగ్య కారణాలతో బెయిల్ లభించింది. కాని చిత్రంగా బెయిల్పై బయటకు వచ్చిన వెంటనే అర్ధరాత్రి, అపరాత్రి అని చూడకుండా గంటల తరబడి ఆయన ఊరేగింపుగా ప్రయాణం చేశారు. ఇది ఒకరకంగా బెయిల్ నిబంధనలను ఉల్లంఘించే విషయం అవుతుందన్నది కొందరి అభిప్రాయం. కాని న్యాయ వ్యవస్థ దాని జోలికి వెళ్లలేదు. అది వేరే సంగతి.ఆయా ప్రసంగాలలో తన ఆరోగ్యం ఎంత గట్టిదో కూడా చెప్పే ప్రయత్నం చేస్తుంటారు. ఈ మధ్యే ఒక సభలో మాట్లాడుతూ.. ఢిల్లీలో తాను ప్రధానితో పాటు ఎనిమిది మంది మంత్రులను కలిసి ఆయా అంశాలపై చర్చించానని, తదుపరి అమరావతి వచ్చాక రాత్రి మళ్లీ విశాఖ పెట్టుబడుల సదస్సుపై సమీక్ష చేశానని, అర్ధరాత్రి ఒకటిన్నరకు నిద్రపోయి, తిరిగి ఉదయం ఒంగోలు వచ్చానని చెప్పుకున్నారు. కాని ఆయన జైలులో ఉన్నప్పుడు ఎల్లో మీడియాలో ఆయనకు ఆరోగ్యపరంగా ఎన్ని ఇబ్బందులు ఉన్నాయో వివరిస్తూ, అనేక కథనాలను ప్రచారం చేసింది.ఇక సత్యనారాయణమూర్తికి హెచ్ఆర్సీ చైర్మన్ పదవి ఇవ్వడం కూడా చంద్రబాబు బహుహానం ఇవ్వడమేనని మీడియాలో కథనం వచ్చింది. ఈ ఎంపిక జరిగిన తీరుపై కూడా విమర్శలు వచ్చాయి. ముఖ్యమంత్రి, స్పీకర్, మంత్రితో పాటు శాసనమండలిలో విపక్ష నేత బొత్స సత్యనారాయణ కూడా ఈ కమిటీలో ఉంటారు. బొత్సకు ఈ కమిటీ సమావేశం జరగడానికి కొద్ది గంటల ముందు సమాచారం ఇచ్చారట. తాను అమరావతిలో లేనని, విజయనగరంలో ఉన్నానని, ఆరోగ్య ఇబ్బంది ఉందని, అందువల్ల సమావేశం వాయిదా వేయాలని ఆయన కోరారట. అయినా పట్టించుకోకుండా ఈ ఎంపిక చేసేశారు. అంటే బొత్స వస్తే సత్యనారాయణ మూర్తి ఎంపికపై అభ్యంతరాలు చెప్పే అవకాశం ఉందని భావించడమే కారణమని వెఎస్సార్సీపీ ఆరోపణ.గత జగన్ ప్రభుత్వం మూడు రాజధానుల చట్టం చేసినప్పుడు హైకోర్టులో పిల్ పడింది. దానిని విచారించిన త్రిసభ్య ధర్మాసనంలో ఈయన కూడా ఉన్నారు. ఈయన బెంచ్లో ఉండడాన్ని ప్రభుత్వం ఆక్షేపించింది. అయినా ఆయన తాను కొనసాగుతానని నిర్ణయించుకున్నారు. తదుపరి అసలు చట్టాన్నే ఉపసంహరించుకుంటున్నామని ప్రభుత్వం తెలిపింది. అయినా తాము విచారణ చేస్తామంటూ చిత్రమైన రీతిలో కోర్టు వ్యవహరించిందన్నది కొందరు న్యాయవాదుల అభిప్రాయంగా ఉంది. పైగా ఆరు నెలల్లో రాజధాని నిర్మాణం పూర్తి చేయాలని ఆదేశించడంపై అంతా ఆశ్చర్యపోయారు. అసలు రాజధానికి సంబంధించి చట్టం చేసే అధికారం అసెంంబ్లీకి లేదని కోర్టు చెప్పడం విడ్దూరంగా ఉందని వ్యాఖ్యలు వచ్చాయి.ఇదీ చదవండి: అధికారం ఉంటే.. ఈడీ, సీబీఐ ఆయుధమేనా?పలుమార్లు జగన్ ప్రభుత్వం ఇచ్చే జీఓల గురించి వాకబ్ చేసి ఎవరైనా పిల్ వేశారా అని ప్రశ్నించేవారని ఒక న్యాయవాది వ్యాఖ్యానించారు. ఈయనకు టీడీపీ నేతలతో సంబంధాలు ఉన్నాయన్నది మరో ఆరోపణ. రెండేళ్లుగా ఈ పదవిని ఖాళీగా ఉంచి ఇప్పుడు ఈయనతో భర్తీ చేశారు. దీనికి ముందు తిరుపతిలో జరిగిన తొక్కిసలాట ఘటనపై విచారణకు ఈయననే కమిషన్గా నియమించారు. అందులో ప్రభుత్వానికి ఎక్కడా ఇబ్బంది రాకుండా రిపోర్టు ఇచ్చారని చెబుతారు. చంద్రబాబు స్టైలే అలా ఉంటుంది.గతంలో రాజమండ్రి పుష్కరాల సమయంలో జరిగిన తొక్కిసలాటపై విచారణకు వేసిన కమిషన్ న్యాయమూర్తి కూడా ప్రజలను, మీడియాను తప్పుపట్టి సరిపెట్టారు. అంతే తప్ప, ముఖ్యమంత్రి కుటుంబం ఆ ఘాట్లో స్నానం చేయడంకోసం, భక్తులను నిలిపివేయడం వల్ల తొక్కిసలాట జరిగిందా? లేదా? అన్నదానికి వెళ్లినట్లు అనిపించదు. తాజాగా సత్యనారాయణమూర్తిని నియమించడం కూడా వివాదాస్పదం అయింది.ఏపీలో కూటమి ప్రభుత్వ హయాంలో మానవ హక్కుల ఉల్లంఘన అన్నది ఒక పెద్ద జాఢ్యంగా మారింది. ఉదాహరణకు ముగ్గురు యువకులను నడిరోడ్డుపై అరికాళ్లపై కొట్టి హింసించిన ఘటన జరిగింది. పోలీస్ స్టేషన్లోనే సాయికృష్ణ అనే యువకుడిని లాకప్ డెత్ చేసి శవాన్ని దహనం కూడా చేశారు. పోలీసుల ఘాతుకాలను తట్టుకోలేక ఆత్మహత్యలు చేసుకున్న ఘటనలు కూడా ఉన్నాయి. రాజకీయంగా ప్రత్యర్థి వెఎస్సార్సీపీకి చెందినవారిని పలురకాలుగా వేధిస్తున్నారన్న ఫిర్యాదులు ఎన్నో ఉన్నాయి. అన్నిటికి ప్రస్తుతం హైకోర్టును ఆశ్రయించవలసి వస్తోంది.వచ్చే రెండున్నరేళ్లు కూడా కూటమి ప్రభుత్వం రెడ్బుక్ పేరుతో మరిన్ని అరాచకాలు చేసి పౌరుల హక్కులను ఉల్లంఘించే ప్రమాదం ఉంది. అలాంటి కేసులలో నిష్పక్షపాతంగా ఈయన చేయగలుగుతారా? లేదా? అన్నది సహజంగానే చర్చ అవుతుంది. పక్షపాత రహితంగా చేయగలిగితే మంచిదే. కాని మీడియాలో ఈయనపై వచ్చిన కథనాలు చదివితే తెలుగుదేశంతో బాగా సన్నిహిత సంబంధాలు ఉన్న వ్యక్తిగా కనిపిస్తారు. వాటిని అధిగమించుతారా? లేదా అన్నదే ప్రశ్న.గతంలో ఎన్నికల కమిషనర్గా నిమ్మగడ్డ రమేష్ కుమార్ టీడీపీకి అనుకూలంగా వ్యవహరించిన సందర్భాలను కొందరు గుర్తు చేస్తున్నారు. దేశంలో ఇలాంటి నియమాకాలు కొత్తవికావు. సుప్రింకోర్టులో న్యాయమూర్తులుగా పనిచేసినవారు గవర్నర్లు అవుతున్నారు. కేంద్ర ప్రభుత్వానికి సంబంధించి ఒక కేసులో కీలకమైన తీర్పు ఇచ్చిన ఒక ప్రధాన న్యాయమూర్తి ఆ తర్వాత రాజ్యసభ సభ్యుడు అవడం, ఆయన సభలోకి రాగానే విపక్షం హేళన చేయడం కూడా జరిగింది. చంద్రబాబు నాయుడు టీడీపీకి చెందిన కొందరిని న్యాయ వ్యవస్థలో ప్రవేశపెట్టిన వైనంపై పలు స్టోరీలు ప్రచారంలో ఉంటాయి.గతంలో వైఎస్ జగన్పై సంబంధం లేని వ్యక్తులు ఫిర్యాదు చేస్తే సీబీఐ విచారణకు అప్పట్లో ఆదేశాలు ఇచ్చిన హైకోర్టు ప్రధాన న్యాయమూర్తికి రిటైరైన తర్వాత ఆనాటి కాంగ్రెస్ ప్రభుత్వం మానవ హక్కుల కమిషన్ ఛైర్మన్ పదవి ఇచ్చిందన్న విమర్శలు ఉన్నాయి. కొంతకాలం క్రితం ఏ.కే సిక్రి అనే సుప్రింకోర్టు జడ్జికి ఒక పదవిని కేంద్రం ఇవ్వడానికి ప్రతిపాదించింది. తొలుత ఆయన అంగీకరించినా, తదుపరి వచ్చిన విమర్శల కారణంగా ఆయన ఆ పదవిని తోసిపుచ్చారు.ఏపీలో హైకోర్టు న్యాయమూర్తిగా పనిచేసిన ఒకరు జగన్ టైమ్లో రాష్ట్రపతి పాలన విధించాలని వ్యాఖ్యానించడం కలకలం రేపింది. ఆ తర్వాత ఆయనకు ఒక ట్రిబ్యునల్ పదవి లభించింది. కాని అక్కడ ఆయన తీర్పులు ఇచ్చిన వైనంపై సుప్రింకోర్టు ఆగ్రహం వ్యక్తం చేయడంతో పదవి నుంచి తప్పుకోవాల్సి వచ్చింది. న్యాయ వ్యవస్థ ప్రతిష్టను నిలబెట్టవలసిన న్యాయమూర్తులే రిటైరయ్యాక వచ్చే పదవులకు ఆకర్షితులై, ప్రజాప్రయోజనంతో కాకుండా, రాజకీయ పార్టీల ప్రయోజనాలకు అనుగుణంగా వ్యవహరిస్తే దేశానికి ఎంత నష్టం కలుగుతుంది అన్నది వేరే చెప్పనవసరం లేదు.- కొమ్మినేని శ్రీనివాసరావు, సీనియర్ జర్నలిస్ట్, రాజకీయ వ్యవహారాల వ్యాఖ్యాత. -
న్యాయ నియామకాల్లో సంస్కరణలు తేవాలి
న్యూఢిల్లీ: దేశంలో న్యాయవ్యవస్థపై సీనియర్ లాయర్ హరీశ్ సాల్వే సంచలనాత్మక వ్యాఖ్యలు చేశారు. న్యాయ వ్యవస్థలో నియామకాలపై ప్రభుత్వాలకు పూర్తిస్థాయి నియంత్రణ ఉన్నప్పటికీ ఉత్తమైన జడ్జీలు కొందరైనా నియమితులయ్యే వారని తెలిపారు. ఇప్పుడా పరిస్థితి లేదన్నారు. ప్రస్తుత వ్యవస్థను తరిచి చూసుకుని, లోపాన్ని సరిచేసుకోవాల్సిన అవసరం ఏర్పడిందని చెప్పారు. న్యాయ నియామకాల్లో పారదర్శకత తప్పని సరి చేయాలన్నారు. ఢిల్లీ యూనివర్సిటీలోని క్యాంపస్ లా సెంటర్ రాజ్యాంగంపై ఏర్పాటు చేసిన ఉపన్యాస కార్యక్రమం ‘కర్తవ్యమ్’లో ఆయన మాట్లాడారు. న్యాయమూర్తుల నియామకాల ప్రక్రియలో చోటుచేసుకున్న మార్పులు, కొలీజియం వ్యవస్థ ఎదిగిన తీరును వివరించారు. ప్రభుత్వానికి న్యాయమూర్తుల నియామకంపై అధికారం లేకుండా చేయాలని పోరాడిన న్యాయ వ్యవస్థలో తానూ భాగస్వామిగా ఉన్నట్లు చెప్పారు. కానీ అది తాత్కాలిక పరిష్కారం మాత్రమేనన్నారు. వెనక్కి తిరిగి చూస్తే, తాము చేసిన తప్పును సరిదిద్దుకోవాల్సిన సమయం ఆసన్నమైందని భావిస్తునన్నారు. న్యాయ సంస్కరణలు, సివిల్ సర్వీస్ స్వతంత్రతను పునరుద్ధరించాల్సిన అవసరం ఉందని చెప్పారు. పార్లమెంట్, ఎన్నికల కమిషన్లను సమాన వ్యవస్థలుగా గౌరవించాలన్నారు. ఈసీ అధికారులకు సుప్రీంకోర్టు సమన్లు జారీ చేయడం, పరుష వ్యాఖ్యలు చేయడం తనకు బాధ కలిగించిందని సాల్వే పేర్కొన్నారు. సుప్రీంకోర్టు అలా అగౌరవపర్చడం సరికాదని సాల్వే అభిప్రాయపడ్డారు. -
రాష్ట్రపతి ముర్ము తొలి జ్యుడీషియల్ నియామకం
న్యూఢిల్లీ: జమ్మూకశ్మీర్ అండ్ లద్ధాఖ్ హైకోర్టు కొత్త అదనపు న్యాయమూర్తిగా రాజేశ్ సెఖ్రీ నియామకానికి రాష్ట్రపతి ద్రౌపది ముర్ము బుధవారం ఆమోద ముద్ర వేశారు. ఉత్తర్వుపై సంతకం చేశారు. రాష్ట్రపతి హోదాలో ముర్ము తొలి జ్యుడీషియల్ నియామకం ఇదే. దేశ 15వ రాష్ట్రపతిగా ద్రౌపది ముర్ము గత సోమవారం ప్రమాణ స్వీకారం చేశారు. పార్లమెంట్ సెంట్రల్ హాల్లో ప్రమాణ స్వీకారోత్సవం జరిగింది. ఈ సందర్భంగా దేశం నలుమూలల నుంచి ఆమెకు శుభాకాంక్షలు వెల్లువెత్తాయి. భారతదేశ తొలి గిరిజన మహిళా రాష్ట్రపతిగా రికార్డు సృష్టించారు. అంతేకాకుండా దేశానికి స్వాతంత్య్రం వచ్చిన తర్వాత జన్మించిన తొలి రాష్ట్రపతిగా చరిత్రకెక్కారు. ప్రతిభా పాటిల్ తర్వాత రాష్ట్రపతి పదవిని అధిరోహించిన రెండో మహిళగా ముర్ము మరో రికార్డు సృష్టించారు. ఇదీ చదవండి: Draupadi Murmu: ద్రౌపది ముర్ము ప్రమాణ స్వీకారం.. ‘భారత్కు ఉద్వేగభరిత క్షణం’.. -
ఈ వివాదం సరికాదు
న్యాయమూర్తుల నియామకాలపై సుప్రీంకోర్టుకూ, కేంద్ర ప్రభుత్వానికీ ఎడతెగకుండా కొనసాగుతున్న వివాదంలో మరో కొత్త అంకానికి తెర లేచింది. మరోసారి ఇరు పక్షాలూ మాటల యుద్ధానికి దిగాయి. ఈసారి కేంద్ర పరిపాలనా ట్రిబ్యునల్ అఖిల భారత సదస్సు దీనికి వేదికైంది. వివిధ హైకోర్టుల్లో 500 న్యాయమూర్తుల ఖాళీలున్నాయని, ఈ సమస్య పరిష్కారానికి కేంద్రం కృషి చేయాలని సుప్రీంకోర్టు ప్రధాన న్యాయమూర్తి జస్టిస్ టి.ఎస్. ఠాకూర్ అంటే... కింది స్థాయి కోర్టుల్లో 5,000 న్యాయాధికారుల నియామకాల మాటేమిటని కేంద్ర న్యాయ శాఖ మంత్రి రవిశంకర్ ప్రసాద్ చురకంటించారు. ఈ రెండూ నిజమే. సమస్యల్లా రెండింటి విష యంలోనూ ఇరు పక్షాలూ కూర్చుని మాట్లాడుకోకపోవడమే! అలాంటి సందర్భమే అసలు రానట్టు ఇరువురూ బహిరంగ వేదికలపై సంవాదం జరుపుకోవడం వారి కెలా ఉందో గానీ చూసేవారికి మాత్రం అయోమయంగా, ఇబ్బందికరంగా ఉంటుంది. అనుకోకుండా అలాంటి పరిస్థితి తలెత్తితే వేరు. కానీ పదే పదే ఇది పునరావృతమవుతోంది. ప్రభుత్వ విభాగాలు లక్ష్మణరేఖ దాటకూడదని జస్టిస్ టి.ఎస్. ఠాకూర్ అంటే... న్యాయవ్యవస్థకూ ఆ రేఖ ఉంటుందని అటార్నీ జనరల్ ముకుల్ రోహత్గీ గుర్తుచేశారు. రవిశంకర్ ప్రసాద్ అయితే అత్యవసర పరిస్థితి చీకటి రోజుల్ని గుర్తుచేసి అప్పుడు హైకోర్టులన్నీ ధైర్యసాహసాలను ప్రదర్శిస్తే సుప్రీంకోర్టు దారుణంగా విఫలమైందని చెప్పారు. మౌలిక సమస్య నుంచి ఇరు పక్షాలూ చాలా దూరం జరిగాయని దీన్నంతా గమనిస్తే అర్ధమవుతుంది. అసలు సమస్య పరి ష్కారమై ఉంటే ఇలా పరస్పరం చురకలంటించుకునే స్థితి ఏర్పడేది కాదని సుల భంగానే చెప్పొచ్చు. లక్ష్మణ రేఖ ప్రస్తావనకు రావడం ఇది మొదటిసారేమీ కాదు. సరిగ్గా ఆర్నెల్ల క్రితం రాష్ట్రపతి ప్రణబ్ ముఖర్జీ, కేంద్ర ఆర్థికమంత్రి అరుణ్ జైట్లీ కూడా ఈ మాటే చెప్పారు. అంతకు నాలుగేళ్ల మునుపే 2012లో అప్పటి సుప్రీం కోర్టు ప్రధాన న్యాయమూర్తి జస్టిస్ ఎస్. హెచ్. కపాడియా కూడా దీన్ని అంగీ కరించారు. అందువల్ల ఒక్కోసారి సమతుల్యత దెబ్బతింటున్న మాట వాస్తవమే అయినా ‘న్యాయం చేయాలన్న ఆత్రుతే’ అందుకు కారణమని సంజాయిషీ ఇచ్చు కున్నారు. సుప్రీంకోర్టు, హైకోర్టులకు న్యాయమూర్తుల నియామకం ఎలా ఉండాలన్న అంశంపై ప్రభుత్వానికీ, న్యాయవ్యవస్థకూ మధ్య విభేదాలున్నాయి. కొన్ని దశాబ్దా లుగా అనుసరిస్తున్న కొలీజియం విధానంలో లోపాలున్నాయని, కమిషన్ ఏర్పాటు చేసి నియామకాల ప్రక్రియ సాగిస్తే పారదర్శకత ఉంటుందని కేంద్రం చెబుతోంది. అది కార్యనిర్వాహక వ్యవస్థ ఆధిపత్యానికి దారితీస్తుందన్నది న్యాయ వ్యవస్థ అభ్యంతరం. యూపీఏ ప్రభుత్వ హయాంలోనే కమిషన్ ఏర్పాటు ప్రయత్నం జరి గినా సాధ్యపడలేదు. ఎన్డీఏ ప్రభుత్వం ఆ బాధ్యతను స్వీకరించి జాతీయ న్యాయ నియామకాల కమిషన్ చట్టాన్ని, అందుకనుగుణంగా రాజ్యాంగ సవరణను చేసింది. అయితే అవి చెల్లుబాటుకావని సుప్రీంకోర్టు రాజ్యాంగ ధర్మాసం కొట్టే సింది. ఆ తర్వాత చాన్నాళ్లు అనిశ్చితి కొనసాగినా న్యాయవ్యవస్థ అడగ్గా అడగ్గా కేంద్రం విధానపత్రం(ఎంఓపీ) విడుదల చేసింది. అయితే జాతీయ భద్రత రీత్యా ఏ నియామకాన్నయినా, పదోన్నతినైనా జాతీయ భద్రత రీత్యా తిరస్కరించే హక్కు కార్యనిర్వాహక వ్యవస్థకు ఉండాలన్న అందులోని నిబంధనను న్యాయ వ్యవస్థ అంగీకరించలేదు. ఈ నిబంధన తమ స్వతంత్ర ప్రతిపత్తిని దెబ్బతీస్తుందని అది భావించింది. దానిపై సుప్రీంకోర్టు తుది తీర్పు ఇవ్వాల్సి ఉంది. అయితే ఇద్దరి మధ్యా ఏకాభిప్రాయం కుదరనంత మాత్రాన నియామకాలు ఆగిపోలేదు. కానీ అవి అనుకున్న స్థాయిలో వేగంగా జరగటం లేదన్నది న్యాయ వ్యవస్థ ఫిర్యాదు. ఆ పంచాయతీ సాగుతుండగానే మళ్లీ సుప్రీంకోర్టు కొలీజియం నుంచి 77 మందితో నియామకాల జాబితా వెళ్లింది. అందులో 34 నియామకాలను కేంద్రం అంగీకరించి మిగిలిన 43 పేర్లను తిప్పి పంపింది. ‘జాతీయ భద్రతా కారణాల రీత్యా’ వీరి నియామకాలను అంగీకరించలేమని స్పష్టం చేసింది. ఇంతవరకూ అనుసరిస్తున్న పద్ధతి ప్రకారమైతే కేంద్రం కాదన్న పేర్లను సుప్రీంకోర్టు వెనక్కి పంపేది. అప్పుడిక కేంద్రం అంగీకరించాల్సివచ్చేది. ఇప్పుడు మాత్రం అలా చేసే ఉద్దేశం మోదీ ప్రభు త్వానికి లేదు. అందుకే ముందు ఎంఓపీ సంగతి తేల్చమని అంటున్నది. అంతే కాదు... ఎంతసేపూ హైకోర్టు న్యాయమూర్తుల నియామకాల గురించే ఎందుకు మాట్లాడతారు.. సబార్డినేట్ కోర్టుల నియామకాలన్నీ మీ చేతుల్లోనే ఉన్నాయి కదా, కేసులు పెండింగ్ పడుతున్నాయని ఆందోళనపడుతున్నవారు ఆ విషయంలో ఎందుకు విఫలమవుతున్నారని ప్రశ్నించింది. ఇదే ప్రశ్న గతంలోనూ వినిపించింది. కానీ న్యాయవ్యవస్థ నుంచి జవాబు లేదు. పైగా నియామకాల విషయంలో తమను నిందించడం సరికాదని ప్రభుత్వం అంటోంది. గతంలో ఎన్నడూ లేనివిధంగా ఈ ఏడాది 120 ఖాళీలను భర్తీ చేయడమే తమ చిత్తశుద్ధికి తార్కాణమంటోంది. ఎవరి అధికారాలను ఎవరు కబ్జా చేస్తున్నారన్న అంశం సామాన్యులకు పెద్దగా పట్టదు. వారికి కావలసిందల్లా సత్వర న్యాయం. ఏళ్ల తరబడి న్యాయస్థానాల చుట్టూ తిరిగే స్థితి పోవాలని వారు కోరుకుంటున్నారు. డబ్బూ, సమయమూ వృథా అవుతున్నదని ఆందోళనపడుతున్నారు. న్యాయస్థానాల్లో, న్యాయవాదుల కార్యాల యాల్లో ఫైళ్లే కనిపిస్తాయిగానీ వాటి వెనక లక్షలాది పౌరుల జీవన్మరణ సమస్యలుం టాయి. వారి కష్టాలు, కన్నీళ్లు, ఆవేదన, ఆరాటం ఉంటాయి. వాటిని గమనంలోకి తీసుకున్నప్పుడే సమస్య తీవ్రత అర్ధమవుతుంది. కేంద్ర పరిపాలనా ట్రిబ్యునల్ సదస్సులో జరిగిన సంవాదాన్నిబట్టి కేంద్రం వైఖరి మారదని తేలింది. ఇప్పటికైనా ప్రతిష్టకు పోకుండా, ఎవరిది పైచేయన్న ధోరణికి పోకుండా సామరస్యపూర్వకంగా పరిష్కారాన్ని వెదకడంపై ఇరుపక్షాలూ దృష్టిపెట్టాలి. ఎవరికి ఏ లక్ష్మణరేఖ ఉన్నా, అధికారం ఉన్నా అవి రాజ్యాంగం నుంచి, అంతిమంగా ప్రజల నుంచి సంక్రమించి నవే. వారి సంక్షేమం, ప్రయోజనాలు మాత్రమే దేనికైనా గీటురాయి కావాలి తప్ప ఆధిపత్య పోరుగా, అహంభావ సమస్యగా మారకూడదు. -
తీర్పు మేరకే కేంద్రానికి అధికారాలు
న్యాయ నియామకాలపై సుప్రీం తీర్పు ప్రకారం అధికారం తీసుకున్నాం * విధివిధానాల ముసాయిదాపై న్యాయశాఖ ఉద్ఘాటన న్యూఢిల్లీ: ఉన్నత స్థాయి న్యాయ నియామకాలకు సంబంధించిన విధివిధానాలు, అధికార పరిధులపై కేంద్ర ప్రభుత్వం, సుప్రీంకోర్టు కొలీజియంల మధ్య భిన్నాభిప్రాయాల నేపథ్యంలో.. న్యాయనియామకాలపై సుప్రీంకోర్టు తీర్పును అనుసరించి తాను అధికారాన్ని తీసుకుంటున్నట్లు కేంద్ర ప్రభుత్వం పేర్కొంది. న్యాయమూర్తుల నియామక వ్యవస్థలో పారదర్శకత, జవాబుదారీతనాన్ని ప్రవేశపెట్టాలని సుప్రీంకోర్టు ధర్మాసనం 2015 డిసెంబర్లో ఇచ్చిన తీర్పులో ఉద్ఘాటించిందని న్యాయశాఖలోని ఉన్నతస్థాయి వర్గాలు శుక్రవారం ఉటంకించాయి. కొలీజియం వ్యవస్థను మెరుగుపరిచే మార్గాలపై ఇచ్చిన ఆ తీర్పులో.. ధర్మాసనానికి నియమించబోయే అభ్యర్థులను పరిగణనలోకి తీసుకోవటానికి మరింత విస్తృత పరిధి ఉండాలని కూడా పేర్కొందని గుర్తుచేశాయి. ఆ తీర్పు ఆధారంగానే న్యాయ నియామకాలపై సవరించిన విధివిధానాల పత్రం ముసాయిదాను రూపొందించటం జరిగిందని చెప్పాయి. ఆమేరకు.. అభ్యర్థుల పేర్లు సుప్రీంకోర్టు, హైకోర్టు న్యాయమూర్తులు అందరి నుంచీ రావాలన్నది ప్రభుత్వ వైఖరిగా చెప్పాయి. ‘ఒక హైకోర్టు కొలీజియానికి పేర్లను సూచించే స్వేచ్ఛ సదరు హైకోర్టు న్యాయమూర్తులు అందరికీ ఉండాలి. ఆ కొలీజియం ఆ పేర్లను పరిశీలించి నియామకాలకు ఎవరిని సిఫారసు చేయాలనేదానిపై నిర్ణయం తీసుకుంటుంది. సుప్రీంకోర్టుకు కూడా ఇదే విధానం వర్తింపజేయాలి. మధ్యప్రదేశ్ హైకోర్టు ఇదే సూత్రాన్ని పాటిస్తోంది’ అని ఆ వర్గాలు వివరించాయి. అలాగే.. ముఖ్యమంత్రులకు, అడ్వొకేట్ జనరళ్లకు కూడా తమ రాష్ట్ర హైకోర్టు కొలీజియంలకు అభ్యర్థులను సూచించే అవకాశం ఇవ్వాలని పేర్కొన్నాయి. సుప్రీంకోర్టుకు అభ్యర్థులను సూచించే అవకాశం అటార్నీ జనరల్కు ఇవ్వాలన్నాయి. న్యాయనియామకాలకు సంబంధించి మార్గదర్శకాల కోసం కేంద్ర ప్రభుత్వం రూపొందించిన విధివిధానాల పత్రం ముసాయిదాలో పలు మార్పులు చేయాలని చెప్తూ సుప్రీంకోర్టు కొలీజియం గతంలో కేంద్రానికి తిప్పిపంపిన విషయం తెలిసిందే. ఇందులో కొలీజియం డిమాండ్లు కొన్నిటికి అంగీకరిస్తూ సవరించిన ముసాయిదాను కేంద్రం ఈ నెల 3వ తేదీన కొలీజియానికి పంపించింది. అభ్యర్థుల ఎంపికకు ప్రతిభ - సీనియారిటీ ప్రాతిపదికగా ఉండాలన్న మార్గదర్శకాన్ని.. సీనియారిటీ-ప్రతిభ ప్రాతిపదికగా మార్చటానికి కేంద్రం ఆంగీకరించింది. అయితే సీనియారిటీని కాదనటానికి.. ఒక హైకోర్టు నుంచి ఎక్కువ మంది న్యాయమూర్తులు, ఎస్సీలు, ఎస్టీలు, మహిళలకు చోటు ఇవ్వటం, ఒక న్యాయమూర్తి అత్యద్భుత పనితీరు, ఒక ప్రధాన న్యాయమూర్తి పనితీరు బాగోలేకపోవటం వంటి కారణాలను వినియోగించుకోవచ్చునని పేర్కొంది. న్యాయమూర్తి అయ్యేందుకు అవసరమైన కనీస వయసును నిర్ణయించే అంశాన్ని న్యాయవ్యవస్థకే వదిలిపెట్టింది. అయితే.. ఒకసారి నిర్ణయించిన వయసును సడలించటానికి వీలు ఉండకూడదని స్పష్టంచేసింది. సుప్రీంకోర్టు, హైకోర్టుల స్థాయి లో.. అభ్యర్థుల పనితీరు అంచనా, మదింపుల కమిటీలు ఉండాలన్న నిబంధనను భారత ప్రధాన న్యాయమూర్తి తిరస్కరించినప్పటికీ.. సర్కారు దానిపై మళ్లీ పట్టుపట్టింది. -
'పారదర్శకత' ఓ పరిమితి మేరకే సాధ్యం: సుప్రీం
న్యూఢిల్లీ: ఉన్నత న్యాయవ్యవస్థలో జడ్జీల నియామకంలో పారదర్శకతను ఒక పరిమితికి మించి పాటించటం సాధ్యం కాదని సుప్రీంకోర్టు పేర్కొంది. 'ఒక వ్యక్తి కులాభిమాని, మతాభిమాని లేదా నిజాయితీ లేని వ్యక్తి అయినా కూడా.. నియామకాలకు పరిగణనలోకి తీసుకునేటప్పుడు ఆ విషయాన్ని ఎలా నిరూపిస్తారు?' అని ప్రశ్నించింది. కొలీజియం స్థానంలో న్యాయ నియామకాల కమిషన్ ఏర్పాటును సవాల్ చేస్తూ దాఖలైన పిటిషన్లపై విచారణ సందర్భంగా.. కొలీజియం న్యాయ నియామకాల్లో మరింత పారదర్శకత తేవాలని న్యాయవాది రామ్జఠ్మలానీ వాదించినపుడు సుప్రీంకోర్టు పై విధంగా స్పందించింది.


