పెయియా (సైప్రస్‌): ప్రతిష్టాత్మక క్యాండిడేట్స్‌ చెస్‌ టోర్నీలో ఆటగాళ్లు ‘మోసాలకు’ పాల్పడకుండా ఉండేందుకు అంతర్జాతీయ చెస్‌ సమాఖ్య (ఫిడే) తీసుకుంటున్న అతి జాగ్రత్తలపై అమెరికా గ్రాండ్‌మాస్టర్‌ హికారు నకమురా తీవ్ర అసహనం వ్యక్తం చేశాడు. తమను ఇజ్రాయెల్‌ గూఢచార సంస్థ ‘మొసాద్‌’కు చెందిన వ్యక్తుల్లా చూస్తున్నారని అతను ధ్వజమెత్తాడు. క్యాండిడేట్స్‌ టోర్నీ పురుషుల విభాగంలో పాల్గొంటున్న ఎనిమిది మంది గ్రాండ్‌మాస్టర్లలో నకమురా ఒకడు. ఈ టోర్నీలో విజేతగా నిలిచే ఆటగాడు ఈ ఏడాది చివర్లో జరిగే వరల్డ్‌ చాంపియన్‌షిప్‌ పోరులో ప్రస్తుత విజేత గుకేశ్‌ దొమ్మరాజుతో తలపడతాడు. సైప్రస్‌లో జరుగుతున్న ఈ టోర్నీలో ఆటగాళ్లు ఎలాంటి మోసాలకు పాల్పడకుండా ఉండేందుకు ‘ఫిడే’ పలు జాగ్రత్తలు తీసుకుంది. మెటల్‌ డిటెక్టర్లతో పాటు ఈసారి మరిన్ని కొత్త తరహా స్కానర్లను టోర్నీ జరిగే వేదికపై ఏర్పాటు చేసింది. ఈ తరహా అతి జాగ్రత్త నకమురాకు ఆగ్రహం తెప్పించింది. ‘అసలు ఆటగాళ్లు గేమ్‌ ఆడుతూ మోసం చేయడానికి ప్రయత్నిస్తారనే ఆలోచనే పనికిమాలినదని అని నా నమ్మకం. కొందరు ఆటగాళ్లే ఇలాంటి ఏర్పాటు కావాలని అడిగారని విన్నాను. ఇది పూర్తిగా అర్థరహితం. గేమ్‌కు ముందు గేమ్‌ తర్వాత కూడా వారు మమ్మల్ని స్కాన్‌ చేస్తున్నారు. మెటల్‌ డిటెక్టర్‌లే కాకుండా వేరుగా ప్రత్యేక స్కానర్లూ ఉన్నాయి. మేమేమైనా ఇరాన్‌లో పని చేస్తున్న ఇజ్రాయెల్‌ గూఢచార సంస్థ మొసాద్‌ ఏజెంట్లమా? ఫిడే వాస్తవంలోకి రావాలి. మేం చెస్‌ ప్లేయర్లం మాత్రమే’ అని నకమురా వ్యాఖ్యానించాడు. అసలు ఈ తరహా ఏర్పాటు చేయడానికి సరైన కారణం కూడా లేదని ఈ అమెరికా గ్రాండ్‌మాస్టర్‌ అభిప్రాయపడ్డాడు. ‘ఆటగాళ్ల మోసం గురించి అతి చేస్తున్నట్లుగా నాకు అనిపిస్తోంది. ఏదో ఒక చిన్న ఓపెన్‌ టోర్నీ అంటే ఏమైనా అనుకోవచ్చు. అక్కడంటే స్కానర్లవంటివి ఉండవు. కానీ ఇంత పెద్ద టోర్నీలో ఆటగాళ్లంతా ఒకే చోట ఉన్నారు. కెమెరాలు ఉన్నాయి. ఆర్బిటర్స్‌ ప్రతీ ఒక్కరినీ చూస్తున్నారు. ఎవరో ఒకరు లోపలి నుంచే సహాయం అందిస్తే తప్ప తప్పుడు పనులు చేయడానికి చాన్స్‌ ఉండదు’ అని నకమురా వివరించాడు. యుద్ధ వాతావరణం మధ్య సైప్రస్‌లో జరుగుతున్న ఈ టోర్నీ నుంచి భద్రతా కారణాలతో భారత క్రీడాకారిణి కోనేరు హంపి తప్పుకోగా... టోర్నీ ఆరంభానికి ముందు నకమురా కూడా బహిరంగంగా తన ఆందోళనను వ్యక్తం చేశాడు.

ప్రపంచ చాంపియన్‌, భారత గ్రాండ్‌మాస్టర్‌ దొమ్మరాజు గుకేశ్‌ (D Gukesh)పై నెటిజన్లు ప్రశంసలు కురిపిస్తున్నారు. ‘‘ఆటలోనే కాదు.. వ్యక్తిత్వంలోనూ చాంపియన్‌వే’’ అంటూ కొనియాడుతున్నారు. పద్దెమినిదేళ్ల వయసులోనే ఇంత పరిణతి సాధించిన గుకేశ్‌ భవిష్యత్తులో మరిన్ని ఉన్నత శిఖరాలు అధిరోహిస్తాడంటూ ప్రశంసలు కురిపిస్తున్నారు.ఇంతకీ ఏం జరిగిందంటే.. అమెరికాలోని సెయింట్‌ లూసియాలో జరుగుతున్న క్లచ్‌ చెస్‌ చాంపియన్స్‌ షోడౌన్‌-2025 ఈవెంట్లో గుకేశ్‌.. అమెరికన్‌ గ్రాండ్‌మాస్టర్‌ హికారు నకమురా (Hikaru Nakamura)ను ఓడించాడు. ఆది నుంచే ఆత్మవిశ్వాసంతో పావులు కదిపిన ఈ చెన్నై చిన్నోడు 1.5- 0.5 తేడాతో నకమురాను ఓడించాడు.గుకేశ్‌ ‘కింగ్‌’ను ప్రేక్షకుల వైపు విసిరిన నకమురాఈ క్రమంలో గెలుపొందిన తర్వాత గుకేశ్‌ హుందాగా ప్రవర్తించిన తీరే అతడిపై ప్రశంసలకు కారణం. కాగా అక్టోబరు 6న ఆర్లింగ్టన్‌లో జరిగిన చెక్‌మేట్‌ ఈవెంట్‌ ఓపెనింగ్‌ లెగ్‌లోనూ గుకేశ్‌- నకమురా ముఖాముఖి తలపడ్డారు. ఈ గేమ్‌లో నకమురా గుకేశ్‌ను 5-0తో వైట్‌వాష్‌ చేశాడు.దీంతో భారత్‌పై అమెరికా విజయం ఖరారు కాగా.. నకమురా.. గుకేశ్‌ ‘కింగ్‌’ను ప్రేక్షకుల వైపు విసిరి సెలబ్రేట్‌ చేసుకున్నాడు. అయితే, గుకేశ్‌ మాత్రం సహనం కోల్పోకుండా.. సంయమనం పాటిస్తూ చిరునవ్వులు చిందిస్తూ ఉండిపోయాడు.ఇంతకంటే గొప్పగా ‘ప్రతీకారం’ తీర్చుకోవచ్చా?ఇప్పుడు కూడా అదే సీన్‌ రిపీట్‌ అయింది. అయితే, ఈసారి గుకేశ్‌ విజేతగా నిలిచాడు. అయినాసరే అప్పుడు 37 ఏళ్ల నకమురా చేసినట్లుగా ఓవరాక్షన్‌ చేయలేదు. నకమురా షేక్‌హ్యాండ్‌ ఇవ్వగా హుందాగా స్వీకరించిన గుకేశ్‌.. తర్వాత తనదైన శైలిలో పావులను బోర్డుపై అమరుస్తూ ఉండిపోయాడు. Revenge Is A Dish Best Served Cold 🥶 pic.twitter.com/icCvA1JA4u— Desidudewithsign (@Nikhilsingh21_) October 28, 2025 ఈ రెండు ఘటనలకు సంబంధించిన వీడియోలను షేర్‌ చేస్తూ.. నెటిజన్లు గుకేశ్‌ను ప్రశంసిస్తున్నారు. ‘‘ప్రతీకారం కంటే.. ఇలా చిన్న చిరునవ్వుతోనే ప్రత్యర్థిని మరింత గొప్పగా దెబ్బకొట్టవచ్చు’’ అంటూ కామెంట్లు చేస్తున్నారు.చిన్న వయసులోనే చదరంగ రారాజుగాకాగా గతేడాది డిసెంబరులో గుకేశ్‌ ప్రపంచ చెస్‌ చాంపియన్‌గా అవతరించిన విషయం తెలిసిందే. సింగపూర్‌ సిటీ వేదికగా జరిగిన క్లాసికల్‌ ఫార్మాట్లో చైనా గ్రాండ్‌మాస్టర్‌, డిఫెండింగ్‌ చాంపియన్‌ డాంగ్‌ లిరెన్‌ను ఓడించడం ద్వారా గుకేశ్‌ విజేతగా నిలిచాడు. పద్దెమినిదేళ్ల వయసులోనే ఈ ఘనత సాధించి.. విశ్వనాథన్‌ ఆనంద్‌ తర్వాత ప్రపంచ చాంపియన్‌గా నిలిచిన రెండో భారత క్రీడాకారుడిగా నిలిచాడు. ఈ క్రమంలో దాదాపు రూ. 11.45 కోట్ల ప్రైజ్‌మనీని గుకేశ్‌​ అందుకున్నాడు.చదవండి: PKL 2025: తెలుగు టైటాన్స్‌కు చావో రేవో మ్యాచ్‌.. ఓడితే ప‌రిస్థితి ఏంటి?

అమెరికాలోని ఆర్లింగ్టన్‌లో జరిగిన చెక్‌మేట్ ఈవెంట్ ఓపెనింగ్ లెగ్‌లో భారత్‌పై యూఎస్‌ఎ ఆధిపత్యం చెలాయించింది. ఆదివారం జరిగిన గేమ్‌లో అమెరికా గ్రాండ్ మాస్టర్ హికారు నకమురా.. ప్రపంచ ఛాంపియన్ డి గుకేష్‌ను 0-5 తేడాతో వైట్‌వాష్ చేశాడు.దీంతో భారత్‌పై అమెరికా విజయం సాధించింది. అయితే విజయం అనంతరం హికారు నకమురా ఓవరాక్షన్ చేశాడు. గేమ్ ముగిసిన వెంటనే ఈ అమెరికా చెస్ స్టార్ గుకేష్ కింగ్‌ను ప్రేక్షకులపైకి విసిరి సెలబ్రేట్ చేసుకున్నాడు.కానీ గుకేష్ మాత్రం సహనం కోల్పోకుండా పావులను అమర్చకుంటూ నవ్వుతూ ఉండిపోయాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. ఈ క్రమంలో అతడిపై నెటిజన్లు విమర్శలు వర్షం కురిపిస్తున్నారు.మరీ అంత పొగరు పనికిరాదు అంటూ పోస్టులు పెడుతున్నారు. అయితే తన చర్యలపై నకమురా స్పందించాడు. తాను గెలిచిన ప్రతీసారి కింగ్‌ను విసిరేస్తాను అని నకమురా చెప్పుకొచ్చాడు.HIKARU THROWS A PIECE TO THE CROWD TO CELEBRATE THE USA 5-0! @GMHikaru What an event!! 🔥👏 @CheckmateUSAIND pic.twitter.com/LGnM8JLulJ— Chess.com (@chesscom) October 5, 2025చదవండి: Pro Kabaddi League: తెలుగు టైటాన్స్‌ గెలుపు జోరు..

స్టావెంజర్‌: నార్వే చెస్‌ టోర్నమెంట్‌లో తెలంగాణ గ్రాండ్‌మాస్టర్‌ ఇరిగేశి అర్జున్‌ అద్భుత విజయం అందుకున్నాడు. ప్రపంచ రెండో ర్యాంకర్‌ హికారు నకమురా (అమెరికా)తో జరిగిన ఐదో రౌండ్‌ గేమ్‌లో అర్జున్‌ అర్మగెడాన్‌ టైబ్రేక్‌ గేమ్‌లో గెలుపొందాడు. వీరిద్దరి మధ్య జరిగిన క్లాసికల్‌ ఫార్మాట్‌ గేమ్‌ 76 ఎత్తుల్లో ‘డ్రా’గా ముగిసింది. దాంతో విజేతను నిర్ణయించేందుకు అర్మగెడాన్‌ గేమ్‌ను నిర్వహించారు. ఈ గేమ్‌లో అర్జున్‌ 48 ఎత్తుల్లో నకమురాపై విజయం సాధించాడు. మరోవైపు ప్రపంచ చాంపియన్, భారత గ్రాండ్‌మాస్టర్‌ దొమ్మరాజు గుకేశ్‌ ఐదో రౌండ్‌ గేమ్‌లో 56 ఎత్తుల్లో వె యి (చైనా) చేతిలో ఓడిపోయాడు. ఇదే టోర్నీ మహిళల విభాగంలో భారత స్టార్, ఆంధ్రప్రదేశ్‌ గ్రాండ్‌మాస్టర్‌ కోనేరు హంపి చైనా గ్రాండ్‌మాస్టర్‌ లె టింగ్‌జీపై అర్మగెడాన్‌ టైబ్రేక్‌ గేమ్‌లో 38 ఎత్తుల్లో గెలిచింది. అంతకుముందు వీరిద్దరి మధ్య క్లాసికల్‌ ఫార్మాట్‌ గేమ్‌ 31 ఎత్తుల్లో ‘డ్రా’గా ముగిసింది. భారత మరో గ్రాండ్‌మాస్టర్‌ వైశాలి 35 ఎత్తుల్లో స్పెయిన్‌కు చెందిన సారా ఖాడెమ్‌ను ఓడించింది.

స్టావెంజర్‌ (నార్వే): ఆల్టిబాక్స్‌ నార్వే చెస్‌ టోర్నమెంట్‌లో భారత గ్రాండ్‌మాస్టర్‌ విశ్వనాథన్‌ ఆనంద్‌ వరుసగా రెండో ‘డ్రా’ నమోదు చేశాడు. హికారు నకముర (అమెరికా)తో మంగళవారం జరిగిన రెండో రౌండ్‌ గేమ్‌ను ఆనంద్‌ 39 ఎత్తుల్లో ‘డ్రా’గా ముగించాడు. లెవాన్‌ అరోనియన్‌ (అర్మేనియా)తో సోమవారం జరిగిన తొలి రౌండ్‌ గేమ్‌ను ఆనంద్‌ 31 ఎత్తుల్లో ‘డ్రా’ చేశాడు. 10 మంది గ్రాండ్‌మాస్టర్ల మధ్య జరుగుతున్న ఈ టోర్నీలో రెండో రౌండ్‌ తర్వాత ఆనంద్‌ ఒక పాయింట్‌తో ఎనిమిదో స్థానంలో ఉన్నాడు.  


 భారత గ్రాండ్‌మాస్టర్ విశ్వనాథన్ ఆనంద్ జ్యూరిచ్ చెస్ చాలెంజ్ టోర్నమెంట్‌లో రన్నరప్‌గా నిలిచాడు. ర్యాపిడ్, బ్లిట్జ్ విభాగాల గేమ్‌లు ముగిశాక హికారు నకముర (అమెరికా), ఆనంద్ 10.5 పాయింట్లతో సంయుక్తంగా అగ్రస్థానంలో నిలిచారు. అయితే మెరుగైన టైబ్రేక్ స్కోరు ఆధారంగా నకముర విజేతగా అవతరించగా... ఆనంద్ రన్నరప్‌తో సంతృప్తి పడ్డాడు. 9.5 పాయింట్లతో వ్లాదిమిర్ క్రామ్నిక్ (రష్యా) మూడో స్థానాన్ని దక్కించుకున్నాడు.