రస్ లాఫాన్: ప్రపంచంలోనే అతిపెద్ద ద్రవీకృత సహజ వాయువు (ఎల్‌ఎన్‌జీ) ఎగుమతి కేంద్రాలలో ఒకటైన ఖతార్‌లోని రస్ లాఫాన్ ఇండస్ట్రియల్ సిటీలో ఆదివారం (జూన్ 21) అర్ధరాత్రి ఒక్కసారిగా భారీ పేలుడు సంభవించింది. ప్లాంట్‌లో తలెత్తిన సాంకేతిక లోపం కారణంగా జరిగిన ఈ ప్రమాదంలో భారీగా మంటలు ఎగసిపడటంతో 54 మంది కార్మికులు గాయపడ్డారు. మరో 18 మంది కార్మికులు గల్లంతైనట్లు అధికారులు ప్రాథమికంగా ధృవీకరించారు. ఈ పేలుడు ధాటికి దట్టమైన పొగ, నిప్పురవ్వలు ఆకాశాన్ని కమ్మేయగా.. సుదూరంలో ఉన్న రాజధాని దోహావాసులకు సైతం ఈ శబ్దం వినిపించడంతో స్థానికులు తీవ్ర భయాందోళనలకు గురయ్యారు.బర్జన్ గ్యాస్ ప్లాంట్‌లో అసలేం జరిగింది?రస్ లాఫాన్ ప్లాంట్ పరిధిలోని బర్జన్ లోకల్ గ్యాస్ సప్లై ఫెసిలిటీలో మూసివేసిన కార్యకలాపాలను కార్మికులు తిరిగి పునఃప్రారంభిస్తున్న సమయంలో ఈ ప్రమాదం చోటుచేసుకుంది. ప్రభుత్వ యాజమాన్యంలోని 'ఖతార్ ఎనర్జీ' సంస్థ అందించిన సమాచారం ప్రకారం.. ఫ్యాక్టరీ లోపల సంభవించిన సాంకేతిక లోపమే ఈ భారీ పేలుడుకు, ఆ తర్వాత వ్యాపించిన అగ్నిప్రమాదానికి దారితీసింది. సమాచారం అందుకున్న వెంటనే సివిల్ డిఫెన్స్ విభాగానికి చెందిన అత్యవసర రెస్క్యూ టీమ్‌లు రంగంలోకి దిగి మంటలను అదుపు చేసేందుకు ముమ్మర చర్యలు చేపట్టాయి.భద్రతపై ఆందోళనలు.. అధికారుల వివరణఈ ప్రమాదంపై ఖతార్ అంతర్గత వ్యవహారాల మంత్రిత్వ శాఖ స్పందించింది. చుట్టుపక్కల ప్రాంతాలకు ఎటువంటి ముప్పు లేదని, పబ్లిక్ భద్రతకు భంగం కలిగించేలా ప్రమాదకరమైన గ్యాస్ లీకేజీలేవీ జరగలేదని అధికారులు స్పష్టం చేశారు. అయితే, గతంలో అమెరికా, ఇజ్రాయెల్, ఇరాన్ దేశాల మధ్య జరిగిన అంతర్జాతీయ ఉద్రిక్తతల సమయంలో ఇరాన్ దాడుల వల్ల రస్ లాఫాన్ ఇంధన మౌలిక సదుపాయాలు పాక్షికంగా దెబ్బతిన్నాయి. కానీ, ప్రస్తుత ప్రమాదానికి ఎలాంటి బాహ్య దాడులు కారణం కాదని, ఇది పూర్తిగా అంతర్గత సాంకేతిక లోపం వల్లే జరిగిందని అధికారులు ప్రాథమిక దర్యాప్తులో తేల్చారు.గ్లోబల్ ఎనర్జీ మార్కెట్‌పై ప్రభావం ఎంత?ప్రపంచవ్యాప్తంగా సరఫరా అయ్యే ఎల్‌ఎన్‌జీ మార్కెట్‌లో ఖతార్ అత్యంత కీలకమైన భాగస్వామి. రస్ లాఫాన్ ప్లాంట్‌లో జరిగే చిన్నపాటి అంతరాయమైనా అంతర్జాతీయ ఇంధన మార్కెట్లను, గ్యాస్ ధరలను తీవ్రంగా ప్రభావితం చేస్తుంది. ప్రస్తుతానికి అత్యవసర సిబ్బంది సంఘటనా స్థలంలోనే ఉండి భద్రతా చర్యలను పర్యవేక్షిస్తున్నారు. ఈ సాంకేతిక లోపానికి గల ఖచ్చితమైన కారణాలను తెలుసుకునేందుకు, ప్లాంట్‌కు జరిగిన ఆస్తి నష్టాన్ని అంచనా వేయడానికి ఉన్నత స్థాయి దర్యాప్తును ప్రారంభించారు. 🚨🇶🇦 Video shows initial moments after the massive explosion at Ras Laffan Gas Plant in Qatar, filmed from afar.This does not look like an accident...Source: MES (Telegram) / Writer: Samuel https://t.co/ZmCcdNUUP0 pic.twitter.com/ZC3qAk97Pt— Mario Nawfal (@MarioNawfal) June 21, 2026


 * తెలంగాణలో రూ.1,300 కోట్లతో పనులు: కేంద్ర మంత్రి ధర్మేంద్రప్రధాన్
 * ఈశాన్యం నుంచి రాష్ట్రం మీదుగా గ్యాస్ పైప్‌లైన్
 * ముంబై నుంచి హైదరాబాద్‌కు పైప్‌లైన్ ఏర్పాటుకు నిర్ణయం
 * రాష్ట్రంలో మరో రెండు గ్యాస్ రీఫిల్లింగ్ కేంద్రాలు ఏర్పాటు!
 సాక్షి, హైదరాబాద్: రానున్న రోజుల్లో హైదరాబాద్ గ్యాస్ హబ్‌గా మారే అవకాశం ఉందని కేంద్రసహజ వాయువు, పెట్రోలియం శాఖ మంత్రి ధర్మేంద్ర ప్రధాన్ పేర్కొన్నారు.
 
 ఈశాన్యం నుంచి దక్షిణానికి గ్యాస్ పైప్‌లైన్ వేయనున్నామని, అది ఆంధ్రప్రదేశ్, తెలంగాణల మీదుగా వెళుతుందని చెప్పారు. ఒడిశాలోని పారదీప్ నుంచి హైదరాబాద్ వరకు కొత్తగా ఐఓసీ వేసే గ్యాస్ పైప్‌లైన్‌కు రూ.2,500 కోట్లు ఖర్చవుతుందన్నారు. ఇక హెచ్‌పీసీఎల్ ఆధ్వర్యంలో ముంబై నుంచి హైదరాబాద్‌కు గ్యాస్ పైప్‌లైన్ ఏర్పాటుకు సాధ్యాసాధ్యాలపై చర్చిస్తున్నామని చెప్పారు. ఈ రెండు పైప్‌లైన్లు పూర్తయితే దేశ ఉత్తర, పశ్చిమ, తూర్పుల ప్రాంతాలను కలుపుతూ ఏర్పడే సరికొత్త గ్యాస్ పైప్‌లైన్‌కు హైదరాబాద్ హబ్‌గా మారుతుందన్నారు. శుక్రవారం హైదరాబాద్‌లోని బీజేపీ కార్యాల యంలో మీడియాతో మాట్లాడారు. తెలంగాణలో రూ. 1,300 కోట్ల అభివృద్ధి పనులు చేపట్టనున్నట్లు ఆయన తెలిపారు. ఐఓసీ టెర్మినల్, గ్యాస్ రీఫిల్లింగ్ కేంద్రాలను ఏర్పా టు చేస్తున్నట్లు చెప్పారు. ఇందుకు ప్రస్తుత ఆర్థిక ఏడాదిలోనే దాదాపు రూ.100 కోట్లు ఇవ్వనున్నట్లు చెప్పారు.
  
 అందరికీ వంట గ్యాస్..
 తెలంగాణలో 86 లక్షల వంట గ్యాస్ వినియోగదారులు ఉండగా.. అందులో 74 లక్షల కనెక్షన్లు మాత్రమే క్రియాశీలంగా ఉన్నాయని ధర్మేంద్ర ప్రధాన్ చెప్పారు. రెండేళ్లలో రాష్ట్రంలో వందశాతం కుటుంబాలకు గ్యాస్ కనెక్షన్లు ఉండేలా చూస్తామన్నారు. ప్రస్తుతం హైదరాబాద్‌లో సీఎన్‌జీతో 21వేల వాహనాలు, పీఎన్‌జీతో వెయ్యి వరకు వాహనాలు నడుస్తున్నాయని.. భవిష్యత్తులో ఇవి బాగా పెరగాల్సి ఉందని చెప్పారు.
 
 హైదరాబాద్‌లో మోనోటెర్మినల్ కేంద్రం ఏర్పాటు చేయాలని భావిస్తున్నామని, అందుకు రూ.500 కోట్లు కేటాయించామని చెప్పారు. తెలంగాణలో మరో రెండు గ్యాస్ రీఫిల్లింగ్ కేంద్రాలను నెలకొల్పనున్నట్లు  తెలిపారు. ప్రస్తుతం తెలంగాణలో నాలుగు కేంద్రాలున్నాయని పేర్కొన్నారు. కాగా శుక్రవారం ప్రధాన్ పుట్టినరోజు కావడంతో కిషన్‌రెడ్డి, డా.లక్ష్మణ్, ఇంద్రసేనారెడ్డి ఆయనకు శుభాకాంక్షలు తెలిపారు.