commit Suicide

మూడుసార్లు పారా ఆసియా గేమ్స్ స్వ‌ర్ణ ప‌త‌క విజేత‌, భార‌త స్టార్ అథ్లెట్ నీర‌జ్ యాద‌వ్ ఢిల్లీలోని త‌న నివాసంలో మంగళవారం రాత్రి ఆత్మ‌హత్యకు పాల్ప‌డ్డాడు. ఈ విషాద‌కర వార్త‌ను భార‌త పారా అథ్లెటిక్స్ కోచ్ ఎస్‌. స‌త్య‌నారాయ‌ణ బుధ‌వారం ఉద‌యం మీడియాకు ధ్రువీక‌రించారు. బుధవారం ఢిల్లీలోని జీటీబీ ఆసుపత్రిలో పోస్ట్‌మార్టం అనంత‌రం నీర‌జ్ యాద‌వ్ భౌతికకాయాన్ని.. పారా ఒలింపియ‌న్‌ సుమిత్ అంటిల్, తోటి పారా అథ్లెట్ విపిన్ కసానాలు అత‌డి నివాసానికి త‌ర‌లించారు. నీరజ్ మరణవార్త విని తాను తీవ్ర దిగ్భ్రాంతికి గురయ్యానని సత్యనారాయణ తెలిపారు. కాగా నీర‌జ్ యాద‌వ్ మృతికి స్ప‌ష్ట‌మైన‌ కార‌ణాలు ఇంకా తెలియ‌రాలేదు. అయితే ఇటీవ‌లే డోపింగ్‌లో ప‌ట్టుబ‌డ‌డంతో నీర‌జ్ యాద‌వ్ జ‌పాన్‌లోని న‌గోయా వేదిక‌గా ముగిసిన 2026-పారా ఆసియా గేమ్స్‌లో పాల్గొన‌కుండా నిషేధం విధించారు. ఈ క్రీడ‌ల‌కు దూర‌మ‌య్యాన‌న్న కార‌ణంతో మాన‌సిక ఒత్తిడికి గురైన నీర‌జ్ యాద‌వ్ ఆత్మ‌హ‌త్య‌కు పాల్ప‌డి ఉంటార‌ని పోలీసులు భావిస్తున్నారు.ఏడేళ్ల వ‌య‌సులో పోలియో బారిన..ఉత్త‌ర్‌ప్ర‌దేశ్‌కు చెందిన నీర‌జ్ యాద‌వ్‌కు ఏడేళ్ల వయసులో పోస్ట్-పోలియో రెసిడ్యువల్ పక్షవాతంతో బాధపడుతున్నట్లు నిర్ధారణ అయింది. దీంతో పారా అథ్లెట్‌గా అవ‌తారం ఎత్తిన నీర‌జ్ యాద‌వ్‌ F55 కేటగిరీలో పారా జావెలిన్, డిస్కస్ త్రోలో పోటీపడ్డాడు. 2018 జకార్తా ఆసియన్ పారా గేమ్స్, 2022 హాంగ్జౌ పారా ఆసియన్ పారా గేమ్స్‌లో జావెలిన్ త్రోలో స్వ‌ర్ణాల‌తో పాటు డిస్క‌స్ త్రోలోనూ స్వ‌ర్ణ ప‌త‌కం ద‌క్కించుకున్నాడు. అయితే పారా అథ్లెట్‌గా మార‌క‌ముందు నీర‌జ్ యాద‌వ్ 2005 నుంచి 2012 వ‌ర‌కు వీల్‌చైర్ టెన్నిస్ ఆడాడు.డోపింగ్‌లో ప‌ట్టుబ‌డిఅక్టోబర్ 2023లో, బెంగళూరులోని SAI సెంటర్‌లో జాతీయ డోపింగ్ నిరోధక సంస్థ (NADA) సేకరించిన పోటీయేతర నమూనాలో నీరజ్ యాదవ్‌కు స్టానోజోలోల్ అనే అనాబాలిక్ స్టెరాయిడ్ ఉన్నట్లు పరీక్షలో తేలింది. దీంతో నవంబర్ 2023లో యాంటీ-డోపింగ్ నియమ ఉల్లంఘన (ADRV) ఆరోపణపై అతనిపై కేసు నమోదయ్యింది. 2024లో అతడిపై నాడా తాత్కాలిక సస్పెన్షన్ విధించింది. దీంతో హాంగ్జౌ ఆసియా గేమ్స్‌లో నీర‌జ్ యాద‌వ్ సాధించిన రెండు స్వ‌ర్ణ ప‌త‌కాలు చెల్ల‌వ‌ని నాడా తెలిపింది. ఫ‌లితంగా స్వర్ణ పతకాల సంఖ్య 29 నుండి 27కి తగ్గడంతో పాటు పతకాల సంఖ్య 111 నుంచి 108కి పడిపోయింది. అయితే విచార‌ణ స‌మ‌యంలో నీర‌జ్ తాను ఎలాంటి నిషేదిత ఉత్ప్రేర‌కం తీసుకోలేద‌ని, న‌మూనా క‌లుషితమ‌యి ఉండొచ్చు లేదా ప‌రీక్షా ప్ర‌క్రియ‌లో పొరపాటు జ‌రిగి ఉండొచ్చ‌ని వాదించారు. అవ‌స‌ర‌మైతే త‌న ప్రామాణిక‌త‌ను ధృవీక‌రించ‌డానికి డీఎన్ఏ ప‌రీక్ష కూడా చేయాల‌ని డిమాండ్ చేయ‌డం గ‌మ‌నార్హం.HEARTBREAKING NEWS: THREE-TIME ASIAN PARA GAMES GOLD MEDALLIST NEERAJ YADAV DIES AT 42 🇮🇳💔 The Indian Para-athlete reportedly died by suicide on Tuesday night, according to a report by The Times of India. The circumstances surrounding his death remain unclear. Neeraj won Gold in Men’s Javelin F55 at the 2018 Asian Para Games and two more Gold medals at the 2022 Asian Para Games. Our heartfelt condolences to his family, friends, and the sporting community during this difficult time. May his soul rest in peace. 🙏— The Khel India (@TheKhelIndia) October 28, 2026 Indian para-athletics has lost one of its finest. Neeraj Yadav, three-time Asian Para Games gold medallist, died by suicide at the age of 42. Diagnosed with post-polio residual paralysis at seven, Neeraj refused to let it define him. He played wheelchair tennis before switching to para-athletics, where he made his mark on the continent’s biggest stage. 🥇 2018 Jakarta: F55 javelin gold, with an Asian record of 29.84m 🥇🥇 2023 Hangzhou: javelin and discus gold Rest in peace, Neeraj. #NeerajYadav #ParaAthletics #IndianSports #RIP— The Bridge (@the_bridge_in) October 28, 2026ఇదీ చదవండి: చిత్తుగా ఓడిన న్యూజిలాండ్‌.. ర‌గ్బీలో చ‌రిత్ర సృష్టించిన భార‌త్‌ఆక్లాండ్ చేరుకున్న‌ టీమిండియా; జ‌ట్టును వీడిన కుమార్ కుశాగ్రా!

సాక్షి బెంగళూరు: మొబైల్‌ చూడొద్దని తల్లిదండ్రులు హెచ్చరించినందుకు బాలిక మనస్తాపానికి గురై పదో అంతస్తు నుంచి దూకి ఆత్మహత్య చేసుకుంది. వివరాలు..బెంగళూరు ఈశాన్య విభాగం బాగలూరు పోలీసు స్టేషన్‌ పరిధిలోని కణ్ణూరులోని అపార్ట్‌మెంట్‌లో రవికుమార్‌ ఓజా అనే వ్యక్తి నివాసం ఉంటున్నాడు. ఈయన కుమార్తె నవ్య ఓజా (13) ఏడో తరగతి చదువుతోంది. నవ్య ఎక్కువగా మొబైల్‌ చూస్తుండడంతో చదువుపై దృష్టి సారించాలని తల్లిదండ్రులు గురువారం రాత్రి పది గంటల సమయంలో  మందలించారు. పది నిమిషాల అనంతరం బాలిక అపార్టుమెంట్‌పైకి వెళ్లి కిందకి దూకి ఆత్మహత్య చేసుకుంది. బాగలూరు పోలీసులు కేసు నమోదు చేశారు.   (చదవండి: వాహనదారులకు బంపర్ ఆఫర్.. చలాన్లపై 50 శాతం డిస్కౌంట్..!)

చంద్రగిరి(చిత్తూరు జిల్లా): ప్రేమ పెళ్లికి కుటుంబ సభ్యులు అంగీకరించలేదన్న మనస్తాపంతో ఓ యువతి ఆత్మహత్యకు పాల్పడిన ఘటన మండల పరిధిలోని రెడ్డివారిపల్లి పంచాయతీ, ఎగువరెడ్డివారిపల్లిలోని ఎస్‌ఎల్‌నగర్‌లో చోటుచేసుకుంది. పోలీసుల కథనం.. చంద్రగిరికి చెందిన మునిరాజ కుమార్తె మోహనకృష్ణ(19) చిన్నతనంలోనే తల్లి మృతి చెందింది. ఈ నేపథ్యంలో ఆమెను ఎగువరెడ్డివారిపల్లిలోని తన మేనమామ బాలకృష్ణ చూసుకుంటున్నారు. మోహన్‌కృష్ణ ఇంట్లోనే ఉంటూ డిస్టెన్స్‌లో ఇంటర్మీడియట్‌ ద్వితీయ సంవత్స రం చదువుతోంది. చదవండి: భర్తతో గొడవ.. ఇద్దరు పిల్లలతో సహా వివాహిత అదృశ్యం  ఈ క్రమంలో నాగయ్యగారిపల్లికి చెందిన ఓ యువకుడితో ప్రేమలో పడింది. వారం రోజుల క్రితం బాలిక.. ప్రేమించిన యువకుడితో కలిసి పారిపోయింది. దీంతో ఆమె కుటుంబ సభ్యులు పోలీసులను ఆశ్రయించారు. పోలీసులు ప్రేమజంటకు కౌన్సెలింగ్‌ ఇచ్చి పంపించేశారు. తన ప్రియుడికిచ్చి పెళ్లిచేయకుండా దూరం చేశారనే మనస్తాపంతో యువతి గురువారం ఇంట్లో ఫ్యానుకు ఉరివేసుకుని ఆత్మహత్య చేసుకుంది. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం తిరుపతి మెడికల్‌ కళాశాలకు తరలించారు. కేసు నమోదు చేసి దర్యాప్తు చేస్తున్నట్టు ఎస్‌ఐ వంశీధర్‌ తెలిపారు. ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి.  ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com   

మధిర: ఫోన్‌ చేసి మాట్లాడుతూనే ఓ యువకుడు రైలు కిందపడి ఆత్మహత్యకు పాల్పడ్డాడు. ఈ ఘటన శనివారం రాత్రి మధిర రైల్వే అండర్‌ బ్రిడ్జి సమీపంలో జరిగింది. భద్రాద్రి జిల్లా పాత కొత్తగూడేనికి చెందిన అన్నపూర్ణమ్మ, మాధవాచారి దంపతులకు అనిల్‌ (25), వినయ్‌ అని ఇద్దరు కుమారులు ఉన్నారు. అనిల్‌కుమార్‌కు వివాహం కాగా, మనస్పర్థలతో భార్యాభర్తలు విడిపోయారు. ఈ క్రమంలో కొంతకాలంగా మనస్తాపానికి గురైన అనిల్‌ మధిరలో ఉంటున్న తన అమ్మమ్మ ఇంటికి వెళుతున్నానని చెప్పి శనివారం ఉదయం ఇంటినుంచి బయటకు వచ్చాడు. సాయంత్రం సమయంలో మధిరలోని వైరా నదిపై నిర్మించిన రైల్వే బ్రిడ్జి ప్రాంతంలో కొంతసేపు తిరిగి సెల్ఫీ ఫొటోలు తీసుకున్నాడు. రాత్రి 10:30 గంటల సమయంలో రైల్వేట్రాక్‌పైకి వచ్చి అతడి బాబాయి లక్ష్మీనారాయణకు ఫోన్‌చేశాడు. మధిర రైల్వే అండర్‌ బ్రిడ్జి సమీపంలో రైల్వే ట్రాక్‌పై ఉన్నానని, ‘చనిపోతున్నాను నన్ను క్షమించండి’ అంటూ కాల్‌లో చెప్పాడు. అనిల్‌ మాట్లాడుతుండగానే పెద్ద శబ్ధం వినిపించిందని లక్ష్మీనారాయణ రోదిస్తూ వివరించారు. కాగా, ఆదివారం సాయంత్రం పాతకొత్తగూడెంలో అనిల్‌ అంత్యక్రియలు నిర్వహించారు.

సాక్షి, హైదరాబాద్‌: నగరంలో దారుణ ఘటన చోటుచేసుకుంది. గేమ్‌ ఆడుకునేందుకు మొబైల్‌ ఇవ్వలేదని 12 ఏళ్ల బాలుడు అపార్ట్‌మెంట్‌పై నుంచి దూకి ఆత్మహత్య చేసుకున్న ఘటన శనివారం మియాపూర్‌లో చోటుచేసుకుంది. వివరాలు.. బాలవెంకట్‌ సత్య ప్రసాద్‌(12) అనే బాలుడు తల్లిదండ్రులతో కలిసి మియాపూర్‌లోని స్వప్న నిర్వాన్‌ అపార్టుమెంట్‌లో నివసిస్తున్నాడు. ఈ క్రమంలో ట్యాబ్‌లో గేమ్‌ ఆడుకునేందుకు తండ్రి నిరాకరించాడన్న మనస్థాపంతో అపార్టుమెంట్‌పై నుంచి దూకి మృతి చెందాడు. దీంతో బాలుడి కుటుంబంలో విషాదం అలుముకుంది. ఇక ఇటీవల కాలంలో చిన్నారులపై సెల్‌ఫోన్‌లు, గేమ్‌ల ప్రభావం ఎంతగా ఉందో మరోసారి ఈ తాజా ఘటనతో రుజువైంది. 

వినుకొండటౌన్‌: నువ్వెల చనిపోయావయ్యా నా బిడ్డ.. చనిపోయే ముందు అమ్మ గుర్తుకు రాలేదా నాయానా.. అంటూ జావెద్‌ తల్లి జరినా కన్నీరు మున్నీరుగా మృతదేహం వద్ద విలపించింది. ప్రైవేటు పాఠశాలలో చదువుతూ సోమవారం రాత్రి జావెద్‌ మృతి చెందాడు. క్షణికావేశంలో విద్యార్థి తీసుకున్న నిర్ణయంతో పాఠశాల విద్యార్థులు, ఉపాధ్యాయులు ఆవేదనకు గురికాగా, మృతుని కుంటుంబలో మంగళవారం విషాదఛాయలు అలుముకున్నాయి. సోమవారం రాత్రి 11.30 గంటల సమయంలో పట్టణంలోని రణహుస్సేన్‌ పంజా సమీపంలో నివాసం ఉంటున్న షేక్‌ షరీఫ్, జరినా దంపతుల కుమారుడు మహమ్మద్‌ అకీబ్‌ జావెద్‌  (15) రైలు కింద పడి ఆత్మహత్య చేసుకున్నాడు. వారికి జావెద్‌తోపాటు ఇద్దరు కుమార్తెలు ఉన్నారు. జావెద్‌ ఇంటికి దగ్గరలోనే ఉన్న నారాయణ టాలెంట్‌ స్కూల్‌లో 10వ తరగతి చదువుతున్నాడు. అందరు విద్యార్థులతో కలిసిమెలసి విద్యాభ్యాసం చేస్తున్న జావెద్‌ సోమవారం రాత్రి ట్యాషన్‌కు వెళ్లాడు. ట్యూషన్‌లో విద్యార్థుల మధ్య స్వల్ప వివాదం జరిగింది. వివాదాన్ని క్లాస్‌ టీచర్‌ పాఠశాల ప్రిన్సిపల్‌ దృష్టికి తీసుకువెళ్లారు. దీంతో ప్రిన్సిపల్‌ ఇరువురిని విచారించి స్వల్పంగా మందలించి తల్లిదండ్రులను తీసుకురావాలని చెప్పారు. తల్లిదండ్రులకు తెలిస్తే ఎక్కడ తనను మందల్లిస్తారోననుకున్న జావెద్‌ క్షణికావేశానికి గురైన ఆత్మహత్యకు పూనుకున్నట్లు తెలుస్తుంది. ట్యూషన్‌ నుంచి జావెద్‌ ఇంటర్‌వెల్‌ సమయంలో బయటకు వెళ్లిపోయాడు. విషయాన్ని ప్రిన్సిపల్‌ అతని తండ్రి షరీఫ్‌కు తెలియజేయడంతో వారు గాలింపు చర్యలు చేపట్టారు. ఈ క్రమంలో రాత్రి 11.30 సమయంలో ఏనుగుపాలెం రోడ్డులోని రైల్వేగేటు సమీపంలో జావెద్‌ వేసుకు వచ్చిన సైకిల్‌ నిలిచి ఉండటాన్ని గుర్తించారు. దీంతో వారు రైల్వే ట్రాక్‌ వెంట వెతుకుతుండగా కొద్దిదూరంలో జావెద్‌ మృతదేహాన్ని కనుగొన్నారు. అయితే తల్లిదండ్రులు తమ పిల్లవాడు మూత్రవిసర్జనకు వెళ్లి వినికిడి లోపం వల్ల ట్రైను వస్తున్నది గమనించలేక పోయినందు వల్ల ఘటన చోటుచేసుకున్నట్లు పోలీసులకు ఇచ్చిన ఫిర్యాదులో పేర్కొన్నారు. పట్టణ సీఐ టీవీ శ్రీనివాసరావు మృతదేహాన్ని సందర్శించి వివరాలు తెలుసుకున్నారు. గవర్నమెంటు రైల్వే పోలీసులు (జీఆర్‌పీ) ఎస్సై డి.వెంకటేశ్వరరావు కేసు నమోదు చేశారు. జావెద్‌ ఇంటి వద్ద విషాద ఛాయలు జావెద్‌ మృతి చెందాడన్న విషయం తెలుసుకున్న వారి బంధువుల రోదనలతో రణహుస్సేన్‌ పంజా బజారులో విషాదఛాయలు అలుముకున్నాయి. జిల్లా విద్యాశాఖ అ«ధికారి సూచన మేరకు స్థానిక గవర్నమెంటు ఉన్నత బాలుర పాఠశాల ప్రధానోపాధ్యాయుడు వి.ఏసుబాబు మృతదేహాన్ని సందర్శించారు.


 హైదరాబాద్: సినిమా అవకాశాలు లేకపోవడం, ఆర్ధిక ఇబ్బందులు, అప్పుల బాధ మోయలేకనే సినీ హీరో ఉదయ్ కిరణ్ ఆత్మహత్యకు పాల్పడ్డారని వెస్ట్‌ జోన్ డీసీపీ సత్యనారాయణ వెల్లడించారు. ఉదయ్ కిరణ్ ఆత్మహత్య చేసుకోవడం సంచలనం రేపిన సంగతి తెలిసిందే.
  
 ఉదయ్ కిరణ్ ది ఆత్మహత్యేనని ఉస్మానియా వైద్యులు నివేదికలో తెలిపారు. అయితే ఉదయ్ కిరణ్ ఆత్మహత్యకు దారి తీసిన అంశాలు, కారణాలపై పోలీసులు దృష్టి పెట్టారు. విచారణలో భాగంగా భార్య విషిత, అత్తామామ, సోదరి, బావ, మిత్రుడు శరత్‌లను మంగళవారం సాయంత్రం వెస్ట్‌జోన్‌ పోలీసులు విచారించారు.