Brian Bennett

షార్జా వేదిక‌గా అఫ్గానిస్తాన్‌తో జ‌రుగుతున్న తొలి టెస్టులో జింబాబ్వే బ్యాటర్లు అదరగొట్టారు. తొలి ఇన్నింగ్స్‌లో జింబాబ్వే ఏకంగా 504 పరుగుల భారీ స్కోర్ చేసి ఆలౌటైంది. ఖైస్ అహ్మద్ తొలుత ఓపెనర్లు ఇనోసెంట్‌ కియా(34), బెన్‌ కుర్రాన్‌(42) మంచి ఆరంభం ఇవ్వగా.. ఆ తర్వాత మిడిలార్డర్‌ బ్యాటర్‌ బ్రెండన్‌ టేలర్‌(131), కెప్టెన్‌ బ్రియన్‌ బెన్నెట్‌(128) భారీ సెంచరీలతో కదం తొక్కారు.అదేవిధంగా లోయార్డర్‌ బ్యాటర్లు వెస్లీ మాధవేరే(54), సిగా(44),క్రీమర్‌(34) రాణించారు. అఫ్గాన్‌ బౌలర్లలో మహ్మద్‌ సలీమ్‌, ఖైస్ అహ్మద్ తలా మూడు వికెట్లు పడగొట్టగా.. జియూర్‌ రెహ్మన్‌, హస్మతుల్లా షాహిది తలా వికెట్‌ చొప్పున సాధించారు. జింబాబ్వేకు టెస్టుల్లో ఇది ఐదో అత్యధిక స్కోర్ కావడం గమనార్హం.తుది జట్లుఆఫ్ఘనిస్తాన్ : సెడిఖుల్లా అటల్, అబ్దుల్ మాలిక్, షాహిదుల్లా కమల్, రహమత్ షా(కెప్టెన్‌), హష్మతుల్లా షాహిదీ, ఇక్రమ్ అలీఖిల్(వికెట్ కీపర్‌), రహ్మానుల్లా, కైస్ అహ్మద్, జియా-ఉర్-రెహ్మాన్ అక్బర్, జియా ఉర్ రహ్మాన్ షరీఫీ, మహ్మద్ సలీమ్ సఫీమ్జింబాబ్వే: బెన్ కుర్రాన్, ఇన్నోసెంట్ కైయా, బ్రియాన్ బెన్నెట్ (కెప్టెన్‌), బ్రెండన్ టేలర్, క్రెయిగ్ ఎర్విన్, అంటుమ్ నఖ్వీ, వెస్లీ మాధవెరే, తఫద్జ్వా త్సిగా (వికెట్ కీపర్‌), గ్రేమ్ క్రీమర్, న్యూమాన్ న్యామ్‌హురి, బ్లెస్సింగ్ ముజారబానీ

అఫ్గానిస్తాన్‌తో జ‌రుగుతున్న తొలి టెస్టులో జింబాబ్వే బ్యాట‌ర్లు శ‌త‌కాల‌తో చెల‌రేగుతున్నారు. ఇప్ప‌టికే బ్రెండ‌న్ టేల‌ర్ (168 బంతుల్లో 131) సెంచ‌రీ చేయ‌గా, తాజాగా కెప్టెన్ బ్రియాన్ బెన్నెట్ కూడా అజేయ శ‌త‌కంతో చెల‌రేగాడు. త‌ద్వారా జింబాబ్వే 400 ప‌రుగుల మార్క్‌ను దాటి భారీ స్కోరు దిశ‌గా ప‌రిగెడుతోంది. 105 ఓవర్లు ముగిసేస‌రికి జింబాబ్వే 6 వికెట్ల న‌ష్టానికి 407 ప‌రుగులు చేసింది. క్రీజులో బ్రియాన్ బెన్నెట్ (115 బ్యాటింగ్‌), తఫాద్జ్వా త్సిగా (7) ఉన్నారు. అంత‌క‌ముందు వెస్లే మ‌దెవెరె (54) అర్థ‌శ‌త‌కం సాధించాడు. బ్రియాన్ బెన్నెట్‌, మదెవెరె క‌లిసి ఆరో వికెట్‌కు 94 ప‌రుగులు జోడించి జింబాబ్వే స్కోరు పెర‌గ‌డంలో కీల‌క‌పాత్ర పోషించారు. ఈ నేప‌థ్యంలో కెప్టెన్‌గా టెస్టుల్లో తొలి సెంచ‌రీ సాధించిన బ్రియాన్ బెన్నెట్‌కు ఓవ‌రాల్‌గా టెస్టుల్లో ఇది మూడో శ‌త‌కం. వ‌న్డే, టీ20ల్లోనూ బ్రియాన్ బెన్నెట్ ఖాతాలో ఒక్కో సెంచ‌రీ ఉండ‌డం విశేషం. అఫ్గానిస్తాన్ బౌల‌ర్ల‌లో జియా ఉర్ అక్బ‌ర్‌ రెండు వికెట్లు తీయ‌గా, మొహ‌మ్మ‌ద్ స‌లీమ్‌, జియావుర్ రెహ్మాన్‌, ఖ‌యాస్ అహ్మ‌ద్‌, హ‌ష్మ‌తుల్లా త‌లా ఒక వికెట్ ప‌డ‌గొట్టారు.Photo Credit: Twitterగావ‌స్క‌ర్‌, కోహ్లి స‌ర‌స‌న..టెస్టుల్లో కెప్టెన్‌గా ప్రాతినిధ్యం వ‌హిస్తున్న తొలి మ్యాచ్‌లోనే సెంచ‌రీ బాదిన ఆట‌గాళ్ల జాబితాలో బ్రియాన్ బెన్నెట్ చోటు సంపాదించాడు. ఇప్ప‌టివ‌ర‌కు 35 మంది ప్లేయ‌ర్లు ఈ రికార్డు సాధించారు. కోహ్లి, విజ‌య్ హ‌జారే, గావ‌స్క‌ర్‌, గిల్ వంటి దిగ్గ‌జాల స‌ర‌స‌న బ్రియాన్ బెన్నెట్ నిలిచాడు.ఇందులో కోహ్లి, గ్రెగ్ చాపెల్ మాత్రం డెబ్యూ కెప్టెన్‌గా రెండు ఇన్నింగ్స్‌ల్లోనూ సెంచ‌రీలు బాదిన క్రికెట‌ర్లుగా రికార్డుల‌కెక్కారు. అయితే జింబాబ్వే త‌ర‌ఫున కెప్టెన్‌గా డెబ్యూ సెంచ‌రీ బాదిన నాలుగో ప్లేయ‌ర్‌గా బ్రియాన్ బెన్నెట్ నిలిచాడు. గ‌తంలో 1992లో డీఎల్ హూగ్‌ట‌న్ (121 ప‌రుగులు వ‌ర్సెస్ టీమిండియా), 2011లో బ్రెండ‌న్ టేల‌ర్ (105 నాటౌట్ వ‌ర్సెస్ బంగ్లాదేశ్‌), 2020లో బంగ్లాదేశ్‌తో టెస్టులో క్రెయిగ్ ఎర్విన్ (107) సెంచ‌రీలు బాదారు.A captain's knock from Brian Bennett! 💯👏 #AFGvZIM https://t.co/xlRz0FjFIK— Zimbabwe Cricket (@ZimCricketv) November 6, 2026ఇదీ చదవండి: విండీస్‌తో టెస్టు.. బొక్కబోర్లా పడిన బంగ్లా బౌలర్‌!Asia Cup: బంగ్లాదేశ్‌ను చిత్తు చేసిన అఫ్గానిస్తాన్‌

టీమిండియాతో తొలి టీ20 మ్యాచ్‌లో జింబాబ్వే బ్యాటర్లు తేలిపోయారు. భారత బౌలర్ల ధాటికి తాళలేక పెవిలియన్‌కు వరుస కట్టారు. దీంతో ఆతిథ్య జట్టు నామమాత్రపు స్కోరుకే పరిమితమైంది. మూడు టీ20ల సిరీస్‌లో భాగంగా భారత్‌- జింబాబ్వే మధ్య గురువారం నాటి తొలి మ్యాచ్‌కు హరారే స్పోర్ట్స్‌ క్లబ్‌ వేదిక. తొలి బంతికే వికెట్‌ఈ మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకోగా.. జింబాబ్వే బ్యాటింగ్‌కు దిగింది. మయాంక్‌ యాదవ్‌ భారత బౌలింగ్‌ అటాక్‌ ఆరంభించి.. తొలి బంతికే బ్రియాన్‌ బెన్నెట్‌ను డకౌట్‌ చేశాడు.Aate hi kaam shuru kar diye 🔥💪Watch it LIVE only on FanCode! 🇮🇳 👇https://t.co/q6VBxaRJz3#ZIMvIND #RokoNahiThoko #MayankYadav pic.twitter.com/Pg9RugnnTR— FanCode (@FanCode) July 23, 2026మరో ఓపెనర్‌, అరంగేట్ర ఆటగాడు బెన్‌ కర్రాన్‌ (10) ప్రిన్స్‌ యాదవ్‌ బౌలింగ్‌లో అవుట్‌ కాగా.. వన్‌డౌన్‌ బ్యాటర్‌ డియోన్‌ మైర్స్‌ (6)ను మయాంక్‌ యాదవ్‌ వెనక్కి పంపాడు. కెప్టెన్‌ సికిందర్‌ రజా (4) వికెట్‌ను శివం దూబే తన ఖాతాలో వేసుకోగా.. నిలకడగా ఆడుతున్న ర్యాన్‌ బర్ల్‌ (26)ను రవి బిష్ణోయి వెనక్కి పంపాడు.BACK TO BACK WICKETS IN BACK TO BACK OVERS! 💪Full THOKO mode power-play mein 🔥Watch it LIVE on FanCode! 🇮🇳 👇https://t.co/q6VBxaRJz3 #ZIMvIND #RokoNahiThoko pic.twitter.com/6vpRLxPZ5I— FanCode (@FanCode) July 23, 2026రాణించిన మెధెవెరెఈ క్రమంలో వెస్లే మెధెవెరె ఇన్నింగ్స్‌ చక్కదిద్దాడు. ఆరో స్థానంలో వచ్చిన ఈ ఆల్‌రౌండర్‌.. 34 బంతుల్లో 39 పరుగులతో జింబాబ్వే ఇన్నింగ్స్‌లో టాప్‌ రన్‌ స్కోరర్‌గా నిలిచాడు. అతడి ఇన్నింగ్స్‌లో మూడు ఫోర్లు, ఒక సిక్సర్‌ ఉన్నాయి. దురదృష్టవశాత్తూ అతడు రనౌట్‌ అయ్యాడు. మిగతా వాళ్లలో బ్రాడ్‌ ఎవాన్స్‌ డకౌట్‌ కాగా.. వికెట్‌ కీపర్‌ బ్యాటర్‌ తాడివనాషే మరుమాణి (20 బంతుల్లో 27) కాస్త వేగంగా ఆడాడు. జింబాబ్వే స్కోరెంతంటే?న్యూమన్‌ ఒక్క పరుగు చేసి మరుమాణితో కలిసి అజేయంగా నిలిచాడు. ఫలితంగా నిర్ణీత 20 ఓవర్లలో జింబాబ్వే ఏడు వికెట్ల నష్టానికి కేవలం 125 పరుగులు చేసింది. భారత బౌలర్లలో మయాంక్‌ యాదవ్‌, ప్రిన్స్‌ యాదవ్‌ చెరో రెండు వికెట్లు తీయగా.. శివం దూబే, రవి బిష్ణోయి తలా ఒక వికెట్‌ దక్కించుకున్నారు. చదవండి: టీమిండియా తరఫున అతడి అరంగేట్రం

కొలంబో: టి20 వరల్డ్‌ కప్‌లో ఆస్ట్రేలియాను సంచలన రీతిలో ఓడించిన జింబాబ్వే ఒక్కసారిగా అందరి దృష్టినీ ఆకర్షించింది. అయితే ఆసీస్‌పై గెలవడం గాలివాటం కాదని నిరూపిస్తూ ఆ జట్టు మరో ఘన విజయాన్ని సొంతం చేసుకుంది. ఆ్రస్టేలియాని చిత్తు చేసి సత్తా చాటిన ఆతిథ్య జట్టు శ్రీలంకను వారి సొంతగడ్డపైనే ఓడించి జింబాబ్వే షాక్‌ ఇచ్చింది. గ్రూప్‌ ‘బి’లో ఆడిన నాలుగు మ్యాచ్‌లలో ఒకటి రద్దు కాగా, మిగిలిన మూడూ నెగ్గి అజేయంగా, అగ్రస్థానంతో లీగ్‌ దశను ముగించింది. ‘సూపర్‌ ఎయిట్స్‌’లో తమను తక్కువగా అంచనా వేయవద్దంటూ హెచ్చరికను జారీ చేసింది. గురువారం జరిగిన పోరులో జింబాబ్వే 6 వికెట్ల తేడాతో శ్రీలంకపై గెలుపొందింది. శ్రీలంక 20 ఓవర్లలో 7 వికెట్లకు 178 పరుగులు చేయగా...జింబాబ్వే 19.3 ఓవర్లలో 4 వికెట్లకు 182 పరుగులు చేసి నెగ్గింది. టాస్‌ గెలిచి బ్యాటింగ్‌ ఎంచుకున్న లంక ఇన్నింగ్స్‌లో నిసాంక (41 బంతుల్లో 62; 8 ఫోర్లు) అర్ధ సెంచరీ సాధించగా, పవన్‌ రత్నాయకే (25 బంతుల్లో 44; 3 ఫోర్లు, 2 సిక్స్‌లు) రాణించాడు. నిసాంక, కుశాల్‌ పెరీరా (22; 4 ఫోర్లు) దూకుడుగా ఆడి తొలి వికెట్‌కు 54 పరుగులు జోడించారు. అయితే ఆ తర్వాత జింబాబ్వే కట్టుదిట్టమైన బౌలింగ్‌తో ప్రత్యరి్థని నిలువరించింది. చివర్లో రత్నాయకే, వెలలాగె (15 నాటౌట్‌) కలిసి ధాటిగా ఆడారు. 19వ ఓవర్లో రత్నాయకే వరుసగా 4, 6, 4 బాదగా...ఆఖరి ఓవర్లలో వెలలాగె మూడు ఫోర్లు కొట్టాడు. ఛేదనలో జింబాబ్వేకు ఓపెనర్లు బ్రియాన్‌ బెన్నెట్‌ (48 బంతుల్లో 63 నాటౌట్‌; 8 ఫోర్లు), మరుమని (26 బంతుల్లో 34; 5 ఫోర్లు, 1 సిక్స్‌) తొలి వికెట్‌కు 69 పరుగులు జోడించి శుభారంభం అందించారు. బెన్నెట్‌ జాగ్రత్తగా ఆడగా ఇతర సహచరులు దూకుడు ప్రదర్శించడంతో జింబాబ్వే లక్ష్యం దిశగా దూసుకుపోయింది. ‘ప్లేయర్‌ ఆఫ్‌ ద మ్యాచ్‌’ సికందర్‌ రజా (26 బంతుల్లో 45 నాటౌట్‌; 2 ఫోర్లు, 4 సిక్స్‌లు), మరుమని, ర్యాన్‌ బర్ల్‌ (12 బంతుల్లో 23; 2 ఫోర్లు, 1 సిక్స్‌) కలిసి 64 బంతుల్లో 102 పరుగులు సాధించడం విశేషం. 10 ఓవర్లలో 101 పరుగులు చేయాల్సి ఉండటంతో జింబాబ్వే విజయంపై సందేహాలు ఉన్నా...చివరకు జింబాబ్వే బ్యాటర్లు దానిని చేసి చూపించారు. ముఖ్యంగా హేమంత ఓవర్లో రజా వరుసగా 6, 6, 4 బాదడంతో పరిస్థితి మారిపోయింది. తీక్షణ వేసిన ఆఖరి ఓవర్లో 8 పరుగులు అవసరం కాగా ...తొలి బంతికి మున్‌యోంగా సిక్స్, మూడో బంతికి బెన్నెట్‌ ఫోర్‌ కొట్టి మ్యాచ్‌ను ముగించారు.

టీ20 ప్రపంచకప్‌-2026 సన్నాహకాల్లో భాగంగా ఒమన్‌ జట్టు జోరు కనబరుస్తోంది. ఇటీవల శ్రీలంక-‘ఎ’ జట్టును చిత్తు చేసిన ఒమన్‌.. తాజాగా జింబాబ్వేకు షాకిచ్చింది. ఐసీసీ టీమ్‌ ర్యాంకింగ్స్‌లో తమకంటే మెరుగైన స్థితిలో ఉన్న జింబాబ్వేతో ఒమన్‌ గురువారం తలపడింది.బెనెట్‌, ముసేకివా హాఫ్‌ సెంచరీలుకొలంబోలోని సింహళీస్‌ స్పోర్ట్స్‌ క్లబ్‌లో జరిగిన వార్మప్‌ మ్యాచ్‌లో టాస్‌ గెలిచిన ఒమన్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన జింబాబ్వే నిర్ణీత 20 ఓవర్లలో ఏడు వికెట్ల నష్టానికి 187 పరుగుల మెరుగైన స్కోరు సాధించింది. ఓపెనర్లలో బ్రియాన్‌ బెనెట్‌ (28 బంతుల్లో 56) మెరుపు అర్ధ శతకం బాదగా... బ్రెండన్‌ టేలర్‌ (20 బంతుల్లో 26) రిటైర్డ్‌ అవుట్‌గా వెనుదిరిగాడు.వన్‌డౌన్‌లో వచ్చిన డియాన్‌ మేయర్స్‌ 26 పరుగులు చేయగా.. ర్యాన్‌ బర్ల్‌ (1), టోనీ మున్యోంగ (0), క్లైవ్‌ మండాడే (0) పెవిలియన్‌కు క్యూ కట్టారు. లోయర్‌ ఆర్డర్‌లో తషింగ ముసేకివా (28 బంతుల్లో 54 నాటౌట్‌) మెరుపు ఇన్నింగ్స్‌తో అలరించాడు. ఇక ఒమన్‌ బౌలర్లలో సూఫియాన్‌ మెహమూద్‌ మూడు వికెట్లు తీయగా.. నదీం ఖాన్‌ రెండు, షా ఫైజల్‌ ఒక వికెట్‌ తమ ఖాతాలో వేసుకున్నారు. జింబాబ్వే విధించిన 188 పరుగుల లక్ష్యాన్ని ఒమన్‌ 19.2 ఓవర్లలో పూర్తి చేసింది. జతిందర్‌, రామనంది ధనాధన్‌ఓపెనర్లలో ఆమిర్‌ కలీమ్‌ (23) ఫర్వాలేదనిపించగా.. జతిందర్‌ సింగ్‌ హాఫ్‌ సెంచరీ (33 బంతుల్లో 55) చేసి రిటైర్డ్‌ అవుట్‌ అయ్యాడు. మిగిలిన వాళ్లలో హమాద్‌ మీర్జా (35), జితేన్‌ రామనంది (18 బంతుల్లో 34 నాటౌట్‌) ధనాధన్‌ దంచికొట్టారు. ఈ క్రమంలో ఆరు వికెట్లు నష్టపోయి ఒమన్‌ 188 పరుగులు సాధించింది. ఫలితంగా జింబాబ్వేపై నాలుగు వికెట్ల తేడాతో జయభేరి మోగించింది. కాగా ఐసీసీ టీ20 టీమ్‌ ర్యాంకింగ్స్‌లో జింబాబ్వే పన్నెండో స్థానంలో ఉండగా.. ఒమన్‌ది ఇరవయ్యవ ర్యాంకు. కాగా ఫిబ్రవరి 7 నుంచి భారత్‌- శ్రీలంక వేదికగా టీ20 ప్రపంచకప్‌ మొదలుకానుంది. ఇరవై జట్లు పాల్గొంటున్న ఈ ఐసీసీ ఈవెంట్లో ఐర్లాండ్‌, జింబాబ్వే, శ్రీలంక, ఆస్ట్రేలియాలతో కలిసి ఒమన్‌ గ్రూప్‌-బిలో ఉంది.చదవండి: పాక్‌తో మ్యాచ్‌.. కుండబద్దలు కొట్టిన సూర్యకుమార్‌ యాదవ్‌