నా మాటలను వక్రీకరించారు. నా వ్యాఖ్యలను ఇష్టమొచ్చినట్లుగా మార్చేసి నెగెటివ్‌గా రాశారు. దాన్నే అందరూ నిజమని నమ్ముతున్నారు. ఇదంతాచూస్తుంటే నా బుర్ర వేడెక్కుతోంది అంటోంది బెంగాలీ నటి మలోబిక బెనర్జీ. తాజాగా ఓ ఇంటర్వ్యూలో ఆమె మాట్లాడుతూ.. ముందుగా హీరో విజయ్‌ దేవరకొండకు మనస్ఫూర్తిగా క్షమాపణలు తెలియజేస్తున్నాను.ఆయనకు హిందీ భాష అంటే పెద్దగా ఆసక్తి ఉండదని చెప్పాను. దాన్ని మీడియాలో దారుణంగా చిత్రీకరించారు. హిందీ అంటేనే తనకు గిట్టదని, ఆ భాషను అసహ్యించుకుంటాడని రాస్తున్నారు. నేనసలు అలా చెప్పనేలేదు. అయినా ఎంతో దారుణంగా ఇష్టమొచ్చినట్లుగా రాస్తున్నారు. దీనివల్ల మంచి మిత్రుడికి దూరమయ్యాను. నేను చాలా సరదాగా అన్న మాటలను సీరియస్‌గా రాశారు. అది చదివాక విజయ్‌ నాతో టచ్‌లోనే లేకుండా పోయాడు. నేనేదో సరదాగా అన్నానే తప్ప ఆయన్ను ఇరికించాలనో, తప్పు పట్టాలనో పనిగట్టుకు చెప్పలేదు' అని పేర్కొంది.కాగా మలోబిక దిల్‌బర్‌, ప్రెట్టీ గర్ల్‌ వంటి ప్రైవేట్‌ సాంగ్స్‌తో బాలీవుడ్‌లో ఎంట్రీ ఇచ్చింది. దానికంటే ముందు బెంగాలీ, ఒరియా భాషల్లో అనేక సినిమాలు చేసింది. బంగ్లా బిగ్‌బాస్‌ షోలోనూ పాల్గొంది. విజయ్‌ దేవరకొండతో.. నీ వెనకాలే నడిచి అనే ప్రైవేట్‌ సాంగ్‌లో నటించింది. చదవండి: కుడి కాలు, చేయి ఫ్రాక్చర్‌.. కోలువకోడం కష్టంగా ఉంది: నవీన్‌ పొలిశెట్టి

కోల్‌కతా: ప్రముఖ బెంగాలీ నటి, టీఎంసీ ఎంపీ మిమి చక్రవర్తి పార్లమెంట్‌ సభ్యత్వానికి రాజీనా మా చేసినట్లు చెప్పారు. రాజకీయాలు తనకు ఇష్టం లేని అంశమని చెప్పారు. జాదవ్‌పూర్‌ నుంచి మొదటిసారిగా లోక్‌సభకు ఎన్నికైన మిమి గురువారం టీఎంసీ చీఫ్, బెంగాల్‌ సీఎం మమతా బెనర్జీని రాష్ట్ర అసెంబ్లీ ప్రాంగణంలో కలిశారు. ఈ నెల 13వ తేదీనే పదవికి రాజీనామా లేఖను పంపినట్లు అనంతరం తెలిపారు. తనకు రాజకీయాలు పడవని అనుభవం ద్వారా తెలుసుకున్నానని చెప్పారు. అయితే, రాజీనామాను సీఎం మమత అంగీకరించిందీ లేనిదీ మిమి తెలుపలేదు. టీఎంసీ అంగీకరించాక నిబంధనల మేరకు లోక్‌సభ స్పీకర్‌కు రాజీనామా లేఖను అందజేస్తానన్నారు. మరికొద్ది నెలల్లోనే లోక్‌సభ ఎన్నికలు జరగనుండగా ఈ పరిణామం చోటుచేసుంది.

దిగ్గజ హీరోయిన్ తుదిశ్వాస విడిచింది. ఎన్నో అద్భుతమైన సినిమాలతో ప్రేక్షకుల్ని అలరించిన ఈమె.. గత మూడేళ్లుగా క్యాన్సర్‌తో పోరాడుతూ వచ్చింది. మొన్నీమధ్య హాస్పిటల్‌ నుంచి ఇంటికొచ్చిన ఈమె ఉన్నట్లుంది కన్నుమూసింది. ఎవరీ నటి? ఏ సినిమాల్లో నటించింది? అనేది ఇప్పుడు చూద్దాం. (ఇదీ చదవండి: ఆ హీరోయిన్ నన్ను కావాలనే కొట్టింది.. బాడీపై 30 చోట్ల గాయాలు: శ్రద్ధా దాస్) బెంగాలీ నటి శ్రీల మజుందార్ గురించి ఇప్పటి జనరేషన్‌కి పెద్దగా తెలియకపోవచ్చు. ఎందుకంటే 1980ల్లో 16 ఏళ్ల వయసులోనే నటిగా కెరీర్ మొదలుపెట్టింది. చాలా తక్కువ సమయంలోనే స్టార్ హీరోయిన్‌గా గుర్తింపు తెచ్చుకుంది. అకాలేర్ సందానే, ఏక్ దిన్ ప్రతిదిన్, కరీజ్ లాంటి సినిమాలు ఈమె కెరీర్‌లో మైలురాళ్ల లాంటి చిత్రాలని చెప్పొచ్చు. దిగ్గజ డైరక్టర్ మృణాల్ సేన్-శ్రీల కాంబోలో వచ్చిన కొన్ని చిత్రాలైతే బెంగాలీ ఇండస్ట్రీలో ఐకానిక్‌గానూ నిలిచిపోయాయి.  గత మూడేళ్లుగా క్యాన్సర్‌తో పోరాడుతున్న శ్రీల.. నెల రోజుల క్రితమే అనారోగ్యానికి గురైంది. అయితే కొన్నాళ్లు హాస్పిటల్‌లో ఉంచడంతో కాస్త కోలుకుంది. ఇంటికి తీసుకొచ్చేశారు. కానీ అకస్మాత్తుగా హెల్త్ పాడైంది. అలా ఇంట్లో ఉండగానే శ్రీల.. తుదిశ్వాస విడిచింది. ఈ విషయాన్ని ఈ నటి భర్త, జర్నలిస్టు ఎస్ఎన్ఎమ్ అబ్ది వెల్లడించారు. ఈమె మృతిపై బెంగాల్ ముఖ్యమంత్రి మమతా బెనర్జీ కూడా సంతాపం వ్యక్తం చేశారు. పలువురు సినీ ప్రముఖులు కూడా తమ సానుభూతి తెలియజేస్తున్నారు. (ఇదీ చదవండి: పూర్ణతో సంబంధం అంటగడుతున్నారు.. దర్శకుడి ఆవేదన) Saddened by the news of the demise of film actress Sreela Majumdar today afternoon. Sreela was a noted and powerful actress who played outstanding roles in several significant Indian films. It is a big loss for Bengal film industry and we shall miss her stellar presence. My… — Mamata Banerjee (@MamataOfficial) January 27, 2024

సినిమా ఇండస్ట్రీలో వేధింపులు ఏదో ఒక రూపంలో ఎదురవుతూనే ఉంటాయి. మరీ ముఖ్యంగా హీరోయిన్స్ ఎక్కువగా ఈ సమస్యలను ఫేస్ చేస్తుంటారు. తాజాగా షూటింగ్‌లో పాల్గొన్న ఓ హీరోయిన్‌కు అలాంటి సంఘటనే ఎదురైందిృ. ఈ విషయాన్ని ఆమె స్వయంగా వెల్లడించింది. సినిమా సెట్స్‌లో తనను లైంగిక వేధింపులకు గురిచేయడంతో వెంటనే షూటింగ్‌ నుంచి వచ్చేశానని తెలిపింది.  (ఇది చదవండి: టోలీచౌకీ కుర్రాడు.. అదరగొట్టేశాడు: రాజమౌళి ట్వీట్ వైరల్!) కోల్‌కతాకు చెంది బెంగాలీ నటి, రాజకీయవేత్త అయిన సయంతిక బెనర్జీ ఇటీవలే బంగ్లాదేశ్‌లో ఓ సినిమా షూటింగ్‌లో పాల్గొంది. అయితే సెట్స్‌లో తనపట్ల కొరియోగ్రాఫర్ మైఖేల్ అసభ్యంగా ప్రవర్తించాడని ఆరోపించింది. షూటింగ్ సమయంలో నా అనుమతి లేకుండానే చేతులు పట్టుకున్నాడని తెలిపింది. అయితే ఈ విషయాన్ని నిర్మాతకు చెప్పినా పట్టించుకోలేదని వెల్లడించింది.  నిర్మాతల నుంచి ఎలాంటి స్పందన లేకపోవడంతో షూట్ మధ్యలోనే ఆపేసి ఇండియాకు తిరిగొచ్చానని పేర్కొంది. (ఇది చదవండి: అలాంటి వాళ్లను పెడితే బిగ్‌బాస్ ఎవరూ చూడరు: హీరోయిన్ షాకింగ్ కామెంట్స్) అయితే ఈ ఘటనపై నిర్మాతలు ఇంకా స్పందించలేదు. బంగ్లాదేశ్‌ నుంచి తిరిగొచ్చిన సయంతిక తన రాబోయే చిత్రం 'చాయాబాజ్' షూటింగ్‌లో పాల్గొంది. ఈ సందర్భంగా ఆమె షూటింగ్‌లో జరిగిన సంఘటనను వివరించింది. కాగా.. ప్రస్తుతం తాజు కమ్రుల్ దర్శకత్వం వహిస్తోన్న 'ఛాయాబాజ్' చిత్రంలో జయేద్ ఖాన్ సరసన సయంతిక నటిస్తోంది.  View this post on Instagram A post shared by Sayantika Banerjee (@iamsayantikabanerjee)

బెంగాలీ ఇండస్ట్రీలో ఓ ప్రేమజంట పెళ్లి పీటలెక్కింది. నటి శృతి, డైరెక్టర్‌ స్వర్ణేందు కొంతకాలంగా ప్రేమలో విహరిస్తున్నారు. తాజాగా వీరిద్దరూ మూడుముళ్ల బంధంలో అడుగుపెట్టారు. జూలై 9న ఎంతో సింపుల్‌గా రిజిస్టర్‌ మ్యారేజ్‌ చేసుకున్నారు. ఈ విషయాన్ని నవ వధువు శృతి మీడియాకు వెల్లడించింది. మా కల నిజమైంది. కొంతకాలంగా మేమిద్దరం కలిసే ఉంటున్నాం. సరైన సమయం చూసుకుని వివాహ బంధంతో ఒక్కటయ్యాం. దీన్ని గ్రాండ్‌గా సెలబ్రేట్‌ చేయాలనుకోలేదు. కేవలం ఇరు కుటుంబాలు, అత్యంత సన్నిహితుల సమక్షంలో మాత్రమే మా పెళ్లి జరిగింది అని చెప్పుకొచ్చింది. ఇకపోతే బుల్లితెరపై సీరియల్స్‌ డైరెక్ట్‌ చేసే స్వర్ణేందు త్రినయని ధారావాహిక సమయంలో శృతిని కలిశాడు. ఈ సీరియల్‌తోనే శృతి బుల్లితెరకు పరిచయమైంది. ఈ సీరియల్‌ తెరకెక్కుతున్న సమయంలోనే వీరి మధ్య ప్రేమ చిగురించింది. తాజాగా వీరు జీవితంలో నూతన అధ్యాయాన్ని ప్రారంభిస్తుండటంతో ఈ కొత్త జంటకు అభిమానులు శుభాకాంక్షలు తెలియజేస్తున్నారు. View this post on Instagram A post shared by Poulami Sengupta (@itsmepoulami_sg) చదవండి: జీవితమంతా కష్టాలు, కన్నీళ్లే.. ఐశ్వర్య రాజేశ్‌ను గుర్తుపట్టారా?

సినీ ఇండస్ట్రీలో తీవ్ర విషాదం నెలకొంది. బెంగాలీకి చెందిన ప్రముఖ బుల్లితెర నటి రోడ్డు ప్రమాదంలో దుర్మరణం పాలైంది. షూటింగ్ పూర్తి చేసుకున్న టీవీ నటి సుచంద్ర దాస్‌గుప్తా బైక్ టాక్సీపై ఇంటికి తిరిగి వెళ్తుండగా ప్రమాదానికి గురై అక్కడికక్కడే మరణించింది. ఈ ఘటన ఉత్తర 24 పరగణాల జిల్లాలోని బరానగర్‌లో జరిగింది.  (ఇది చదవండి: ఆ దేవుడు నన్ను కరుణించలేదు: జబర్దస్త్‌ యాంకర్‌ ఎమోషనల్‌) ఎలా జరిగిందంటే.. షూటింగ్ ముగించుకున్న సుచంద్ర దాస్ గుప్తా సోదేపూర్ ప్రాంతంలోని తన ఇంటికి చేరుకోవడానికి ఓ యాప్ ద్వారా బైక్‌ను బుక్ చేసుకున్నారు. బైక్‌పై ప్రయాణిస్తుండగా దురదృష్టవశాత్తు ఓ సైక్లిస్ట్ వారికి ఎదురుగా వచ్చాడు. దీంతో బైక్ రైడర్‌ సడన్ బ్రేక్ వేశాడు. అదే సమయంలో వెనకాల కూర్చున్న నటి ఒక్కసారిగా కిందపడిపోయింది.  ఆ సమయంలో వెనకాలే వస్తున్న ట్రక్ ఆమెపై నుంచి దూసుకెళ్లింది. దీంతో ఆమె అక్కడికక్కడే మృతి చెందింది. ఆమె హెల్మెట్ ధరించినా కూడా ప్రాణాలు దక్కలేదు. సమాచారం అందుకున్నబారానగర్ పోలీసులు ట్రక్కు డ్రైవర్‌ను అదుపులోకి తీసుకున్నట్లు సమాచారం.  కాగా.. సుచంద్ర దాస్‌గుప్తా ప్రముఖ బెంగాలీ టీవీ షోలలో కనిపించారు. గౌరీ షోలో సపోర్టింగ్ రోల్ పోషించి పాపులర్ అయ్యారు. (ఇది చదవండి: హైదరాబాద్‌లో ఇల్లు కొన్న మృణాల్‌ ఠాకూర్‌? ఆమె ఏమందంటే..)  

సింగిల్‌గా ఉండటం ఎంతో బాగుందని అంటోంది నటి జయ ఆశన్‌. బంధాల్లో చిక్కుకోవడం కన్నా ఒంటరిగా స్వతంత్రంగా జీవించడమే బాగుందని చెప్తోంది. తాజాగా ఆమె మీడియాతో మాట్లాడుతూ ఆసక్తికర వ్యాఖ్యలు చేసింది. నా చుట్టూ జరుగుతున్నవాటిని చూస్తుంటే ఒంటరిగా ఉండటమే నయమనిపిస్తోంది. సింగిల్‌గా సంతోషంగా ఉన్నానని చెప్పుకొచ్చిందీ బ్యూటీ. అయితే గతంలో మాత్రం కొన్ని స్పెషల్‌ మూమెంట్స్‌ మిస్‌ అవుతున్నట్లు తెలిపింది. కలిసి కాఫీ తాగడాలు, కబుర్లాడుకోవడాలు మిస్‌ అవుతున్నానని అనిపించేదని, కానీ అలాంటి క్షణాలను తన కుటుంబం భర్తీ చేసేదని పేర్కొంది. హ్యాపీ సింగిల్‌ అని చెప్పుకోవడానికి బదులుగా స్వీయ భాగస్వామి అని చెప్పడానికే ఇష్టపడుతుంది నటి. కాగా జయ 1998లో మోడల్‌ ఫైజల్‌ను పెళ్లి చేసుకుంది. ఇద్దరూ కలిసి ఈవెంట్‌ మేనేజ్‌మెంట్‌ కంపెనీ కూడా పెట్టారు. వీరి మధ్య విభేదాలు తలెత్తడంతో 2012లో విడిపోయారు. ఇకపోతే బంగ్లాదేశీ నటి జయ ఆశన్‌ మొదటగా కోకా కోలా యాడ్‌లో నటించింది. పంచమి సీరియల్‌తో బుల్లితెరపై అడుగుపెట్టింది. బంగ్లాదేశ్‌లో పలు సినిమాలు చేసిన ఆమె ఇక్కడ బెంగాలీ భాషలో అబోర్టో చిత్రం చేసింది. ఆ తర్వాత ఎక్కువగా బెంగాలీలో సినిమాలు చేస్తున్న ఈ నటి త్వరలో బాలీవుడ్‌లో ఎంట్రీ ఇవ్వబోతోంది. అనిరుద్ధ చౌదరి తెరకెక్కిస్తున్న సినిమాలో నటిస్తోంది. ఇందులో పంకజ్‌ త్రిపాఠి, సంజనా సాంఘి, పార్వతి తిరువోతు, దిలీప్‌ శంకర్‌, పరేశ్‌ పహుజా, వరుణ్‌ బుద్ధదేవ్‌ ముఖ్యపాత్రలు పోషిస్తున్నారు. ఇప్పటికే సినిమా షూటింగ్‌ కూడా పూర్తైంది.

సినీ సెలబ్రెటీ జంటకు రోడ్డుపై చేదు అనుభవం ఎదురైంది. బెంగాలి సినీ పరివ్రమకు చెందిన నటి కారును ఢీకొట్టి ఆపై వారినే డ్రైవర్‌, క్లీనర్‌ వేధించిన సంఘటన పశ్చిమ బెంగాల్‌లో శనివారం చోటు చేసుకుంది. ఇందుకు సంబంధించిన వీడియోను షేర్‌ చేస్తూ నటి పోలీసులపై అసహనం వ్యక్తం చేసింది. సంఘటన సమయంలో పోలీసులు అక్కడే ఉన్నప్పటికీ దీనిపై వారు ఎలాంటి చర్యలు తీసుకోలేదని ఈ వీడియోలో సదరు నటి ఆరోపించింది. వివరాలు.. పశ్చిమ బెంగాల్‌కు చెందిన బెంగాలి నటి నబనీత దాస్‌, ఆమె భర్త నటుడు జీతు కమల్‌ శనివారం కారులో బయటకు వెళ్లారు. చదవండి: అషు కాలును ముద్దాడటంపై ఆర్జీవీ క్లారిటీ, ట్రోలర్స్‌కు వర్మ గట్టి కౌంటర్‌ నిమ్తా పోలీసు స్టేషన్‌ సమీపంలో ఓ గూడ్స్‌ వ్యాన్‌ వీరి కారును ఢీ కోట్టింది.  అయితే డ్రైవర్‌ కనీసం వ్యాన్‌ కూడా ఆపకుండ వెళ్లిపోవడం నటి నవనీత డ్రైవర్‌ను ప్రశ్నించింది. దీంతో డ్రైవర్‌ తన క్లీనర్‌తో పాటు మరో ఇద్దరు వ్యక్తులు ఈ సెలబ్రెటీ జంటతో వాగ్వాదానికి దిగారు. వారితో గొడవ పడటమే కాదు చంపేస్తామని బెదింరించారు. అయితే ఇదంత పక్కనే ఉండి చూస్తున్న పోలీసులు ఘటనను సినిమా చూస్తున్నట్లు చూశారని, వారు తమని వేధిస్తుంటే కనీసం ఆపే ప్రయత్నం కూడా చేయలేదని నబనీత ఆవేదన వ్యక్తం చేసింది. ఈ వీడియోని ఆమె ‘నింత ఏఎస్ఐ పరశురామ్ బాబు డ్యూటీ ఎలా చేస్తున్నారో చూడండి. వావ్ మీరు గెలిచారు సార్. చదవండి: ఎయిర్‌పోర్టులో తారక్‌, మళ్లీ ఫ్యామిలీతో విదేశాలకు! నిరాశలో ప్యాన్స్‌ నేను నిరసన చేయదలచుకోలేదు’ అంటూ నబనిత తన ఫేస్‌బుక్‌ ఖాతాలో వీడియో షేర్ చేసింది. దీంతో ఈ వీడియో సోషల్ మీడియాలో వైరల్‌గా మారింది. పబ్లిక్ కూడా పోలీసుల తీరుపై ఆగ్రహం వ్యక్తం చేస్తున్నారు. ప్రముఖ వ్యక్తులకే రక్షణ కల్పించలేని పోలీసులు సాధారణ ప్రజలకి ఏం రక్షణ కల్పిస్తారంటూ నెటిజన్లు మండిపడుతున్నారు. పోలీసులు తమ విధిని నిర్వర్తించడంలో విఫలమయ్యారంటూ కామెంట్స్‌ చేస్తున్నారు. ఇదిలా ఉంటే తమను వేధించినందుకు, ఆసభ్య పదజాలంతో దూషిస్తూ చంపేస్తామని బెదిరించిన సదరు డ్రైవర్‌, క్లీనర్‌తో పాటు మరో ఇద్దరిపై నటి నవనీత ఆమె భర్త జీతు పోలీస్ స్టేషన్‌లో ఫిర్యాదు చేశారు. దీంతో పోలీసులు ఆ నలుగురిని అరెస్ట్ చేసినట్లు సమాచారం.

బెంగాలీ నటిమణులు పొరి మొని, బిడ్యా సిన్హ మిమ్‌ మధ్య మాటల యుద్ధం మరింత ముదిరింది. తన సక్సెస్‌ చూసి కుళ్లుకుంటున్నావని ఒకరు, నీకంత సీన్‌ లేదని మరొకరు సోషల్‌ మీడియా వేదికగా ఆరోపణలు గుప్పించుకుంటున్నారు. ఇంతకీ వీరి మధ్య గొడవేంటో చూద్దాం.. ఈ మధ్యే 'దమాల్‌' అనే బంగ్లాదేశ్‌ పీరియాడికల్‌ చిత్రం రిలీజైంది. రైహాన్‌ రఫి డైరెక్ట్‌ చేసిన ఈ మూవీలో బిద్య సిన్హ సాహ మిమ్‌, సరిపుల్‌ రాజ్‌, సియామ్‌ అహ్మద్‌, షహనాజ్‌ సుమీ ప్రధాన పాత్రలు పోషించారు. నటుడు సరిపుల్‌ రాజ్‌ భార్యే నటి పొరి మొని. సినిమా ప్రమోషన్స్‌లో హీరో సియామ్‌ అహ్మద్‌, హీరోయిన్‌ బిద్య సిన్హ క్లోజ్‌గా కనిపించడాన్ని తట్టుకోలేకపోయింది పొరి మొని. ఆమెకు నా భర్తే దొరికాడా అని రగిలిపోయింది. దీంతో తన ఫేస్‌బుక్‌లో.. నీ భర్తతో కలిసి పాపులర్‌ అయ్యేందుకు ప్రయత్నించు అంటూ పరోక్షంగా బిద్య సిన్హకు చురకలు వేసింది. దీనిపై మిమ్‌ స్పందిస్తూ.. కొందరు నా విజయాన్ని చూసి ఓర్వలేకపోతున్నారని కౌంటరిచ్చింది. దానికి బదులుగా పొరి మొని ఫేస్‌బుక్‌లో దీర్ఘ లేఖను పోస్ట్‌ చేసింది. 'మీ అందరికీ కొన్ని విషయాలను తేటతెల్లం చేయాలనుకుంటున్నాను. మిమ్‌.. ఏమన్నావు? నీ సక్సెస్‌ చూసి కుళ్లుకుంటున్నానా? ఎవరో తెలియని వారు ఇలా అన్నారంటే ఓకే, కానీ ఈ మాట నువ్వెలా అనగలుగుతున్నావు. పోరన్‌ సినిమాలో సరిఫుల్‌, నువ్వు జంటగా బాగున్నారని, మీరు మరిన్ని సినిమాలు చేయాలని నేనే కదా ఎన్నోసార్లు చెప్పాను. మీ అమ్మతో కూడా ఇదే మాట అన్నాను. ఇంతలోనే ఎలా మర్చిపోయావు? కానీ మీరు లైన్‌ క్రాస్‌ చేస్తున్నారు. మీ ఇద్దరి బాగోతం వల్ల నా జీవితం నాశనమవడమే కాకుండా పిల్లాడి లైఫ్‌ కూడా దెబ్బ తింటుంది. రాజ్‌.. నువ్వు దమాల్‌ ప్రమోషన్స్‌తో బిజీగా ఉన్నావని తెలుసు. కానీ అది అడ్డుపెట్టుకుని నా జీవితాన్ని నరకంగా మార్చుతున్నావు. మీరిద్దరు రాత్రిళ్లు ఫోన్‌లో మాట్లాడుకోవడం, చాట్‌ చేయడం నాకు తెలుసు. అది ప్రమోషన్స్‌ కోసమో, సినిమా విషయాలో అని చెప్పి దాన్ని దాటవేస్తారనీ తెలుసు. కానీ అలా అర్ధరాత్రి ఫోన్‌ మాట్లాడుకోవడం నాకు చాలా ఇబ్బందిగా ఉంది. దయచేసి ఇక దీన్ని ఆపేయండి' అని రాసుకొచ్చింది పొరి మొని. చదవండి: నటిపై లైంగిక వేధింపుల కేసు నేనే తోపు అంటూ నన్ను మునగ చెట్టెక్కించారు, చివరకు.. : గీతూ

పొట్టి జుట్టు.. చందమామ లాంటి రూపంతో కనిపించే ఆ ముద్దుగుమ్మ..  మామూలు యోధురాలు కాదు. ప్రాణాంతక క్యాన్సర్‌ను జయించింది. అదీ ఒక్కసారి కాదు.. రెండుసార్లు!. పూర్తిగా కోలుకుని నటనలోకి మళ్లీ అడుగుపెట్టి అభిమానులను అలరిస్తోందనగా.. పిడుగులాంటి వార్త. ఆమె ఆరోగ్యం మరోసారి తిరగబడింది. ఈసారి పరిస్థితి విషమించి ప్రాణాంతక స్థితికి చేరుకుంది.  ప్రముఖ బెంగాలీ నటి ఐంద్రీలా శర్మ.. చక్కని రూపం, హోమ్లీ క్యారెక్టర్‌లతో ఇంటిల్లిపాదిని అలరిస్తూ విశేష అభిమానుల్ని సంపాదించుకుంది.  జుమూర్‌, భోలే, బాబా పర్‌ కరేగా లాంటి పలు చిత్రాలతో విపరీతమైన ఆదరణ దక్కించుకుంది. మరోవైపు సీరియల్స్‌లోనూ నటిస్తూ బుల్లితెర గుర్తింపూ దక్కించుకుంది. క్యాన్సర్‌ సోకపోయి ఉంటే ఆమె ఖాతాలో ఇప్పటికే ఎన్నో చిత్రాలు ఉండేవే.   రెండుసార్లు క్యాన్సర్‌ను జయించిన ఐంద్రీలా శర్మ.. తాజాగా స్ట్రోక్‌ రావడంతో ఆస్పత్రిలో చేరింది. క్రమంగా కోలుకుంటోందని వైద్యులు ప్రకటించడంతో.. ఆమె పరిస్థితి మెరుగుపడుతోందని అంతా భావించారు. అయితే ఆమె ఇంకా కోమాలోనే ఉన్నట్లు తెలుస్తోంది. ఇంట్రా సెరిబ్రల్ హెమరేజ్ కారణంగా ఆమె శరీరంలో కొంత భాగం పక్షవాతానికి గురైందని వైద్యులు అనుమానిస్తున్నారు. అంతేకాదు.. వెంటిలేటర్‌పై ఆమె పరిస్థితి విషమంగా ఉందని, మెదడులో అక్కడక్కడ రక్తం గడ్డకట్టిందని తెలుస్తోంది.  దిగ్గజ నటి సుచిత్ర సేన్‌ స్ఫూర్తితో సినిమాల్లోకి అడుగుపెట్టిన ఐంద్రీలా శర్మ.. చిన్నవయసులోనే ఇలా ప్రాణాంతక స్థితికి చేరకోవడంపై బెంగాలీ ప్రేక్షకులు, ఆమె అభిమానులు తీవ్ర దిగ్భ్రాంతి వ్యక్తం చేస్తున్నారు. అద్భుతం జరిగి ఆమె కోలుకోవాలని ఆకాంక్షిస్తున్నారు.  గతంలో కీమోథెరపీల ద్వారా, సంక్లిష్టమైన సర్జరీల ద్వారా ఆమె క్యాన్సర్‌ నుంచి రెండుసార్లు కోలుకున్నారు. బెంగాలీలో పలు చిత్రాలతో పాటు ఓటీటీ ప్రాజెక్టులతోనూ ఆమె అలరించారు. టీవీ షోలతోనూ అలరించిన ఈ ముద్దుగుమ్మ.. తోటి నటుడు(జుమూర్‌ సీరియల్‌లో లీడ్‌ పెయిర్‌) సవ్యసాచి చౌదరితో డేటింగ్‌ చేస్తోంది. క్యాన్సర్‌ నుంచి కోలుకుని మళ్లీ ఓటీటీ ప్రాజెక్టులతో బిజీగా గడుపుతున్న సమయంలో ఇలా ఒక్కసారిగా ఆస్పత్రి పాలైంది. ఇదీ చదవండి: వీ ఆర్‌ జస్ట్‌ ఫ్రెండ్స్‌: జాన్వీ కపూర్‌

‘రౌడీ’ హీరో విజయ్‌ దేవరకొండ బాలీవుడ్‌ నటి మలోబిక బెనర్జీ సంచలన వ్యాఖ్యలు చేసింది. ప్రస్తుతం ఆమె చేసిన కామెంట్స్‌ ఇండస్ట్రీలో హాట్‌టాపిక్‌గా నిలిచాయి. గతంతో విజయ్‌ హిందీ భాషను అవమానించేలా మాట్లాడాడంటూ బెంగాలీ నటి, సింగర్‌ అయిన మలోబిక బెనర్జీ తెలిపింది. రీసెంట్‌గా ఓ చానల్‌తో ముచ్చటించిన ఆమె ఈ సందర్భంగా లైగర్‌ మూవీ గురించి ప్రస్తావించింది. ఒకప్పుడు హిందీ భాషపై అనుచిత వ్యాఖ్యలు చేసి అవమానించిన విజయ్‌, ఇప్పుడు అదే భాషలో సినిమా తీశాడంటూ షాకింగ్‌ కామెంట్స్‌ చేసింది. ఈ మేరకు ఆమె మాట్లాడుతూ.. ‘‘విజయ్‌తో నేను కలిసి ‘నీ వెనకాలే నడిచి’ మ్యూజిక్‌ వీడియోలో నటించాం.  చదవండి: Samantha Shocking Look: సామ్‌ సర్జరీ చేసుకుందా? ఇలా మారిపోయిందేంటి! అప్పటికే విజయ్‌ నటించిన అర్జున్‌ రెడ్డి మూవీ హిట్‌ కావడంతో​ అతడు పాపులర్‌ అయ్యాడు. ఆ మ్యూజిక్‌ వీడియో షూటింగ్‌ సమయంలోనే విజయ్‌తో నాకు పరిచయం ఏర్పడింది. నాకు మంచి స్నేహితుడయ్యాడు. సెట్‌లో మేం సరదాగా మాట్లాడుకునేవాళ్లం. అప్పటికి విజయ్‌కి హిందీ పూర్తిగా రాదు. అందుకే తనేప్పుడు తెలుగులోనే మాట్లాడేవాడు. కానీ నేను మాత్రం ఎక్కువగా హిందీలోనే మాట్లాడేదాన్ని. ఇక నేను హిందీలో మాట్లాడుతుంటే విజయ్‌ నవ్వుకునేవాడు. తనకు హిందీ పెద్దగా అర్థం కాదని, అది హెబ్రూ భాషలా అనిపిస్తుందంటూ అవహేళన చేశాడు. అలాంటి విజయ్‌ హిందీలో సినిమా తీశాడని తెలిసి షాకయ్యా. ఎందుకంటే ఒకప్పుడు హిందీని  అవమానించేలా మాట్లాడిన వ్యక్తి.. అదే భాషలో సినిమా తీశాడు.  చదవండి: పెళ్లిలో నటి పూర్ణ వేసుకున్న బంగారం ఎంతో తెలుసా? కొన్నేళ్లకు లైగర్‌ టీజర్‌లో విజయ్‌ని చూసి నవ్వుకున్నా’’ అని చెప్పుకొచ్చింది.  అయితే ఈ విషయాన్ని లైగర్‌ ప్రమోషన్స్‌ సమయంలోనే చెబుదాం అనుకున్నానని, అయితే విజయ్‌ తనకు మంచి స్నేహితుడు కావడంతో ఆ పని చేయలేకపోయానంది. అంతేకాదు విజయ్‌ టీజర్‌ను సోషల్‌ మీడియా షేర్‌ చేసి ‘వెల్‌కమ్‌ టూ బాలీవుడ్‌’ అనే మెసేజ్‌ కూడా పెట్టానంది. ఆ తర్వాత తెలిసిందేంటంటే హిందీలో విజయ్‌కి ఎక్కువ డైలాగ్స్‌ లేవని తెలిసిందని పేర్కొంది. అయితే ఏది ఏమైనప్పటికి విజయ్‌ చాలా మంచి మనిషి అని, చాలా ప్రొఫెషనల్‌గా ఉంటాడంటూ చివరిలో ఆమె వ్యాఖ్యానించింది. కాగా ఎన్నో అంచనాల మధ్య ఆగస్ట్‌ 25న ప్రపంచవ్యాప్తంగా విడుదలైన లైగర్‌ చిత్రం బాక్సాఫిసు ఘోర పరాజయం పొందిన సంగతి తెలిసిందే. 

Bengali Model Saraswati Das Suicide in Kolkata: చిత్ర పరిశ్రమలో మరో విషాదం చోటు చేసుకుంది. మోడల్‌, మేకప్‌ ఆర్టిస్ట్‌ సరస్వతి దాస్‌(18) ఆత్మహత్యకు పాల్పడిన ఘటన కలకలం రేపుతుంది. బెంగాలీ నటి బిదిషా డి మజుందార్‌(21) మరణావార్త మరవక ముందు సరస్వతీ దాస్‌ మృతి చెందండం సంచలనంగా మారింది. కోల్‌కతాలోని తన నివాసంలో ఈ రోజు తెల్లవారు జామున ఆమె శవమై కనిపించింది.  కాస్బాలోని బేడియాదంగా వద్ద ఆమె తల్లిదండ్రులతో కలిసి నివసిస్తోంది. ఈ క్రమంలో ఆదివారం ఇంట్లో ఎవరు లేకోపవడంతో రాత్రి తన అమ్మమ్మతో కలిసి పడుకుంది సరస్వతీ దాస్‌. చదవండి: చిత్రపరిశ్రమలో మరో విషాదం.. ప్రముఖ నటి ఆత్మహత్య ఈ క్రమంలో తెల్లవారు జామున 2 గంటల పాత్రంలో సరస్వతి పక్కన లేకపోడంతో ఆమె అమ్మమ్మ ఇల్లంతా వేతికగా మరో గదిలో ఆమె ఫ్యాన్‌కు వేలాడుతూ కనిపించింది. దీంతో ఆమె అమ్మమ్మ ఆమెను సమీపంలోని ప్రభుత్వ ఆసుప్రతికి తరలించగా అప్పటికే సరస్వతీ దాస్‌ మారణించినట్లు వైద్యులు నిర్ధారించారు. కాగా కొంతకాలంగా తన తండ్రికి దూరంగా తల్లితో కలిసి వాళ్ల మేనమామ ఇంట్లో ఉంటోంది సరస్వతీ దాస్‌. మాధ్యామిక్‌ పరీక్షలో పాసయిన ఆమె చదువు విడిచిపెట్టి ట్యూషన్స్‌ చెబుతూ మోడల్‌గా రాణిస్తోంది. అయితే సరస్వతీ దాస్‌ కొంతకాలంగా తీవ్ర మానసిక ఒత్తిడితో బాధపడుతున్నట్లు పోలీసుల తెలిపారు. చదవండి: మేజర్‌ సందీప్‌ ఉన్నికృష్ణన్‌ గురించి షాకింగ్‌ విషయాలు చెప్పిన హీరో అంతేకాదు ఆత్మహత్యకు ముందు అర్థరాత్రి 1గంట వరకు ఆమె ఫోన్‌ మాట్లాడినట్లుగా తన ఫోన్‌ రికార్డులో వెల్లడైనట్లు పోలీసులు తెలిపారు. అయితే ఆత్మహత్య చేసుకున్న చోట ఎలాంటి సూసైడ్‌ నోట్‌ లభించలేదని పోలీసులు పేర్కొన్నారు. కాగా ప్రస్తుతం సరస్వతీ దాస్‌ మృతిపై కేసు నమోదు చేసిన పోలీసుల దర్యాప్తు జరపుతున్నారు. ఇదిలా ఉంటే ఇటీవల కాలంలో పశ్చిమ బెంగాల్‌కు చందిన నటి, మోడల్‌లు ఇలా వరుసగా ఆత్మహత్యకు పాల్పడం సంచలనం రేపుతోంది. రెండు వారాల వ్యవధిలోనే ముగ్గురు బెంగాలి మోడల్స్‌ ఆత్మహత్యకు పాల్పడగా తాజాగా సరస్వతీ దాస్‌ అదే తరహాలో మరణించడం గమనార్హం.  ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి.  ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com

చిత్ర పరిశ్రమలో మరో విషాదం చోటు చేసుకుంది. ప్రముఖ బెంగాలీ నటి బిదిషా డి మజుందార్‌(21) ఆత్మహత్యకు పాల్పడింది. కోల్‌కతాలోని తన నివాసంలో గురువారం ఉదయం ఆమె శవమై కనిపించింది. తన చావుకు కారణాలు తెలుపుతూ సూసైడ్‌ నోట్‌ కూడా రాసినట్లు తెలుస్తోంది. గత నాలుగేళ్లుగా బిదిషా అదే అపార్ట్‌మెంట్‌లో తల్లిదండ్రులతో కలిసి ఉంటుంది. మే 25న ఆమె ఉరి వేసుకొని ఆత్మహత్య చేసుకుందని పోలీసులు తెలిపారు. స్థానికుల సమాచారంతో సంఘటన స్థలానికి చేరుకున్న పోలీసులు.. తలుపులు బద్దలు కొట్టి ఇంట్లోకి ప్రవేశించగా... బిదిషా ఉరికి వేలాడుతూ కనిపించింది. మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు. బిదిషా ఆత్మహత్య చేసుకున్న ప్రదేశంలో సూసైడ్‌ నోట్‌ లభించిందని, కుటుంబ సభ్యులను, సన్నిహితులను విచారిస్తున్నామని పోలీసులు తెలిపారు.  మోడలింగ్  కెరీర్‌ని ఆరంభించిన బిదిషా డి మజుందార్, 2021లో అనిర్బేద్ చటోపాధ్యాయ దర్శకత్వంలో ‘భార్- ది క్లౌన్’ షార్ట్ ఫిల్మ్‌లో నటించింది. ఆత్మహత్య మీ సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి.  ఫోన్‌ నెంబర్లు: 040-66202000/040-66202001 మెయిల్: roshnihelp@gmail.com

కోల్‌కతా: సినీ ఇండస్ట్రీని వరుస విషాదాలు వెంటాడుతున్నాయి. టీనా మాస్టర్‌, నటి షహానాల మృతి మరవకముందే మరో నటి ఆత్మహత్య చేసుకుంది. పశ్చిమ బెంగాల్‌లోని కోల్‌కతాకు చెందిన బుల్లితెర నటి పల్లవి డే (25) ఆదివారం ఉదయం ఇంట్లో సీలింగ్‌ ఫ్యాన్‌కు వేలాడుతూ కనిపించింది. ప్రాథమిక విచారణలో నటి ఆత్మహత్య చేసుకున్నట్లు తేలిందని పోలీసులు వెల్లడించారు. ఆత్మహత్యకు గల కారణాలను దర్యాప్తు చేసే క్రమంలో ఆమె బాయ్‌ఫ్రెండ్‌ షగ్నిక్‌ చక్రవర్తిని సైతం విచారించారు. ఆదివారం ఉదయం సిగరెట్‌ తాగివచ్చేసరికి గది లోపలి వైపు నుంచి గడియ పెట్టి ఉందని, దీంతో డోర్‌ పగలగొట్టగా పల్లవి ఉరి వేసుకుని కనిపించిందని ఆమె ప్రియుడు తెలిపాడు. అయితే ఆమె కుటుంబ సభ్యులు మాత్రం పల్లవిది ఆత్మహత్య కాదని, హత్య చేసి ఉంటారని అనుమానం వ్యక్తం చేస్తున్నారు. కాగా పల్లవి తన ప్రియుడు షగ్నిక్‌తో సహజీవనం చేస్తోంది. గత నెల రోజులుగా వీరిద్దరూ ఒకే ఫ్లాట్‌లో నివసిస్తున్నారు. అయితే షగ్నిక్‌ రెండేళ్ల క్రితం ఓ అమ్మాయితో రిజిస్టర్‌ మ్యారేజ్‌ చేసుకున్నాడని, ఆ విషయం ఈ మధ్యే తెలిసిందని, దాని వల్లే పల్లవి జీవితంలో ఏమైనా సమస్యలు తలెత్తి ఉండవచ్చని అనుమానం వ్యక్తం చేశాడు నటి తండ్రి నీలూ డే. పల్లవి డే మృతిపై కేసు నమోదు చేసుకున్న పోలీసులు అన్ని కోణాల్లో దర్యాప్తు చేస్తున్నారు. ఇదిలా ఉంటే పల్లవి.. ఆమీ సైరాజెర్‌ బేగం, రేష్మ జపి, కుంజో ఛాయ, సరస్వతి ప్రేమ్‌, మొన్‌ మనే నా వంటి పలు బెంగాలీ సీరియల్స్‌లో నటించింది. చదవండి: రెండో వివాహం చేసుకున్న స్టార్ మ్యూజిక్‌ డైరెక్టర్‌..

Actress Rupa Dutta Arrested For Theft Wallets: ప్రముఖ టీవీ నటి దొంగతనానికి పాల్పడిన సంఘటన ప్రస్తుతం సంచలనంగా మారింది. బెంగాలీ టీవీ నటి రూపా దత్త ఓ బుక్‌ఫేయిర్‌లో చోరీ చేస్తూ పోలీసులకు అడ్డంగా దొరికిపోయింది. దీంతో కలకత్తా పోలీసులు ఆమెను అరెస్ట్‌ చేశారు. ప్రస్తుతం ఈ వార్త బెంగాలీ సినీ పరిశ్రమలో హాట్‌టాపిక్‌గా మారింది. వివరాలు.. బెంగాలీ సీరియల్స్‌తో రూపా దత్తా నటిగా గుర్తింపు పొందింది. ఈ క్రమంలో కలకత్తాలో జరుగుతున్న ఇంటర్నేషనల్‌ బుక్‌ఫేయిర్‌లో ఖాళీ పర్సు చెత్త బుట్టలో పడేస్తూ పోలీసులకు చిక్కింది.  చదవండి: Poonam Kaur: ప్రభాస్‌ అలాంటి వాడు, పూనమ్‌ ఆసక్తికర వ్యాఖ్యలు దీంతో అనుమానం వచ్చిన పోలీసులు ఆమెను చెక్‌ చేయగా.. బ్యాగ్‌లో ఎన్నో వ్యాలెట్‌లు భయపడ్డాయి. అందులో రూ. 70వేలకు పైగా నగదు ఉంది. దీంతో ఆ నగదుతో పాటు ఓ డైరీని పోలీసులు స్వాధీనం చేసుకుని రూపాను విచారించారు. ఈ క్రమంలో ఆమె అసలు విషయం చెప్పిందని, తానే దొంగతనానికి పాల్పడినట్లు ఒప్పుకున్నట్లు కలకత్తా పోలీసులు తెలిపారు. డబ్బుతో బయటపడిన డైరీ పలు సంచలన విషయాలు వెలుగు చూశాయని పోలీసులు పేర్కొన్నారు.  చదవండి: పాన్‌ ఇండియా సినిమాలో వరుణ్‌ సందేశ్‌.. పోస్టర్‌ రిలీజ్‌ రూపా దత్తాకు చోరీ చేయడం కొత్తేమి కాదని, అంతకుముందు చాలా సార్లు చోరీలు చేసిందని, వాటికి సంబధించిన వివరాలన్నీ డైరీలో రాసుకుందని తెలిపారు. ఈ విషయాన్ని రూపా కూడా అంగీకరించింది. కోల్‌కతాలోని రద్దీ ప్రదేశాలలో పిక్ ప్యాకెట్స్ చేసేదాన్ని అని, డబ్బు కోసం ఇలా చేయాల్సివచ్చిందని తెలిపింది. దీంతో ఆమెపై పలు కేసులు నమోదు చేసి ఆమెను పోలీసులు అరెస్ట్ చేశారు. బాలీవుడ్‌ దర్శకుడు అనురాగ్ కశ్యప్‌పై ఇటీవల రూపా దత్తా లైంగిక ఆరోపణలు చేసి ఫేమస్ అయిన సంగతి తెలిసిందే.

Ritabhari Chakraborty Revealed Interesting News In An Interview: బెంగాలీ నటి రితభరి చక్రవర్తి 'నేక్‌డ్‌ (2017)' సినిమాతో బాలీవుడ్‌లో ఎంట్రీ ఇచ్చింది. ఆ మరుసటి ఏడాది పరి సినిమాలో నటించింది. ఇందులో స్టార్‌ హీరోయిన్‌ అనుష్క శర్మతో స్క్రీన్‌ షేర్‌ చేసుకుంది. ఆ తర్వాత కొంతకాలంపాటు సినిమాలకు దూరంగా ఉన్న ఆమె తాజాగా బ్రోకెన్‌ ఫ్రేమ్‌ అనే షార్ట్‌ ఫిలింతో పాటు ఇంకా టైటిల్‌ ఖరారు చేయని ఓ హిందీ చిత్రంతో తిరిగి బాలీవుడ్‌లో రీఎంట్రీ ఇస్తోంది. ఈ సందర్భంగా ఓ ఇంటర్వ్యూలో పలు ఆసక్తికర విషయాలు వెల్లడించింది రితభరి. 'పరి సినిమా తర్వాత దాన్ని మించిపోయే పాత్రలే చేయాలని అనుకున్నాను. ఈ క్రమంలో నా దగ్గరకు వచ్చిన ఎన్నో అవకాశాలను చేజేతులా పోగొట్టుకున్నాను. ఒకసారైతే ప్రాజెక్ట్‌ ఓకే అయ్యాక అందులో నుంచి నన్ను తప్పించారు. ఆ సినిమాలో నేను మురికివాడలో నివసించే అమ్మాయిగా కనిపించడం కోసం 12 కిలోలు తగ్గాను. కానీ చివరి నిమిషంలో ఆ డైరెక్టర్‌ మమ్మల్ని సినిమాలో నుంచి తీసేసి కొత్తవాళ్లను తీసుకున్నాడు. చాలా బాధేసింది. గతేడాది రెండు సర్జరీలయ్యాయి. బెడ్‌పైనే ఉండాల్సిన పరిస్థితి ఏర్పడింది. ఆ సమయంలో నేను ఎవరితోనూ కాంటాక్ట్‌లో లేకుండా పోయాను. ఇప్పుడిప్పుడే బాలీవుడ్‌లో అందరికీ మళ్లీ కనెక్ట్‌ అవుతున్నాను' అని చెప్పుకొచ్చింది రితభరి.

గోడకు కొట్టిన బంతి రెట్టింపు వేగంతో తిరిగి వచ్చినట్లు.. మొదటి సినిమాతో బోల్తా కొట్టినా రెట్టింపు వేగంతో తిరిగి వచ్చి, వరుస వెబ్‌ సిరీస్‌లతో దూసుకుపోతున్న స్టార్‌ స్నేహా పాల్‌. ఆమె పరిచయమే ఇది... స్నేహా పాల్‌.. కోల్‌కతాకు చెందిన మోడల్‌. చిన్నప్పుడు చదువు కన్నా ఆటపాటల్లో చురుగ్గా ఉండేది. అందులోనూ డాన్స్‌ అంటే మరీనూ. కొంతకాలం శాస్త్రీయ నాట్యంలో శిక్షణ కూడా తీసుకుంది. ఆ నాట్యమే ఆమెను వెండితెరకు పరిచయం చేసింది. మొదటిసారి ‘డ్రీమ్‌గర్ల్‌’ అనే కన్నడ సినిమాలో ఓ స్పెషల్‌ సాంగ్‌లో నర్తించి ప్రేక్షకుల దృష్టిలో పడింది. కానీ డ్రీమ్‌గర్ల్‌లోని ఆ సాంగ్‌ తన డ్రీమ్‌ను నెరవేర్చలేకపోయింది. అభినయకౌశలంతో మెప్పించినా అవకాశాలు ఏవీ ఆమె దరిచేరలేదు.  మోడల్‌గా కనిపించినా సరైన గుర్తింపు రాలేదు. దాంతో కొంతకాలం విరామం తీసుకోవాలని నిర్ణయించుకుంది. దేశాన్ని చుట్టొచ్చే కార్యక్రమాన్ని మొదలుపెట్టింది. ఆ టూరే ఆమెను మళ్లీ ఇండస్ట్రీలోకి యూటర్న్‌ తీసుకొనేలా చేసింది. ముంబైలో తనని చూసిన ఓ టెక్నీషియన్‌ వెబ్‌ సిరీస్‌లో నటించే అవకాశాన్ని ఇచ్చాడు. ఆ సిరీసే ‘ది సిటీ అండ్‌ ఏ గర్ల్‌’.  అది స్నేహాకు ఎక్కడలేని పాపులారిటీ తెచ్చిపెట్టింది. తర్వాత పలు యూట్యూబ్‌ వీడియోలు, షార్ట్‌ ఫిల్మ్స్‌ చేస్తూ బిజీగా మారింది. ప్రస్తుతం ‘చర్మ్‌సుఖ్‌ చాల్‌ హౌస్‌’ సిరీస్‌తో ప్రేక్షకులను అలరిస్తోంది. కెరీర్‌ ప్రారంభంలోనే బోల్డ్‌ పాత్రల్లో కనిపిస్తే వాటికే పరిమితం చేస్తారని చాలామంది చెప్పారు. కానీ, నటిగా ఎదగాలంటే ఎలాంటి పాత్రనైనా పోషించాలి.  – స్నేహాపాల్‌

కలలు అందరూ కంటారు. నెరవేర్చుకున్న వాళ్లే ప్రపంచానికి పరిచయం అవుతారు. ఆ జాబితాలోని అచీవరే.. వెబ్‌స్క్రీన్‌ స్టార్‌ తానియా ఛటర్జీ.  పుట్టింది, పెరిగింది, చదివింది అంతా కోల్‌కతాలోనే.  కోల్‌కతా యూనివర్సిటీలో డిగ్రీ చేసింది. చిన్నప్పటి నుంచి డాన్స్‌ అంటే చాలా ఇష్టం. కొంతకాలం శిక్షణ కూడా తీసుకుంది. హీరోయిన్‌ కావాలనుకున్న తన కలను నిజం చేసుకోవడానికి ముంబై చేరింది. ఒకవైపు చిన్న చిన్న షోలు, మోడలింగ్‌ చేస్తూనే సినిమా చాన్స్‌ల కోసం ప్రయత్నించింది. 2017లో ‘అమి జె కె తొమా’ అనే బెంగాలీ సినిమాతో వెండితెర మీద కనిపించింది.   మొదటి సినిమాలోనే అద్భుతంగా నటించడంతో అవకాశాలు ఆమె దరిచేరాయి. వరుసగా మరో రెండు బెంగాలీ సినిమాలు, ఆల్బమ్స్‌ చేస్తూ బిజీగా మారింది. అవన్నీ విజయం సాధించాయి. దీంతో బాలీవుడ్‌ ఆమెకు స్వాగతం పలికింది. 2019లో ‘ఫ్లాట్‌మేట్స్‌’ చిత్రంతో బాలీవుడ్‌లోకి ఎంట్రీ ఇచ్చి, తన సత్తా చాటింది. వెబ్‌ దునియాలోకీ అడుగుపెట్టి, ‘గన్స్‌ అండ్‌ లవర్స్‌’, ‘గందీ బాత్‌ 4’ సిరీస్‌లతో అలరిస్తోంది.  పాత్ర ఏదైనా దానికి వందశాతం న్యాయం చేయాలి అని నేను నమ్ముతాను. అందుకే, బోల్డ్‌ సీన్స్‌లో నటించడం కాస్త ఇబ్బందిగా అనిపించినా.. నా వందశాతం నేను ఇస్తా. – తానియా ఛటర్జీ 

Actress Payel Sarkar: ప్రముఖ డైరెక్టర్‌ పేరిట ఓ వ్యక్తి తనకు అసభ్యకర సందేశాలు పంపుతున్నాడంటూ బెంగాలీ బుల్లితెర నటి పాయల్‌ సర్కార్‌ సైబర్‌ పోలీసులను ఆశ్రయించింది.ఫేక్‌ అకౌంట్‌ ద్వారా సదరు వ్యక్తి తనకు తరచూ నీచమైన మెసేజ్‌లు చేస్తున్నాడని ఫిర్యాదు చేసింది. వివరాల్లోకి వెళితే.. బుల్లితెర నటి పాయల్‌ సర్కార్‌కు సోషల్‌ మీడియాలో ఒక వ్యక్తి ఫ్రెండ్‌ రిక్వెస్ట్‌ పంపాడు. అతడి ప్రొఫైల్‌ ఓపెన్‌ చేసి చూడగా ప్రముఖ బెంగాలీ దర్శకుడు రవి కినాగి ఫొటోలు దర్శనమిచ్చాయి. దీంతో పాటు అతడి సినిమాలకు సంబంధించిన వివరాలు కూడా ఉండటంతో సదరు వ్యక్తి నిజంగానే దర్శకుడని నటి నమ్మేసింది. దీంతో ఆదివారం ఆ ఫ్రెండ్‌ రిక్వెస్ట్‌ యాక్సెప్ట్‌ చేసింది. అతడు మాట కలుపుతూ.. తను తీయబోయే సినిమాలో ప్రధాన పాత్ర ఇప్పిస్తానని నటికి ఆశ చూపించాడు. అందుకు ఆమె సంతోషించేలోపే నీచమైన మెసేజ్‌లు చేయడం ప్రారంభించాడు. దీంతో పాయల్‌కు అది డైరెక్టర్‌ అకౌంటేనా? లేదా ఫేక్‌ అకౌంటా? అన్న అనుమానం మొదలైంది. ఆ అనుమానానికి ఆజ్యం పోస్తూ అతడు వరుసగా అసభ్య సందేశాలు పంపాడు. వెంటనే ఆమె ఆ మెసేజ్‌లను స్క్రీన్‌షాట్లు తీసి ఫేస్‌బుక్‌లో పోస్ట్‌ చేసింది. అతడి ప్రొఫైల్‌ చూసిన ఆమె అభిమానులు, స్నేహితులు వాళ్లు దాన్ని ఫేక్‌ అకౌంట్‌ అని తేల్చగా ఆమె పోలీసులను ఆశ్రయించింది. బరక్‌పూర్‌ పోలీసులు ఈ ఘటనపై విచారణ జరుపుతున్నారు. కాగా సోషల్‌ మీడియాలో ఫేక్‌ అకౌంట్లతో ఆడవారిని వేధించే ఇలాంటి దుర్మార్గులను శిక్షించాల్సిందేనంటోంది పాయల్‌. మరోవైపు తన పేరు మీద ఫేక్‌ ఐడీలు క్రియేట్‌ చేసిన వారి మీద చర్యలు తీసుకోవాలని దర్శకుడు రవి సైబర్‌ పోలీసులను కోరినట్లు సమాచారం. అంతేకాకుండా సినిమా అవకాశం కావాలంటే తనకు ఫోన్‌ చేయడమో లేదా కార్యాలయానికి రావాలే తప్ప ఇలా సోషల్‌ మీడియాలో రిక్వెస్టులు పంపకూడదని  సూచించాడు.

బెంగాలీ బుల్లితెర నటి ప్రత్యూష పాల్‌కు సైబర్‌ వేధింపులు ఎదురయ్యాయి. తనను అత్యాచారం చేస్తామని గుర్తు తెలియని వ్యక్తులు సోషల్‌ మీడియా వేదికగా బెదిరింపులకు పాల్పడ్డారని ఆమె ఆరోపించింది. గత కొంతకాలంగా ఈ వేధింపులు తీవ్రతరం కావడంతో ఆమె పోలీసులకు ఫిర్యాదు చేసింది. దీంతో కోల్‌కతా సైబర్‌ సెల్‌ పోలీసులు కేసు నమోదు చేసి దర్యాప్తు చేస్తున్నారు. ఈ ఘటన గురించి ప్రత్యూష మాట్లాడుతూ.. "గతేడాది జూలై నుంచి ఈ వేధింపులు మొదలయ్యాయి. ఒక అనామక అకౌంట్‌ నుంచి నాకు అదే పనిగా అసభ్య సందేశాలు వచ్చాయి. అయితే ఇలాంటి వాటిని పెద్దగా పట్టించుకోనవసరం లేదని మొదట్లో లైట్‌ తీసుకున్నా. కానీ రానురానూ ఆ ఖాతా నుంచి మితిమీరిన మెసేజ్‌లు వచ్చాయి. నాపై అత్యాచారం చేస్తానంటూ ఏకంగా నా మార్ఫింగ్‌ ఫొటోలు పంపాడు. అతడిని 30 సార్లు బ్లాక్‌ చేశాను. కానీ ఎప్పటిలాగే ఇన్‌స్టాగ్రామ్‌లో మరో కొత్త అకౌంట్‌ తెరిచి మళ్లీ ఇలా నీచమైన బెదిరింపులకు పాల్పడుతూనే ఉన్నాడు. దీంతో ఈసారి పోలీసులను ఆశ్రయించాను" అని నటి చెప్పుకొచ్చింది.

కోల్‌కతా: బాలీవుడ్‌ నటి ఆర్య బెనర్జీ గత వారం కోల్‌కతాలోని తన నివాసంలో మృతి చెందిన విషయం తెలిసిందే. పలు బాలీవుడ్‌ సినిమాల్లో నటించిన బెనర్జీ ఆకస్మిక మరణంపై పలు అనుమానాలు  వ్యక్తమయ్యాయి. అయితే ఆమెది హత్య కాదని అనారోగ్య సమస్యల కారణంగా బెనర్జీ మృతి చెందినట్లు తాజాగా ఫోరెన్సిక్‌ నివేధికలో వెల్లడైంది. బెనర్జీ కొంతకాలంగా కాలేయ సంబంధిత ఆరోగ్య సమస్యలతో బాధపడుతున్నట్లు ఫోరెన్సిక్‌ నివేధికలో వైద్యలు ధృవికరించారు. కాగా దీనిపై కోల్‌కతా పోలీసు జాయింట్‌ కమిషనర్‌ మురళీధర్‌ శర్మ మాట్లాడుతూ.. ‘నటి ఆర్య బెనర్జీది హత్య కాదు. హత్య జరిగినట్లు ఘటన స్థలంలో ఎలాంటి ఆధారాలు లభించలేదు. ఘటన స్థలంలోనే ఫోరెనిక్స్‌ నిపుణులు మృతదేహం శాంపుల్స్‌ సెకరించారు. అయితే తను చనిపోయిన సమయంలో బెనర్జీ పొట్టలో ఆల్కహాల్‌ ఉన్నట్లు వైద్యులు గుర్తించారు’ అని ఆయన తెలిపారు. (చదవండి: నటి ఆర్య బెనర్జీ అనుమానాస్పద మృతి) ఆర్యబెనర్జీ జోధ్‌పూర్‌లోని తన అపార్టుమెంటులో కొంతకాలంగా ఒంటరిగా నివసిస్తున్నారు. ఈ క్రమంలో గత శుక్రవారం బెనర్జీ ఇంటి పనిమనిషి వచ్చి తలుపు కొట్టడంతో ఆమె ఎంతకు స్పందించకపోవడంతో అనుమానం వచ్చి పోలీసులకు సమాచారం ఇచ్చింది. ఆమె సమచారం మేరకు అక్కడికి చేరుకున్న పోలీసుల తలుపులు పగలగొట్టి లోపలికి వెళ్లేసరికి బెనర్జీ తన గదిలో బెడ్‌పై మృతి చెంది కనిపించారు. కాగా బెనర్జీ ప్రముఖ దివంగత సితార విద్వాంసుడు పండిత్ నిఖిల్‌ బెనర్జీ కూతురు. ఆమె దక్షిణాది ప్రముఖ నటి సిల్క్‌స్మిత జీవికథ నేపథ్యంలో తెరకెక్కిన ‘ది డర్టీ పిక్చర్’‌లో షకీలా పాత్ర పోషించారు. అంతేగాక హిం‍దీలో‌ పలు సినిమాల్లో నటిస్తూనే ముంబైలో మోడల్‌గా రాణిస్తున్నారు.  

కోల్‌కతా: సామాన్యుల ద‌గ్గ‌ర నుంచి ప్ర‌ముఖుల వ‌ర‌కు ఎంతోమంది క‌రోనా బారిన ప‌డుతున్నారు. తాజాగా బెంగాలీ న‌టి కోయ‌ల్ మ‌ల్లిక్ తో స‌హా ఆమె కుటుంబ‌ స‌భ్యులంద‌రికీ క‌రోనా పాజిటివ్‌గా నిర్దార‌ణ అయ్యింది. కోయ‌ల్ తండ్రి ప్ర‌ముఖ బెంగాలీ న‌టుడు రంజిత్ మల్లిక్,  తల్లి దీపా మల్లిక్, భర్త, నిర్మాత నిస్పాల్ సింగ్ స‌హా కుటుంబం మొత్తం క‌రోనా బారిన‌ప‌డినట్లు స్వ‌యంగా న‌టి కోయ‌ల్ మ‌ల్లిక్ ట్విట‌ర్ ద్వారా వెల్లడించారు. ప్ర‌స్తుతం అంద‌రూ సెల్ప్ క్వారంటైన్‌లో ఉన్నామ‌ని తెలిపారు. Baba Ma Rane & I are tested COVID-19 Positive...self quarantined! — Koel Mallick (@YourKoel) July 10, 2020 ‘ఘోరే అండ్ బైరే’, ‘ఛాయా ఓ ఛాబీ’ వంటి చిత్రాలతో కోయల్‌ మంచి గుర్తింపును సంపాదించుకున్నారు. 2013లో నిర్మాత నిస్పాల్ సింగ్‌ని పెళ్లి చేసుకోగా ఈ ఏడాది మే నెల‌లోనే ఈ దంపతులకు బాబు పుట్టాడు. ఈ విషయాన్ని అభిమానుల‌తో పంచుకొని ఎంతో సంబంర‌ప‌డింది ఈ జంట‌. కాగా కొద్ది నెలల వ్య‌ధిలోనే కుటుంబం మొత్తానికి క‌రోనా సోక‌డంపై ప‌లువురు ప్ర‌ముఖులు ఆందోళ‌న చెందుతున్నారు. దర్శక నిర్మాత సత్యజిత్ సేన్, నటులు విక్రమ్ ఛటర్జీ, జీత్ స‌హా ప‌లువురు బెంగాలీ న‌టులు కోయ‌ల్ కుటుంబం కోవిడ్ నుంచి  త్వ‌ర‌గా కోలుకొవాలని ఆకాంక్షిస్తూ ట్వీట్  చేశారు. గ‌తేడాది మొద‌టిసారి వూహాన్‌లో బ‌య‌ట‌ప‌డ్డ  క‌రోనా వైరస్ దాదాపు అన్ని దేశాల‌కు వ్యాపించింది. ఇప్ప‌టికే  టామ్ హాంక్స్  కిరణ్ కుమార్, జోవా మొరాని, గాయని కనికా కపూర్ స‌హా ప‌లువురు ప్ర‌ముఖుల‌కు క‌రోనా సోకిన సంగ‌తి తెలిసిందే.  🙏 pic.twitter.com/LiwUQ2xH3J — Koel Mallick (@YourKoel) May 5, 2020

కోల్‌కతా : ప్రముఖ టెలివిజన్‌ నటి, మోడల్‌ అరుణిమా ఘోష్‌పై సోషల్‌ మీడియాలో అసభ్యకర​ కామెంట్లు చేసిన వ్యక్తిని కోల్‌కతా పోలీసులు అరెస్ట్‌ చేశారు. పోలీసులు తెలిపిన వివరాల ప్రకార.. దక్షిణ కోల్‌కతాలోని గార్ఫా ప్రాంతానికి చెందిన ముఖేష్‌ షా అనే వ్యక్తి అరుణిమాపై సోషల్‌మీడియాలో అసభ్యకర కామెంట్లు చేశాడు. ఫేక్‌ అకౌంట్‌ను క్రియేట్‌ చేసుకొని తరచూ ఆమెను వేధించాడు. అతని వేధింపులు రోజు రోజుకి మితిమీరి పోవడంతో ఆమె కోల్‌కతా పోలీసులకు ఫిర్యాదు చేశారు. విచారణ చేపట్టిన పోలీసులు ముఖేష్‌ను అరెస్ట్‌ చేశారు. ముఖేష్‌ మయూఖ్‌ అనే పేరుతో నకిలీ అకౌంట్‌ ఏర్పాటు చేసి ఆమెను బెదిరించాడని పోలీసులు తెలిపారు. కాగా ఈ విషయంపై నటి అరుణిమా మాట్లాడుతూ.. తాను ఇలాంటి కామెంట్లను పట్టించుకోనని, కానీ అతని వెధింపులు రోజు రోజుకి ఎక్కువ అవ్వడంతో పోలీసులను సంప్రదించానని తెలిపారు. ప్రతి రోజు తాను ఎక్కడికి వెళ్లినా ఆ విషయాలను సోషల్‌ మీడియాతో ద్వారా చెబుతున్నాడని, తనను ఫాలో అవుతూ బెదిరింపులకు దిగడంతో పోలీసులకు ఫిర్యాదు చేశానని తెలిపారు. ముఖేష్‌ను అరెస్ట్‌ చేశామని, అతను ఎందుకు అలాంటి అసభ్యకర కామెంట్లు చేశాడు? అతని మానసిక పరిస్థితి సరిగా ఉందా లేదా అనే కోణంలో విచారణ జరుపుతున్నామని పోలీసులు తెలిపారు.

కోల్‌కతా: బెంగాలీ నటి, తృణమూల్‌ కాంగ్రెస్‌ ఎంపీ నుస్రత్‌ జహాన్‌ పెళ్లి చేసుకున్నారు. వ్యాపారవేత్త నిఖిల్‌ జైన్‌ను ఆమె వివాహమాడారు. టర్కీలోని బొడ్రమ్‌ నగరంలో కుటుంబ సభ్యులు, సన్నిహితుల సమక్షంలో బుధవారం వీరి పెళ్లి జరిగింది. నిఖిల్‌ను పెళ్లాడినట్టు ట్విటర్‌ ద్వారా జహాన్‌ వెల్లడించారు. తమ పెళ్లి ఫొటోను షేర్‌ చేసి సంతోషం వ్యక్తం చేశారు. ప్రముఖ ఫ్యాషన్‌ డిజైనర్‌ సవ్యసాచి ముఖర్జీ డిజైన్‌ చేసిన పెళ్లి దుస్తుల్లో వధూవరులు మెరిశారు. నూతన దంపతులకు సోషల్‌ మీడియాలో శుభాకాంక్షలు వెల్లువెత్తుతున్నాయి. ఇటీవల జరిగిన లోక్‌సభ ఎన్నికల్లో బాసిర్‌హాత్‌ నియోజకవర్గం నుంచి తృణమూల్‌ కాంగ్రెస్‌ పార్టీ అభ్యర్థిగా పోటీ చేసిన నుస్రత్‌ జహాన్‌ 3,50,369 మెజార్టీతో ఘన విజయం సాధించారు. పెళ్లి చేసుకునేందుకు టర్కీ వెళ్లడంతో లోక్‌సభ సభ్యురాలిగా ఆమె ఇంకా ప్రమాణం స్వీకారం చేయలేదు. స్వదేశానికి తిరిగివచ్చిన తర్వాత ఎంపీగా ఆమె ప్రమాణం చేయనున్నారు. (చదవండి: ‘ఇరుకు’ మాటలు)

కోల్‌కతా : ప్రముఖ బెంగాలీ నటుడు జాయ్‌ ముఖర్జీని శనివారం అరెస్టు చేసినట్లు కోల్‌కతా పోలీసులు తెలిపారు. జాయ్‌ ముఖర్జీ తనపై భౌతిక దాడికి పాల్పడ్డాడంటూ నటి సయాంతిక బెనర్జీ చేసిన ఫిర్యాదు మేరకు అతడిని అదుపులోకి తీసుకున్నట్లు పేర్కొన్నారు. పోలీసుల వివరాల ప్రకారం.. సయాంతిక​, ఆమె సహాయకుడు జిమ్‌ నుంచి కారులో వస్తున్న సమయంలో వారిని వెంబడించిన జాయ్‌ పలుమార్లు తన కారుతో ఢీకొట్టాడు. అనంతరం కారును ఓవర్‌టేక్‌ చేసి సయాంతికను కారులో నుంచి బయటికి లాగి ఆమెపై దాడి చేశాడు. ఈ ఘటనపై సయాంతిక పోలీసులకు ఫిర్యాదు చేయగా.. రాష్‌ డ్రైవింగ్‌, ఉద్దేశపూర్వకంగా గాయపరిచిన కారణంగా ఐపీసీ 279, 341, 323 సెక్షన్ల కింద కేసు నమోదు చేసి, అతడిని ఎయిర్పూర్‌ కోర్టులో ప్రవేశపెట్టారు. కాగా సయాంతిక పలు బెంగాలీ సినిమాల్లో హీరోయిన్‌గా నటించారు. టీవీ నటుడిగా మంచి గుర్తింపు పొందిన జాయ్‌ ముఖర్జీ.. సయాంతిక జంటగా రెండు సినిమాల్లో కనిపించారు.

ప్రముఖ బెంగాలీ నటి శ్రీలేఖ మిత్ర ఓ ఫైనాన్సియల్‌ కంపెనీ మోసం చేసిందంటూ పోలీసులను ఆశ్రయించారు. తన అకౌంట్‌ నుంచి ఎలాంటి సమాచారం లేకుండా 1.18 లక్షల రూపాయల డబ్బును మరో అకౌంట్‌కు ట్రాన్స్‌పర్‌ చేసినట్టుగా గుర్తించిన శ్రీలేఖ సదరు ఫైనాన్సియల్‌ కంపెనీపై కస్బా పోలీస్‌ స్టేషన్‌లో కంప్లయింట్‌ ఇచ్చారు. దర్యాప్తు మొదలుపెట్టిన పోలీసులు గతంలో శ్రీలేఖ అదే ఫైనాన్సియల్‌ కంపెనీ నుంచి లోన్‌ తీసుకున్నట్టుగా గుర్తించారు. అయితే శ్రీలేఖ ఆ లోన్‌ తిరిగి చెల్లించనట్టుగా చెపుతున్నా.. ఆలోన్‌ కోసమే నెలకు 6000 రూపాయలు ఫైనాన్సియల్‌ కంపెనీ శ్రీలేఖ బ్యాంక్‌ అకౌంట్‌ ను డెబిట్‌ చేసినట్టుగా గుర్తించారు.

కోల్‌కతా: బెంగాలీ ప్రముఖ నటి సుప్రియా దేవి(85) కన్నుమూశారు. గుండెపోటుతో ఆమె శుక్రవారం తుదిశ్వాస విడిచినట్లు కుటుంబ సభ్యులు తెలిపారు. రిత్విక్‌ ఘటక్‌ దర్శకత్వం వహించిన ‘మేఘే ఢాకా తారా’ చిత్రంలో నీతా అనే పాత్ర ఆమెకు మంచి పేరు తెచ్చింది. 1933లో మిచ్‌కినాలో జన్మించిన సుప్రియా దేవి 1952లో సినీ రంగంలోకి అడుగుపెట్టారు.  55 ఏళ్లు ఎన్నో చిత్రాల్లో నటించారు. అందులో చౌరింగీ, బాగ్‌ బందీ ఖేలా, సన్యాసి రాజ్, దేబ్‌దాస్‌ లాంటి క్లాసిక్‌ చిత్రాలున్నాయి. 2007లో విడుదలైన నేమ్‌సేక్‌ చిత్రంలో చివరిసారి నటించారు.  దేవికి పద్మశ్రీ అవార్డుతో పాటు బెంగాల్‌ ప్రభుత్వ పౌర పురస్కారం బంగా విభూషణ్‌ లభించాయి. శుక్రవారమే అధికారిక లాంఛనాలతో ఆమె అంత్యక్రియలు నిర్వహించారు.  


 సాక్షి, కోల్‌కతా: బెంగాలీ నటి కాంచనా మొయిత్రా మంగళవారం రాత్రి కోల్‌కతాలో భయానక అనుభవాన్ని ఎదుర్కొంది. షూటింగ్‌ పూర్తిచేసుకొని ఆమె తన వాహనంలో ఇంటికి వెళుతుండగా.. తాగుబోతులు ఆమె వాహనాన్ని ఆపి.. లైంగికంగా వేధించారు. తాగిన మైకంలో ఉన్న ముగ్గురు యువకులు తనపై దాడి చేశారని ఆమె పోలీసులకు ఇచ్చిన ఫిర్యాదులో పేర్కొంది. అర్ధరాత్రి ఒంటిగంట సమయంలో సిరితీ క్రాసింగ్‌ వద్ద ఈ ఘటన జరిగింది. షూటింగ్‌ ముగించుకొని అర్ధరాత్రి సమయంలో ఇంటికి తిరిగి వెళుతుండగా.. ఇద్దరు వ్యక్తులు తమ కారును ఆపారని, కారు వాహనాన్ని తమ మీద నుంచి తీసుకెళ్లేందుకు ప్రయత్నించాడని ఆరోపిస్తూ.. డ్రైవర్‌పై దాడి చేసి కారు కీస్‌ లాక్కొన్నారని ఆమె తెలిపింది. అనంతరం తనను కారు నుంచి బయటకు లాగి.. అసభ్యంగా తాకారని ఫిర్యాదులో పేర్కొంది. ఈ వ్యవహారంలో మొత్తం ముగ్గురు వ్యక్తులు పాల్గొన్నారని తెలిపింది. ఈ ఘటనకు సంబంధించి బెహలా పోలీస్‌ స్టేషన్‌లో కేసు నమోదవ్వగా..ఇప్పటికే ఇద్దరిని అరెస్టు చేశారు.
 
 తనకు ఎదురైన భయానక ఘటన గురించి నటి కాంచన 'టెలిగ్రాఫ్‌' పత్రికకు వివరించింది. తమను కారు నుంచి దింపి.. కీస్‌ లాక్కున్న తాగుబోతులు.. ఎంత ప్రాథేయపడినా వినలేదని తెలిపింది. 'నేను డ్రైవర్‌ను 20సార్లు చెంపదెబ్బలు కొట్టాలని, ఆ తర్వాత నన్ను డ్రైవర్‌ 20సార్లు చెంపదెబ్బలు కొట్టాలని.. అప్పుడే కీస్‌ ఇస్తామని వేధించారు. 40సార్లు సిట్‌-అప్‌లు చేయాలని నన్ను బెదిరించారు' అని ఆమె తెలిపింది.


 అచ్చమైన బెంగాలీ అమ్మాయి. కానీ తెలుగు సినిమాతో నటి అయ్యింది. ‘నీ తోడు కావాలి’ అంటూ దీపక్‌ని అడిగింది.‘అందరివాడు’తో అందరికీ దగ్గరవ్వాలని చూసింది. కొన్నాళ్లపాటు కెరీర్‌లో వేగంగా దూసుకుపోయింది. కానీ ఉన్నట్టుండి ఆ వేగానికి బ్రేక్ పడింది.
 ఇప్పుడామె చేతిలో అవకాశాలు లేవు. అసలామె ఎక్కడా కనిపించడం లేదు. ఎక్కడికెళ్లింది? ఏం చేస్తోంది?
  
  అదృష్టం వెతుక్కుంటూ వస్తుందని కొందరు ఎదురు చూస్తుంటారు. కానీ రిమీసేన్ అలా చూడలేదు. తనే అదృష్టాన్ని వెతుక్కుంటూ వెళ్లింది. కోరుకున్న చోటికి చేరుకుంది. కానీ ఉన్నట్టుండి కనిపించకుండా పోయింది. రిమీ అసలు పేరు... శుభోమిత్రాసేన్. 1981, సెప్టెంబర్ 11న కోల్‌కతాలో పుట్టింది. ఎందుకోగానీ ఊహ తెలిసినప్పట్నుంచీ ముఖానికి మేకప్ వేయాలన్న తపనతోనే ఉంది. కానీ ఇంట్లోవాళ్లు అంగీకరించలేదు. కళలు కూడుపెట్టవు, చదువుకోమన్నారు. మనసులో బాధ ఉన్నా మౌనంగా వారికి తల వంచింది రిమీ. కామర్స్‌లో డిగ్రీ పూర్తి చేసింది కానీ మనసు మాత్రం కళారంగంవైపే లాగుతూ ఉంది. రిమీ అంతర్మథనాన్ని ఆమె తాతయ్య అర్థం చేసుకున్నారు. వెళ్లి నచ్చింది చేయమన్నారు. దాంతో రిమీ ఆనందానికి అవధులు లేవు. తల్లిని తోడు తీసుకుని ముంబై రెలైక్కింది. అయితే ఆమె ముంబై వచ్చినంత తేలిగ్గా అవకాశాలు ఆమె దగ్గరకు రాలేదు. చాలా కష్టపడింది. ఎలాగో యాడ్స్‌లో నటించే చాన్స్ సంపాదించింది. చిన్నా చితకా ప్రకటనలు చాలానే చేసింది. కానీ ఆమిర్‌ఖాన్‌తో చేసిన కోకో కోలా యాడ్... ఆమె జీవితాన్ని మలుపు తిప్పింది.
  
  కోలా యాడ్ చూసిన టాలీవుడ్ దర్శకుడు భీమనేని శ్రీనివాసరావు ‘నీ తోడు కావాలి’ చిత్రంలో రిమీని హీరోయిన్‌గా తీసుకున్నారు. సినిమా పెద్ద సక్సెస్ కాలేదు. టాలీవుడ్ ఆమెను అంతగా ప్రోత్సహించనూ లేదు. కానీ బాలీవుడ్ మాత్రం ఆమెను సాదరంగా ఆహ్వానించింది. మంచి మంచి అవకాశాలిచ్చింది. హంగామా, బాగ్‌బన్, ధూమ్, స్వప్నేర్ దిన్, గరం మసాలా, క్యోంకీ, దీవానే హుయే పాగల్, ఫిర్ హేరా ఫేరీ, గోల్‌మాల్ 2, దోస్త్, ధూమ్ 2, హ్యాట్రిక్, జానీ గద్దార్, దే తాలీ, షకత్ సిటీ, హార్న్ ఓకే, ప్లీజ్, యహాకే హమ్ సికిందర్, థాంక్యూ... ఇలా ఒకదాని తరువాత ఒకటిగా చేసుకుంటూ పోయింది రిమీ.
  
  ఈ కమ్రంలోనే 2005లో ‘అందరివాడు’లో చిరంజీవి సరసన నటించింది. ఈ సినిమాతో పాటు ధూమ్ 1, 2 చిత్రాలు కూడా రిమీకి మంచి పేరు తెచ్చిపెట్టాయి. అయితే వాయువేగంతో సాగిపోతోన్న రిమీ కెరీర్‌కు సడెన్‌గా బ్రేక్ పడింది. 2011లో ‘షాగిర్ద్’ చిత్రం తరువాత ఆమె మళ్లీ తెర మీద కనిపించలేదు. అటు తెలుగులో కానీ, ఇటు హిందీలో కానీ మెరిసింది లేదు. ఉన్నట్టుండి  అలా ఎలా మాయమైపోయింది? అసలేం జరిగింది?
  
  కాంట్రవర్సీయే కారణమా...
  రిమీ కెరీర్ గ్రాఫ్ పడిపోవడానికి, ఆమె సినిమాలకు దూరంగా ఉండాల్సి రావడానికి ఓ కాంట్రవర్సీయే కారణం అన్నమాట బాలీవుడ్‌లో వినిపిస్తోంది. ‘గోల్‌మాల్’ రిలీజైన తరువాత ఇచ్చిన ఓ ఇంటర్వ్యూ... రిమీ కెరీర్‌ని ఖతమ్ చేసిందంటారు చాలామంది. ఆ ఇంటర్వ్యూలో ఆమె గోల్‌మాల్ దర్శకుడు రోహిత్‌శెట్టి గురించి చేసిన ఓ కామెంట్ కాంట్రవర్సీకి దారి తీసింది. ‘‘రోహిత్ చాలా గొప్ప దర్శకుడు. తను తలచుకుంటే ఓ నల్ల ఆఫ్రికన్‌ని కూడా అందంగా చూపించగలడు’’ అంది రిమీ. ఈ కామెంట్ ఓ పెద్ద వివాదాన్నే సృష్టించింది. ఒక బ్రిటిష్ ఆఫ్రికన్ గ్రూప్ రిమీ స్టేట్‌మెంట్‌ని బహిరంగంగా ఖండించింది. ‘ఇది అర్థం లేని కామెంట్ మాత్రమే కాదు, ఆఫ్రికన్లను అవమానించే కామెంట్, ఇలా మాట్లాడే అర్హత ఆమెకి లేదు’ అంటూ తీవ్రంగా ఆగ్రహాన్ని వ్యక్తం చేశారు. దాంతో రిమీకి కష్టాలు మొదలయ్యాయి.
  
  నోరు సంభాళించుకోకపోతే ఇలాగే ఉంటుంది అంటూ పలువురు బాలీవుడ్ పెద్దలు క్లాస్ పీకారని, అయినా రిమీ లక్ష్యపెట్టకపోవడంతో వాళ్లంతా ఆమెను దూరంగా పెట్టడం మొదలుపెట్టారని, అందుకే ఆమెకు అవకాశాలు రాకుండా పోయాయని వినికిడి. అయితే ధూమ్ 3 తీసినప్పుడు ఆమెని ఓ ఐటెమ్ సాంగ్ చేయమని అడిగారని, ముందు రెండు భాగాల్లో హీరోయిన్‌గా చేసిన తాను ఇప్పుడు ఐటెమ్ సాంగ్ చేయడమేంటంటూ రిమీ కోప్పడిందనే వార్తలు వచ్చాయి ఆ మధ్య. అది ఎంతవరకూ నిజమో తెలియదు కానీ... రిమీ చేతిలో ఇప్పుడు ఒక్క అవకాశం కూడా లేదన్నది నిజం. ఆమె మన ముందుకొచ్చి మూడేళ్లు అయ్యిందన్నదీ నిజం. చాలాకాలం తరువాత ఆ మధ్య ఓ ఫంక్షన్లో కనిపించిన రిమీ... తెరమీద కూడా మళ్లీ కనిపిస్తుందా? ఇంతకుముందులా బిజీ నటి అవుతుందా? చూద్దాం... ఆ రోజు వస్తుందేమో!


 హైదరాబాద్‌: నగరంలో టాస్క్ ఫోర్స్ జరిపిన దాడుల్లో బెంగాల్ నటి సుకన్య చటర్జీ వ్యభిచారం కేసులో  పట్టుబడింది. గురువారం మధ్యాహ్నం జూబ్లిహిల్స్ లోని ఓ హెటల్ పై టాస్క్ ఫోర్స్ పోలీసులు దాడులు నిర్వహించారు. ఈ దాడుల్లో బెంగాల్‌ నటి సుకన్యతోపాటు మరో ఇద్దరి అరెస్ట్ చేశారు.
  
 జూబ్లీహిల్స్ లోని ఓ హోటల్ లో అసాంఘిక కార్యకలాపాలు నిర్వహిస్తున్నారనే సమాచారంతో టాస్క్ ఫోర్స్ పోలీసులు దాడులు నిర్వహించారు. ఈ దాడుల్లో బెంగాల్ నటిని పోలీసులు అదుపులోకి తీసుకుని విచారిస్తున్నారు. సుకన్యతోపాటు నగరానికి చెందిన పవన్, దీపక్ లిద్దరి కూడా అరెస్ట్ చేశామని పోలీసులు తెలిపారు.
  
 అరెస్ట్ చేసిన సుకన్యను బంజారా హిల్స్ పోలీస్ స్టేషన్ కు తరలించారు. బెంగాల్ చిత్రాల్లో నటించిందని.. గత రెండు రోజుల క్రితమే హైదరాబాద్ వచ్చినట్టు పోలీసులు తెలిపారు.