Airshow

ఏథెన్స్ సమీపంలోని ఓ వైమానిక స్థావరంలో ఎయిర్‌ షోలో భాగంగా ఆకాశంలో చక్కర్లు కొడుతున్న గ్రీక్‌ F-4 ఫాంటమ్ యుద్ధ విమానం ఒక్కసారిగా కుప్పకూలింది. ఈ ఘటనలో ఇద్దరు పైలట్లు మరణించారు ప్రమాదానికి గల కారణాలు స్పష్టంగా తెలియరాలేదు. స్థానిక మీడియా కథనాల ప్రకారం.. విమానంలోని పైలట్లు ప్రమాదానికి ముందు విమానం నుంచి బయటకు వచ్చేందుకు ఉపయోగించే ఎజెక్షన్ సీట్లను వినియోగించలేకపోయారు.ఏథెన్స్‌కు ఉత్తరంగా ఉన్న తనాగ్రా ఎయిర్‌బేస్‌లో వార్షిక కార్యక్రమం జరుగుతుండగా ఈ ప్రమాదం చోటుచేసుకుంది. విమానం టేకాఫ్‌ అయిన కొద్దిసేపటికే తక్కువ ఎత్తులో విన్యాసం చేస్తూ కూలిపోయినట్లు ప్రత్యక్ష సాక్షులు తెలిపారు. విమానం నేలను ఢీకొన్న వెంటనే భారీ పేలుడు సంభవించి.. నల్లటి పొగ వ్యాపించింది. ఆ సమయంలో వేలాది మంది ప్రేక్షకులు ఎయిర్‌షోను వీక్షిస్తున్నారు. అయితే ప్రేక్షకుల్లో ఎవరూ గాయపడలేదని అధికారులు తెలిపారు.🚨 BREAKING — FULL VIDEO: Hellenic Air Force F-4E Phantom II crashes during a solo flying display at Tanagra, Greece. Footage captures the aircraft’s final maneuver before it goes down. There was no immediately visible sign of parachutes, while officials have yet to confirm the… pic.twitter.com/1NMJQAGvJS— OSINT AFG (@AfghanOSINT0) September 5, 2026మంటలను అదుపులోకి తీసుకురావడానికి 11 అగ్నిమాపక విమానాలు, హెలికాప్టర్లు, అలాగే సుమారు 85 మంది అగ్నిమాపక సిబ్బంది రంగంలోకి దిగారు. మంటలు సమీపంలోని అడవికి కూడా వ్యాపించాయి. ప్రమాదం అనంతరం కార్యక్రమాలను రద్దు చేశారు. గ్రీక్‌ రక్షణ మంత్రి నికోస్ డెండియాస్ తన థెస్సలోనికీ పర్యటనను రద్దు చేసుకుని ప్రమాద స్థలానికి వెళ్లారు. గ్రీక్‌ వైమానిక దళం మూడు రోజుల సంతాప దినాలను ప్రకటించింది.

అమెరికాలో ఘోరం సంభవించింది. ఎయిర్‌షోలో రెండు యుద్ధ విమానాలు ఒకదాన్నొకటి ఢీ కొట్టి పేలిపోయాయి. స్థానిక కాలమానం ప్రకారం.. ఆదివారం ఐడాహో స్టేట్‌ మౌంటెన్‌ హోమ్‌ ఎయిర్‌ఫోర్స్‌ వద్ద ఈ ఘటన జరింది. అయితే అదృష్టవశాత్తూ పైలట్లు ప్రమాదం నుంచి సురక్షితంగా బయటపడ్డారు. గన్‌ఫైటర్ స్కైస్ ఎయిర్ షోలో రెండు అమెరికా EA-18G గ్రౌలర్ యుద్ధ విమానాలు మధ్య ఆకాశంలో ఢీకొన్నాయి. ఈ ఘటన మధ్యాహ్నం 12:30 గంటల సమయంలో చోటుచేసుకుంది. ఢీకొన్న వెంటనే విమానాలు పేలిపోయి ముక్కలైపోయాయి. ప్రమాద స్థలంలో దట్టమైన నల్ల పొగలు ఎగసిపడగా, అత్యవసర సిబ్బంది వెంటనే అక్కడికి చేరుకున్నారు. బేస్‌ను తక్షణమే లాక్‌డౌన్ చేశారు. ఆదివారం మిగిలిన అన్ని కార్యక్రమాలను రద్దు చేశారు.విమానాల్లో ఉన్న నాలుగు మంది సిబ్బంది సురక్షితంగా బయటపడ్డారు. ఢీకొన్న క్షణాల్లోనే వారు పారా షూట్ల సహాయంతో కిందికి దిగారు. ఈ విషయాన్ని షో నిర్వాహకులు, అమెరికా నేవీ ధృవీకరించారు.Footage of the mid air collision between a pair of Navy Super Hornets/Growlers during the Gunfighter Skies Air Show at Mountain Home Air Force Base moments ago. pic.twitter.com/yQqPavmSWk— OSINTtechnical (@Osinttechnical) May 17, 2026మౌంటెన్ హోమ్ ఎయిర్ ఫోర్స్ బేస్ ప్రతినిధి ప్రకారం, ప్రమాదంపై దర్యాప్తు కొనసాగుతోంది. "అత్యవసర సిబ్బంది అక్కడే ఉన్నారు. మరిన్ని వివరాలు త్వరలో వెల్లడిస్తాం" అన్నారు. ఎనిమిదేళ్ల తర్వాత తిరిగి ప్రారంభమైన ఈ ఎయిర్ షోకు వేలాది మంది హాజరయ్యారు. అయితే ఈ ప్రమాదం గత ఘటనలను గుర్తు చేసింది. 2018లో ఒక హ్యాంగ్ గ్లైడర్ పైలట్ రన్‌వేపై కూలి మరణించాడు. 2003లో థండర్‌బర్డ్స్‌ జెట్ కూలిపోయింది. కానీ పైలట్ సురక్షితంగా బయటపడ్డాడు. తాజా ప్రమాదం మళ్లీ ఎయిర్ షో భద్రతపై ప్రశ్నలు లేవనెత్తింది.

సుల్తాన్‌పూర్‌/న్యూఢిల్లీ: అత్యవసర సమయాల్లో రహదారులపైనే యుద్ధవిమానాలు దిగేందుకు వీలుగా ఉత్తరప్రదేశ్‌లోని పూర్వాంచల్‌ ఎక్స్‌ప్రెస్‌వేపై గతంలో నిర్మించిన ఎమర్జెన్సీ రన్‌వేపై భారత వాయుసేన విమానాలు పలుమార్లు ల్యాండింగ్, టేకాఫ్‌ తీసుకుని తమ యుద్ధ సన్నద్ధతను చాటాయి. దీంతో విమానాలను చూసేందుకు స్థానికులు ఎగబడ్డారు. జాగ్వార్‌ యుద్ధ విమానం, సీ–295 సైనిక, సరకు రవాణా విమానం, ఇతర కీలక సైనిక విమానాలు బుధవారం సుల్తాన్‌పూర్‌ జిల్లాలోని ఎమర్జెన్సీ ల్యాండింగ్‌ ఫెసిలిటీ(ఈఎల్‌ఎఫ్‌)గా పిలిచే ‘అర్వాల్‌– కిరీ కర్వాత్‌’రన్‌వే మీద ఆకస్మికంగా దిగుతూ, అంతేవేగంతో టేకాఫ్‌ తీసుకుంటూ తమ యుద్ధ సన్నద్ధతను నిరూపించాయి. మిరాజ్‌–2000, సుఖోయ్‌–30 ఎంకేఐ విమానాలతోపాటు ఎంఐ–17 వీ5 హెలికాప్టర్లు, గరుడ్‌ కమెండో బృందాలు సైతం అత్యయక పరిస్థితుల్లో చూపాల్సిన తెగువను ప్రదర్శించాయని ఇండియన్‌ ఎయిర్‌ఫోర్స్‌ ఒక ప్రకటనలో పేర్కొంది. రెండ్రోజులపాటు ఈ ఎమర్జెన్సీ ల్యాండింగ్, టేకాఫ్‌లను చేపడతారు. విమానాలు దిగుతుండటంతో మే ఒకటోతేదీదాకా ఈ పరిధిలో పూర్వాంచల్‌ ఎక్స్‌ప్రెస్‌వే మీద వాణిజ్య వాహనాల రాకపోకలను నిలిపేసి దారిమళ్లించారు. రహదారిపై 3.2 కిలోమీటర్ల పొడవైన ఈ రన్‌వేను 2021 నవంబర్‌లో ప్రధాని మోదీ ప్రారంభించారు.

యూఏఈ: దుబాయ్‌ ఎయిర్‌ షోలో ప్రమాదం జరిగింది. శుక్రవారం దుబాయ్‌లో జరిగిన ఎయిర్‌షోలో ప్రదర్శన సందర్భంగా భారత్‌ తేజస్‌ యుద్ధ విమానం కుప్పకూలింది. ఈ ఘటనలో పైలట్ మృతిచెందారు.భారత్‌ ఎరోనాటికల్ డెవలప్‌మెంట్ ఏజెన్సీ,హిందూస్తాన్ ఏరోనాటిక్స్ లిమిటెడ్‌లు సంయుక్తంగా రూపొందించిన ఈ తేజస్‌ యుద్ధవిమానం భారత కాలమాన ప్రకారం మధ్యాహ్నం 2:10 గంటల ప్రాంతంలో ఎయిర్‌ షోలో కూలింది. యుద్ధ విమానం కూలిన తర్వాత ఆ ప్రాంతమంతా దట్టమైన పొగలు అలుముకున్నాయి. ఈ ప్రమాదానికి కారణం సాంకేతిక లోపమా? లేదంటే పైలెట్‌ తప్పిదమా? అన్నది తెలియాల్సి ఉండగా.. దుబాయ్ ఎయిర్ షోలో తేజస్ యుద్ధ విమానం కూలిపోయిన ఘటనలో పైలట్ మృతి చెందినట్లు దుబాయ్ మీడియా కార్యాలయం ధృవీకరించిందిరెస్క్యూ ఆపరేషన్లు వెంటనే ప్రారంభమయ్యాయి, ప్రదర్శన తాత్కాలికంగా నిలిపివేయబడింది మరియు సందర్శకులను అది కలిగించిన అంతరాయం తర్వాత ప్రదర్శన ప్రాంతానికి తిరిగి రావాలని ఆదేశించారు. ఈ సంవత్సరం నవంబర్ 17 న ప్రారంభమైన మరియు నవంబర్ 24 వరకు కొనసాగే ప్రపంచంలోని అతిపెద్ద ఎయిర్ షోలలో ఒకటైన దుబాయ్ ఎయిర్ షో, 1,500 మందికి పైగా ఎగ్జిబిటర్లను ఒకచోట చేర్చింది. #WATCH | Dubai | An IAF Tejas fighter aircraft has crashed during the Dubai Air Show; no pilot ejection has been detected so far. This is only the second reported accident involving the Tejas jet. More details awaited. #DubaiAirShow #Tejas #IAF #Breaking pic.twitter.com/04zcckv8xA— Argus News (@ArgusNews_in) November 21, 2025

హైదరాబాద్, బిజినెస్‌ బ్యూరో: ప్యారిస్‌లో జరుగుతున్న 55వ అంతర్జాతీయ ఎయిర్‌షోలో హైదరాబాద్‌ సంస్థ రఘు వంశీ ఏరోస్పేస్‌ గ్రూప్‌ తమ 40 కేజీఎఫ్‌ మైక్రో టర్బోజెట్‌ ఇంజిన్‌ను ఆవిష్కరించింది. దీన్ని పూర్తిగా దేశీయంగా రూపొందించినట్లు సంస్థ ఎండీ వంశీ వికాస్‌ తెలిపారు. అన్‌మ్యాన్డ్‌ ఏరియల్‌ వెహికల్స్‌ (యూఏవీ), క్రూయిజ్‌ మిసైల్స్‌ కోసం తయారు చేసిన ఈ ఇంజిన్‌ను డీఆర్‌డీవో అధికారుల సమక్షంలో విజయవంతంగా పరీక్షించినట్లు పేర్కొన్నారు. హైదరాబాద్‌లోని హార్డ్‌వేర్‌ పార్క్‌లో ఏర్పాటు చేస్తున్న 2,50,000 చ.అ. తయారీ ప్లాంటు 2026 ప్రారంభం నాటికి అందుబాటులోకి రావచ్చన్నారు.

షాజహాన్‌పూర్‌ (యూపీ): పహల్గాం దాడి ఉద్రిక్తతల నేపథ్యంలో గురువారం నాటి పాకిస్తాన్‌ సైనిక విన్యాసాలకు మన సైన్యం దీటుగా బదులిచి్చంది. సంప్రదాయ యుద్ధక్షేత్రాలకు భిన్నంగా నడిరోడ్డుపైనా యుద్ధవిమానాల ల్యాండింగ్, టేకాఫ్‌ జరిపి వాయుసేన సత్తా చాటింది. అత్యంత అధునాతన శత్రు భీకర రఫేల్‌తో పాటు సుఖోయ్‌–30, ఎంకేఐ, మిరాజ్‌–2000, మిగ్‌–29, జాగ్వార్, సీ–130జే సూపర్‌ హెర్క్యులస్, ఏఎన్‌–32 విమానాలతో పాటు ఎంఐ–17 వీ5 హెలికాప్టర్లను కూడా ఈ అధునాతన ఎయిర్ర్‌స్టిప్‌పై ల్యాండింగ్, టేకాఫ్‌ చేశారు. ఉత్తరప్రదేశ్‌లోని షాజహాన్‌పూర్‌ జిల్లాలోని గంగా ఎక్స్‌ప్రెస్‌వే ఈ ఒళ్లు గగుర్పొడిచే విన్యాసాలకు వేదికైంది. పగటి పూటే గాక అవసరమైతే కారుచీకట్లోనూ నిర్భీతిగా యుద్ధవిమానాలను రోడ్లపై కూడా దింపగలమని వాయుసేన నిరూపించింది. 594 కిలోమీటర్ల పొడవైన గంగా ఎక్స్‌ప్రెస్‌ వేలో జలాలాబాద్‌ సమీపంలోని పిరూ గ్రామం వద్ద నిర్మించిన 3.5 కిలోమీటర్ల పొడవైన ఎయిర్‌్రస్టిప్‌పై శుక్రవారం రాత్రి ఎయిర్‌ఫోర్స్‌ యుద్ధవిమానాలు ఇలా ల్యాండై అలా టేకాఫ్‌ తీసుకున్నాయి. తద్వారా దేశంలో పగలు, రాత్రి తేడా లేకుండా అన్నివేళలా ఫైటర్‌జెట్ల ల్యాండింగ్, టేకాఫ్‌కు అనువైన తొలి ఎక్స్‌ప్రెస్‌వే గా ఈ మార్గం నిలిచింది. తొలిసారిగా శుక్రవారమే పరీక్ష గంగా ఎక్స్‌ప్రెస్‌ వే ఎయిర్‌్రస్టిప్‌ను శుక్రవారమే తొలిసారిగా పరీక్షించారు. ఎయిర్‌ఫోర్స్‌ విభాగంలోని టాప్‌ ఫైటర్లు దీన్ని వినియోగించాయి. గంగా ఎక్స్‌ప్రెస్‌ వే ఇప్పటికే 85 శాతం నిర్మాణం పూర్తయింది. యూపీలో ఆగ్రా–లఖ్‌నవూ, పూర్వాంచల్, బుందేల్‌ఖండ్‌ ఎక్స్‌ప్రెస్‌ వేల మీదా ఎయిర్‌స్ట్రిప్‌లను నిర్మించారు.గంగా ఎక్స్‌ప్రెస్‌ వే మీద మాత్రమే ప్రస్తుతానికి రాత్రివేళ ఆపరేషన్‌కు అనువుగా అధునాతన లైటింగ్, నావిగేషన్‌ వ్యవస్థలను సిద్ధంచేశారు. ఈ ఎయిర్ర్‌స్టిప్‌ను సంఘవ్యతిరేక శక్తులు పాడుచేయకుండా కనిపెట్టేందుకు 250కి పైగా సీసీటీవీ కెమెరాలను అమర్చారు. ఎయిర్‌్రస్టిప్‌ పరీక్షను స్వయంగా తిలకించేందుకు సమీప గ్రామాల ప్రజలు, వందలాది మంది పాఠశాల విద్యార్థులు వచ్చారు. రక్షణ శాఖ, యూపీ రాష్ట్ర అధికారులు కూడా కార్యక్రమంలో పాల్గొన్నారు.రోజంతా చక్కర్లు రాత్రిపూట ల్యాండింగ్, టేకాఫ్‌కు ముందు పగటిపూట యుద్ధ విమానాలను ఎయిర్ర్‌స్టిప్‌పై చాలాసార్లు విజయవంతంగా దింపారు. యుద్ధ సమయాల్లో వైమానిక స్థావరాలు, రన్‌వేలను శత్రు విమానాలు ధ్వంసం చేస్తే అత్యవసరంగా యుద్ధ విమానాలను దించడానికి, మళ్లీ సమరానికి సిద్ధమై వెనువెంటనే టేకాఫ్‌ తీసుకోవడానికి వీలుగా ఎక్స్‌ప్రెస్‌ వేలపై ఇలా ఎయిర్‌్రస్టిప్‌లను నిర్మిస్తున్నారు. యుద్ధ సమయాల్లో సైనికులు, ఆయుధాలు, సైనిక ఉపకరణాలను మోసుకెళ్లే భారీ సరకు రవాణా విమానాలు సైతం దిగేలా వాటిని అత్యంత పటిష్టంగా నిర్మించారు.ఈ ఎయిర్‌్రస్టిప్‌ను అత్యంత అరుదుగా మాత్రమే వాడే అవకాశం ఉందని తెలిసి కూడా మన్నిక, నాణ్యతలో ఏమాత్రం రాజీపడకుండా అధునాతన ఇంజనీరింగ్‌ నైపుణ్యంతో నిర్మించారు. అందుకు క్యాట్‌–2 ఇన్‌స్ట్రుమెంట్‌ ల్యాండింగ్‌ సిస్టమ్‌ సాంకేతికతను వినియోగించారు. మంచు, వర్షం, పొగమంచు, తక్కువ దృగ్గోచరత వంటి సందర్భాల్లోనూ ల్యాండింగ్, టేకాఫ్‌ సాధ్యమయ్యేలా ఎక్స్‌ప్రెస్‌ వేలో ఎత్తయిన, అనువైన ప్రదేశంలోనే స్ట్రిప్‌ను నిర్మించారు. వరదలు, భూకంపం వంటి విపత్తుల వేళ సైన్యాన్ని వెంటనే రంగంలోకి దించడానికీ ఈ స్ట్రిప్‌ ఉపయోగపడనుంది. అత్యంత తక్కువ ఎత్తులో దూసుకొస్తూ ల్యాండింగ్‌నూ పరీక్షించారు.

సాక్షి,హైదరాబాద్‌: ఏడాది పాలన పూర్తయిన సందర్భంగా తెలంగాణ ప్రభుత్వం నిర్వహిస్తున్న ప్రజా పాలన విజయోత్సవాలు కొనసాగుతున్నాయి. ప్రజా పాలన విజయోత్సవాల్లో భాగంగా హైదరాబాద్‌ ట్యాంక్‌బండ్‌పై జరుగుతున్న ఇండియన్‌ ఎయిర్‌పోర్స్‌ ఎయిర్‌ షో అదరహో అనిపిస్తుంది. ప్రజా పాలన విజయోత్సవాల్లో భాగంగా ఇండియన్‌ ఎయిర్స్ ఆధ్వర్యంలో ఆదివారం ట్యాంక్‌బండ్‌పై జరుగుతున్న ఎయిర్‌ షో చూపరులను కనువిందు చేస్తుంది. ఇండియన్‌ ఎయిర్‌ఫోర్స్‌కు చెందిన 9 సూర్యకిరణ్‌ విమానాలతో ప్రదర్శన జరుగుతుంది. వాయిసేన గ్రూప్‌ కెప్టెన్‌ అజయ్‌ దాసరి నేతృత్వంలో జరుగుతున్న ఎయిర్‌షోలో సీఎం రేవంత్‌ రెడ్డితో పాటు మంత్రులు,వీఐపీలు పెద్ద సంఖ్యలో హాజరయ్యారు. ఈ షోతో పాటు సాయంత్రం మ్యూజికల్ కాన్సర్ట్ ప్రారంభం కానుంది. ఎయిర్‌షో, మ్యూజికల్‌ కన్సర్ట్‌ నేపథ్యంలో నెక్లెస్ రోడ్ , పీవీ మార్గ్‌లలో భారీ సంఖ్యలో ప్రజలు హాజరయ్యారు. వీరి సౌకర్యార్థం నిర్వాహకులు ఫుడ్ స్టాల్స్‌తో పాటు ఇతర సౌకర్యాలను ఏర్పాటు చేశారు. ఈ తరుణంలో ట్యాంక్‌ బండ్‌ పరిసర ప్రాంతాల్లో హైదరాబాద్‌ పోలీసులు ట్రాఫిక్‌ ఆంక్షలు విధించారు. నగరంలో ట్రాఫిక్‌ ఆంక్షలు ఇందులో భాగంగా ఆదివారం మ‌ధ్యాహ్నం 3 గంట‌ల నుంచి సాయంత్రం 5 గంట‌ల వ‌ర‌కు రెండు గంటలపాటు ట్యాంక్‌బండ్‌తో పాటు ప‌రిస‌ర ప్రాంతాల్లో ట్రాఫిక్ ఆంక్ష‌లు ఉండనున్నట్లు అధికారులు తెలిపారు. ఈ మార్గాల్లో వెళ్లే వాహ‌న‌దారులు ప్ర‌త్యామ్నాయ మార్గాలు ఎంచుకోవాల‌ని హైదరాబాద్ ట్రాఫిక్ పోలీసులు చెప్పారు.కాగా, ప్రజాపాలన విజయోత్సవాల ముగింపు రోజు డిసెంబర్ 9న సాయంత్రం 6 గంటలకు సచివాలయంలో తెలంగాణ తల్లి విగ్రహాన్ని సీఎం రేవంత్ రెడ్డి ఆవిష్కరించనున్నారు.చదవండి👉🏾 కాంగ్రెస్‌ ఏడాది పాలనపై బీఆర్‌ఎస్‌ ఛార్జ్‌షీట్

సాక్షి, హైదరాబాద్‌: భూమి, సముద్రం, గగనతల రక్షణలో వస్తున్న సవాళ్లను ఎదుర్కొనేందుకు సాయుధ దళాలకు చెందిన ప్రతి అధికారి సిద్ధంగా ఉండాలని రాష్ట్రపతి ద్రౌపది ముర్ము పిలుపునిచ్చారు. ఇదే సమయం­లో ఆధునిక సాంకేతికతను అందిపుచ్చుకోవాలని సూచించారు. భారత వాయుసేనలో మహిళల సంఖ్య పెరుగుతుండటం, ఫైటర్‌ జెట్‌ పైలట్లలోనూ మహిళలు ఉండటం సంతోషకరమన్నారు. శనివారం హైదరాబాద్‌ శివారులోని దుండిగల్‌ ఎయిర్‌­ఫోర్స్‌ అకాడమీలో నిర్వహించిన ‘కంబైన్డ్‌ గ్రాడ్యు­యేషన్‌ పరేడ్‌’కు రివ్యూయింగ్‌ ఆఫీసర్‌గా రాష్ట్రపతి ద్రౌపది ముర్ము హాజరయ్యారు. మొత్తం 119 ఫ్లయింగ్‌ ఎయిర్‌ ట్రైనీ, 75మంది గ్రౌండ్‌ డ్యూటీ ట్రైనీ కేడెట్లు, నేవీ, కోస్ట్‌గార్డ్‌కు చెందిన మరో ఎనిమిది మంది అధికారులు, వియత్నాంకు చెందిన ఇద్దరు అధికారులు ఈ పరేడ్‌లో పాల్గొన్నారు. కంబైన్డ్‌ గ్రాడ్యుయేషన్‌ పరేడ్‌లో రాష్ట్రపతి రివ్యూయింగ్‌ ఆఫీసర్‌గా పాల్గొనడం వాయుసేన చరిత్రలో తొలిసారి కావ­డం విశేషం. కేడెట్ల నుంచి రాష్ట్రపతి ముర్ము గౌరవ వందనం స్వీకరించారు. శిక్షణలో ఉత్తమ ప్రతిభ కనబర్చినవారిని అవార్డులతో సత్కరించారు.  వైమానిక దళం ఎంతో సేవ చేసింది భారత వాయుసేనలో ఉద్యోగ జీవితం సవాళ్లతో కూడుకోవడంతోపాటు ఎంతో గౌరవప్రదమైందని రాష్ట్రపతి చెప్పారు. దేశ సేవకోసం తమ పిల్లలను పంపిన తల్లిదండ్రులకు, కేడెట్లను ఉత్తమంగా తీర్చిదిద్దేందుకు కృషి చేసిన అకాడమీ అధికారులు, సిబ్బందికి అభినందనలు తెలిపారు. సుఖోయ్‌ యుద్ధ విమానంలో భూమి నుంచి 2 కిలోమీటర్ల ఎత్తులో, గంటకు 800 కిలోమీటర్ల వేగంతో ప్రయాణించడం తనకు గొప్ప అనుభూతిని ఇచ్చిందని గుర్తుచేసుకున్నారు. ‘1948, 1965, 1971లలో జరిగిన యుద్ధాల్లో దేశాన్ని రక్షించడంలో భారత వైమానిక దళానికి చెందిన వీరులు పోషించిన గొప్ప పాత్ర సువర్ణాక్షరాలతో లిఖించబడింది. కార్గిల్‌ పోరాటంలో, బాలాకోట్‌లోని ఉగ్రవాద స్థావరాన్ని నాశనం చేయడంలో అదే సంకల్పాన్ని, నైపుణ్యాన్ని చూపారు. అందుకే భారత వైమానిక దళానికి వృత్తి నైపుణ్యం, అంకితభావానికి మారుపేరన్న ఖ్యాతి ఉంది. విపత్తుల సమయంలో మానవత్వంతో సాయం చేయడంలోనూ భారత వాయుసేనకు గొప్ప పేరుంది’ అని రాష్ట్రపతి ముర్ము చెప్పారు. భవిష్యత్‌ యుద్ధరంగంలో అత్యాధునిక సాంకేతికత ముఖ్య భూమిక పోషిస్తుందని. ఈ నేపథ్యంలో రఫెల్‌ యుద్ధ విమానాలు, చినోక్‌ హెవీ లిఫ్ట్‌ చాపర్ల వంటి సాధన సంపత్తిని వాయుసేన సమకూర్చుకుంటోందని చెప్పారు.  ఆకట్టుకున్న ఎయిర్‌ షో  పరేడ్‌ అనంతరం నిర్వహించిన ఎయిర్‌షో ఆకట్టుకుంది. పిలాటస్‌ పీసీ–7 ట్రైనర్‌ ఎయిర్‌ క్రాఫ్ట్, సుఖోయ్‌ ఎస్‌యూ–30, సారంగ్‌ హెలికాప్టర్లు, సూర్యకిరణ్‌ ఎరో­బాటిక్‌ బృందాల గగనతల ప్రదర్శనలు అలరించాయి. గవర్నర్‌ తమిళిసై పాల్గొన్నారు.  

హైదరాబాద్, బిజినెస్‌ బ్యూరో: రెండేళ్లకోసారి ప్రతిష్టాత్మకంగా జరిగే వింగ్స్‌ ఇండియా 2024 కార్యక్రమానికి తేదీలు ఖరారయ్యాయి. బేగంపేట విమానాశ్రయం వేదికగా జనవరి 18 నుంచి నాలుగు రోజులపాటు ఇది జరుగనుంది. పౌర విమానయాన శాఖ, ఎయిర్‌పోర్ట్‌ అథారిటీ ఆఫ్‌ ఇండియా, తెలంగాణ ప్రభుత్వం, ఫెడరేషన్‌ ఆఫ్‌ ఇండియన్‌ చాంబర్స్‌ ఆఫ్‌ కామర్స్, ఇండస్ట్రీ (ఫిక్కీ) సంయుక్తంగా వింగ్స్‌ ఇండియా కార్యక్రమాన్ని నిర్వహిస్తున్నాయి. పౌర విమానయాన రంగంలో ఆసియాలో ఇదే అతిపెద్ద ప్రదర్శన. 2022లో జరిగిన వింగ్స్‌ ఇండియా ప్రదర్శనలో 125 కంపెనీలు స్టాళ్లను ఏర్పాటు చేశాయి. బిజినెస్‌ టు బిజినెస్, బిజినెస్‌ టు గవర్నమెంట్‌ సమావేశాలు 364 జరిగాయి. 12 ఎయిర్‌క్రాఫ్ట్స్‌ కొలువుదీరాయి. ఇండియన్‌ ఎయిర్‌ఫోర్స్‌కు చెందిన సారంగ్‌ బృందం చేసిన ఎయిర్‌షో ప్రత్యేక ఆకర్షణ.