స్టార్ హీరో అల్లు అర్జున్.. ప్రస్తుతం 'పుష్ప 2' మూవీతో బిజీగా ఉన్నాడు. షూటింగ్ జరుగుతోంది. ఈ మధ్య కాలంలో బన్నీ నుంచి మూవీకి సంబంధించిన అప్‌డేట్స్ లాంటివి ఏం లేవు. బహుశా ఇప్పట్లో రాకపోవచ్చు. అయితే సడన్‌గా ఇన్ స్టాలో ఓ పోస్ట్ పెట్టాడు. ఎవరికీ తెలియని ఓ విషయాన్ని బయటపెట్టాడు. ఇప్పుడిది సోషల్ మీడియాలో డిస్కషన్‌కి కారణమైంది. ఇంతకీ ఏం జరిగింది? తండ్రి అల్లు అరవింద్ స్వతహాగా నిర్మాత కావడంతో చిన్నప్పటి నుంచి అల్లు అర్జున్.. సినిమా వాతావరణంలోనే పెరిగాడు. అయితే బన్నీ రెండేళ్ల వయసులో ఉన్నప్పుడే మెగాస్టార్ చిరంజీవి 'విజేత' మూవీలో నటించాడు. దీని గురించి ఫ్యాన్స్‌కి ఆల్రెడీ తెలిసే ఉంటుంది. తాజాగా ఈ సినిమా షీల్ట్‌తో అల్లు అరవింద్ ఉన్న ఫొటోని బన్నీ పోస్ట్ చేశాడు. ఓ ఫన్నీ విషయాన్ని రివీల్ చేశాడు. (ఇదీ చదవండి: ఊరమాస్‌కి కేరాఫ్.. ఆ విషయంలో ఎక్స్‌పర్ట్.. ప్రశాంత్ నీల్ సక్సెస్ సీక్రెట్ ఇదే!) డబ్బులు ఇవ్వలేదు 'నా తొలి సినిమా విజేత.. మై ప్రొడ్యూసర్(నాన్న).. ఓ మైగాడ్. ఇందులో యాక్ట్ చేసినందుకు డబ్బులు ఇవ్వలేదని ఇప్పుడు మళ్లీ గుర్తొచ్చింది' అని అల్లు అర్జున్.. ఇన్ స్టాలో స్టోరీ పెట్టాడు. అయితే ఇదంతా ఫన్నీగా ఉండటంతో నెటిజన్స్ కూడా నవ్వుకుంటున్నారు. పాన్ ఇండియా స్టార్ అయినప్పటికీ.. తండ్రి డబ్బులు ఎగ్గొట్టేశాడని బన్నీ పెట్టిన స్టోరీ ఇప్పుడు వైరల్ అవుతోంది. ఇకపోతే అల్లు అర్జున్ హీరోగా నటిస్తున్న 'పుష్ప 2'.. వచ్చే ఏడాది ఆగస్టు 11న థియేటర్లలోకి రాబోతుంది. దీని తర్వాత త్రివిక్రమ్, సందీప్ రెడ్డి వంగా లాంటి డైరెక్టర్స్‌తో బన్నీ సినిమాలు చేయబోతున్నాడు. వీళ్లిద్దరూ కాకుండా మరికొందరు డైరెక్టర్స్ కూడా లైన్‍‌లో ఉన్నారు. (ఇదీ చదవండి: 'సలార్' కలెక్షన్స్ రచ్చ.. రెండు రోజుల్లో ఏకంగా అన్ని కోట్లు)

విజేత సినిమాతో ఇండస్ట్రీలో అడుగు పెట్టిన మెగా స్టార్‌ అల్లుడు కళ్యాణ్ దేవ్ హీరోగా మరో చిత్రం రాబోతుంది. భలే భలే మగాడివోయ్, గీత గోవిందం, టాక్సీవాలా, ప్రతిరోజు పండగే వంటి విజయవంతమైన చిత్రాలను నిర్మించిన జీఏ 2 పిక్చర్స్‌ సమర్పణలో పీపుల్ మీడియా ఫాక్టరీ, అభిషేక్ అగర్వాల్ ఆర్ట్స్ ఈ చిత్రాన్ని సంయుక్తంగా నిర్మిస్తోంది. విక్టరీ వెంకటేష్ నమో వెంకటేశ, మహేష్ బాబు దూకుడు వంటి చిత్రాలకు రచనా సహకారం అందించిన శ్రీధర్‌ సీపాన ఈ చిత్రం ద్వారా దర్శకునిగా పరిచయం అవుతున్నారు. (నవిష్క..వేడుక) ఇటీవలే వెంకీ మామ వంటి ఘన విజయం సాధించిన చిత్రాన్ని నిర్మించిన పీపుల్ మీడియా ఫాక్టరీ, మరో చిత్ర నిర్మాణ సంస్థ అభిషేక్ అగర్వాల్ ఆర్ట్స్‌తో కలసి ఈ ఏడాది మార్చి నెలలో షూటింగ్ ప్రారంభం కానుంది. నిర్మాతలు టి.జి.విశ్వప్రసాద్, అభిషేక్ అగర్వాల్, వివేక్ కూచిభొట్ల ఈ చిత్రాన్ని నిర్మిస్తున్నారు. శ్రీధర్‌ ఇప్పటికే అహ నా పెళ్ళంట, పూలరంగడు, భీమవరం బుల్లోడు, లౌక్యం,సౌఖ్యం, డిక్టేటర్ వంటి పలు చిత్రాలకు కథ, మాటలు అందించిన విషయం తెలిసిందే. (‘సూపర్‌ మచ్చి’ అంటున్న చిరు అల్లుడు ) ఈ సందర్భంగా శ్రీధర్‌ సీపాన మాట్లాడుతూ..‘రచయితగా నాకున్న అనుభవంతో ఓ మంచి కథను దర్శకునిగా పరిచయం కావటానికి సిద్ధం చేసుకున్నాను. ఈ కధకు హీరో కళ్యాణ్ దేవ్ సరైన నాయకుడని అనిపించింది. ప్రేమతో కూడిన వినోద భరిత కుటుంబ కధా చిత్రంగా దీనికి రూపకల్పన చేయటం జరిగింది. హీరో పాత్ర ఎంతో ఉన్నతంగా ఉంటుంది. దర్శకునిగా నన్ను పరిచయం చేస్తున్న నిర్మాతలకు కృజ్ఞతలు. వారి గౌరవాన్ని పెంచే విధంగా ఈ చిత్రాన్ని రూపొందిస్తానని నమ్మకంగా చెప్పగలను’ అని తెలిపారు. ఈ చిత్రంలోని ఇతర నటీనటులను, సాంకేతిక వర్గం వివరాలు త్వరలో ప్రకటిస్తామని సహ నిర్మాత వివేక్ కూచిభొట్ల తెలిపారు.

‘విజేత’ చిత్రంతో హీరోగా పరిచయమయ్యారు చిరంజీవి చిన్నల్లుడు కల్యాణ్‌ దేవ్‌. సోమవారం ఆయన పుట్టినరోజు. ఈ సందర్భంగా కల్యాణ్‌ దేవ్‌ నటిస్తున్న లేటెస్ట్‌ చిత్రంలోని లుక్‌ను రిలీజ్‌ చేశారు చిత్రబృందం. పులి వాసు దర్శకత్వం వహిస్తున్న ఈ చిత్రాన్ని రిజ్వాన్‌ నిర్మిస్తున్నారు. పుట్టినరోజు సందర్భంగా మంచి పని చేయాలనుకున్న కల్యాణ్‌ దేవ్‌ అవయవ దానం చేయడానికి నిర్ణయించుకున్నట్లు ప్రకటించారు. ‘‘ఈ భూమిని వదిలి వెళ్లేటపుడు ఏం తీసుకెళ్తామని?  అందుకే ఈ స్పెషల్‌ డే సందర్భంగా ఈ నిర్ణయం తీసుకున్నా’’ అని పేర్కొన్నారు కల్యాణ్‌ దేవ్‌.  

తొలి సినిమా విజేత తోనే నటుడిగా మంచి గుర్తింపు తెచ్చుకున్న హీరో కళ్యాణ్ దేవ్ రెండో సినిమా ఖరారైంది. రిజ్వాన్ ఎంటర్టైన్మెంట్ సంస్థ ఈ సినిమాని నిర్మిస్తుంది. ఈ సినిమాతో పులి వాసు దర్శకుడిగా పరిచయం అవుతున్నాడు. ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈ సినిమా త్వరలో ప్రారంభం కానుంది. సీనియర్ నటులు రాజేంద్ర ప్రసాద్‌, నరేష్‌, పోసాని కృష్ణమురళీ, ప్రగతి కీలక పాత్రల్లో నటించనున్న ఈ సినిమాకు తమన్‌ సంగీతమందిస్తున్నారు. త్వరలో ఇతర నటీనటులు, సాంకేతిక నిపుణుల వివరాలు వెల్లడిస్తామని నిర్మాత రిజ్వాన్ తెలిపారు.

‘‘ఓ వైపు పెద్ద సినిమాలు చేస్తూనే చిన్న సినిమాలు తీస్తున్న సాయి కొర్రపాటిగారికి కంగ్రాట్స్‌. కొత్త టాలెంట్‌ని ఎంకరేజ్‌ చేస్తూ మంచి కంటెంట్‌తో చిత్రాలు తీస్తున్న ఆయనంటే నాకు చాలా గౌరవం. మంచి కథతో వస్తే వారాహి బ్యానర్‌లో సినిమా చేస్తాను’’ అని హీరో అల్లు అర్జున్‌ అన్నారు. కల్యాణ్‌ దేవ్, మాళవికా నాయర్‌ జంటగా రాకేష్‌ శశి దర్శకత్వంలో తెరకెక్కిన చిత్రం ‘విజేత’. సాయి శివాని సమర్పణలో రజనీ కొర్రపాటి నిర్మించిన ఈ చిత్రం ఈనెల 12న విడుదలైంది. ఈ సందర్భంగా ‘విజయోత్సవం’ నిర్వహించారు. అల్లు అర్జున్‌ మాట్లాడుతూ– ‘‘కల్యాణ్‌ ఫస్ట్‌ సినిమా ఎలా చేస్తాడా అనుకున్నా. ఎమోషనల్‌ సీన్స్‌లో కంట తడి పెట్టించాడు. మురళీశర్మగారు బెస్ట్‌ పెర్ఫార్మెన్స్‌ ఇచ్చారు. రాకేష్‌ శశి చాలా బాగా తీసాడు. బ్యూటీతో పాటు నటన కనబరచే కథానాయికలంటే నాకు ఇష్టం. మాళవిక వండ్రఫుల్‌గా చేశారు. సినిమా నచ్చబట్టే విజయోత్సవానికి వచ్చా. నేను, నా భార్య స్నేహ సినిమా చూశాం. క్లైమాక్స్‌ అయిపోయాక నేను ఐదు నిమిషాలు లేవలేదు. ‘దిస్‌ ఈజ్‌ ద వన్‌ ఆఫ్‌ ది బెస్ట్‌ క్లైమాక్స్‌ ఇన్‌ మై లైఫ్‌’’ అన్నారు. ‘‘విజేత’ సినిమా చూసాక కొన్ని వందల మెసేజ్‌లు పంపించారు. తండ్రీ కొడుకుల కథతో జెన్యూన్ గా మంచి సినిమా చేశారని అభినందించారు’’ అన్నారు రాకేష్‌ శశి. ‘‘ప్రేక్షకుల స్పందన బాగుంది. ‘చాలా బాగా ఏడ్చా వు’ అన్నది నాకొచ్చిన బెస్ట్‌ కాంప్లిమెంట్‌’’ అన్నారు కల్యాణ్‌ దేవ్‌. నిర్మాత సాయి కొర్రపాటి, మాళవికా నాయర్, కెమెరామెన్‌ సెంథిల్‌ కుమార్, నటులు మురళీ శర్మ, రాజీవ్‌ కనకాల, మహేశ్, సుదర్శన్, కిరీటి, భద్రం, ఆర్ట్‌ డైరెక్టర్‌ రామకృష్ణ పాల్గొన్నారు.

చిరు చిన్నల్లుడు కళ్యాణ్‌ దేవ్‌ హీరోగా వచ్చిన విజేత సినిమా మంచి టాక్‌తో విజయవంతంగా నడుస్తోంది. ఈ మూవీలోని మురళీ శర్మ, కళ్యాణ్‌ నటనకు మంచి రెస్పాన్స్‌ వస్తోంది. విశ్వనాథ్‌ సినిమాల్లోని క్లైమాక్స్‌లా ఉందని మెగాస్టార్‌ చిరంజీవి కితాబునిచ్చారు. విజేత విజయోత్సవ సభను ఆదివారం నిర్వహించారు.  ఈ కార్యక్రమానికి స్టైలీష్‌ స్టార్‌ అల్లు అర్జున్‌ ముఖ్య అతిథిగా విచ్చేశారు. బన్నీ విజేత గురించి మాట్లాడుతూ.. ‘నేను వచ్చేముందే సినిమా చూశాను. సినిమా నాకు చాలా నచ్చింది.  నచ్చకపోతే అస్సలు మాట్లాడలేను. ఫాదర్‌ సెంటిమెంట్‌ సీన్స్‌ చాలా కనెక్ట్‌ అయ్యాయి. నాకు మా ఫాదర్‌ అంటే ఇష్టముండటంతో ఆ సన్నివేశాలు చాలా బాగా నచ్చాయి. సినిమాలోని పాటలు చాలా బాగున్నాయని, ముఖ్యంగా కోడి సాంగ్‌, మాన్సారే సాంగ్‌లు నచ్చాయి. హర్షవర్ధన్‌ మ్యూజిక్‌ అంటే నాకు ఇష్టం. తను చేసిన అర్జున్‌ రెడ్డి బ్యాగ్రౌండ్‌ స్కోర్‌ చాలా బాగుంటుంది. ఈ సినిమాలో మురళీ శర్మ గారు చాలా బాగా నటించారు. ఈయన్ను అతిథి సినిమా నుంచి గమనిస్తున్నాను. చాలా బాగా యాక్ట్‌ చేస్తారు. కళ్యాణ్‌ ఎమోషనల్‌ సీన్స్‌లో ఎలా చేస్తారో అని అనుకున్నాను ,కానీ ఆటోలో మురళీ శర్మతో ఉన్న సీన్‌లో కళ్యాణ్‌ కనబడలేదు. క్యారెక్టర్‌ మాత్రమే కనబడింది. కళ్యాణ్‌ చాలా బాగా నటించారు. క్లైమాక్స్‌ చాలా బాగుంది. ట్విస్ట్‌ చాలా నచ్చింది’ అని అన్నారు. 

‘‘నేను నటించిన ‘విజేత’ టైటిల్‌తో వస్తున్న సినిమా కావడం, కల్యాణ్‌ నటించడంతో ఈ ‘విజేత’ సినిమాపై నాకు ఉత్సాహం, క్యూరియాసిటీ ఎక్కువగా ఉండేది. సినిమా చూసి చాలా ఇంప్రెస్‌ అయ్యా. సినిమా చూస్తున్నంత సేపు నన్ను నేను మరచిపోయా’’ అని హీరో చిరంజీవి అన్నారు. కల్యాణ్‌ దేవ్, మాళవికా నాయర్‌ జంటగా రాకేష్‌ శశి దర్శకత్వంలో తెరకెక్కిన చిత్రం ‘విజేత’. సాయి శివాని సమర్పణలో రజని కొర్రపాటి నిర్మించిన ఈ చిత్రాన్ని హీరో చిరంజీవి వీక్షించారు. ఈ సందర్భంగా ఆయన ‘విజేత’ టీమ్‌ని అభినందించి, విలేకరులతో మాట్లాడుతూ– ‘‘నా ఇమేజ్‌ని మార్చి ఫ్యామిలీ ఆడియన్స్‌కి దగ్గర చేసిన సినిమా ‘విజేత’. ఇప్పుడు ఈ ‘విజేత’ కూడా కుటుంబ విలువలు, తల్లిదండ్రులు–పిల్లల మధ్య ఉన్న అనుబంధం, ఆత్మీయత, వాళ్ల బాధ్యతలు ఎలా ఉండాలో చెప్పింది. నేటి యువత వేరే ఆకర్షణలతో ఫ్యామిలీని నిర్లక్ష్యం చేయడం.. తల్లిదండ్రుల పట్ల తమ బాధ్యతని సక్రమంగా నిర్వర్తించకపోవడం.. పిల్లల భవిష్యత్తుపై పేరెంట్స్‌ వర్రీ అవుతుండటం మనం చూస్తుంటాం. అలాంటి వారందరికీ ఈ సినిమా ఓ కనువిప్పు. కచ్చితంగా ఈ సినిమా చూడాలి. రాకేశ్‌ ‘విజేత’ని అద్భుతంగా తెరకెక్కించి నూటికి నూరు శాతం సక్సెస్‌ అయ్యాడు. మురళీశర్మ ప్రతి సీన్‌లో అత్యద్భుతంగా నటించి వావ్‌ అనిపించాడు. క్లైమాక్స్‌లో ఆయన హావభావాలు చూసి తోటి నటుడిగా నేను అభినందించకుండా ఉండలేకపోతున్నా. నటుడికి న్యాయం అంటూ జరిగితే ఈ సినిమాకి ఉత్తమ క్యారెక్టర్‌ అవార్డు మురళీశర్మకి రావాలి, వస్తుందనే నమ్మకం ఉంది. తనకు మంచి భవిష్యత్తు ఉందని కల్యాణ్‌ ఈ సినిమా ద్వారా నిరూపించుకున్నాడు. ‘విజేత’కి కెమెరామెన్‌ సెంథిల్‌గారు పెద్ద ఎస్సెట్‌. సాయిగారిని చూస్తే నిర్మాత అంటే ఇలా ఉండాలనిపిస్తోంది. సినిమా చూసి బయటికొచ్చేసరికి కన్నీళ్లు ఆగలేదు. క్లైమాక్స్‌లో హీరో, విలన్‌ అంటూ ఎవరూ ఉండరు. ఎమోషన్‌ మాత్రమే ఉంటుంది. విశ్వనాథ్‌గారి చిత్రాల్లోని క్లైమాక్స్‌ గుర్తొచ్చింది’’ అన్నారు. ‘‘ఈ సినిమా చేసేటప్పుడు నేను మురళీశర్మని, యాక్టర్‌ని అనే విషయం మరచిపోయా. క్లైమాక్స్‌లో నిజంగానే ఏడ్చేశా. ఈ చిత్రాన్ని  మా నాన్నకు అంకితం చేస్తున్నా. ఆయనే నా హీరో’’ అన్నారు మురళీశర్మ. ‘‘చూసిన వారందరూ మంచి సినిమా అని అభినందిస్తున్నందుకు థ్యాంక్స్‌’’ అన్నారు రాకేశ్‌ శశి. ‘‘ఇంత మంచి కథతో నా కెరీర్‌ స్టార్ట్‌ అవ్వడం వెరీ హ్యాపీ. వారాహి బ్యానర్‌లో హీరోగా పరిచయం కావడం హ్యాపీగా ఉంది’’ అన్నారు కల్యాణ్‌ దేవ్‌. నిర్మాత సాయి కొర్రపాటి, కెమెరామెన్‌ సెంథిల్‌ కుమార్‌ పాల్గొన్నారు.

సాక్షి, హైదరాబాద్‌ : మెగా ఫ్యామిలీ నుంచి వెండితెరకు పరిచయమైన హీరో కల్యాణ్‌ దేవ్‌. రాకేశ్‌ శశి దర్శకత్వంలో మెగాస్టార్‌ చిరంజీవి అల్లుడు కల్యాణ్‌ దేవ్‌ హీరోగా తాజాగా విడుదలై పాజిటీవ్‌ టాక్‌ను సొంతం చేసుకున్న చిత్రం ‘విజేత’.. నగరంలోని ప్రసాద్‌ ల్యాబ్‌లో గురువారం సాయంత్రం అల్లుడు కల్యాణ్‌ దేవ్‌ తెరంగేట్రం చేసిన విజేత మూవీని చిరంజీవి వీక్షించారు. మూవీ చాలా బాగా తీశారని దర్శకుడిని మెగాస్టార్‌ ప్రశంసించారని, తొలి సినిమా అయినా కల్యాణ్‌ దేవ్‌ ఎలాంటి ఒత్తిడి లేకుండా నటించారని చిరు కితాబిచ్చినట్లు సమాచారం. చిరుతో పాటు కల్యాణ్‌ దేవ్‌, నిర్మాత అల్లు అరవింద్‌, మురళీ శర్మ, మూవీ యూనిట్‌ సభ్యులు ‘విజేత’ స్పెషల్‌ షో చూశారు. యంగ్‌ హీరో కల్యాణ్‌ దేవ్‌ కెరీర్‌ సజావుగా సాగాలని వారు ఆకాంక్షించారు. కాగా, యాక్టింగ్‌ స్కూల్‌ నుంచి వచ్చిన ఒక వారానికే విజేత ఆఫర్‌ వచ్చిందని, కథను మామయ్యకి చెప్పగానే చాలా బాగా నచ్చిందన్నారని కల్యాణ్‌ దేవ్‌ ఇటీవల తన ఇంటర్వ్యూలో చెప్పిన విషయం తెలిసిందే. ఈ మూవీలో తండ్రి పాత్రకు మురళీ శర్మ అయితే బావుంటారని కల్యాణ్‌ దేవ్‌తో మెగాస్టార్‌ చెప్పిన మాటలు నిజమయ్యాయని టాలీవుడ్‌లో టాక్‌ వినిపిస్తోంది. సినిమాలో మురళీ శర్మ నటనకు విమర్శకుల ప్రశంసలు. సాయి కొర్రపాటి నిర్మించిన ఈ మూవీలో కల్యాణ్‌ దేవ్‌కు జోడీగా మాళవికా నాయర్‌ నటించారు. సంబంధిత కథనాలు మెగా అల్లుడి ‘విజేత’ మూవీ రివ్యూ కథ విని చిరంజీవిగారు అలా అన్నారు (ఫొటో గ్యాలరీ కోసం ఇక్కడ క్లిక్ చేయండి)

టైటిల్ : విజేత జానర్ : ఫ్యామిలీ డ్రామా తారాగణం : కల్యాణ్ దేవ్‌, మాళవిక నాయర్‌, మురళీ శర్మ, తనికెళ్ల భరణి, జయప్రకాష్‌ సంగీతం : హర్షవర్దన్‌ రామేశ్వర్‌ దర్శకత్వం : రాకేష్‌ శశి నిర్మాత : సాయి కొర్రపాటి, రజనీ కొర్రపాటి ఇప్పటికే మెగా ఫ్యామిలీ నుంచి అరడజనుకుపైగా హీరోలు సందడి చేస్తున్నారు. తాజాగా మరో మెగా హీరో వెండితెర మీద తన అదృష్టాన్ని పరీక్షించుకునేందుకు ఎంట్రీ ఇచ్చాడు. మెగాస్టార్‌ చిరంజీవి చిన్నల్లుడు కల్యాణ్‌ దేవ్‌ హీరోగా ఎంట్రీ ఇస్తుండటంతో విజేత సినిమాపై భారీ హైప్‌ క్రియేట్‌ అయ్యింది. అయితే మెగా ఫ్యామిలీ కల్యాణ్ తెరంగేట్రానికి కేవలం ఒక్క సినిమా అనుభవం మాత్రమే ఉన్న రాకేష్‌ శశిని దర్శకుడిగా ఎంచుకున్నారు. రాకేష్ చెప్పిన కథ నచ్చటంతో కల్యాణ్‌ ఎంట్రీకి ఇదే సరైన సినిమా అని ఫిక్స్‌ అయిన మెగా ఫ్యామిలీ ఓకె చెప్పింది. మరి వారి నమ్మకాన్ని దర్శకుడు నిలబెట్టుకున్నాడా..? తొలి సినిమాతో కల్యాణ్ దేవ్‌ ఆకట్టుకున్నాడా..? ఈ విజేత బాక్సాఫీస్‌ ముందు విజేతగా నిలిచాడా..?   కథ; రామ్‌ (కల్యాణ్‌ దేవ్‌) ఇంజనీరింగ్ పూర్తి చేసి ఉద్యోగాల కోసం ప్రయత్నిస్తుంటాడు. రామ్‌ తండ్రి శ్రీనివాసరావు (మురళీ శర్మ) స్టీల్‌ ఫ్యాక్టరీ లో పనిచేసే మధ్యతరగతి ఇంటిపెద్ద. కుటుంబ బాధ్యతల కోసం తనకు ఎంతో ఇష్టమైన ఫొటోగ్రఫీని పక్కన పెట్టి చిరు ఉద్యోగిగా మిగిలిపోతాడు. కానీ ఈ బాధ్యతలేవి పట్టని రామ్‌, ఫ్రెండ్స్‌తో కలిసి సరదాగా అల్లరి చేస్తూ కాలం గడిపేస్తుంటాడు. ఎదురింట్లోకి కొత్తగా వచ్చిన జైత్రను లవ్‌లో పడేసేందుకు ప్రయత్నిస్తుంటాడు. (సాక్షి రివ్యూస్‌) రామ్‌ చేసిన ఓ పని కారణంగా తీవ్ర మనోవేదనకు గురైన శ్రీనివాసరావుకు గుండెపోటు వస్తుంది. గతంలో రామ్‌ చేసిన అల్లరి పనుల కారణంగా సమయానికి అంబులెన్స్‌ డ్రైవర్‌ కూడా సహాయం చేయడు. చివరకు ఎలాగోలా తండ్రిని కాపాడుకున్న రామ్‌ ఎలాగైన జీవితంలో నిలబడాలనుకుంటాడు. మరి అనుకున్నట్టుగా రామ్‌ విజయం సాధించాడా..? తన కోసం ఇష్టా ఇష్టాలను కోరికలను త్యాగం చేసిన తండ్రి కోసం రామ్‌ ఏం చేశాడు..? అన్నదే మిగతా కథ. నటీనటులు ; విజేతతో వెండితెరకు పరిచయం అయిన కల్యాణ్ దేవ్‌ పరవాలేదనిపించాడు. తొలి సినిమాతో పెద్దగా ప్రయోగాల జోలికి పోకుండా ఎమోషనల్‌ డ్రామాను ఎంచుకున్న కల్యాణ్ నటన పరంగా తన వంతు ప్రయత్నం చేశాడు. హీరోయిన్‌గా మాళవిక నాయర్‌ ఆకట్టుకుంది. పెద్దగా పర్ఫామెన్స్‌కు స్కోప్‌ లేకపోయినా.. ఉన్నంతలో హుందాగా కనిపించి ఆకట్టుకుంది. ఇక సినిమా మేజర్‌ ప్లస్ పాయింట్‌ మురళీ శర్మ. బంధాలు బాధ్యతల మధ్య నలిగిపోయే తండ్రిగా మురళీ శర్మ అద్భుతంగా నటించాడు. కొడుకు కోసం ఏదైనా చేసేయాలనుకునే మధ్య తరగతి తండ్రి పాత్రలో మురళీ శర్మ నటన చాలా సందర్భాల్లో కంటతడి పెట్టిస్తుంది. (సాక్షి రివ్యూస్‌)ముఖ్యంగా క్లైమాక్స్‌ సీన్‌లో ఆయనే హీరోగా సినిమాను ముందుకు నడిపించాడు. హీరో ఫ్రెండ్స్‌గా సుదర్శన్‌, నోయల్‌, కిరిటీ, మహేష్‌లు ఫస్ట్‌ హాఫ్‌లో బాగానే నవ్వించారు. ఇతర పాత్రల్లో తనికెళ్ల భరణి, జయ ప్రకాష్‌, రాజీవ్‌ కనకాల తదితరులు తమ పరిధి మేరకు మెప్పించారు. విశ్లేషణ ; మెగా ఫ్యామిలీ హీరోను వెండితెరకు పరిచయం చేసే బాధ్యతను తీసుకున్న దర్శకుడు రాకేష్‌ శశి ఆ పనిని సమర్ధవం‍తంగా పూర్తి చేశాడు. కల్యాణ్ పై ఉన్న అంచనాలకు తగ్గ కథా కథనాలతో ఆకట్టుకున్నాడు. తండ్రీ కొడుకుల అనుబంధం నేపథ్యంలో ఇప్పటికే చాలా సినిమాలు వచ్చినా.. రాకేష్‌ తనదైన టేకింగ్‌ తో మెప్పించాడు. తొలి భాగం హీరో ఫ్రెండ్స్‌ మధ్య వచ్చే సరదా సన్నివేశాలతో పాటు లవ్‌ స్టోరితో నడిపించిన దర్శకుడు ద్వితీయార్థాన్ని పూర్తిగా ఎమోషనల్‌ డ్రామాగా మలిచాడు. (సాక్షి రివ్యూస్‌)చాలా సన్నివేశాల్లో రామ్‌ పాత్ర ఈ జనరేషన్‌ యువతకు ప్రతీకల కనిపిస్తుంది. మధ్య తరగతి జీవితాల్లో కనిపించే ఇబ్బందులు, సర్దుబాట్లను మనసుకు హత్తుకునేలా తెరకెక్కించిన దర్శకుడు పాత్రల ఎంపికలోనూ తన మార్క్‌ చూపించాడు. సెంథిల్‌ సినిమాటోగ్రఫి సినిమాకు మరో ప్లస్‌ పాయింట్‌. నిర్మాత సాయి కొర్రపాటి ఖర్చుకు ఏమాత్రం వెనుకాడకుండా సినిమాను నిర్మించారు. మేకింగ్‌లోనే కాదు కథల ఎంపికలోనూ వారాహి బ్యానర్‌కు తిరుగులేదని మరోసారి ప్రూవ్‌ చేశారు. హర్షవర్దన్‌ రామేశ్వర్‌ అందించిన సంగీతం బాగుంది. ఎమోషనల్‌ సీన్స్‌కు నేపథ్య సంగీతం మరింత ప్లస్‌ అయ్యింది. ఆర్ట్‌, ఎడిటింగ్‌ సినిమా స్థాయికి తగ్గట్టుగా ఉన్నాయి. ప్లస్‌ పాయింట్స్‌ ; తండ్రి కొడుకుల మధ్య వచ్చే ఎమోషనల్‌ సీన్స్‌ క్లైమాక్స్‌ మైనస్‌ పాయింట్స్‌ ; ఫస్ట్‌ హాఫ్‌లో కాస్త నెమ్మదించిన కథనం సతీష్‌ రెడ్డి జడ్డా, ఇంటర్‌నెట్‌ డెస్క్‌.                 

‘‘మెగా ఫ్యామిలీ నుంచి వస్తున్నా అనే టెన్షన్‌ని ప్రెషర్‌లా భావించకుండా ప్లెజర్‌లా తీసుకొని ఈ సినిమా చేశాను. చిరంజీవిగారు సినిమా చూడలేదు. రషెస్‌ మాత్రమే చూశారు. సినిమా ఇవాళ రిలీజ్‌ అవుతుంది. మొన్నటిదాకా చాలా టెన్షన్‌గా ఉండేది. నిన్నటి నుంచి ఎగై్జట్‌మెంట్‌గా ఉంది’’ అన్నారు కల్యాణ్‌ దేవ్‌. చిరంజీవి అల్లుడు కల్యాణ్‌ దేవ్‌ హీరోగా పరిచయం అవుతున్న చిత్రం ‘విజేత’. రాకేశ్‌ శశి దర్శకత్వంలో సాయి కొర్రపాటి నిర్మించారు. మాళవికా నాయర్‌ కథానాయిక. ఈ చిత్రం నేడు విడుదల కానుంది. ఈ సందర్భంగా కల్యాణ్‌ మీడియాతో మాట్లాడారు. ► నాకు చిన్నప్పటి నుంచి కళలంటే ఇంట్రెస్ట్‌. మా పేరెంట్స్‌ బాగా ప్రోత్సహించేవారు. స్కూల్‌ డేస్‌లో స్కెచ్చింగ్, డ్యాన్స్, డ్రామాల్లో చురుకుగా పాల్గొనేవాణ్ని. స్కూల్‌లో ఓసారి చిరంజీవిగారి చేతుల మీదగా సర్టిఫికెట్‌ కూడా తీసుకున్నాను. ఇంజినీరింగ్‌ కంప్లీట్‌ అవ్వగానే బాలీవుడ్‌ సినిమా ఆఫర్‌ వచ్చింది. అయితే అది కుదర్లేదు.   ► ‘విజేత’ సినిమా చేసే ముందు ఇండస్ట్రీలో నిలబడాలి, ఇలా చేయాలి, అలా చేయాలి అనే  లాంగ్‌ టెర్మ్‌ గోల్స్‌ ఏం ఆలోచించలేదు. ఎంజాయ్‌ చేస్తూ చేశాను. యాక్టింగ్‌ స్కూల్‌ నుంచి వచ్చిన ఒక వారానికే ఈ ఆఫర్‌ వచ్చింది. విన్న వెంటనే నచ్చింది. ఒక కథ ఉంది అని మామయ్యగారికి చెప్పగానే ఆయన కూడా విన్నారు. ఆయనకూ చాలా బాగా నచ్చింది. ఆయన చెప్పిన ఒకే ఒక్క సజెషన్‌.. ఇందులో తండ్రి పాత్రకు మురళీ శర్మ అయితే బావుంటారని. అంతకు మించి ఏమీ చెప్పలేదు. ► చిరంజీవిగారికి ఉన్న ఎక్స్‌పీరియన్స్‌ మనందరికీ తెలిసిందే. నాకు కథ నచ్చింది,  ఆయన కూడా కాన్ఫిడెంట్‌గా ఉండటంతో కళ్లు మూసుకొని ఈ సినిమా చేసేశాను. మన పక్కింటి కుర్రాడిలా ఉంటుంది నా పాత్ర. ఆకతాయిగా ఏ లక్ష్యం లేకుండా తిరిగే పాత్ర నాది. రొటీన్‌ లైన్‌ అయినప్పటికీ చాలా ఫ్రెష్‌గా హ్యాండిల్‌ చేశాడు డైరెక్టర్‌ రాకేశ్‌. ► సినిమా స్టార్ట్‌ చేసిన ఫస్ట్‌డే ఏమీ అనిపించలేదు కానీసెకండ్‌ డే చాలా నెర్వస్‌గా అనిపించింది. రెండు పేజీల డైలాగ్‌ చెప్పాలి. మెల్లి మెల్లిగా వారానికి సెట్‌ అయిపోయాను. ► సత్యానంద్‌గారి దగ్గర ట్రైన్‌ అవుతున్నప్పుడు మా బ్యాచ్‌ ఫొటోలు పంపించారు. దాంట్లో సాయి కొర్రపాటిగారు నన్ను సెలెక్ట్‌ చేశారు. ‘ఈ కుర్రాడివి ఇంకొన్ని ఫొటోలు పంపించండి’ అంటే సత్యానంద్‌గారు చిరంజీవిగారి అల్లుడు అని చెబితే మామయ్యని అప్రోచ్‌ అయ్యారు. బిజినెస్, సినిమా ఏది ఈజీ అంటే ప్రస్తుతానికి సినిమాలు అంటానేమో. ► నెక్ట్స్‌ సినిమా ఏంటని ఇంకా డిసైడ్‌ అవ్వలేదు. ఒకే జానర్‌కి స్టిక్‌ అయిపోవాలని లేదు.

‘‘విజేత’ కథ కొత్తవారికైనా, ఎస్టాబ్లిష్డ్‌ హీరోలకైనా సరిపోతుంది. ఏ హీరో అంటే ఆ హీరో అని మా నిర్మాత నాకు ఫ్రీడమ్‌ ఇచ్చారు. అప్పుడు నేను వైజాగ్‌ సత్యానంద్‌గారి దగ్గరకు వెళ్లి ‘ఈ బ్యాచ్‌లో ఎవరైనా కొత్తవారు ఉన్నారా?’ అని అడిగా. ఆయన నాకు కల్యాణ్‌గారి గురించి చెప్పారు. కల్యాణ్‌గారు చిరంజీవిగారి అల్లుడని అప్పుడే మాకు తెలిసింది’’ అని దర్శకుడు రాకేష్‌ శశి అన్నారు. కల్యాణ్‌ దేవ్, మాళవికా నాయర్‌ జంటగా సాయి శివాని సమర్పణలో రజని కొర్రపాటి నిర్మించిన ‘విజేత’ రేపు విడుదలవుతోంది. ఈ సందర్భంగా రాకేష్‌ శశి పంచుకున్న విశేషాలు...  ∙నేను ఎమ్మెస్సీ ఇండస్ట్రియల్‌ ఎలక్ట్రానిక్స్‌ చేశా. 2006లో హైదరాబాద్‌ వచ్చాను. 2007లో రాఘవేంద్రరావుగారి టీవీ షో ‘రేపటి దర్శకులు’లో టాప్‌ టెన్‌లో ఉన్నా. ‘రక్తచరిత్ర’లో డైలాగ్‌ వెర్షన్‌ రాశాను. పరుచూరి బ్రదర్స్, చిన్నికష్ణగారి వద్ద పనిచేశాను. ‘రుద్రమదేవి’ చిత్రానికి డైరెక్షన్‌ డిపార్ట్‌మెంట్‌లో పనిచేస్తూ, బయటికి వచ్చాను. ∙తండ్రీ కొడుకుల మధ్య సాగే కథే ‘విజేత’. మనలో ఉన్న 90 శాతం మంది కథ ఇది. మన దేశంలో మధ్య తరగతి కుటుంబాలు ఎక్కువ. ఆ జర్నీలోని బాధలు, సంతోషాలు, అవమానాలన్నింటినీ ప్రతిబింబిస్తుంది. శ్రీనివాసరావు అనే ఫ్యాక్టరీ ఉద్యోగి, అతని కొడుకు ఇంజినీరింగ్‌ గ్రాడ్యుయేట్‌ అయిన రామ్‌ పాత్రలు హైలైట్‌. వాళ్ల ఫ్యామిలీ ఎలాంటి పరిస్థితులను దాటుకుని ముందడుగేసింది అనేది సినిమా.   ∙చిరంజీవిగారి ‘విజేత’ చిత్రానికీ, మా ‘విజేత’కు ఎక్కడా పోలికలు ఉండవు. చాలా టైటిల్స్‌ అనుకున్నాం. ఒక మనిషి విజయం మీదనే కథ సాగుతుంది కాబట్టి ‘విజేత’ అని ఫిక్స్‌ చేశాం. చిరంజీవిగారి పర్మిషన్‌ తీసుకునే ఈ టైటిల్‌ పెట్టాం.  ∙‘విజేత’ కథను ముందు కల్యాణ్‌గారికి చెప్పా. రెండు రోజుల దాకా ఆయన్నుంచి ఎలాంటి స్పందనా లేకపోవడంతో నచ్చలేదేమో అనుకున్నా. ఒక రోజు ఫోన్‌ చేసి చిరంజీవిగారికి కథ చెప్పమన్నారు. సరేనని వెళ్లా. చిరంజీవిగారు కథ మొత్తం విని ‘నువ్వు నాకు ఏం చెప్పావో అది తియ్‌  చాలు’ అన్నారు. డీఐ కాకముందు ఓసారి సినిమా చూశారు. ఆయనకు చాలా బాగా నచ్చింది. ∙కల్యాణ్‌గారు చాలా హోమ్‌ వర్క్‌ చేశారు. కొత్త విషయాలను నేర్చుకోవాలనే తత్వం ఉంది. మాళవిక ఇందులో ఇండిపెండెంట్‌ విమెన్‌గా నటించారు. ఈ చిత్రకథ కల్పన కాదు. నేను పుట్టిందే మిడిల్‌ క్లాస్‌లో. నా ఫ్రెండ్స్‌ చాలామంది మిడిల్‌ క్లాస్‌కి చెందినవాళ్లే. నా 12 ఏళ్లప్పుడు మా నాన్న చనిపోయారు. నేను చూసిన జీవితం ఈ సినిమాలో ఉంటుంది. 

మెగాస్టార్ చిరంజీవి చిన్నల్లుడు కల్యాణ్‌ దేవ్‌ హీరోగా వెండితెరకు పరిచయం అవుతున్న సంగతి తెలిసిందే. 2015లో జతకలిసే సినిమాతో దర్శకుడిగా పరిచయం అయిన రాకేష్ శశి డైరెక్షన్‌లో ‘విజేత’ సినిమాతో కల్యాణ్ హీరోగా ఎంట్రీ ఇస్తున్నాడు. ఈ గురువారం ప్రేక్షకుల ముందుకు వస్తున్న విజేత సినిమాకు సంబంధించిన విశేషాలను దర్శకుడు రాకేష్‌ శశి మీడియాతో పంచుకున్నారు. తొలిచిత్రం ‘జతకలిసే’ సమయంలోనే సాయి కొర్రపాటి గారితో పరిచయం ఏర్పడింది. అప్పడే వారాహి చలనచిత్రం బ్యానర్‌లో సినిమా చేయాలన్నారు. ఈ లోగా సాయి గారు ఇతర సినిమాల్లో బిజీ కావటంతో ప్రాజెక్ట్ ఆలస్యమైంది. ఫైనల్‌గా మూడేళ్ల తరువాత విజేతతో ప్రేక్షకుల ముందుకు వస్తున్నాం.   విజేత, కల్యాణ్ దేవ్‌ కోసం రాసుకున్న కథ కాదు. ముందే కథ తయారు చేసుకున్నాం. హీరో కోసం వెతుకుతున్న సమయంలో వైజాగ్‌ సత్యానంద్‌ గారి ద్వారా కల్యాణ్ గురించి తెలిసింది. కల్యాణ్‌ను మా సినిమా ద్వారా పరిచయం చేయటం ఆనందంగా ఉంది. కల్యాణ్ రిచ్‌ ఫ్యామిలీలో పెరిగారు. మధ్య తరగతి జీవితాలు ఎలా ఉంటాయో ఆయనకు తెలియదు. అందుకే ఈ సినిమాలో క్యారెక్టర్ కోసం చాలా హోం వర్క్‌ చేశారు.   సినిమా కథ.. టీజర్‌, ట్రైలర్‌లలో చూపించినట్టుగా తండ్రీ కొడుకుల అనుబంధం నేపథ్యంలోనే సాగుతుంది. అంతేకాదు మధ‍్య తరగతి కుటుంబాల్లోని అనుబంధాలు, ప్రేమలు, కష్టాలు, సర్థుబాట్లు అన్నిచూపించాం. అందుకే ప్రతీ ఒక్కరి జీవితంతో విజేత కనెక్ట్‌ అవుతుందని నమ్మకంగా చెప్పగలుగుతున్నాం.   శ్రీనివాస రావు అనే ఫ్యాక్టరీ ఎంప్లాయ్‌ ఆయన కొడుకు, ఇంజనీరింగ్ పూర్తి చేసిన నిరుద్యోగి రామ్‌ల మధ్య జరిగే కథే విజేత. తండ్రి ఆశయం నిలబెట్టే కొడుకు కథ ఇది. అయితే గతంలో ఇలాంటి కథతో చాలా సినిమాలు వచ్చినా విజేత కొత్తగా అనిపిస్తుంది. సమాజంలోని 90 శాతం మంది జీవితాలను మా సినిమా ప్రతిభింబిస్తుంది. ఓ గొప్ప వ్యక్తి గెలుపు కన్నా, సామాన్యుడి విజయాన్ని ప్రేక్షకుల ఎక్కువగా ఎంజాయ్‌ చేస్తారు. అలాంటి సామాన్యుడి కథే విజేత. అందుకే ఆ టైటిల్ ఫిక్స్‌ చేశాం.   కల్యాణ్ తో సినిమా అనుకున్న తరువాత సాయి గారితో కలిసి చిరంజీవి గారికి కథ వినిపించాం. పూర్తి స్క్రిప్ట్‌ (స్క్రీన్‌ప్లే, డైలాగ్స్‌తో సహా) విన్న తరువాతే చిరంజీవి గారు ఓకె చెప్పారు. ఆ తరువాతే సినిమా మొదలైంది. టైటిల్‌ తప్ప చిరంజీవి గారి సినిమాలకు సంబంధించిన అంశాలేవి విజేతలో కనిపించవు. ఇది పూర్తిగా కల్యాణ్‌ సినిమాలాగే ఉంటుంది. చిరంజీవి గారికి కథ వినిపించాలన్న కోరిక ఉండేది. ఆయనతో సినిమా చేయకపోయినా.. నా రెండో సినిమాకే ఆయనకు కథ వినిపించే అవకాశం రావటం ఆనందంగా ఉంది.    గత చిత్రాల్లో మాళవిక నటన నాకు చాలా బాగా నచ్చింది. విజేతలో హీరోయిన్‌ పాత్రకు ఆమె అయితే పర్ఫెక్ట్‌ అన్న నమ్మకంతో ఆమెను సెలెక్ట్ చేసుకున్నాం. మా నమ్మకాన్ని మాళవిక నిలబెట్టారు. సినిమాలో ఆమె స్ట్రాంగ్‌, ఇండిపెండెంట్‌ అమ్మాయిగా కనిపిస్తారు.   నేను మిడిల్‌ క్లాస్‌ ఫ్యామిలీ నుంచి వచ్చాను. నాకు 12 ఏళ్ల వయసుల్లో మా ఫాదర్ చనిపోయారు. చిన్నతనంలో ఫ్యామిలీకి చెడ్డపేరు రాకుండా ఉండేందుక మేం చాలా కష్టపడ్డాం. అలాంటి సందర్భాలు సినిమాలో ప్రతిభింబిస్తాయి. పూర్తిగా అదే నేపథ్యం మాత్రం కాదు. తరుపరి చిత్రం ఇంకా ఫైనల్ కాలేదు. ప్రస్తుతం విజేత రిలీజ్‌, రిజల్ట్‌కోసం ఎదురు చూస్తున్నాం.

‘‘నేను ఇప్పటి వరకు చేసిన ప్రతీ క్యారెక్టర్‌ డిఫరెంట్‌గా ఉంటుంది. ‘ఎవడే సుబ్రహ్మణ్యం, కళ్యాణ వైభోగమే, మహానటి’ ఇలా సినిమా సినిమాకు డిఫరెంట్‌గా ఉండాలనుకుంటా. సినిమాలో నా పాత్ర వల్ల కథకు ప్లస్‌ అవ్వాలని కోరుకుంటాను. అందుకే క్యారెక్టర్స్‌ ఎంచుకునే విషయంలో చాలా జాగ్రత్తగా ఉంటాను’’ అని మాళవికా నాయర్‌ అన్నారు. చిరంజీవి అల్లుడు కల్యాణ్‌ దేవ్‌ని హీరోగా పరిచయం చేస్తూ రాకేశ్‌ శశి దర్శకత్వంలో సాయి కొర్రపాటి రూపొందించిన చిత్రం ‘విజేత’. ఇందులో మాళవికా నాయర్‌ కథానాయిక. ఈ చిత్రం ఈ నెల 12న విడుదల కానుంది. ఈ సందర్భంగా మాళవిక మాట్లాడుతూ– ‘‘విజేత’ సినిమాలో పక్కింటి అమ్మాయి పాత్రలో కనిపిస్తాను. చేసే పనిలో కాన్ఫిడెన్స్, క్లారిటీ ఉన్న క్యారెక్టర్‌. నా పాత్రకు కంప్లీట్‌ అపోజిట్‌గా కల్యాణ్‌ పాత్ర ఉంటుంది. జులాయిగా, ఏ లక్ష్యం లేకుండా తిరుగుతుంటాడు. కల్యాణ్‌ దేవ్‌ చాలా హానెస్ట్‌. సింపుల్‌గా ఉంటాడు. శ్రీజ సెట్స్‌కి వచ్చేవారు. జనరల్‌గా నా పాత్రకు నేనే డబ్బింగ్‌ చెప్పుకుంటాను. కానీ ఈ సినిమాలో చెప్పుకోవడం కుదరలేదు. ఫ్యూచర్‌లో నా గొంతే వినపించడానికి ట్రై చేస్తాను. నా పదో తరగతి నుంచే యాక్ట్‌ చేస్తున్నాను. ప్రస్తుతం గ్రాడ్యుయేషన్‌ సెకండ్‌ ఇయర్‌లో ఉన్నాను. మూవీస్‌ను, స్టడీస్‌ను బాలెన్స్‌ చేస్తున్నాను. స్విమ్మింగ్‌ బాగా చేస్తాను. మా కాలేజ్‌ తరఫున స్విమ్మింగ్‌ ప్లేయర్‌ని. ‘మహానటి’ సినిమాలో జెమినీ గణేశన్‌ మొదటి భార్య అలమేలుగా నటించాను. పాత్ర చాలా చిన్నది, డైలాగ్స్‌ కూడా చాలా తక్కువ ఉంటాయి. అయినా  సావిత్రి గారి బయోపిక్‌కు నో అని ఎవరు చెప్తారు? ఆల్రెడీ నాగ్‌ అశ్విన్‌తో ‘ఎవడే సుబ్రహ్మణ్యం’ చేయడం కూడా ఓ కారణం. హీరోయిన్స్‌లో నేను రోల్‌ మోడల్‌గా ఫీల్‌ అయ్యేది మలయాళ నటి పార్వతిని. క్యారెక్టర్‌ క్యారెక్టర్‌కి తను భలే మారిపోతుంది. చేసే ప్రతి పాత్రను చాలెంజింగ్‌గా తీసుకుని, రీసెర్చ్‌ చేసి చేస్తుంది. ‘మహానటి’ సినిమాలో ‘అలమేలు’ పాత్రకు నేను కూడా బాగా రీసెర్చ్‌ చేశాను. విజయ్‌ దేవరకొండతో యాక్ట్‌ చేసిన ‘టాక్సీవాలా’ రిలీజ్‌కు రెడీగా ఉంది. ప్రస్తుతం తమిళంలో ఓ సినిమా చేస్తున్నాను’’ అన్నారు.

చిరు చిన్నల్లుడు కళ్యాణ్‌ దేవ్‌ హీరోగా ప్రేక్షకులను పలకరించేందుకు రెడీ అవుతున్నారు. మెగాస్టార్‌ చిరంజీవి నాటి సూపర్‌ హిట్‌ మూవీ ‘విజేత’ టైటిల్‌తో రాబోతున్న ఈ సినిమాలో తండ్రీకొడుకుల మధ్య జరిగే సన్నివేశాలే హైలెట్‌గా నిలవనున్నాయి.  విజేత ట్రైలర్‌, సాంగ్స్‌కు సోషల్‌ మీడియాలో పాజిటివ్‌ రెస్పాన్స్‌ వస్తోంది. ఈ సినిమా సెన్సార్‌ కార్యక్రమాలను పూర్తి చేసుకుంది. క్లీన్‌ యూ సర్టిఫికెట్‌ పొందిన ఈ సినిమా జూలై 12న ప్రేక్షకుల ముందుకు రాబోతోంది. ఈ సినిమాలో మాళవిక నాయర్‌ హీరోయిన్‌గా నటిస్తున్నారు. వారాహి సంస్థ నిర్మించిన ఈ సినిమాకు రాకేశ్‌ శశి దర్శకత్వం వహించారు. 

‘‘ప్రతి సినిమాకు చాలెంజెస్‌ ఉంటాయి. ‘బాహుబలి’ సినిమాకు ఆ రేంజ్‌ చాలెంజ్‌లు ఉంటాయి. చిన్న సినిమాలకు ఆ సినిమా స్థాయిలోనే కష్టాలుంటాయి. అది దర్శకుడి విజన్‌ కావొచ్చు, నిర్మాతవైపు నుంచి కావచ్చు. ‘విజేత’ సినిమా చేస్తున్నప్పుడు నా కెరీర్‌ బిగినింగ్‌లో చేసిన ‘ఐతే’ సినిమా రోజులు గుర్తుకు వచ్చాయి. ‘బాహుబలి’ తర్వాత ఈ సినిమా నాకు మరో గ్రేట్‌ ఎక్స్‌ పీరియన్స్‌’’  అన్నారు ఛాయాగ్రాహకుడు కె. సెంథిల్‌కుమార్‌. చిరంజీవి అల్లుడు కల్యాణ్‌ దేవ్‌ హీరోగా పరిచయం అవుతున్న చిత్రం ‘విజేత’.  రాకేశ్‌ శశి దర్శకత్వంలో సాయి కొర్రపాటి నిర్మించిన ఈ చిత్రం ఈ నెల 12న రిలీజ్‌ కానుంది. ఈ సందర్భంగా చిత్రఛాయాగ్రాహకుడు కె.సెంథిల్‌ కుమార్‌ చెప్పిన విశేషాలు. ► సంక్రాంతికి రాజమౌళిగారిని కలిసినప్పుడు సాయి కొర్రపాటిగారు ‘ఓ మంచి కథ ఉంది వినండి’ అన్నారు. రాకేశ్‌ శశి చెప్పిన కథ నాకు బాగా నచ్చింది.అందులో చాలా ఎమోషన్స్‌తో పాటు కనెక్ట్‌ అయ్యే  సన్నివేశాలున్నాయి. తండ్రీ కొడుకుల మధ్య జరిగే ఓ మిడిల్‌ క్లాస్‌ స్టోరీ ఇది. ► అన్ని సినిమాలు పేరు కోసమే చేయలేం. క్రికెట్‌ అంటే ఇష్టంతో ‘గోల్కొండ హై స్కూల్‌’ సినిమా చేశాను. ఆ సినిమా చేస్తున్నప్పుడు పేరొస్తుందని చేయలేదు. అలాగే ఈ సినిమా నచ్చడంతో చేశా. ► కల్యాణ్‌ దేవ్‌లో నటుడిగా చాలా పరిణితి చూశాను. ఫస్ట్‌ డే షూట్‌లో కంఫర్ట్‌గా ఫీల్‌ అయినట్టు కనిపించలేదు. సినిమా పూర్తయ్యేసరికి కాన్ఫిడెన్స్‌ లెవల్‌ బాగా పెరిగింది. కల్యాణ్‌ హార్డ్‌ వర్కింగ్‌ పర్శన్‌. ఏదైనా త్వరగా నేర్చుకుంటాడు. ప్యూచర్‌లో పెద్ద నటుడు అవుతాడు. నటనలో తను తీసుకునే జాగ్రత్తలు అలాంటివి. ► రాకేశ్‌కి తనేం చేస్తున్నాడనే విషయం మీద  క్లారిటీ ఉంది. దాని వల్లే సినిమాను ఈజీగా హ్యాండిల్‌ చేయగలిగాడు. డైరెక్టర్‌ ఏం చెప్పాలనుకున్నాడో దాన్ని తెర మీదకు తీసుకురావడానికే నేను ప్రయత్నిస్తాను. ► ‘బాహుబలి’ తర్వాత తెలుగులోనే కాదు బాలీవుడ్‌ నుంచీ  చాలా అవకాశాలొచ్చాయి. కానీ నేను ఎదురుచూస్తున్న కథ రాకపోవడంతో హిందీ వైపు వెళ్లలేదు. వరల్డ్‌ క్లాస్‌ టెక్నాలజీతో మనమే సినిమాలు చేస్తున్నాం. అలా అని హిందీ సినిమాలు చేయనని కాదు, నచ్చితే చేస్తా. ► తెలుగులో ప్రస్తుతం గోల్డెన్‌ íపీరియడ్‌ నడుస్తోంది. ‘బాహుబలి, ఘాజీ, అర్జున్‌ రెడ్డి, గరుడవేగ, మహానటి’ లాంటి వైవిధ్యమైన సినిమాలు వస్తున్నాయి. ప్రేక్షకులు కొత్త సినిమాలను ఆదరించడంతో దర్శకులు కొత్త కథలు చెప్పడానికి చూస్తున్నారు. ఇండియన్‌ సినిమా అంటే తెలుగు సినిమా అనే రోజు తప్పకుండా వస్తుంది. ► ప్రతి టెక్నీషియన్‌కు డైరెక్టర్‌ కావాలనుంటుంది. ఏ టెక్నీషియన్‌ అయినా డైరెక్టర్‌ కథని స్క్రీన్‌ మీద చెప్పడానికి సహకారం మాత్రమే అందిస్తారు. అందుకే డైరెక్టర్‌ కావాలని అందరూ అనుకుంటారు. నేను డైరెక్టర్‌ అవుతాను. కానీ ఎప్పుడవుతానో కచ్చితంగా చెప్పలేను.                                                                   కల్యాణ్‌ దేవ్, మాళవిక

చిరు చిన్నల్లుడు కళ్యాణ్‌ దేవ్‌ టాలీవుడ్‌కు ఎంట్రీ ఇచ్చేందుకు రెడీ అ​య్యారు. మెగాస్టార్‌ చిరంజీవీ సూపర్‌ హిట్‌ మూవీ ‘విజేత’ను టైటిల్‌గా పెట్టుకుని వస్తోన్న ఈ సినిమాపై అంచనాలు పెరుగతూ ఉన్నాయి. ఆదివారం జరిగిన ఆడియో ఫంక్షన్‌లో సినిమాకు సంబంధించిన ఆసక్తికర విషయాలు అభిమానులతో పంచుకున్నారు విజేత టీమ్‌.  నిన్న విడుదల చేసిన ట్రైలర్‌కు పాజిటివ్‌ రెస్పాన్స్‌ వస్తోంది. సోషల్‌ మీడియా, యూ ట్యూబ్‌లో టాప్‌ ట్రెండ్‌లో నడుస్తోంది. సినిమాకు డైలాగ్‌లు, మ్యూజిక్‌, సినిమాటోగ్రఫీ ప్లస్‌ అయ్యేలా ఉన్నాయి. ఎలాగో మెగా అభిమానుల సపోర్ట్‌ ఉంది కాబట్టి, సినిమా విడుదలయ్యాక పాజిటివ్‌టాక్‌ వచ్చి మొదటి సినిమానే సూపర్‌ హిట్‌ అయితే ఇక కళ్యాణ్‌ దేవ్‌ కెరీర్‌కు ఏ అడ్డు ఉండదు. హర్షవర్దన్‌ రామేశ్వర్‌ సంగీతాన్ని సమకూర్చగా, రాకేశ్‌ శశి దర్శకత్వం వహించారు. ఈ మూవీలో మాళవిక నాయర్‌ హీరోయిన్‌గా నటిస్తోంది. వారాహి చలన చిత్రంపై నిర్మించిన ఈ సినిమా జులై​ 12న ప్రేక్షకుల ముందుకు రాబోతోంది.  

‘‘చిన్నప్పటి నుంచి యాక్టింగ్‌ అంటే ఇంట్రెస్ట్‌ అని నాతో కల్యాణ్‌ దేవ్‌ ఓసారి చెప్పాడు. ‘సినిమా అన్నది మహా సముద్రం లాంటిది. ఎంత మందినైనా తనలో చేర్చుకుంటుంది. సినిమాకు మనం ఏం ఇస్తున్నాం? అన్నదాని మీద మన భవిష్యత్తు ఆధారపడి ఉంటుంది. గ్లామర్‌ ఉంది. నీలో ఆ జోష్‌ ఉందా? లేదా? తపన ఉందా?  లేదా? ఎంత స్థాయిలో ఉంది? అన్నదాని మీద నీ భవిష్యత్తు ఆధారపడి ఉంటుంది’ అని చెప్పాను’’ అన్నారు చిరంజీవి. వారాహి చలనచిత్రం బ్యానర్‌పై చిరంజీవి చిన్న అల్లుడు కల్యాణ్‌ దేవ్‌ని హీరోగా పరిచయం చేస్తూ సాయి కొర్రపాటి నిర్మించిన చిత్రం ‘విజేత’. రాకేశ్‌ శశి దర్శకత్వంలో రూపొందిన ఈ చిత్రంలో మాళవికా నాయర్‌ హీరోయిన్‌. హర్షవర్థన్‌ రామేశ్వర్‌ సంగీత దర్శకుడు. చిరంజీవి ముఖ్య అతిథిగా హాజరైన ఈ చిత్రం ఆడియో ఫంక్షన్‌ ఆదివారం హైదరాబాద్‌లో జరిగింది. ఈ సందర్భంగా చిరంజీవి మాట్లాడుతూ – ‘‘విజేత’ టైటిల్‌ పెట్టిన వెంటనే నేను చేసిన ‘విజేత’ గుర్తుకు వచ్చింది. ఆ కథకు, ఈ కథకు చాలా సిమిలారిటీస్‌ ఉంటాయి. ఫస్ట్‌ హియరింగ్‌లోనే చాలా నచ్చింది. ‘చక్కటి కుటుంబ కథా చిత్రం. తండ్రీ కొడుకుల మధ్య రిలేషన్‌షిప్‌ మనసుకు హత్తుకునేలా ఉంది. కచ్చితంగా సక్సెస్‌ అవుతుంది. గో ఎహెడ్‌’ అన్నాను. అప్పట్లో మాస్‌ యాక్షన్‌ సినిమాలు చేసేప్పుడు అరవింద్‌గారు నాకు ‘విజేత’ కథ వినిపించినప్పుడు కొంచెం బెరుకుగా అనిపించింది. అభిమానులను ఎంత మేరకు ఆకట్టుకుంటుంది అనుకున్నాను. ఆ సినిమా కొత్త ఆడియన్స్‌ కోసం, ఫ్యామిలీ ఆడియన్స్‌ కోసం చేశాం. అంతకంత ఆదరణ లభించింది. ఎలాంటి ఇమేజ్‌ లేని కల్యాణ్‌కు కొత్త ఆడి యన్స్, అభిమానం లభిస్తుందని నమ్ముతున్నాను. కంట తడి పెట్టించే సీన్స్‌ రాకేశ్‌ అద్భుతంగా తెరకెక్కించాడు. తన మార్క్‌తో ఆద్యంతం ఎంటర్‌టైన్‌ చేశాడు. దర్శక–నిర్మాతలు అమ్మ, నాన్నలు లాంటి వాళ్లు అంటారు. రాను రాను నిర్మాత పాత్ర క్యాషియర్‌లాగా అయిపోయింది. డబ్బులు పెట్టడం తప్ప తను ఇన్వాల్వ్‌ అవ్వడం కానీ, తనని ఇన్వాల్వ్‌  చేయడం కానీ లేదు. ఇలాంటి రోజుల్లో సాయిగారు కథల్లో మంచి అభిరుచి ఉన్న నిర్మాత. ఈ కథను ఎంతమందికి అందించగలం? ఆడియన్స్‌ని ఎలా అలరించాలి? మన బ్యానర్‌ని నెక్ట్స్‌ లెవెల్‌కి ఎలా తీసుకువెళ్లాలని ఆలోచించే నిర్మాత కొర్రపాటి సాయిగారు. ఆయన తీసిన ‘ఈగ’, జో అచ్యుతానంద, లెజెండ్‌’ చాలా బావుంటాయి. అలాంటి నిర్మాతలు ఇండస్ట్రీలో ఉండాలి. సెంథిల్‌ కెమెరా అంటే విజువల్స్‌ పరంగా చూసుకునే పని ఉండదు. సాంగ్స్‌ అన్నీ బాగున్నాయి. ‘కొ కొ కోడి...’ నా ఫేవరేట్‌ సాంగ్‌. సినిమాల్లోకి ఎవరూ వెల్కమ్‌ చేయరు. ట్రైనింగ్‌ తీసుకుని ప్రయత్నించు అని కల్యాణ్‌తో అన్నాను. సత్యానంద్‌ దగ్గర తీసుకున్నాడు. ట్రైనింగ్‌లో ప్లస్‌లు మైనస్‌లు తెలుసుకున్నాడు. ఎంతో పరిణితితో చేశాడు. డ్యాన్స్‌ బాగా చేశాడు. రొమాంటిక్‌ సీన్స్‌ చెప్పనక్కర్లేదు. రాకేశ్‌ తనకు కావల్సింది రాబట్టాడు. మాళవికా కొంటెగా, ఇంటెన్స్‌గా చేసింది. ఇందాక రాజమౌళి చెప్పినట్టు ఆ ‘విజేత’ ఎంత సక్సెస్‌ ఆయ్యిందో ఈ సినిమా కూడా అంతే సక్సెస్‌ అవ్వాలి. ఈ సినిమాను జూలై 12న విడుదల చేస్తున్నాం. తేజ్‌ సినిమా 6న ఉంది. అభిమానులు ఆ సినిమా చూస్తారు, ఈ సినిమా చూస్తారు. వాడికీ ఆశీస్సులు లభిస్తాయి. కల్యాణ్‌కీ ఆశీస్సులు లభిస్తాయి’’ అన్నారు. కల్యాణ్‌ దేవ్‌ మాట్లాడుతూ – ‘‘సాయిగారు చాలా మందిని ఇండస్ట్రీకి పరిచయం చేశారు. నేను వాళ్ల లాగే సక్సెస్‌ అవ్వాలని అనుకుంటున్నాను. రాకేశ్‌కి క్లారిటీ ఉంది. ప్రతీ ఫ్రేమ్‌ బాగా తీశారు. సెంథిల్‌గారు చాలా కూల్‌. మ్యూజిక్‌ హర్షవర్థన్‌ రామేశ్వర్‌ అమేజింగ్‌ ఆల్బమ్‌ ఇచ్చారు. మీ (ప్రేక్షకులు) బ్లెస్సింగ్స్‌ నాకు ఉంటాయని అనుకుంటున్నాను’’ అన్నారు. రాజమౌళి మాట్లాడుతూ– ‘‘చిరంజీవిగారు మంచి యాక్టర్, డ్యాన్సర్, ఫైటర్‌. అది అందరికీ తెలిసిందే. ఆయన స్టోరీని బాగా జడ్జ్‌ చేయగలుగుతారు. స్టోరీ విన్న వెంటనే ఏది తగ్గించాలి? పెంచాలి అని చెబుతారు. ‘మగధీర’ కథ ఫస్ట్‌ చిరంజీవిగారికే చెప్పాను. ఆయన అప్రూవ్‌ తీసుకొనే చేశాం. ఈ సినిమా కూడా ఆయనకు నచ్చాకే చేశారు. అదే బిగ్గెస్ట్‌ కాన్ఫిడెన్స్‌. చిన్న సినిమా అయినా క్వాలిటీ విషయంలో సాయిగారు ఎక్కడా తగ్గలేదు. సాంగ్స్‌ చాలా బావున్నాయి. అప్పుడు ‘విజేత’ చిరంజీవిగారికి ఎంత సక్సెస్‌ తెచ్చిందో, ఈ సినిమా కూడా కల్యాణ్‌కి అంతే సక్సెస్‌ తేవాలి’’ అన్నారు. అల్లు అరవింద్‌ మాట్లాడుతూ – ‘‘చిరంజీవి వరుసగా యాక్షన్‌ పిక్చర్స్‌ చేస్తున్నపుడు ‘విజేత’ సినిమా కథ విన్నాను. నచ్చింది చేయాలనుకున్నాను. చిరంజీవిని అడిగితే ‘నీ మనసుకు నచ్చింది చెయ్‌’ అన్నారు. సినిమా పెద్ద హిట్‌ అయింది. ఇప్పుడు అదే టైటిల్‌తో వస్తున్న ఈ సినిమా కూడా సక్సెస్‌ అవుతుందని నమ్ముతున్నాను. నిర్మాత సాయిగారు కొత్త టాలెంట్‌ ఎక్కడున్నా వెతికి సినిమా నిర్మిస్తుంటారు. అటువంటి నిర్మాతలు మనకి ఉండాలి. మెగా కుటుంబం నుంచి ఎవరు సినిమా ఇండస్ట్రీ రావాలనుకున్నా ఒక ధైర్యం చిరంజీవిగారి అభిమానులు. దానికి హీరోలు టాలెంట్‌ని యాడ్‌ చేసుకుని సక్సెస్‌ అవుతున్నారు. కల్యాణ్‌ కూడా అలాంటి టాలెంట్‌తో సక్సెస్‌ అందుకుంటాడని ఆశీస్తూ, ఆశీర్వదిస్తున్నాను’’ అన్నారు. రాకేశ్‌ శశి మాట్లాడుతూ– ‘‘కథ మొదలుపెట్టక ముందు ‘మన కథే హీరోని తీసుకురావాలి’ అని సాయిగారు నాతో అన్నారు.  ఆ కథే మమ్మల్ని చిరంజీవిగారి ఇంటికి తీసుకువెళ్ళింది. చిరంజీవి అల్లుణ్ణి సినిమాలో హీరోని చేసింది. చిరంజీవిగారి ముందు కూర్చుని కథ చెప్పినప్పుడు నాలో ఉన్న ఎమోషన్‌ జీవితాంతం గుర్తుంటుంది. గొప్ప ఫ్యామిలీ నుంచి వచ్చే హీరోని ఎంత బాగా ప్రజెంట్‌ చేయాలో అంత బాగా ట్రై చేశాం. ఈ చిత్రంలో కల్యాణ్‌ చేసిన క్యారెక్టర్‌కి, రియల్‌ లైఫ్‌ పర్శనాలిటీకి చాలా తేడా ఉంది. తనని తాను మలుచుకున్న తీరు అద్భుతం’’ అన్నారు.కీరవాణి మాట్లాడుతూ – ‘‘మన హృదయాల్ని గెలుచుకుని శాశ్వత విజేతగా నిలిచిపోయిన చిరంజీవిలా ఈ సినిమాకు పని చేసిన ప్రతి ఒక్కరు అలానే నిలిచిపోవాలని కోరుకుంటున్నాను. సాయిగారు మా ఫ్యామిలీ మెంబర్‌లాగా. ఈ సినిమాతో కల్యాణ్‌ దేవ్‌కి మంచి బ్రేక్‌ వస్తుందనుకుంటున్నాను. రామేశ్వర్‌ మంచి కంపోజర్‌’’ అన్నారు.

చిరంజీవి చిన్నల్లుడు కల్యాణ్‌ దేవ్‌ టాలీవుడ్‌కు పరిచయం కాబోతున్నారు. మెగా ట్యాగ్‌తో ఇప్పటికే చాలా మంది హీరోలు వచ్చారు. మెగా హీరోలందరూ వారి కంటూ ప్రత్యేక శైలిని ఏర్పరుచుకుంటూ అభిమానుల్ని మెప్పిస్తున్నారు. మెగా ఫ్యామిలీ నుంచి ‘విజేత’గా రాబోతున్న మరో హీరో కళ్యాణ్‌ దేవ్‌ అభిమానుల్ని అలరించేందుకు రెడీ అవుతున్నాడు.  షూటింగ్‌ను పూర్తి చేసుకున్న ఈ సినిమా విడుదలకు సిద్దంగా ఉంది. వారాహి సంస్థ నిర్మించిన ఈ చిత్రం ఆడియో ఫంక్షన్‌ను జూన్‌ 24న నిర్వహించబోతున్నారు. ఈ వేడుకకు మెగాస్టార్‌ చిరంజీవి హాజరవుతారని ప్రత్యేకంగా చెప్పనక్కర్లేదు. అయితే వారాహి సంస్థతో ఉన్న అనుబంధంతో బాలకృష్ణ కూడా ఈ వేడుకకు హాజరుకానున్నట్లు సమాచారం. ఈ మేరకు నిర్మాతలు బాలయ్యను సంప్రదించినట్లు తెలుస్తోంది. బాలయ్య కూడా ఈ వేడుకకు హాజరైతే... నందమూరి, మెగా అభిమానులకు ఇక పండగే. కళ్యాణ్‌ దేవ్‌ సరసన మాళవికా నాయర్‌ హీరోయిన్‌గా నటించింది. 

మెగా ఫ్యామిలీ నుంచి హీరోగా పరిచయం అవుతున్న మరో హీరో కల్యాణ్ దేవ్‌. మెగాస్టార్ చిరంజీవి చిన్నల్లుడు (శ్రీజ భర్త) కల్యాణ్ విజేత సినిమాతో హీరోగా పరిచయం అవుతున్న సంగతి తెలసిందే. రాకేష్‌ శశి దర్శకత్వంలో తెరకెక్కుతున్న ఈ సినిమాను వారాహి చలన చిత్రం బ్యానర్‌పై నిర్మిస్తున్నారు. కల్యాణ్ సరసన మాళవిక నాయర్‌ (ఎవడే సుబ్రమణ్యం ఫేం) హీరోయిన్‌గా నటిస్తున్నారు.  తండ్రి కొడుకుల నేపథ్యంలో తెరకెక్కిన ఈ సినిమా ఎమోషనల్‌ డ్రామా షూటింగ్‌ కార్యక్రమాలు పూర్తి చేసుకొని ప్రస్తుతం నిర్మాణాంతర కార్యక్రమాలు జరుపుకుంటోంది. ఇప్పటికే ప్రమోషన్స్‌ ప్రారంభించిన చిత్రయూనిట్ టీజర్‌ ను రిలీజ్‌ చేశారు. జూన్‌ 24న అభిమానుల సమక్షంలో ఆడియో వేడుకను నిర్వహించేందుకు ప్లాన్‌ చేస్తున్నారు. ఈ ఈవెంట్‌కు మెగాస్టార్ చిరంజీవి తో పాటు మెగా ఫ్యామిలీ హీరోలు హాజరవుతారన్న టాక్‌ వినిపిస్తోంది. .జూలై మొదటి వారంలో సినిమాను రిలీజ్ చేసేందుకు ప్లాన్‌ చేస్తున్నారు.

చిరంజీవి అల్లుడు కల్యాణ్‌ దేవ్‌ హీరోగా పరిచయం అవుతున్న చిత్రం ‘విజేత’. ఈ సినిమా ఆడియో ఫంక్షన్‌ ఈ నెల 24న హైదరాబాద్‌లో జరగనుంది. ఆ ఫంక్షన్‌కు ముఖ్య అతిధిగా చిరంజీవి హాజరు కానున్నారు. రాకేశ్‌ శశి దర్శకత్వంలో వారాహి ప్రొడక్షన్స్‌ బ్యానర్‌పై సాయి కొర్రపాటి ఈ చిత్రాన్ని నిర్మించారు. ఇందులో మాళవికా నాయర్‌ కథానాయిక. మామ మూవీ టైటిల్‌తో, ఆయనే ముఖ్య అతిథిగా వస్తున్న ఈ ఫంక్షన్‌ అల్లుడికి సూపర్‌ స్పెషల్‌గా ఉండబోతుందని ఊహించవచ్చు.

మెగా ఫ్యామిలీ నుంచి చాలా మంది హీరోలు వచ్చారు. మెగా సపోర్ట్‌తో ఎంట్రీ ఇచ్చినా.. తమకంటూ ప్రత్యేక శైలిని ఏర్పరుచుకున్నారు మెగా హీరోలు. ఈ నేపథ్యంలో చిరు చిన్నల్లుడు కళ్యాణ్‌ దేవ్‌ టాలీవుడ్‌కు ఎంట్రీ ఇవ్వనున్న విషయం తెలిసిందే. త్వరలోనే ‘విజేత’గా మన ముందుకు రాబోతున్నారు. ఇటీవలె విడుదల చేసిన ఫస్ట్‌ లుక్‌కు పాజిటివ్‌ రెస్పాన్స్‌ వస్తోంది.  తాజాగా ఈ సినిమాకు సంబంధించిన టీజర్‌ను రేపు (జూన్‌ 12)న విడుదల చేయనున్నట్లు చిత్రయూనిట్‌ ప్రకటించింది. ఈ నెల 24న జరిగే ప్రీ రిలీజ్‌ ఈవెంట్‌కు మెగాస్టార్‌ చిరంజీవి ముఖ్య అతిధిగా రాబోతున్నట్లు ప్రకటించారు. మెగాస్టార్‌ మాత్రమే కాక మిగతా మెగా హీరోలందరూ హాజరు కాబోతున్నారంటూ వార్తలు వినిపిస్తున్నాయి. ఏదేమైనా ఈ హీరోకు మెగా ఫ్యామిలీ సపోర్ట్‌ గట్టిగానే ఉండబోతోందని తెలుస్తోంది. కళ్యాణ్‌ దేవ్‌కు జోడిగా మాళవికా నాయర్‌ నటిస్తోంది. రాకేశ్‌ శశి ఈ సినిమాకు దర్శకత్వం వహిస్తున్నారు. మెగాస్టార్‌ చిరంజీవి కెరీర్‌లో ఓ మైలురాయి చిత్రమైన విజేత సినిమా టైటిల్‌ను ఈ సినిమాకు పెట్టడంతో అభిమానుల్లో ఆసక్తి నెలకొంది. మరి ఈ సినిమా విజయవంతమై కళ్యాణ్‌ దేవ్‌ను బాక్సాఫీస్‌ వద్ద విజేతగా నిలబెడుతుందో లేదో వేచి చూడాలి.  ఈ సినిమాకు సినిమాటోగ్రఫర్‌ : సెంథిల్‌కుమార్‌, నిర్మాత : రజనీ కొర్రపాటి, మ్యూజిక్‌ : హర్షవర్థన్‌ రామేశ్వర్‌. Teaser of #Vijetha marking the debut of #KalyaanDhev will be out on June 12th at 8:59 am. A film by @rakeshsashii under #SaiKorrapati Production |@vaaraahicc. @iamMalavikaNair @DOPSenthilKumar @murlisharma72 #HarshavardhanRameshwar |#VijethaTeaser pic.twitter.com/TDOjoZMEYI — BARaju (@baraju_SuperHit) June 11, 2018

మెగా ఫ్యామిలీ నుంచి చాలా మంది హీరోలు ఇండస్ట్రీలో సత్తా చాటుతున్నారు. టాప్‌ స్టార్స్‌ నుంచి మీడియం రేంజ్‌ హీరోల వరకు అందరూ తమ రేంజ్‌ తగ్గట్టుగా సినిమాలు చేసుకుంటూ పోతున్నారు. అయితే ఈ హీరోలందరినీ ఒకే వేదిక మీద చూసే అవకాశం మాత్రం చాలా అరుదుగా వస్తుంది. అలాంటి అరుదైన సంఘటన త్వరలో జరుగనుందన్న టాక్‌ వినిపిస్తోంది. మెగాస్టార్‌ చిరంజీవి చిన్నల్లుడు కల్యాన్‌ దేవ్‌ హీరోగా పరిచయం అవుతున్న సంగతి తెలిసిందే. కల్యాణ్‌ హీరోగా రాకేష్‌ శశి దర్శకత్వంలో విజేత సినిమాను తెరకెక్కిస్తున్నారు. ఇప్పటికే ఈ సినిమా ఫస్ట్‌ లుక్‌ పోస్టర్‌ కూడా రిలీజ్‌ అయ్యింది. ప్రస్తుతం నిర్మాణాంతర కార్యక్రమాలు జరుపుకుంటున్న ఈ సినిమాను జూలైలో రిలీజ్ చేసేందుకు ప్లాన్‌ చేస్తున్నారు. ఈ సినిమా ఆడియో వేడుకను ఈ నెల 24న గ్రాండ్‌ నిర్వహించేందుకు ప్లాన్‌ చేస్తున్నారు. అంతేకాదు ఈ వేడుకలో మెగా హీరోలంతా పాల్గొనే అవకాశం ఉందని తెలుస్తోంది. ఇప్పటికే మెగాస్టార్‌ చిరంజీవితో పాటు రామ్‌ చరణ్‌, అ‍ల్లు అర్జున్‌లు వేడుకకు హాజరు కావటం ఖాయంగా తెలుస్తోంది. వీరితో పాటు వరుణ్‌ తేజ్‌, సాయి ధరమ్‌ తేజ్‌లు కూడా తప్పని సరిగా హారవుతారంటున్నారు ఫ్యాన్స్‌. ఒక్క పవన్‌ కల్యాణ్‌ విషయంలోనే ఇంకా క్లారిటీ రావాల్సి ఉందని భావిస్తున్నారు.

చిరంజీవి చిన్నల్లుడు కల్యాణ్‌ దేవ్‌ హీరోగా రాకేశ్‌ శశి దర్శకత్వంలో రూపొందుతోన్న చిత్రం ‘విజేత’. సాయి శివాని సమర్పణలో వారాహి చలనచిత్రం పతాకంపై సాయి కొర్రపాటి నిర్మిస్తున్నారు. మాళవికా నాయర్‌ కథనాయికగా నటిస్తోన్న ఈ సినిమాలో మురళీ శర్మ కీలక పాత్ర చేస్తున్నారు. రీసెంట్‌గా హైదరాబాద్‌లో జరిగిన ఈ సినిమా షూటింగ్‌లో కాలేజ్‌లో జరిగే ఇంటర్వ్యూల బ్యాక్‌డ్రాప్‌లో వచ్చే సన్నివేశాలను చిత్రీకరించారని సమాచారం. పాటలు మినహా ఈ సినిమా టాకీ పార్ట్‌ పూర్తయ్యింది. సినిమాను జూలైలో విడుదల చేయడానికి నిర్మాతలు ప్లాన్‌ చేస్తున్నారు. ‘‘ఈ చిత్రం ఫస్ట్‌ లుక్‌కు మంచి స్పందన లభించింది. చిరంజీవిగారి అభిమానుల అంచనాలకు తగ్గట్లు ఈ సినిమా ఉంటుంది. రాకేశ్‌ శశి బాగా తీస్తున్నారు.  సెంథిల్‌ కుమార్‌ సినిమాటోగ్రఫీ హైలైట్‌’’ అని పేర్కొంది చిత్రబృందం. తనికెళ్ల భరణి, నాజర్, పోసాని కృష్ణ మురళి తదితరులు నటించిన ఈ సినిమాకు సంగీతం: హర్షవర్ధన్‌ రామేశ్వర్‌.

చిరంజీవి అల్లుడు కల్యాణ్‌ దేవ్‌ కథానాయకుడిగా రాకేష్‌ శశి దర్శకత్వంలో వారాహి చలన చిత్రం పతాకంపై సాయి శివాని సమర్పణలో సాయి కొర్రపాటి నిర్మిస్తున్న సినిమా ‘విజేత’. ఇందులో మాళవిక నాయర్‌ కథానాయిక. ఈ చిత్రం ఫస్ట్‌ లుక్‌ను శనివారం విడుదల చేశారు.  సాయి కొర్రపాటి మాట్లాడుతూ–‘‘కల్యాణ్‌దేవ్‌ తొలి సినిమాను ప్రొడ్యూస్‌ చేయడం ఆనందంగా ఉంది. ఈ చిత్రానికి చిరంజీవిగారి సూపర్‌ హిట్‌ సినిమాల్లో ఒకటైన ‘విజేత’ టైటిల్‌ను ఆయన అల్లుడు కల్యాణ్‌ హీరోగా తెరకెక్కుతున్న చిత్రానికి పెట్టడం సంతోషంగా ఉంది. సెంథిల్‌ కుమార్‌ కెమెరా వర్క్‌ ఈ చిత్రానికి స్పెషల్‌ ఎట్రాక్షన్‌. చిత్రీకరణ తుది దశలో ఉంది. త్వరలోనే టీజర్‌ను రిలీజ్‌ చేసి, జూలైలో సినిమా రిలీజ్‌ చేయడానికి ప్లాన్‌ చేస్తున్నాం’’అన్నారు. తనికెళ్ళ భరణి, మురళీ శర్మ, నాజర్, ‘సత్యం’ రాజేష్, ప్రగతి, కల్యాణి నటరాజన్‌ తదితరలు నటిస్తున్న ఈ చిత్రానికి సంగీతం: హర్షవర్థన్‌ రామేశ్వర్‌.

మెగాస్టార్‌ చిరంజీవి చిన్నకూతురు శ్రీజ భర్త కల్యాణ్ దేవ్‌ హీరోగా తెరకెక్కుతున్న సినిమా విజేత. ఇప్పటికే షూటింగ్‌ కార్యక్రమాలు పూర్తి చేసుకున్న ఈ సినిమా నిర్మాణానంతర కార్యక్రమాలు శరవేగంగా జరుగుతున్నాయి. ఇటీవల టైటిల్ లోగో రిలీజ్‌ తో ప్రమోషన్‌ కార్యక్రమాలు ప్రారంభించిన చిత్రయూనిట్ తాజాగా సినిమాలో కల్యాణ్ దేవ్‌ లుక్‌ను రిలీజ్‌ చేస్తూ ఓ పోస్టర్‌ను రిలీజ్‌ చేశారు. రాకేష్‌ శశి దర‍్శకత్వంలో తెరకెక్కుతున్న ఈ సినిమాను సాయి కొర్రపాటి నిర్మిస్తున్నారు. కల్యాణ్ సరసన మాళవిక నాయర్‌ హీరోయిన్‌గా నటిస్తున్న ఈ సినిమాకు... ‘అర్జున్‌ రెడ్డి’కి నేపథ్య సంగీతమందించిన హర్షవర్ధన్‌ రామేశ్వర్‌ సంగీతమందిస్తున్నారు. రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమా జూలైలో ప్రేక్షకుల ముందుకు రానుంది.

చిరంజీవి నటించిన ‘విజేత’ చిత్రం ఎంతటి ఘన విజయం సాధించిందో ప్రత్యేకించి చెప్పక్కర్లేదు.  కోదండ రామిరెడ్డి దర్శకత్వంలో తెరకెక్కిన ఈ చిత్రం 1985లో రిలీజై సంచలన విజయం సాధించింది. ఇప్పుడు అదే టైటిల్‌ని చిరంజీవి చిన్నల్లుడు కల్యాణ్‌ దేవ్‌ హీరోగా పరిచయమవుతోన్న చిత్రానికి పెట్టడం విశేషం. రాకేశ్‌ శశి దర్శకత్వంలో సాయి కొర్రపాటి వారాహి సంస్థలో రజినీ కొర్రపాటి నిర్మిస్తున్న ఈ చిత్రానికి ‘విజేత’ టైటిల్‌ అనౌన్స్‌ చేశారు. ‘లైటింగ్‌ అప్‌ స్మైల్స్‌ ఆన్‌ అదర్స్‌ ఫేసెస్‌ ఈజ్‌ ఆల్సో ఎ సక్సెస్‌’ అనేది ట్యాగ్‌ లైన్‌.(ఇతరుల ముఖాల్లో వెలుగు చూడటం కూడా విజయమే అని అర్థం). ఇందులో మాళవికా నాయర్‌ కథానాయిక. ఈ సినిమా షూటింగ్‌ చివరి దశలో ఉంది. ‘బాహుబలి’ ఫేమ్‌ సెంథిల్‌ కుమార్‌ ఈ చిత్రానికి సినిమాటోగ్రఫీ అందిస్తున్నారు. త్వరలోనే ఈ చిత్రం విడుదలకు సన్నాహాలు చేస్తున్నారు. నాజర్, తనికెళ్ల భరణి, మురళీ శర్మ, ‘సత్యం’ రాజేష్, ప్రగతి, కల్యాణీ నటరాజన్, పోసాని, రాజీవ్‌ కనకాల, జయప్రకాశ్‌ (తమిళ్‌) తదితరులు నటిస్తున్న ఈ చిత్రానికి సమర్పణ: సాయి శివాణి, సంగీతం: హర్షవర్ధన్‌ రామేశ్వర్‌.

మెగాస్టార్‌ ఫ్యామిలీ నుంచి మరో హీరో వెండితెరకు పరిచయం కాబోతున్న విషయం తెలిసిందే.  చిరు చిన్నల్లుడు కళ్యాణ్‌ దేవ్‌ (శ్రీజ భర్త), ప్రముఖ చలన చిత్ర సంస్థ వారాహి ద్వారా హీరోగా పరిచయం అవుతున్నారు. చిరంజీవి సినీ కెరీర్‌లో మైల్‌ స్టోన్‌ లాంటి సినిమా విజేత. ఆ సినిమా టైటిల్‌నే ప్రస్తుతం కళ్యాణ్‌ దేవ్‌ మూవీకి టైటిల్‌గా ఎంచుకున్నారు చిత్రబృందం. టైటిల్‌ లోగోను రివీల్‌ చేస్తూ రిలీజ్ చేసిన పోస్టర్‌ కూడా ఆసక్తికరంగా ఉంది. ఓ చిన్నారి చేతిని పట్టుకున్న హీరో చేతిని ఈ పోస్టర్‌లో చూపించారు. పోస్టర్‌పై రాసి ఉన్న దాన్ని చూస్తే సినిమా లైన్‌ ఏంటో అర్థమవుతుంది. పక్క వారి మొహంలో సంతోషం నింపడం కూడా మనం సాధించే విజయమే అంటూ పోస్టర్‌పై ఉంది. కళ్యాణ్‌ దేవ్‌కు జోడిగా మాళవికా నాయర్‌ నటిస్తోంది. రాకేశ్‌ శశి ఈ సినిమాకు దర్శకత్వం వహిస్తున్నారు. సినిమాటోగ్రఫర్‌ : సెంథిల్‌కుమార్‌, నిర్మాత : రజనీ కొర్రపాటి, మ్యూజిక్‌ : హర్షవర్థన్‌ రామేశ్వర్‌


 ‘విజేత’.. 30 ఏళ్ల క్రితం చిరంజీవి నటించిన సూపర్ హిట్ సినిమా. ఇప్పుడిదే పేరుతో చిరు మేనల్లుడు సాయిధరమ్ తేజ్ ఓ సినిమా చేస్తున్నారు. అప్పటి ‘విజేత’ను ఇప్పటి ట్రెండ్‌కి తగ్గట్టు ‘విన్నర్’ని చేశారు. సాయిధరమ్ తేజ్ హీరోగా గోపీచంద్ మలినేని దర్శకత్వంలో నల్లమలుపు శ్రీనివాస్ (బుజ్జి), ‘ఠాగూర్’ మధు నిర్మిస్తున్న చిత్రం ‘విన్నర్’. శనివారం సాయిధరమ్ పుట్టినరోజు సందర్భంగా ఫస్ట్ లుక్ విడుదల చేశారు. ‘‘కన్నతండ్రితో పాటు ప్రేమించిన అమ్మాయి మనసు గెలవడం కోసం ఓ యువకుడు చేసిన పోరాటమే ఈ చిత్రకథ’’ అన్నారు గోపీచంద్ మలినేని.
 
 నిర్మాతలు మాట్లాడుతూ - ‘‘హీరో పాజిటివ్ క్యారెక్టర్‌కి తగ్గట్టే మంచి టైటిల్ కుదిరింది. ఉక్రెయిన్‌లో పాటల్ని, ఇస్తాంబుల్‌లో క్లైమాక్స్‌ను చిత్రీకరిస్తాం. మహాశివరాత్రి సందర్భంగా ఫిబ్రవరి 24న చిత్రాన్ని విడుదల చేస్తాం’’ అన్నారు. రకుల్‌ప్రీత్ సింగ్ హీరోయిన్‌గా, జగపతిబాబు, ముఖేశ్ రుషి, అలీ, ‘వెన్నెల’ కిశోర్ కీలక పాత్రల్లో నటిస్తున్నారు. ఈ చిత్రానికి కథ: వెలిగొండ శ్రీనివాస్, రచన: అబ్బూరి రవి, శ్రీధర్ సీపాన, ఫైట్స్: రవివర్మ, కెమేరా: చోటా కె.నాయుడు, సంగీతం: తమన్, సమర్పణ: బేబీ భవ్య.