ఖైరతాబాద్ గణపతి కర్రపూజ.. శ్రీ విశ్వశాంతి మహాశక్తి గణపతిగా దర్శనం (ఫొటోలు)

ఖైరతాబాద్: ప్రతి యేటా వివిధ రూపాలలో దర్శన మిచ్చే ఖైరతాబాద్ మహాగణపతి ఈ సంవత్సరం శ్రీ విశ్వశాంతి మహాశక్తి గణపతిగా భక్తులకు దర్శన మివ్వనున్నాడు. శుక్రవారం సాయంత్రం నిర్జల ఏకాదశి సందర్భంగా కర్రపూజ నిర్వహించి మహాగణపతి తయారీ పనులకు శ్రీకారం చుట్టారు.

71వ సంవత్సరం సందర్భంగా 69 అడుగుల ఎత్తులో విగ్రహాన్ని రూపొందిస్తారు

కర్రపూజ(తొలిపూజ)ను ఖైరతా బాద్ శ్రీ గణేష్ ఉత్సవ కమిటీ, ఖైరతా బాద్ గణేష్ ఉత్సవ కమిటీల ఆధ్వర్యంలో నిర్వహించారు

ఈ కార్యక్రమంలో ఎమ్మెల్యే దానం నాగేందర్, ఎంపీ అనిల్ కుమార్ యాదవ్, మేయర్ విజయలక్ష్మి, కార్పొరేటర్ విజయారెడ్డి, మాజీ ఎమ్మెలే చింతల రామచంద్రారెడ్డి తదితరులు పాల్గొన్నారు.

ఈ సంవత్సరం శ్రీ విశ్వశాంతి మహాశక్తి గణపతి మూర్తి నిలబడి ఉండే ఆకారంలో ఏర్పాటు చేస్తున్నట్లు శిల్పి చిన్నస్వామి రాజేంద్రన్ తెలిపారు.

69 అడుగుల ఎత్తులో వినాయకుడు, పక్కనే 10 అడుగుల ఎత్తులో జగన్నాథస్వామి, లలితా త్రిపుర సుందరి అమ్మవారి విగ్రహాలు

ఈ సంవత్సరం వినాయకచవితి ఆగస్టు 27న, నిమజ్జనం సెప్టెంబర్ 6వ తేదీన జరుగుతాయి