సాక్షి ఎఫెక్ట్‌: ఎమ్మార్వోను సస్పెండ్ చేసిన కలెక్టర్

సాక్షి, వరంగల్‌ రూరల్‌: పర్వతగిరి తహసీల్దార్‌ తోట విజయలక్ష్మిని సస్పెండ్‌ చేస్తూ కలెక్టర్‌ అమ్రపాలి కాట శుక్రవారం ఉత్తర్వులు జారీ చేశారు. పర్వతగిరి మండలంలో పట్టాదారు పాస్‌ పుస్తకాల జారీలో తహసీల్దారు విజయలక్ష్మి రైతుల నుంచి డబ్బులు తీసుకున్నట్టు సాక్షి మీడియాలో కథనాలు వచ్చాయి. ఈ నేపథ్యంలో కలెక్టర్‌ ఆదేశం మేరకు వరంగల్‌ రూరల్‌ ఆర్డీఓ సీహెచ్‌.మహేందర్‌జీ విచారణ నిర్వహించి నివేదిక సమర్పిం చారు. నివేదక ఆధారంగా కలెక్టర్‌ సస్పెన్షన్‌ ఉత్తర్వులు ఇచ్చారు. ఈ మేరకు సీసీఎల్‌ఏ నుంచి సైతం రాటిఫికేషన్‌ తీసుకున్నారు.