వీసాలో మార్పులు: అమెరికాకే ఎఫెక్ట్

హెచ్-1బీ వీసాలో కఠినతరమైన నిబంధనలు తీసుకొస్తూ అమెరికా అధ్యక్షుడు డొనాల్డ్ ట్రంప్ చేస్తున్న ప్రతిపాదనలపై దిగులుపడాల్సింది భారత్ కాదంట. ఆ దేశమే హెచ్-1బీ వీసాల్లో మార్పులకు  ఆందోళన చెందాల్సి ఉందట. హెచ్-41బీ వీసా ప్రక్రియల్లో నిబంధనలు కఠినతరం అమెరికాపైనే ప్రభావం చూపుతాయని నీతి ఆయోగ్ చీఫ్ ఎగ్జిక్యూటివ్ ఆఫీసర్ అమితాబ్ కాంత్ తెలిపారు. ''ఈ విషయంపై డొనాల్డ్ ట్రంప్ త్వరలో వాస్తవాలు తెలుసుకోవాల్సినవసరం ఉంది. అమెరికాలో సాఫ్ట్వేర్ గ్రోత్కు భారతీయులు గణనీయమైన సహకారం అందిస్తున్నారు'' అని కాంత్ సోమవారం చెప్పారు.