TV
100 మందిపైగా చిన్నారులకు తప్పిన ముప్పు
వందమందిపైగా చిన్నారులు చైనాలో అగ్నిప్రమాదం నుంచి బయటపడ్డారు.
బీజింగ్: వందమందిపైగా చిన్నారులు చైనాలో అగ్నిప్రమాదం నుంచి బయటపడ్డారు. తూర్పు ఫుజియన్ ప్రావిన్స్ లో షాపింగ్ మాల్ లో అగ్నిప్రమాదం సంభవించింది. పూల దుకాణంలో రేగిన మంటలు కిండర్ గార్డెన్ పాఠశాల ఉన్న రెండో అంతస్థుకు వ్యాపించాయి.
మంటల బారి నుంచి కొంతమంది చిన్నారులను అక్కడున్న పెద్దవాళ్లు కాపాడారు. మిగతా పిల్లలను అగ్నిమాపక సిబ్బంది రక్షించారని స్థానిక మీడియా తెలిపింది. గాయపడిన చిన్నారులను సమీపంలోని ఆస్పత్రికి తరలించారు. మంటలు అంటుకోవడానికి గల కారణాలు వెల్లడికాలేదు.
