బీఎస్‌ఎన్‌ఎల్ రోమింగ్ మరింత చౌక | BSNL cuts national roaming tariff by up to 40% | Sakshi
Sakshi News home page

బీఎస్‌ఎన్‌ఎల్ రోమింగ్ మరింత చౌక

May 3 2015 12:49 AM | Updated on Sep 3 2017 1:18 AM

బీఎస్‌ఎన్‌ఎల్ రోమింగ్ మరింత చౌక

బీఎస్‌ఎన్‌ఎల్ రోమింగ్ మరింత చౌక

ప్రభుత్వ రంగ టెలికం ఆపరేటర్ బీఎస్‌ఎన్‌ఎల్ రోమింగ్ చార్జీలను 40 శాతం వరకూ తగ్గించింది. మే 1 నుంచి ఈ నిర్ణయం అమల్లోకి వచ్చినట్లు

కోల్‌కతా: ప్రభుత్వ రంగ టెలికం ఆపరేటర్ బీఎస్‌ఎన్‌ఎల్ రోమింగ్ చార్జీలను 40 శాతం వరకూ తగ్గించింది. మే 1 నుంచి ఈ నిర్ణయం అమల్లోకి వచ్చినట్లు ఈ మేరకు వెలువడిన ఒక ప్రకటన తెలిపింది. ప్రీపెయిడ్, పోస్ట్‌పెయిడ్ మొబైల్ కనెక్షన్లు అన్నింటికీ ఈ తగ్గింపు వర్తిస్తుంది. టెలికం నియంత్రణ సంస్థ ట్రాయ్ జారీచేసిన టెలికం టారిఫ్ ఉత్తర్వు నేపథ్యంలో బీఎస్‌ఎన్‌ఎల్ ఈ నిర్ణయం తీసుకుంది. ఇన్‌కమింగ్ కాల్స్‌కు రోమింగ్ టారిఫ్ 40 శాతం తగ్గింది. ఎస్‌టీడీకి సంబంధించి 23 శాతం, లోకల్ కాల్స్ విషయంలో 20 శాతం రోమింగ్ చార్జీలు తగ్గాయి. ఇక లోకల్ నేషనల్ ఎస్‌ఎంఎస్ టారిఫ్‌లు 75 శాతం తగ్గాయి. రాత్రి 9 నుంచి ఉదయం 7 గంటల వరకూ ల్యాండ్‌లైన్ నుంచి ల్యాండ్‌లైన్‌కు ఉచిత అపరిమిత కాల్స్ నిర్ణయాన్ని మే 1 నుంచి బీఎస్‌ఎన్‌ఎల్ అమలు చేస్తోంది. ట్రాయ్ గరిష్ట టారిఫ్ ధరలను తగ్గించటంతో పలు టెలికం కంపెనీలు రోమింగ్ మొబైల్ కాల్స్, ఎస్‌ఎంఎస్ ధరలను 40 శాతం, 75 శాతం వరకూ తగ్గించాయి.
 

Advertisement

Related News By Category

Related News By Tags

Advertisement
 
Advertisement
Advertisement