నేడూ మోస్తరు వర్షాలు

సాక్షి, హైదరాబాద్‌: ఉపరితల ఆవర్తనం కారణంగా బుధవారం కూడా ఉరుములతో కూడిన మోస్తరు వర్షాలు కురుస్తాయని హైదరాబాద్‌ వాతావరణ కేంద్రం తెలిపింది. వాస్తవంగా పొడి వాతావరణం నెలకొంటుందని ముందుగా ప్రకటించినా గాలి వేగంలో వస్తున్న మార్పుల కారణంగా పరిస్థితి మారిందని పేర్కొంది. మరోవైపు మంగళవారం రాష్ట్రంలో అనేకచోట్ల సాధారణం కంటే కాస్తంత తక్కువ ఉష్ణోగ్రతలు నమోదయ్యాయి. అత్యంత తక్కువగా హన్మకొండలో 38.5 డిగ్రీల ఉష్ణోగ్రత నమోదైంది. అక్కడ సాధారణంగా 41.1 డిగ్రీలు నమోదు కావాల్సివుందని, కానీ 2.6 డిగ్రీలు తక్కువగా నమోదైందని వాతావరణ కేంద్రం తెలిపింది.