TV
'కేసీఆర్‌కు గుడి కట్టిస్తా'
తెలంగాణ సాధించిన టీఆర్‌ఎస్ అధినేత, ముఖ్యమంత్రి కేసీఆర్‌కు గుడి కట్టిస్తానని కాంగ్రెస్ మాజీ నాయకుడు ఆవుల గోపాల్‌రెడ్డి తెలిపారు.
చిన్నశంకరంపేట: తెలంగాణ సాధించిన టీఆర్‌ఎస్ అధినేత, ముఖ్యమంత్రి కేసీఆర్‌కు గుడి కట్టిస్తానని కాంగ్రెస్ మాజీ నాయకుడు ఆవుల గోపాల్‌రెడ్డి తెలిపారు. మెదక్ జిల్లా చిన్నశంకరంపేటలో అమరవీరుల స్థూపం వద్ద మంగళవారం సీఎం కేసీఆర్ ఫ్లెక్సీకి పాలాభిషేకం చేశారు. అనంతరం ఆయన మాట్లాడుతూ అమరవీరుల స్థూపం పక్కనే కేసీఆర్ గుడి నిర్మాణం చేపట్టేందుకు నిర్ణయించినట్లు తెలిపారు. గుడి కోసం తన సొంత డబ్బు ఖర్చు చేయనున్నట్లు తెలిపారు. గోపాల్‌రెడ్డి రెండు రోజుల క్రితమే స్థానిక నేతల తీరుతో విసిగి పార్టీకి రాజీనామా చేసిన విషయం తెలిసిందే.
