TV
సాక్షి, హైదరాబాద్: హోంగార్డుల పర్మనెంట్‌ అంశాన్ని ప్రభుత్వం వెంటనే పరిశీలించాలని హోంగార్డుల గౌరవ అధ్యక్షుడు, ఎమ్మెల్యే శ్రీనివాస్‌గౌడ్‌ విజ్ఞప్తి చేశారు. సచివాలయంలో ప్రభుత్వ సలహాదారు రాజీవ్‌ శర్మను శ్రీనివాస్‌గౌడ్‌ బృందం సోమవారం కలసి వివిధ రాష్ట్రాల్లోని హోంగార్డు రిక్రూట్‌మెంట్‌ ప్రక్రియను నివేదిక రూపంలో అందజేసింది. దీనిపై రాజీవ్‌ శర్మ స్పందిస్తూ.. హోంగార్డులకు న్యాయం జరిగేలా ఓ నివేదికను తయారు చేసి ప్రభుత్వానికి అందజేస్తానని హామీనిచ్చారు.
