మార్చి 15న రాష్ట్రానికి అమిత్‌షా

Amit Shah to the state on March 15th - Sakshi

ఎల్బీ స్టేడియంలో సీఏఏ అనుకూల సభ  

సాక్షి, హైదరాబాద్‌: కేంద్ర హోంమంత్రి, బీజేపీ మాజీ చీఫ్‌ అమిత్‌షా మార్చి 15న రాష్ట్రానికి రానున్నారు. హైదరాబాద్‌లోని ఎల్బీ స్టేడియంలో నిర్వహించనున్న పౌరసత్వ చట్ట సవరణ (సీఏఏ) అనుకూల సభలో ఆయన పాల్గొంటారు. ఇందుకోసం బీజేపీ నాయకత్వం ఎల్బీ స్టేడియం అధికారులను కూడా సంప్రదించింది. అయితే, అమిత్‌షా నేతృత్వంలో ఇప్పుడు బీజేపీ సీఏఏకు అనుకూలంగా సభ నిర్వహించడం సర్వత్రా ఆసక్తిని కలిగిస్తోంది. కాగా, ఈ సభకు జనసేన అధ్యక్షుడు పవన్‌కల్యాణ్‌ కూడా హాజరవుతారని తెలుస్తోంది. 

ఆరు జిల్లాలపై ఏకాభిప్రాయం
పార్టీ జిల్లా అధ్యక్షుల ఎంపికపై చర్చించేందుకుగాను మంగళవారం ఆర్‌ఎస్‌ఎస్‌ ముఖ్యులతో బీజేపీ రాష్ట్ర ముఖ్యనేతలు సమావేశమయ్యారు. ఈ చర్చల తర్వాత మంచిర్యాల, కరీంనగర్, వేములవాడ, మెదక్, రంగారెడ్డి, గద్వాల జిల్లాల అధ్యక్షుల ఎంపికపై ఏకాభిప్రాయం వచ్చినట్టు సమాచారం.

Read latest Telangana News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top