రెడ్‌మి 4ఏలో కొత్త వేరియంట్‌ లాంచ్‌

రెడ్‌మి 4ఏ స్మార్ట్‌ఫోన్‌ కొత్త వేరియంట్‌ను షావోమి మంగళవారం లాంచ్‌ చేసింది. ఒరిజినల్‌ హ్యాండ్‌సెట్‌కు అదనపు ర్యామ్‌, స్టోరేజ్‌తో ఈ వేరియంట్‌ను మార్కెట్‌లోకి తీసుకొచ్చింది. కొత్తగా తీసుకొచ్చిన ఈ వేరియంట్‌ 3జీబీ ర్యామ్‌, 32జీబీ ఇన్‌బిల్ట్‌ స్టోరేజ్‌ను కలిగి ఉంది. దీని ధర 6,999 రూపాయలు. ఎంఐ.కామ్‌, ఫ్లిప్‌కార్ట్‌, అమెజాన్‌ ఇండియా, పేటీఎం, టాటా క్లిక్‌లలో గురువారం నుంచి ఈ ఫోన్‌ విక్రయానికి వస్తోంది. '' సర్‌ప్రైజ్‌, మేము అద్భుతమైన ధర రూ.6,999లో రెడ్‌మి 4ఏ(3జీబీ ర్యామ్‌+32జీబీ ఫ్లాష్‌ మెమరీ) కొత్త వేరియంట్‌ను లాంచ్‌ చేస్తున్నాం'' అని షావోమి ఇండియా మేనేజింగ్‌ డైరెక్టర్‌, షావోమి వైస్‌ప్రెసిడెంట్‌ మను కుమార్‌ జైన్‌ ట్వీట్‌ చేశారు. ఈ ఏడాది మార్చిలో రెడ్‌మి 4ఏ స్మార్ట్‌ఫోన్‌ను షావోమి లాంచ్‌చేసిన సంగతి తెలిసిందే. దీని ధర రూ.5,999. లాంచ్‌ చేసినప్పుడు ఈ ఫోన్‌కు 2జీబీ ర్యామ్‌, 16జీబీ స్టోరేజ్‌ కలిగి ఉంది. ప్రస్తుతం స్టోరేజ్‌ను, ర్యామ్‌ను మరింత పెంచుతూ కొత్త వేరియంట్‌ను మార్కెట్‌లోకి తీసుకొచ్చింది.