TV
భారత జట్ల విజయం
ప్రపంచ టీమ్‌ చెస్‌ చాంపియన్‌షిప్‌లో ఈజిప్ట్‌ జట్లతో బుధవారం జరిగిన ఐదో రౌండ్‌లో భారత పురుషుల, మహిళల జట్లు గెలిచాయి.
ఖాంటీ మన్‌సిస్క్‌ (రష్యా): ప్రపంచ టీమ్‌ చెస్‌ చాంపియన్‌షిప్‌లో ఈజిప్ట్‌ జట్లతో బుధవారం జరిగిన ఐదో రౌండ్‌లో భారత పురుషుల, మహిళల జట్లు గెలిచాయి. పురుషుల జట్టు 2.5–1.5తో... మహిళల జట్టు 3–1తో విజయం సాధించాయి. పురుషుల జట్టులో ఆదిబన్‌కు విజయం దక్కగా... విదిత్, కార్తికేయన్, నేగి తమ గేమ్‌లను ‘డ్రా’ చేసుకున్నారు. మహిళల జట్టులో తానియా, ఇషా, విజయలక్ష్మి తమ గేముల్లో గెలుపొందగా... ఆంధ్రప్రదేశ్‌ గ్రాండ్‌మాస్టర్‌ హారిక 59 ఎత్తుల్లో వఫా ష్రూక్‌ చేతిలో ఓడిపోయింది. ఐదో రౌండ్‌ తర్వాత భారత పురుషుల జట్టు ఐదో స్థానంలో, మహిళల జట్టు మూడో స్థానంలో ఉన్నాయి.
