చాంపియన్‌ రామకృష్ణ

చాంపియన్‌ రామకృష్ణ

ఆలిండియా ఫిడే రేటింగ్‌ చెస్‌ టోర్నమెంట్‌


సాక్షి, హైదరాబాద్‌: ఆలిండియా ఫిడే రేటింగ్‌ చెస్‌ టోర్నమెంట్‌లో జె. రామకృష్ణ (ఆంధ్రాబ్యాంక్‌) సత్తా చాటాడు. ఆంధ్రప్రదేశ్‌లోని భీమవరంలో జరిగిన ఈ టోర్నీలో విజేతగా నిలిచి టైటిల్‌ను కైవసం చేసుకున్నాడు. నిర్ణీత 10 రౌండ్లలో 9.5 పాయింట్లు స్కోర్‌ చేసి అగ్రస్థానాన్ని దక్కించుకున్నాడు. చివరిదైన పదో గేమ్‌లో రామకృష్ణ, అజయ్‌ (ఏపీ)పై విజయం సాధించాడు.

ఈ టోర్నీలో 8 పాయింట్లతో తరుణ్, జె. మల్లేశ్వర రావు (ఏపీ), కేఎన్‌ గోపాల్‌ (ఆంధ్రాబ్యాంక్‌) సంయుక్తంగా రెండో స్థానం కోసం పోటీపడ్డారు. అయితే మెరుగైన టైబ్రేక్‌ స్కోరు ఆధారంగా తరుణ్, మల్లేశ్వర రావు వరుసగా రెండు, మూడు స్థానాలను దక్కించుకున్నారు.