సింధుని వీడని ఫైనల్‌ ఫోబియా!

PV Sindhu Loses Indonesia Open Final to Akane Yamaguchi - Sakshi

ఇండోనేసియా ఓపెన్‌ ఫైనల్లో ఓడిన భారత స్టార్‌ షట్లర్‌ 

ప్రపంచ నాలుగో ర్యాంకర్‌ అకానె యామగుచి చేతిలో ఓటమి

జకార్తా : సీజన్‌లో తొలి టైటిల్‌ లోటును తీర్చుకోవాలని భావించిన భారత బ్యాడ్మింటన్‌ స్టార్‌ పూసర్ల వెంకట (పీవీ) సింధుకు నిరాశే ఎదురైంది. తనను ఎప్పుడూ వేధించే ఫైనల్‌ ఫోబియాతోనే మరోసారి టైటిల్‌ అందుకోలేకపో​యింది. ప్రతిష్టాత్మక ఇండోనేసియా ఓపెన్‌ వరల్డ్‌ టూర్‌ సూపర్‌–1000 టోర్నమెంట్‌లో సింధు ఫైనల్లో ఓడి రన్నరప్‌తో సరిపెట్టుకుంది.. ఆదివారం జరిగిన మహిళల సింగిల్స్‌ ఫైనల్లో ప్రపంచ నాలుగో ర్యాంకర్‌ అకానె యామగుచి(జపాన్‌) 21-15, 21-16 ప్రపంచ ఐదో ర్యాంకర్‌ సింధుపై అలవోక విజయం సాధించింది. 51 నిమిషాల్లో ముగిసిన పోరులో యామగుచి ఏకపక్ష విజయం సాధించింది. మ్యాచ్‌ తొలి గేమ్‌లో భాగంగా మొదటి అర్థభాగం వరకూ సింధు ఆధిపత్యం కనబర్చినప్పటికీ.. ఆపై తేరుకున్న యామగుచి ఏ మాత్రం అవకాశం ఇవ్వలేదు. వరుస పాయింట్లు సాధించి మ్యాచ్‌ను సొంతం చేసుకుంది. ఈ గెలుపుతో యామగుచి,సింధుతో ఉన్న ముఖముఖి రికార్డును 5-10కి మెరుగు పరుచుకుంది. 


 

Read latest Sports News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top