TV
ముంబై ఇండియన్స్ ఫీల్డింగ్
ఇండియన్ ప్రీమియర్ లీగ్(ఐపీఎల్)-10లో భాగంగా గురువారం ఇక్కడ హోల్కర్ క్రికెట్ స్టేడియంలో కింగ్స్ పంజాబ్ తో జరుగుతున్న మ్యాచ్ లో ముంబై ఇండియన్స్ టాస్ గెలిచి ఫీల్డింగ్ ఎంచుకుంది.
ఇండోర్:ఇండియన్ ప్రీమియర్ లీగ్(ఐపీఎల్)-10లో భాగంగా గురువారం ఇక్కడ హోల్కర్ క్రికెట్ స్టేడియంలో కింగ్స్ పంజాబ్ తో జరుగుతున్న మ్యాచ్లో ముంబై ఇండియన్స్ టాస్ గెలిచి ఫీల్డింగ్ ఎంచుకుంది. టాస్ గెలిచిన ముంబై కెప్టెన్ రోహిత్ శర్మ తొలుత ఫీల్డింగ్ తీసుకునేందుకు మొగ్గు చూపాడు. ఈ సీజన్ లో ముంబై ఇండియన్స్ వరుస విజయాలతో దూసుకుపోతుండగా, కింగ్స్ పంజాబ్ కాస్త వెనుకబడింది. ఇప్పటివరకూ ముంబై ఆడిన ఐదు మ్యాచ్ ల్లో నాలుగింట విజయం సాధించింది. ఈ నాలుగు విజయాలు ముంబై వరుసగా సాధించినవే కావడం ఇక్కడ విశేషం.
మరొకవైపు కింగ్స్ పంజాబ్ వరుస ఓటములతో డీలా పడింది. ఐదు మ్యాచ్ లకు గాను రెండింట గెలిచి, మూడు మ్యాచ్ ల్లో ఓటమి పాలైంది. ఇదిలా ఉంచితే, ఈ మ్యాచ్ జరిగే ఇండోర్ లో కింగ్స్ పంజాబ్ హ్యాట్రిక్ విజయాన్ని సాధించాలనే పట్టుదల ఉంది. ఈ స్టేడియంలో ఆడిన గత రెండు మ్యాచ్ ల్లో కింగ్స్ పంజాబ్ విజయం సాధించింది. దాంతో మరొకసారి తమదే గెలుపని మ్యాక్స్ వెల్ గ్యాంగ్ భావిస్తోంది. అయితే అన్ని విభాగాల్లోనూ మెరుగ్గా ఉన్న ముంబై ఇండియన్స్ తాజా మ్యాచ్ లో గెలిచి పాయింట్ల పట్టికలో టాప్ కు చేరాలని యోచిస్తోంది.
