‘టెక్సాస్’ ఫైనల్లో దీపిక

హౌస్టన్ (అమెరికా): భారత నంబర్‌వన్ స్క్వాష్ క్రీడాకారిణి దీపికా పళ్లికల్ టెక్సాస్ ఓపెన్ టోర్నీలో ఫైనల్‌కు చేరుకుంది. సెమీఫైనల్లో ప్రపంచ 12వ ర్యాంకర్ దీపిక 11-7, 11-13, 13-11, 10-12, 11-4 తేడాతో 8వ ర్యాంకర్ మెడలిన్ పెర్రీ (ఐర్లాండ్)పై సంచలన విజయం సాధించింది. దీంతో 22 ఏళ్ల దీపిక తన కెరీర్‌లోనే అతిపెద్ద టోర్నీ (రూ.30 లక్షల ప్రైజ్‌మనీ)లో టైటిల్ పోరుకు చేరుకుంది.

 

అంతేగాక పెర్రీతో ముఖాముఖి రికార్డునూ 2-2తో సమం చేసింది. ఇక ఫైనల్లో నయా సంచలనం నౌర్ ఎల్ షెర్బిని (ఈజిప్టు)తో దీపిక తలపడనుంది. క్వాలిఫయర్‌గా టోర్నీ బరిలోకి దిగి సంచలన విజయాలు సాధించిన షెర్బిని సెమీప్‌లో ప్రపంచ నంబర్‌వన్ నికోల్ డేవిడ్ (మలేసియా)కు షాకిచ్చి ఫైనల్‌కు దూసుకెళ్లింది.