మహిళలూ.. కత్తులు తీసుకెళ్లచ్చు!

ఢిల్లీ మెట్రో రైళ్లలో ప్రయాణించే మహిళలు తమ భద్రత కోసం చిన్నపాటి కత్తులు, లైటర్లు, అగ్గిపెట్టెల లాంటి వాటిని తీసుకెళ్లచ్చు. మహిళలపై పెరుగుతున్న వేధింపుల దృష్ట్యా ఈ నిర్ణయం తీసుకున్నారు. ఇప్పటికే కొంతమంది మహిళలు వీటిని తెస్తున్నా, భద్రతా సిబ్బంది వాటిని వెనక్కి తీసేసుకుంటున్నారు. ఈ నేపథ్యంలో మెట్రో రైళ్లలో భద్రతా వ్యవహారాలు చూసే సీఐఎస్ఎఫ్ తాజా నిర్ణయం తీసుకుంది. దీంతో ఇప్పటివరకు నిషేధిత వస్తువుల జాబితాలో ఉన్న చిన్న కత్తులు, లైటర్లు, అగ్గిపెట్టెలను ఆ జాబితా నుంచి తొలగించారు. ఢిల్లీ శాస్త్రి పార్కులోని మెట్రోడిపోలో వేలకొద్దీ చిన్న కత్తులు, లైటర్ల లాంటివి పేరుకుపోతుండటంతో సీఐఎస్ఎఫ్ ఈ నిర్ణయం తీసుకుంది.