పెళ్లికి తయార్‌

వరుణ్‌ ధావన్, సారా అలీ ఖాన్‌

ఇక్కడున్న ఫొటో చూశారుగా.. వధూవరులుగా వరుణ్‌ ధావన్, సారా అలీఖాన్‌ ఎలా మెరిసిపోతున్నారో! ఈ ఫొటో చూసి వరుణ్‌ ధావన్‌ ప్రేయసి నటాషా దలాల్‌ ఏమీ అనలేదా? అంటే ఏమి అనలేదట. ఎందుకంటే ఈ ఫొటో ‘కూలీ నెం1’ చిత్రంలోనిది. 1995లో డేవిడ్‌ ధావన్‌ దర్శకత్వంలో గోవిందా, కరిష్మా కపూర్‌ జంటగా నటించిన చిత్రం ‘కూలీ నెం1’. అదే పేరుతో ఈ సినిమాకు సీక్వెల్‌ను తెరకెక్కిస్తున్నారు డేవిడ్‌ ధావన్‌. ఇందులో వరుణ్‌ ధావన్, సారా అలీఖాన్‌ జంటగా నటిస్తున్నారు. ఇటీవల విడుదల చేసిన ఈ సినిమా కొత్త పోస్టర్‌ వైరల్‌ అవుతోంది. సినిమాలోని ఓ సీన్‌లో భాగంగా వరుణ్, సారా పెళ్లికి తయారైన గెటప్స్‌లో కనిపిస్తారు. ఈ  చిత్రాన్ని మే 1న విడుదల చేయాలనుకుంటున్నారు. ఇలా ఆన్‌ స్క్రీన్‌ పెళ్లి సీన్‌లో నటించిన వరుణ్‌ ఆఫ్‌ స్క్రీన్‌ నటాషాతో పెళ్లికి రెడీ అవుతున్నారు.