ఆండాళ్ గలాటా

‘‘ఇందులో నా పేరు ఆండాళ్. పేరుకు తగ్గట్టే సంప్రదాయబద్ధంగా, ఫన్నీగా ఉంటుంది నా పాత్ర. కథ, నా పాత్ర వినగానే... వెంటనే ‘ఓకే’ చెప్పేశాను. ఆద్యంతం సరదాగా సాగే రొమాంటిక్ ఎంటర్‌టైనర్ ఇది’’ అని హరిప్రియ చెప్పారు. శ్రీ, హరిప్రియ జంటగా రూపొందిన చిత్రం ‘గలాటా’. కృష్ణ దర్శకుడు. డి.రాజేంద్రప్రసాద్ వర్మ నిర్మాత. సునీల్ కశ్యప్ స్వరాలందించిన ఈ చిత్రం పాటల సీడీని ఎస్వీ కృష్ణారెడ్డి ఆవిష్కరించి, తొలి ప్రతిని సురేందర్‌రెడ్డికి అందించారు. వారితో పాటు కె.అచ్చిరెడ్డి, కేఎల్ దామోదరప్రసాద్ తదితరులు చిత్రం విజయం సాధించాలని ఆకాంక్షించారు.