రాక్ లెజెండ్ ఇక లేరు

రాక్ లెజెండ్ ఇక లేరు

లాస్ ఎంజెల్స్: అమెరికా ప్రముఖ గాయకుడు, రాక్ అండ్ రోల్ లెజెండ్ లీయోన్ రస్సెల్ కన్నుమూశారు. జార్జ్ హారిసన్, బాబ్ డిలాన్వంటి ప్రముఖ హాలీవుడ్ నటులతోపాటు ది రోలింగ్ స్టోన్స్ బ్యాండ్ లో పనిచేసిన ఆయన టెన్నిస్సీలోని నాష్విల్లేలో ఆదివారం చనిపోయారు. నిద్రలోనే ఆయన కన్నుమూసినట్లు భార్య జాన్ బ్రిడ్జెస్ ఓ వెబ్ సైట్ కు తెలియజేశారు.

గత జూలైలో ఆయన గుండెపోటుకు గురైనట్లు తెలిసింది. దాదాపు 50 ఏళ్లపాటు ఆయన సంగీత రంగంలోనే ఉన్నారు. ఆయన మంచి పియానో వాయిద్య కారుడు కూడా. పాటలు రాయడం, ప్రొడ్యూసర్ గా పనిచేయడంతోపాటు వందల పాటలు కూడా ఆయన గానం చేశారు. ఆయన రాసిన హిట్ గీతాల్లో 'డెల్టా లేడీ', ఏ సాంగ్ ఫర్ యూ' చాలా ప్రసిద్ధి చెందాయి. రస్సెల్ కన్నుమూసిన విషయం తెలిసిన వెంటనే సోషల్ మీడియాలో పలువురు సంగీతకారులు నివాళులు అర్పించారు.