వారం ముందే స్పైడర్‌?

సూపర్‌స్టార్‌ మహేశ్‌బాబు.. ఒక్క తెలుగు ప్రేక్షకులకే కాక, హిందీ సినిమా మాత్రమే పరిచయమున్న ప్రేక్షకుడికి కూడా తెలిసిన పేరు. ప్రస్తుతం ఆయన హీరోగా నటిస్తోన్న ‘స్పైడర్‌’ దసరా సీజన్‌లో సందడి చేసేందుకు సిద్ధమైంది. ఈ మధ్యే ఒక్కటంటే ఒక్క డైలాగ్‌ కూడా లేకుండా ‘ష్‌...’ అంటూ వచ్చిన ఈ చిత్రం టీజర్‌ యూట్యూబ్‌లో రికార్డు వ్యూస్‌ రాబడుతోంది.

దీంతో ‘స్పైడర్‌’ పై బాలీవుడ్‌లో కూడా క్రేజ్‌ వచ్చేసింది. ఏఆర్‌ మురుగదాస్‌ దర్శకత్వంలో ఈ సినిమాను ఠాగూర్‌ మధు, ఎన్వీ ప్రసాద్‌ సంయుక్తంగా నిర్మిస్తున్నారు. తెలుగు, తమిళ భాషల్లో రూపొందుతోన్న ఈ చిత్రాన్ని రిలయన్స్‌ ఇంటర్నేషనల్‌ సంస్థ హిందీలో అనువదించి, విడుదల చేయాలనుకుంటోందట. రిలీజ్‌ను భారీ ఎత్తున ప్లాన్‌ చేస్తున్నారని టాక్‌. ఇంకో విషయం ఏంటంటే... బాలీవుడ్‌ ప్రముఖులకు, మీడియా వారికీ రిలీజ్‌కు ఓ వారం ముందే స్పెషల్‌ షోస్‌ ఏర్పాటు చేయాలన్న ఆలోచనలో టీమ్‌ ఉందని ఇండస్ట్రీ వర్గాల సమాచారం.