చరణ్ క్యారెక్టర్‌పై హింట్ ఇచ్చిన ఉపాసన

మెగాస్టార్ రామ్ చరణ్ ఈ ఏడాది క్రిస్టమస్ వేడుకలను దివ్యాంగులతో కలిసి జరుపుకున్నారు. ఈ సంబరాల్లో చరణ్‌ తో పాటు ఆయన భార్య ఉపాసన కూడా పాల్గొన్నారు. ఈ సందర్భంగా తన ఆనందాన్ని సోషల్ మీడియా ద్వారా షేర్ చేసుకున్న ఉపాసన, రంగస్థలంలో సినిమాలో చరణ్ క్యారెక్టర్ పై హింట్ ఇచ్చారు. చిన్నారులతో సరదాగా గడిపిన వీడియోనే ఫోటలను షేర్ చేసిన ఉపాసన చరణ్ ఈ చిన్నారులకు ఇంతగా ఎందుకు దగ్గరయ్యారో మీకు త్వరలోనే తెలుస్తుంది అంటూ ట్వీట్ చేశారు.

చెర్రీ ప్రస్తుతం సుకుమార్ దర్శకత్వంలో రంగస్థలంలో సినిమాలో నటిస్తున్న సంగతి తెలిసిందే. సమంత హీరోయిన్ గా నటిస్తున్న ఈ సినిమాలో చరణ్ వినికిడి లోపం ఉన్న వ్యక్తిగా నటిస్తున్నాడన్న టాక్ వినిపిస్తోంది. అయితే ఈ విషయంపై చిత్రయూనిట్ ఇంతవరకు ఎలాంటి ప్రకటన చేయలేదు. తాజా ఉపాసన పోస్ట్ చూసిన అభిమానులు మాత్రం.. చరణ్ తను చేస్తున్న పాత్ర మూలంగానే దివ్యాంగులకు మరింత దగ్గరయ్యారని భావిస్తున్నారు.

Humbled by the love & affection from the children @ashrayakruti . Spread love & happiness this #holidayseason 😊 u’ll know very soon why Mr C is so attached to these differently abled children. #merrychristmas ☃️🎄#happyholidays #ramcharan pic.twitter.com/HNWt5pANNg

— Upasana Kamineni (@upasanakonidela) 22 December 2017