ఆలయ ఘటనలతో... ద్యావుడా!

ఆలయ ఘటనలతో... ద్యావుడా!

‘రేసుగుర్రం’ చిత్రంలో అల్లు అర్జున్‌ పలికిన ‘ద్యావుడా’ డైలాగ్‌ ఎంత పాపులర్‌ అయిందో తెలిసిందే. ఇప్పుడు అదే పేరుతో ఓ చిత్రం తెరకెక్కింది. భాను, శరత్, జై, అనూష, హరిణి, కారుణ్య ముఖ్య పాత్రల్లో సాయిరామ్‌ దాసరి దర్శకత్వంలో శాన్వీ క్రియేషన్స్, అమృత సాయి ఆర్ట్స్‌ పతాకాలపై హరికుమార్‌ రెడ్డి.జి నిర్మించిన చిత్రం ‘ద్యావుడా’. ఈ సినిమా టీజర్‌ను ప్రముఖ నిర్మాత రాజ్‌ కందుకూరి, లోగోను ‘హ్యాపీడేస్‌’, ‘వంగవీటి’ ఫేమ్‌ వంశీ ఆవిష్కరించారు. నిర్మాత మాట్లాడుతూ– ‘‘దైవాంశ పరమైన అంశంతో ముడిపడి ఉన్న చిత్రమిది. 

పోస్ట్‌ ప్రొడక్షన్ పనులు జరుగుతున్నాయి. త్వరలో సినిమా విడుదల చేస్తాం’’ అన్నారు. ‘‘విభిన్న కథా చిత్రమిది. ఇండియాలోని కొన్ని దేవాలయాల్లో జరిగిన సంఘటనలతో తెరకెక్కించాం. నటీనటులు కొత్తవారైనా బాగా చేశారు’’ అని దర్శకుడు చెప్పారు. ‘నాటుకోడి’ చిత్ర నిర్మాత బందరు బాబీ పాల్గొన్నారు. ఈ చిత్రానికి సంగీతం: ప్రజ్వల్‌ క్రిష్, కెమెరా: తరణ్‌. కె, సోను. కె.