ఆయన్ను చట్టపరంగా ఎదుర్కొంటా!

‘‘ఇండియాలో నేను లేని సమయం చూసి, నా భర్త ముఖేష్ మాధవన్ వేరే పెళ్లి చేసుకున్నాడు. నాకు విడాకులు ఇవ్వకుండా వేరే పెళ్లి ఎలా చేసుకుంటాడు? ఈ వార్త విని చాలా షాక్ అయ్యాను’’ అంటూ సీనియర్ నటి సరిత ఆవేదన వ్యక్తం చేశారు. ‘మరోచరిత్ర’తో కథానాయికగా ఓ ప్రత్యేకమైన స్థానాన్ని సంపాదించుకున్న సరిత ఆ తర్వాత పలు అద్భుతమైన పాత్రలు పోషించిన విషయం తెలిసిందే. కొంత విరామం తర్వాత కేరక్టర్ నటిగా మారి, ‘అర్జున్’లాంటి చిత్రాల్లో నటించారామె. ఇదిలా ఉంటే నటుడు ముఖేష్ మాధవన్‌తో ఆమె వివాహం 1988లో జరిగింది. వీరిద్దరి మధ్య మనస్పర్ధలు ఉన్నాయనే వార్తలు ప్రచారంలో ఉన్నాయి.