చర్లపల్లి జైల్లో మళ్లీ సెల్ ఫోన్లు, గంజాయి

హైదరాబాద్: చర్లపల్లి సెంట్రల్ జైల్లో ఓ ఖైదీ న్యాయవాదికి ఫోన్ చేసి... తనకు బెయిల్ ఇప్పించాలంటూ కోరిన విషయం సోమవారం ఓ టీవీ చానల్లో హల్చల్ చేసిన సంగతి తెలిసిందే. ఈ ఘటనతో జైళ్లశాఖ ఉన్నతాధికారులు చాలా ఆగ్రహంతో ఉన్నారు. ఈ నేపథ్యంలో చర్లపల్లి జైల్లో గత అర్థరాత్రి జైలు సిబ్బంది సమక్షంలో పోలీసు ఉన్నతాధికారులు తనిఖీలు నిర్వహించారు.

ఈ సందర్భంగా ఖైదీల వద్ద 6 సెల్ ఫోన్లతోపాటు 50 గ్రామలు గంజాయిని స్వాధీనం చేసుకున్నారు. అనంతరం ఖైదీల వద్దకు సెల్ఫోన్లు, గంజాయి ఎలా వెళ్లిందని ఉన్నతాధికారులు జైలు సిబ్బందిని ప్రశ్నిస్తున్నారు. దీంతో జైలు సిబ్బంది నీళ్లునముతున్నారు. దాంతో ఆగ్రహించిన ఉన్నతాధికారులు జైలు సిబ్బందిపై చర్యలకు సమయత్తమవుతున్నారు.