ఉపాధ్యాయులు నిత్య విద్యార్థులే

డీఈఓ దేవానంద్‌ రెడ్డి మాట్లాడుతూ ప్రైవేట్‌ స్కూల్స్‌కు దీటుగా మోడల్‌ స్కూల్స్‌ పనిచేయాలన్నారు. ప్రతి విద్యార్థి సొంతంగా ఆలోచించినపుడే ఆ మోడల్‌ స్కూల్‌పై తల్లిదండ్రులకు నమ్మకం కలుగుతుందని చెప్పారు. రాబోయే రోజుల్లో ప్రతి మోడల్‌ స్కూల్లో ఒక కంప్యూటర్, డిజిటల్‌ లేబ్‌ను తెప్పిస్తామన్నారు. 3, 4, 5 తరగతులకు ఒక్కో సబ్జెక్టు చొప్పున ఉపాధ్యాయుడు బోధించాలని పేర్కొన్నారు. సీఆర్పీలు ప్రతి వారం ఆ క్లస్టర్‌ పరిధిలో ఉన్న మోడల్‌ స్కూళ్లను సందర్శించాలని తెలిపారు. ఎంఈఓలు కూడా నెలకు రెండు మార్లు విజిట్‌ చేయాలని సూచించారు. మోడల్‌ స్కూల్‌ స్టేట్‌ కోఆర్డినేటర్‌ ప్రసాదరావు మాట్లాడుతూ ఒక్కో సబ్జెక్టును ఒక్కో ఉపాధ్యాయుడు మాత్రమే చెప్పాలన్నారు. చదువులో వెనుకబడిన విద్యార్థిపై ప్రత్యేకంగా దృష్టి పెట్టాలన్నారు. కార్యక్రమంలో డిప్యూటీ డీఈఓ ప్రభాకర్‌ రావు, పాలకొండ డిప్యూటీ డీఈఓ వెంకట్రావు ఎంఈవోలు, హెచ్‌ఎంలు తదితరులు పాల్గొన్నారు.