TV
కృష్ణాజిల్లా కంచికచర్ల మండలం పరిటాల వద్ద మంగళవారం ఆటో అదుపు తప్పి బోల్తా పడింది.
విజయవాడ : కృష్ణాజిల్లా కంచికచర్ల మండలం పరిటాల వద్ద మంగళవారం ఆటో అదుపు తప్పి బోల్తా పడింది. ఈ ఘటనలో ప్రైవేటు స్కూలుకు చెందిన ఎనిమిది మంది విద్యార్థులు గాయపడ్డారు. స్థానికులు వెంటనే స్పందించి గాయపడిన విద్యార్థులను చికిత్స నిమిత్తం కంచికచర్లలోని ఆసుపత్రికి తరలించారు.
ఈ ఘటనపై సమాచారం అందుకున్న పోలీసులు సంఘటన స్థలానికి చేరుకుని... ఆటో డ్రైవర్ను అదుపులోకి తీసుకున్నారు. పోలీసులు కేసు నమోదు చేసి దర్యాప్తు చేస్తున్నారు. ప్రమాదం జరిగిన సమయంలో ఆటోలో 22 మంది విద్యార్థులు ఉన్నారని ప్రత్యక్ష సాక్షులు తెలిపారు.
