జాతీయ పవర్‌లిఫ్టింగ్‌ పోటీలకు రాఘవేందర్‌

శంషాబాద్‌ రూరల్‌: సెప్టెంబరు 7న జంషెడ్‌పూర్‌లో జరుగనున్న ఆల్‌ ఇండియా సీనియర్‌ నేషనల్‌ పవర్‌ లిఫ్టింగ్‌ పోటీలకు గొల్లపల్లికి చెందిన రాఘవేందర్‌గౌడ్‌ ఎంపికయ్యారు. తెలంగాణ స్టేట్‌ పవర్‌ లిఫ్టింగ్‌ అసోసియేషన్‌ ఆధ్వర్యంలో ఈ నెల 7న హైదరాబాద్‌లో నిర్వహించిన పోటీల్లో రాఘవేందర్‌ గోల్డ్‌మెడల్‌తో పాటు ‘స్ట్రాంగ్‌మన్‌ ఆఫ్‌ తెలంగాణ స్టేట్‌’లో విజేతగా నిలిచాడు. దీంతో అతడిని ఆల్‌ ఇండియా సీనియర్‌ నేషనల్‌ పవర్‌ లిఫ్టింగ్‌ పోటీలకు ఎంపిక చేశారు. 105 కేజీల విభాగంలో పాల్గొన్న రాఘవేందర్‌ తన కేరీరీలోనే మొదటిసారి 890 కేజీలు ఎత్తి అత్యుత్తమ ప్రతిభ కనబర్చాడు. ఈ సందర్భంగా రాఘవేందర్‌ మాట్లాడుతూ తనను ప్రోత్సహిస్తున్న మైహోం ఎండీ.జగపతిరావుకు కృతజ్ఞతలు తెలిపారు.