TV
సాక్షి, కావలి: కన్న కూతురిపై లైంగిక దాడికి పాల్పడి గర్భవతిని చేశాడు ఓ కామాంధ తండ్రి. పోలీసుల కథనం మేరకు జలదంకి మండలం బ్రాహ్మణక్రాక పంచాయతీలోని హనుమకొండపాళెం గ్రామానికి చెందిన కర్ర బాలరాజు బేల్దారి పనులు చేస్తుంటాడు. అతడికి భార్య, కుమారుడు ఉన్నారు. భార్య అనారోగ్యానికి గురి కావడంతో మరో మహిళను రెండో వివాహం చేసుకున్నాడు. ఆమెకు ఒక అబ్బాయి, అమ్మాయి సంతానం కలిగారు. రెండో భార్య సంతానంలోని ఓ బాలిక పదో తరగతి చదువుతోంది. ఆ బాలికపై గత మే నెల నుంచి బలవంతంగా కామవాంఛను తీర్చుకుంటున్నాడు. ఈ విషయాన్ని బాలిక కుటుంబ సభ్యులు దాచిపెట్టారు. బాలిక అస్వస్థతకు గురికావడంతో సోమవారం కావలిలోని ప్రభుత్వ ఏరియా ఆస్పత్రికి తీసుకెళ్లారు. డాక్టర్లు వైద్య పరీక్షలు చేసి ఆరు వారాలు గర్భిణి అని నిర్ధారించారు.
విషయం పోలీసులకు తెలియడంతో కావలి డీఎస్పీ డి.ప్రసాద్‌ నేతృత్వంలోని పోలీసుల బృందం ఆస్పత్రికి చేరుకొంది. అప్పటి వరకు ఆస్పత్రిలోనే ఉన్న బాలిక తండ్రి బాలరాజు అక్కడ నుంచి పారిపోయాడు. బాలిక కుటుంబ సభ్యులను విచారించగా, బహిర్భూమికి వెళ్లినప్పుడు గుర్తు తెలియని వ్యక్తులు అత్యాచారానికి పాల్పడ్డారని పొంతన లేని సమాధానాలు చెప్పసాగారు. దీంతో పోలీసులు బాలిక తండ్రి గురించి ఆరా తీశారు. అతను అక్కడి నుంచి జారుకున్నట్లు నిర్ధారించుకున్నారు. పోలీసులు తమదైన శైలిలో బాలిక కుటుంబీకులను విచారించడంతో తండ్రే బాలికను గర్భవతిని చేయడంతో, అబార్షన్‌ చేయించడానికి ఆస్పత్రికి వచ్చినట్లు చెప్పారు. బాలరాజు చెన్నైలో బేల్దారి పనులు చేస్తున్నందున అక్కడికి పారిపోయి ఉంటాడని పోలీసులు గాలిస్తున్నారు.
