రాంకీ ఇన్ఫ్రా లాభం రూ. 174 కోట్లు

న్యూఢిల్లీ: ఆదాయాలు మెరుగుపడటంతో గత ఆర్థిక సంవత్సరం నాలుగో త్రైమాసికంలో మౌలిక రంగ సంస్థ రాంకీ ఇన్‌ఫ్రాస్ట్రక్చర్ రూ. 174 కోట్ల నికర లాభం (స్టాండెలోన్) ప్రకటించింది. అంతక్రితం క్యూ4లో కంపెనీ రూ. 83 కోట్ల మేర నష్టం ప్రకటించింది. మరోవైపు, సమీక్షా కాలంలో ఆదాయం రూ. 336 కోట్ల నుంచి ఏకంగా రూ. 867 కోట్లకు ఎగిసింది. అటు పూర్తి  ఏడాదిగాను ఆదాయం రూ. 1,086 కోట్ల నుంచి రూ. 1,793 కోట్లకు పెరగ్గా లాభం రూ. 12 కోట్లుగా నమోదైంది. 2015-16లో కంపెనీ రూ. 445 కోట్ల నష్టం ప్రకటించింది. నిర్మాణ రంగ వ్యాపార విభాగం ఆదాయం రూ. 1,224 కోట్ల నుంచి రూ. 1837 కోట్లకు, డెవలపర్ వ్యాపార విభాగం రూ. 608 కోట్ల నుంచి రూ. 1,015 కోట్లకు ఎగిసింది.